AL7AYAH: 2008

.....أكثر من قول لا حول ولا قوة إلا بالله العلي العظيم,فإنها كنزمن كنوز الجنة..حديث صحيح......,ما أسفل الكعبين من الإزار فهو في النار..رواه البخاري والنسائي..,يا رسول الله أنهلك وفينا الصالحون؟؟..قال نعم ,إذا كثر الخبث (متفق عليه)..,الوالد أوسط أبواب الجنة..فإن شئت فأضع هذا الباب أو احفظه...,لا يدخل الجنة قاطع ..أي قاطع رحم..(متفق عليه)...,الحياء شعبةمن الايمان ..حديث صحيح..آية الإيمان حب الأنصار..وأية النفاق بغض الأنصار..(رواه البخاري)..من أشار إلي أخيه بحديدة فإن الملائكة تلعنه حتي ينتهي (رواه مسلم)...,سباب المسلم فسوق وقتاله كفر ..(متفق عليه)...,بحسب امرئٍ من الشر أن يحقر أخاه المسلم..(رواه البخاري ومسلم وأصحاب السنن)..ما تواضع أحد لله إلا رفعه ,وما زاد الله عبدا بعفوٍ إلا عزاً...,وتجد شر الناس ذا الوجهين..,الذي يأتي هؤلاء بوجه..وهؤلاء بوجه..(رواه البخاري ومسلم ومالك)...,ذمة المسلمين واحدة ,يسعي بها إدناهم.فمن أخفر مسلما فعليه لعنة الله والملائكة والناس أجمعين.لا يقبل الله منه يوم القيامة عدلاً ولا صرفاً..(رواه مسلم وغيره)...لو أنكم تتوكلون علي الله حق التوكل...لرزقكم كما يرزق الطير..تغدو خماصاً وتروح بطاناً..(رواه أحمد وصححه الألباني)....,إن الله تعالي يبسط يده بالليل ليتوب مسئ النهار..,ويبسط يده بالنهار ليتوب مسئ الليل..حتي تطلع الشمس من مغربها ...(رواه مسلم)...يقول الله-عزوجل- أخرجوا من النار من ذكرني يوماً أو خافني في مقام..رواه البيهقي والترمذي..وقال حديث حسن.....اتقوا الله..وصلوا خمسكم,وصوموا شهركم,وأدوا زكاة أموالكم,وأطيعوا أمراءكم..تدخلوا جنة ربكم..رواه الترمذي..وقال حديث حسن صحيح....,« . . . وهل يكب الناس على وجوههم أو على مناخرهم إلا حصائد ألسنتهم » [رواه الترمذي]....,« إن العبد ليتكلم بالكلمة ما يتبين فيها، يزل بها إلى النار أبعد مما بين المشرق والمغرب » [متفق عليه]....,«اللهم إني أسألك فعل الخيرات وترك المنكرات وحب المساكين،وإذا أردت في الناس فتنة فاقبضني إليك غير مفتون» أخرجه مالك والترمذي..,«ما من مسلم يصيبه أذى, من مرض فما سواه إلا حط الله به سيئاته كما تحط الشجرة ورقها» أخرجه البخاري ومسلم..,«لا يموتن أحدكم إلا وهو يحسن الظن بالله» أخرجه البخاري ومسلم...,«أعذر الله إلى امرئ أخر أجله حتى بلغ ستين سنة» أخرجه البخاري. أي لم يبق عذر لمن بلغ الستين من العمر...,«لا تقوم الساعة حتى تخرج نار من أرض الحجاز تضيء أعناق الإبل ببصرى» أخرجه البخاري ومسلم...,«يقبض الله الأرض يوم القيامة, ويطوي السماء بيمينه, ثم يقول: أنا الملك أين ملوك الأرض» أخرجه البخاري ومسلم...,«ما من صباح إلا وملكان يقولان: يا طالب الخير أقبل, ويا طالب الشر أقصر, وملكان موكلان يقولان: اللهم أعط منفقاً خلفاً, وأعط ممسكاً تلفاً» أخرجه البخاري مختصراً وأحمد..,إذا أراد الله بقوم عذاباً أصاب العذاب من كان فيهم, ثم بعثوا على نياتهم» أخرجه البخاري ومسلم..,« أول ما يقضى بين الناس يوم القيامة في الدماء» أخرجه البخاري ومسلم والنسائي والترمذي..,مثل الصلوات الخمس كمثل نهر جار غمر على باب أحدكم يغتسل منه كل يوم خمس مرات> رَوَاهُ مُسلِمٌ...,يتعاقبون فيكم ملائكة بالليل وملائكة بالنهار، ويجتمعون في صلاة الصبح وصلاة العصر، ثم يعرج الذين باتوا فيكم فيسألهم وهو أعلم بهم: كيف تركتم عبادي؟ فيقولون: تركناهم وهم يصلون وأتيناهم وهم يصلون> مُتَّفَقٌ عَلَيهِ...,من غدا إلى...,بشروا المشائين في الظلم إلى المساجد بالنور التام يوم القيامة> رَوَاهُ أبُو دَاوُدَ وَالتِّرمِذِيُّ...,من شهد العشاء في جماعة كان له قيام نصف ليلة، ومن صلى العشاء والفجر في جماعة كان له كقيام