AL7AYAH: فودافون السكايار

.....أكثر من قول لا حول ولا قوة إلا بالله العلي العظيم,فإنها كنزمن كنوز الجنة..حديث صحيح......,ما أسفل الكعبين من الإزار فهو في النار..رواه البخاري والنسائي..,يا رسول الله أنهلك وفينا الصالحون؟؟..قال نعم ,إذا كثر الخبث (متفق عليه)..,الوالد أوسط أبواب الجنة..فإن شئت فأضع هذا الباب أو احفظه...,لا يدخل الجنة قاطع ..أي قاطع رحم..(متفق عليه)...,الحياء شعبةمن الايمان ..حديث صحيح..آية الإيمان حب الأنصار..وأية النفاق بغض الأنصار..(رواه البخاري)..من أشار إلي أخيه بحديدة فإن الملائكة تلعنه حتي ينتهي (رواه مسلم)...,سباب المسلم فسوق وقتاله كفر ..(متفق عليه)...,بحسب امرئٍ من الشر أن يحقر أخاه المسلم..(رواه البخاري ومسلم وأصحاب السنن)..ما تواضع أحد لله إلا رفعه ,وما زاد الله عبدا بعفوٍ إلا عزاً...,وتجد شر الناس ذا الوجهين..,الذي يأتي هؤلاء بوجه..وهؤلاء بوجه..(رواه البخاري ومسلم ومالك)...,ذمة المسلمين واحدة ,يسعي بها إدناهم.فمن أخفر مسلما فعليه لعنة الله والملائكة والناس أجمعين.لا يقبل الله منه يوم القيامة عدلاً ولا صرفاً..(رواه مسلم وغيره)...لو أنكم تتوكلون علي الله حق التوكل...لرزقكم كما يرزق الطير..تغدو خماصاً وتروح بطاناً..(رواه أحمد وصححه الألباني)....,إن الله تعالي يبسط يده بالليل ليتوب مسئ النهار..,ويبسط يده بالنهار ليتوب مسئ الليل..حتي تطلع الشمس من مغربها ...(رواه مسلم)...يقول الله-عزوجل- أخرجوا من النار من ذكرني يوماً أو خافني في مقام..رواه البيهقي والترمذي..وقال حديث حسن.....اتقوا الله..وصلوا خمسكم,وصوموا شهركم,وأدوا زكاة أموالكم,وأطيعوا أمراءكم..تدخلوا جنة ربكم..رواه الترمذي..وقال حديث حسن صحيح....,« . . . وهل يكب الناس على وجوههم أو على مناخرهم إلا حصائد ألسنتهم » [رواه الترمذي]....,« إن العبد ليتكلم بالكلمة ما يتبين فيها، يزل بها إلى النار أبعد مما بين المشرق والمغرب » [متفق عليه]....,«اللهم إني أسألك فعل الخيرات وترك المنكرات وحب المساكين،وإذا أردت في الناس فتنة فاقبضني إليك غير مفتون» أخرجه مالك والترمذي..,«ما من مسلم يصيبه أذى, من مرض فما سواه إلا حط الله به سيئاته كما تحط الشجرة ورقها» أخرجه البخاري ومسلم..,«لا يموتن أحدكم إلا وهو يحسن الظن بالله» أخرجه البخاري ومسلم...,«أعذر الله إلى امرئ أخر أجله حتى بلغ ستين سنة» أخرجه البخاري. أي لم يبق عذر لمن بلغ الستين من العمر...,«لا تقوم الساعة حتى تخرج نار من أرض الحجاز تضيء أعناق الإبل ببصرى» أخرجه البخاري ومسلم...,«يقبض الله الأرض يوم القيامة, ويطوي السماء بيمينه, ثم يقول: أنا الملك أين ملوك الأرض» أخرجه البخاري ومسلم...,«ما من صباح إلا وملكان يقولان: يا طالب الخير أقبل, ويا طالب الشر أقصر, وملكان موكلان يقولان: اللهم أعط منفقاً خلفاً, وأعط ممسكاً تلفاً» أخرجه البخاري مختصراً وأحمد..,إذا أراد الله بقوم عذاباً أصاب العذاب من كان فيهم, ثم بعثوا على نياتهم» أخرجه البخاري ومسلم..,« أول ما يقضى بين الناس يوم القيامة في الدماء» أخرجه البخاري ومسلم والنسائي والترمذي..,مثل الصلوات الخمس كمثل نهر جار غمر على باب أحدكم يغتسل منه كل يوم خمس مرات> رَوَاهُ مُسلِمٌ...,يتعاقبون فيكم ملائكة بالليل وملائكة بالنهار، ويجتمعون في صلاة الصبح وصلاة العصر، ثم يعرج الذين باتوا فيكم فيسألهم وهو أعلم بهم: كيف تركتم عبادي؟ فيقولون: تركناهم وهم يصلون وأتيناهم وهم يصلون> مُتَّفَقٌ عَلَيهِ...,من غدا إلى...,بشروا المشائين في الظلم إلى المساجد بالنور التام يوم القيامة> رَوَاهُ أبُو دَاوُدَ وَالتِّرمِذِيُّ...,من شهد العشاء في جماعة كان له قيام نصف ليلة، ومن صلى العشاء والفجر في جماعة كان له كقيام ليلة> قال الترمذي حديث حسن صحيح....,إن بين الرجل وبين الشرك والكفر ترك الصلاة> رَوَاهُ مُسلِمٌ...,إن أول ما يحاسب به العبد يوم القيامة من عمله صلاته، فإن صلحت فقد أفلح وأنجح، وإن فسدت فقد خاب وخسر، فإن انتقص من فريضته شيئاً قال الرب عز وجل: انظروا هل لعبدي من تطوع فيكمل بها ما انتقص من الفريضة؟ ثم تكون سائر أعماله على هذا> رَوَاهُ التِّرمِذِيُّ وَقَالَ حَدِيثٌ حَسَنٌ...,خير صفوف الرجال أولها وشرها آخرها. وخير صفوف النساء آخرها وشرها أولها> رَوَاهُ مُسلِمٌ...,أقيموا الصفوف، وحاذوا بين المناكب، وسدوا الخلل، ولينوا بأيدي إخوانكم، ولا تذروا فرجات للشيطان، ومن وصل صفاً وصله اللَّه، ومن قطع صفاً قطعه اللَّه> رَوَاهُ أبُو دَاوُدَ بإسناد صحيح....,عن عائشة رَضِيَ اللَّهُ عَنها أن النبي صَلَّى اللَّهُ عَلَيهِ وَسَلَّم كان لا يدع أربعاً قبل الظهر، وركعتين قبل الغداة. رَوَاهُ البُخَارِيُّ...,عن ابن عمر رَضِيَ اللَّهُ عَنهُما أنهما سمعا رَسُول اللَّهِ صَلَّى اللَّهُ عَلَيهِ وَسَلَّم يقول على أعواد منبره: <لينتهين أقوام عن ودعهم الجمعات أو ليختمن اللَّه على قلوبهم ثم ليكونن من الغافلين> رَوَاهُ مُسلِمٌ...,إذا دخل أهل الجنة الجنة يقول اللَّه تبارك وتعالى: تريدون شيئاً أزيدكم؟ فيقولون: ألم تبيض وجوهنا؟ ألم تدخلنا الجنة، وتنجنا من النار؟ فيكشف الحجاب، فما أعطوا شيئاً أحب إليهم من النظر إلى ربهم> رَوَاهُ مُسْلِمٌ...,إن في الجنة شجرة يسير الراكب الجواد المضمَّر السريع مائة سنة ما يقطعها> مُتَّفَقٌ عَلَيْهِ...,قال اللَّه تعالى: يا ابن آدم إنك ما دعوتني ورجوتني غفرت لك على ما كان منك ولا أبالي، يا ابن آدم لو بلغت ذنوبك عنان السماء ثم استغفرتني غفرت لك ولا أبالي، يا ابن آدم إنك لو أتيتني بقراب الأرض خطايا ثم لقيتني لا تشرك بي شيئاً لأتيتك بقرابها مغفرة> رَوَاهُ الْتِّرْمِذِيُّ وَقَالَ حَدِيْثٌ حَسَنٌ...,لا تخصوا ليلة الجمعة بقيام من بين الليالي، ولا تخصوا يوم الجمعة بصيام من بين الأيام إلا أن يكون في صوم يصومه أحدكم> رَوَاهُ مُسْلِمٌ.....,لا صلاة بحضرة طعام، ولا هو يدافعه الأخبثان> رَوَاهُ مُسْلِمٌ....,: <إذا دعا الرجل امرأته إلى فراشه فأبت فبات غضبان عليها لعنتها الملائكة حتى تصبح> مُتَّفَقٌ عَلَيْهِ....,لا تباشر المرأة المرأة فتصفها لزوجها كأنه ينظر إليها> مُتَّفَقٌ عَلَيْهِ.....,لا تسموا العنب الكرم؛ فإن الكرم المسلم> مُتَّفَقٌ عَلَيْهِ، وهذا لفظ مسلم....,(من أحدث في أمرنا هـذا مـا لـيـس مـنه فهـو رد ). متفق عليه...,عن أبـي رقــيـة تمـيم بن أوس الـداري رضي الله عنه ، أن النبي صلى الله عـليه وسـلم قـال :( الـديـن النصيحة )....,ما نهيتكم عنه فاجتنبوه ، وما أمرتكم به فأتوا منه ما استطعتم ، فإنما أهلك الذين من قبلكم كثرة مسائلهم واختلافهم على انبيائهم ). رواه البخاري ومسلم....,( دع ما يـريـبـك إلى ما لا يـريـبـك ).رواه النسائي والترمذي وقال حديث حسن صحيح...,( من حسن إسلام المرء تركه ما لا يعـنيه ) .حديث حسن ، رواه الترمذي وابن ماجه....,( لا يحل دم امرىء مسلم [ يشهد أن لا إله إلا الله ، وأني رسول الله ] إلا بـإحـدي ثـلاث : الـثـيـب الــزاني ، والـنـفـس بـالنفس ، والـتـارك لـد يـنـه الـمـفـارق للـجـمـاعـة ).متفق عليه..,( اتـق الله حيثما كنت ، وأتبع السيئة الحسنة تمحها ، وخالق الناس بخـلـق حـسـن ).رواه الترمذي وقال : حديث حسن ، وفي بعض النسخ : حسن صحيح ..,عـن أبي العـباس عـبد الله بن عـباس رضي الله عـنهما ، قــال : كـنت خـلـف النبي صلي الله عـليه وسلم يـوما ، فـقـال : ( يـا غـلام ! إني اعـلمك كــلمات : احـفـظ الله يـحـفـظـك ، احـفـظ الله تجده تجاهـك ، إذا سـألت فـاسأل الله ، وإذا اسـتعـنت فـاسـتـعـن بالله ، واعـلم أن الأمـة لـو اجـتمـعـت عـلى أن يـنـفـعـوك بشيء لم يـنـفـعـوك إلا بشيء قـد كـتـبـه الله لك ، وإن اجتمعـوا عـلى أن يـضـروك بشيء لـم يـضـروك إلا بشيء قـد كـتـبـه الله عـلـيـك ؛ رفـعـت الأقــلام ، وجـفـت الـصـحـف ).رواه الترمذي [وقال : حديث حسن صحيح إن مما أدرك الناس من كلام النبوة الأولى : إذا لم تستح فاصنع ما شئت ).رواه البخاري ...,( الطهور شطر الإيمان ، والحمد لله تملأ الميزان ، وسبحان الله والحمد لله تملأن – أو : تملأ – ما بين السماء والأرض ، والصلاة نور ، والصدقة برهان ، والصبر ضياء ، والقرآن حجة لك أو عليك ؛ كل الناس يغدو ، فبائع نفسه فمعتقها ، أو موبقها ..رواه مسلم ...,كل سلامى من الناس عليه صدقة كل يوم تطلع فيه الشمس تعدل بين اثنين صدقة ، وتعين الرجل فى دابته فتحمله عليها أو ترفع له عليها متاعة صدقة ، والكلمة الطيبة صدقة ، وبكل خطوة تمشيها إلي الصلاة صدقة ، وتميط الأذي عن الطريق صدقة ).رواه البخاري ومسلم...,: ( من رأى منكم منكرًا فلغيره بيده ، فإن لم يستطع فبلسانه ، فإن لم يستطع فبقلبه ، وذلك أضعـف الإيمان ).رواه مسلم ...,( لا تحاسدوا ، ولا تناجشوا ، ولا تباغضوا ، ولا تدابروا ، ولا يبع بعضكم على بيع بعض ، وكونوا عباد الله إخوانا ، المسلم خو المسلم ، لا يظلمه ولا يخذله ، ولا يكذبه ، ولا يحقره ، التقوى ها هنا ) ويشير صلى الله عليه وسلم إلى صدره ثلاث مرات – ( بحسب امرىء أن يحقر أخاه المسلم ، كل المسلم على المسلم حرام : دمه وماله وعرضه ).رواه مسلم ...,( إن الله تعالى كتب الحسنات والسيئات ، ثم بين ذلك ، فمن هم بحسنة فلم يعملها كتبها الله عنده حسنة كاملة ، وإن هم بها فعملها كتبها الله تعالى عنده عشر حسنات إلى سبعمائة ضعف إلى أضعاف كثيرة ، وإن هم بسيئة فلم يعملها كتبها الله عنده حسنة كاملة ، وإن هم بها فعملها كتبها الله عنده سيئة واحدة ).رواه البخاري ومسلم...,( كن في الدنيا كـأنـك غـريـب أو عـابـر سبـيـل ).وكـان ابـن عـمـر رضي الله عـنهـما يقول : إذا أمسيت فلا تـنـتـظـر الصباح ، وإذا أصبحت فلا تـنـتـظـر المساء ، وخذ من صحـتـك لـمـرضـك ، ومن حـياتـك لـمـوتـك ...رواه البخاري ...,( لا يؤمن أحدكم حتي يكون هواه تبعا لما جئت به ..حديث حسن صحيح ...,..سبحانك اللهم وبحمدك أشهد أن لا إله إلا أنت ..أستغفرك وأتوب إليك

Wednesday, April 11, 2007

فودافون السكايار

أيوة ممكن نصحى من النوووم الصبح نلاقي نظام جديد فـ فودافون اسمه فودافون السكايار.... أو سكايار السوبر
إيه الحكاية بالظبط ؟؟؟؟ شكلك اشتغلت فـ فودافون يا واد يا كيكو؟؟؟؟ ماشي يا عم ... صلاحية ببلاش ... ومسدجات للصبح
والله يا جماعة الموضوع أبسط من ذلك بكثير
خرجت امبارح من الشغل الساعة 9 مساءًا ... وكان فيه بيني وبين أخويا ميعاد ... لكن لإن أخويا لسه ما وصلش ... قلت أتمشى شوية لحد ما يرنلي وأروحله
دخلت شارع ... يتميز بالهدوء والسكينة ... وموطنه الأصلي آسيا... وبرضه يتميز بالظلام
المشهد فيه بنت ماشية فـ الشارع ... وبتتكلم فـ الموبايل ... " أبو موماري" على رأي واحد سواق تاكسي ...وإذ فجاءة ... وبعد غياب ... يظهر الولد الحرامي المتشرد اللي بنشوفه فــ الأفلام ... جه الواد وشد الموبايل من إيد البنت ... البنت بتصوت ... الولد زق البنت ... خبطت فــ العمود ... وقعت ع الأرض
العبد لله كان هوه اللي فـ المقابل ... لحظة ثقة ... ثم ... ثم انقضاضة ع الحرامي ... شديته من التي شيرت اللي لابسه ...لكن للأسف ... التي شيرت اتقطع نصين ... ما كنتش أعرف إني بالقوة دي بصراحة...وكده حسيت إن المصيبة بقت اتنين ... يعني وقفته وهوه بيسرق ... وكمان قطعتله هدومه .... ياخرابااااااااااااي ... ده أنا هتقطع النهاردة ... هيه ليلة باينة من أولها
المهم الولد كان المهم عنده فـ الوقت ده الموبايل ... فمهتمش بالتي شيرت ونط مني وطلع جري.... عربية معدية ... الواد اللي سايقها فتح الباب علشان يخبطه ... الواد اتكعبل فـ الباب ... وبرضه كمل جري... وفجأة انقلب الشارع الذي يتميز بالسكون والهدوء ... إلى شارع يكتظ بالشباب ... أبو قلب جريء ....والغريبة إن الواد مسكوه خمسة ... وبرضه نط من وسطهم ... مش عارف مربيين قرد ولا إيه ... العبقرية بتقول إن الولد يتمسك والموبايل يرجع لصاحبته والولد يتسلم للبوليس .... لكن لما الولد يتمسك والموبايل يروح لصاحبته ... ويقولوا للواد يلا امشي من هنا .... يبقى فيه عبط فـ المنطقة
أنا قلت بصراحة ... البنت هتفتكر الولد أبو عيون خضرا اللي كان أول واحد يوقف الحرامي ... لكن ولا عبرت أهلي بكلمة ... وأنا أكيد مش مستني حاجة مقابل اللي عملته ... على الرغم من إني ما عملتش حاجة.... لكن المشكلة إن الحرامي كان أوفى من البنت
آه والله .... رجع ورايا ... أكيد مش علشان يشكرني ... هوه أخيرا ضاع الموبايل ... ففقاق للتي شيرت اللي اتقطع بسببي ...وهوه ماشي طلع المطواة من جيبه ... طبيعي الناس خافت ... لكن أنا قلت مافيش فايدة امشي يا واد عادي ... وطنش خاااالث ... هيحصل إيه يعني لو ضربك بالمطواة ... هتموت؟؟؟ مفيش مشكلة أنا راضي عن نفسي إني أموت كده ...ممكن أبقى شهيد ... مفيش مشاكل ... وقعدت أفتكر بقى الناس اللي بقالي كام يوم بتفرج عليهم فـ العاشرة مساء والقاهرة اليوم ... الظابط اللي أنقذ البنت من الاختطاف واتقتل ... والمدرس اللي أنقذ البنت من الغرق ...وغرق هوه ... واحد اترقى فـ الرتبة ... والتاني عملوا قاعة الصحافة المدرسية باسمه ... أما أنا فلو اتقتلت ... يا ترى هيعملوا إيه معايا ... فبعد نظرة بعيدة قلت ... فودافون هتنزل نظام جديد وتسميه فودافون السكايار ... بما إني اتقتلت فـ حادثة موبايل
بعد كل ده لقيت الولد راجع بيسأل ناس فـ محل ف نفس الشارع عن تي شيرت أو حاجة يلبسها علشان هدومه اتقطعت ... وطبعا الناس لاحظوا إنه معاه مطواة ... وقاعد يبص عليا وأنا ماشي ومطنش ... فعطلوه لحد ما أنا خلعت ومشيت
وللأسف ...فودافون بعتت جواب اعتذار إنها مش هتقدر تعمل نظام بإسمي ... لإني ما اتقتلتش فـ حادثة الموبايل ... وبالتالي يبقى ماليش حق التكريم إلا بعد ما أموت فـ حادثة دفاع عن موبايل
يا ترى تعمل إيه لو صحيت م النووم لقيت نفسك معرض لموقف زي ده فـ الشارع ... علمًا بإني ما أقصدش إنك بتنام فـ الشارع يعني

22 comments:

Anonymous said...: ايه ده .. ايه الاشتغالات دى
بس بجد كنت هازعل عليك اوى و انقهر و اقول مين اللى يكمل سلسله اصح صحصح فوق و الله كنا هنفتقد دور المسحراتى
ده تعليق ع الماشى كده لحد ما اظبطك فى واحتاد نى
عاشق الروح و مكسل اسجل نفسى; April 12, 2007 at 6:58 PM
Anonymous said...: ههههههههههههههههههه
بجد والله موضوع جاامد جدا
هو حقيقي ولو كنت لسه ماصحتيش من النوم ودي اشتغاله
وبعدن فودافون السكايار دي جميل اوي
بص الموضوع تتطور عندك اوي وعملت نفسك شهيد وهتطلع في العاشره بس هو في سوال كانت ايه اللي منى الشاذلي هتقولها قبل ماتقدم موضوعك كان مثلا
رجل ضحى بنفسه من اجل موبايل الاخرين
من اجل سمعه شركه نهبه فلوس المواطنين
من اجل الشهامه التي لم تفيد الا بضياع شباب في مقتبل العمر
ننقل لكم هذا التقرير
دا كان تخيلي للمقدمه بس اشتغاله حلوه اوي; April 12, 2007 at 6:59 PM
Anonymous said...: سكايار النجم
ايه الاجرام ده كله
وربنا تحفة

معتش في حاجة بتعمل أي حاجة
ولا حتى عينين خضرا
بس أنا زعلان م البت دي
كان عندي أمل تنطق
سيبك م الناس والحرامي
الواحد يحس ان في حاجة عدلة حصلت
حتى لو ده المفروض والواجب
مشكرين
الاهي ماتنضام
أي بق من دول

بس مفيش فايدة
لو كنت مت كان زمان
أهلك متشردين في التعوبضات
وانت شكلك وائل ابراشي مش أكتر
هيناحوا ع الفاضي; April 12, 2007 at 7:00 PM
sakayar said...: حلاوة
وائل الابراشي؟؟؟؟؟
ده أنا كنت مت بالسكتة القلبية; April 12, 2007 at 7:01 PM
Anonymous said...: أنا شخصيا شايف الموضوع عادي جدا
لأنك مش معاك موبايل من أبو "موموري" -ودي قراءة السواق بتاعي وهي معاها موبايل بموموري
وزي ما أنت عارف كويس "الناس طبقات"
فكان الوضع الطبيعي جدا إنها تشكر أي شاب من الشباب اللي ساهموا في القبض على القرد -قصدي الحرامي- بشرط إنه يكون من طبقتها اللي هي طبقة الموموري
غلطتك الوحيدة إنك أنقذت واحدة من الطبقة الغلط، واسمحلي أصارجك بالحقيقة
إنت من طبقة الجيل الأول للمحمول; April 12, 2007 at 7:48 PM
sakayar said...: آخ يا وااااطي; April 12, 2007 at 7:50 PM
MaMaDo said...: ههههههههههههههههه
لا بجد جامد اوى البوست ده
حتى لو كان اشتغاله برده جامد
بس انا كنت عايز اعرف
هو لو كان فى فودافون سكايار
الدقيقه هتكون بكام عشان اشترك فيه
.........
مع السلامو عليكو بقى; April 13, 2007 at 3:50 AM
Unknown said...: بص بقه يا ابو عينين خضرا انا عندى كام سؤال الاول البنت دى كانت حلوة ولا اخت فاضلة ثانيا ال تى شيرت اللى اتقطع نصين ده بفلوس ولا لاءوبعدين حرام نقطع للناس هدومها و بعدين ما ادراك ما جايز كانت البنت سارقة الموبايل ده و مش بناعها اصلا وبعدين وده الاهم اخوك مواعيده بايظة ليه و مش بييجى ف مواعيده وبلاش مواقف صعبة زى دى عيب على اخوك يا
رااجل.
اخيرا انا شايف ان المفروض ينزل نظام اسمه أخو ساكايار السحرى عشان هو السبب لولا تأخيره...تمت; April 13, 2007 at 4:14 AM
الخيط الرفيع said...: هههههههههههههه
بجد موضوع تحفة
والاسلوب جامد ويشد وهيكون
الاسلوب دا أجمل اسلوب في جوانا جنه; April 14, 2007 at 4:52 AM
كائن نورانى said...: يا سلامو عليكو

ربنا يخليك لفودافون وموبينيل وشركة اتصالات الجديدة كمان

ياحـــــــــامى موبايلات مصر من النشالين

بجد الاسلوب فوق الفظيع

والحمدلله انها عدت على خير

والمطوة ما شفتش شغلها مع حضرتك

اما بالنسبة للتى شيرت متخفش اكيد سلك غيره واكيد كمان جابه المرة دى بمومورى

ربنا معاك ومعانا فى جوانا ويارب نبدع فيها ان شاء الله

سلاموتو; April 14, 2007 at 10:43 PM
Menas said...: ايد ده دا انا
هو نا اقدر ما اعلقش على موضوعك يا باشا
ودي تيجى
بجد موضوعجديد
ديما تكتلا مواضيع فيها فكرة جديده
بس
بجد الشهامة لسه موجوده

انما انا ليه عتاب
ازاى متشتريش تي شرت تانى للحرامى
ده يصح
اذا كان الناس سبوه

ما هى هى دى السلبيه
مش معنى انهم رجعوا الموبيل للبنت وده بفضلك طبعا طبعا

انهم يسبوه يعنى هما كده حلو الحكايه ما اللى حصل مع البنت دى هيحصل مع غيها اكيد ومن نفس الشخص
ايه اللى هيمنعه يعنى

ماشى يا عم الشهيد هو حد يكره يموت شهد
وعملتلنا فيلم وكتبت كمان السيناريو وخليت نفسك البطل كل ده
عشان موبيل بموموري
ده (لاتحسد)
بتاعة جيل المحمول الاول; April 15, 2007 at 4:36 AM
Anonymous said...: عاشق
إيه ده إيه اللي اشتغالة دي ... هوه انت مصاحب منبه وأنا معرفش؟
معلش مكسل أمضي; April 15, 2007 at 7:24 PM
sakayar said...: onetruething
والله حصل بجد ... وحلوة المقدمة بتاعة العاشرة مساءًا دي ...لكن أناعندي تصور لمقدمة عمرو أديب هيبدأ ويقول
يا ترى حضرتك أو حضرتك .. موبايلك خط ..و لا كارت؟؟ ويا ترى لو معاك موبايل من أبو موماري على راي سواق التاكسي إياه ... هتمشي تتكلم بيه عادي فـ الشارع فـ وسط الحرامية وقطاعين الطرق؟؟؟
أنا قرفت م الستات وبلاويهم ... ده كلام عمرو لسه ... من كام يوم الراجل الظابط الشهم اتقتل علشان أنقذ البنت من الاختطاف ... وبعد كام يوم تانيين .. المدرس الشهم غرق علشان ينقذ البنت من الغرق .... والنهاردة الولد الشهم اتقتل علشان يدافع عن موبايل البنت اللي ماشية فـ شارع ضلمة لوحدها وأنقذها من حادث السرقة وبرضه اتقتل... إيييه ... هوه فيه إيييه بقى يا ستات وبنات مصر ... ما تتلموا فـ بيوتكم بقى قرفتونا... أنا خايف بكرة وأنا جاي الاستوديو آجي أذيع فـ الحلقة وأدافع عن واحدة دفعت خمسة جنيه للتاكسي وهو يستحق 4.5 ألاقي سواق التاكسي داخل الاستوديو ويضربني بالعربية ... كفاية كده ... أنا بنادي رجال وشباب وشيوخ مصر ... لا تدافعوا عن النساء ... أكيد دي خطة مدبرة منهم علشان يخلونا مخلوقات منقرضة زي الديناصورات
انتهى كلام عمرو أديب; April 15, 2007 at 7:33 PM
sakayar said...: Mamado
شرفت يا باشا بلوجتك
الدقيقة من فودافون السكايار لفودافون السكايار هتبقى ببلاش والشركة اللي هتدفع لكو فلوس

NEW IMAGE
فعلا ... فودافون أخو السكايار...التي شيرت اللي كان لابسه قاللي كده قطعت التي شيرت اللي أنا سارقه ... يعني التي شيرت مسروق ... والبنت ما ييتبصلهاش علشان كده أنا مزعلتش ... وانت عارف سكايار ... مش هينقذ أخت فاضلة أساسا ... خليهم يتلمو ويقعدوا فـ بيوتهم; April 15, 2007 at 7:48 PM
sakayar said...: الخيط الرفيع

عايزاني أكتب يا خراباااي وهيه ليلة باينة من أولها فـ جوانا جنة؟؟ تصدقي حلو ... وهبقى أقول شوف يلا انت وهوه صلاة الضهر بتنضرب ف ـ دقيقتين يبقى مكسلين ليه عنها قشطة يا شباب ننزل نصلي بقى فـ جوامع ربنا
إيه رأيك ؟؟؟ أنا بهزر اوعي تزعلي انتي زي والدتي برضه ... والله يا شيخة ما تزعلي

كائن نوراني
أهوه ده بقى الأسلوب اللي ينفع فـ جوانا روح ... سلك تي شيرت ... ههههه
والله أنا عامل دماغ عالية أوي النهاردة بقش كابتشينو بالموز ..فقلت آجي أرد; April 15, 2007 at 7:54 PM
sakayar said...: ميناس

طبعا الشهامة لسه موجودة ... ده إذا ذكرت الشهامة .. ذكر فرج .. ولا إيه ؟؟
سيادتك متغيبة عن البلوجات بقالك فترة ليييه؟؟؟
أما بالنسبة للتيشيرت فـ والله كنت لابس جاكت على القميص وكنت رايح أقلع الجاكت وأعطيهوله ... بس افتكرت كلمة عاشق ... دي مش رحمة دي سذاجة .. أو تقريبا كلمتي ... الرحمة الساذجة; April 15, 2007 at 7:56 PM
Anonymous said...: ده أنا قديمه قوي
بس والله حاسه اني خسرانه اني مقريتش الموضوع ده الا النهارده
اول مره شفته كان ورايا كلية ونزلت جرررررررررى

بس تعالى هنا
ايه الدماغ دي ؟؟
رايق قوي وانت وراك واحد ماسك مطوة ولسه بتفكر
هههههههههههههههههههههههههه
(بطلع لساني)

الحقيقة اللحظات دي بتبقى لحظة حقيقة
المراية اللى عاشق كان بيتكلم عنها هتبقى قدامك ساعتها
مش هتفكر ولا هتنفذ غير اللى جواك فعلا

ربنا يثبتك ديما ياسكايار
والله موضوع رائع; April 16, 2007 at 3:51 AM
أخف دم said...: عدنااااااااا
سكايار باشا آسف على الغياب بس الظروف منعتنى من زيارة بلوجك الكريم
وإيه المواقف الجامدة دى يا عم ؟ أنا لو مكانك والواد كان معاه مطواة كنت جريت عليه ووقفته وقلتله حضرتك اتفضل موبايلى كمان ..
هوه العمر بعزقة يا عم وبعدين شهيد إيه اللى انت بتحلم بيه ؟ هوه ربنا قادر على كل شيء طبعا بس برضه ما تروح تستشهد فى حتة تستاهل مش عشان واحدة عنيها خضرا
قوللى بالحق .. البنت دى بتقف فين تحديدا وف شارع ايه؟; April 17, 2007 at 10:35 AM
sakayar said...: ده كتير عليا يا ولا الكلام ده
كل الناس دي عندي؟؟؟؟
ثورة
المهم إنك موجودة .... أما عن الدماغ الرايقة ... فاعصبية فـ الأمور دي بتضيع

أخف دم

منورررررر جدن إيه ده إيه الشرف الكبير ده ... انت صوفي؟؟
البت يا باشا فـ شارع البدالة ... بس عينيها مش خضرا أنا اللي عينيا كانت خضرا بس استوت بعد الموقف ده
شرفتنا يابتاع كرات الدم السكرانة; April 17, 2007 at 12:44 PM
david santos said...: WE GO TO CONTINUE TO EXCEED THE BARRIER OF THE LANGUAGE, SO THAT BUSH AND OTHER TERRORISTS NOT TO CONTINUE LIE

لقد أن تنتهي مع باري لغات منها بوش وغيره من الارهابيين لا تزال تكمن; April 17, 2007 at 5:57 PM
sakayar said...: يلا كله بيطلع فـ الغسيل يا عم يا بتاع البيتزا
nice nice it's all good; April 17, 2007 at 7:54 PM
Ma 3lina said...: يخرب عقلك ايه الفيلم الهندى اللى عملته دا كل دا علشان نزلت الشارع و كان هادىشوية !!!!!

بعد كده متمشيش فى الشارع لوحدك

سوال باه يعنى ايه اسم المدونة مش فاهمة؟؟; April 22, 2007 at 4:44 PM

واصبر نفسك

اللهم يا صاحبي عند شدتي
يا مؤنسي في وحدتي
يا حافظي في غربتي
ياوليي في نعمتي
يا كاشف كربتي
يا سامع دعوتي
يا راحم عبرتي
يا مقيل عثرتي
يا إلهي الحقيق
ويا ركني الوثيق
يا جاري اللصيق
ومولاي الشفيق
يارب البيت العتيق
أخرجني والمسلمين ومن سألنا الدعاء وسألناه الدعاء من حِلق الضيق إلى سعة الطريق
بفرج من عندك قريب وثيق
واكشف عنا كل شدة وضيق
واكفنا من السوء والأذى ما نطيق وما لا نطيق
اللهم إن لي أحبة في كل درب وصحبة
فاغفر لهم وأعنهم ويسر لهم أمر رشدٍ
يعبدوك لا يغفلون عن عبادتك ويرضون بما قسمته ويفرحون بقضاءك
اللهم لم تخذلني في نفسي فلا تخذلني فيهم أبداً
وصلى اللهم على نبينا محمد وعلى آله وصحبه وسلم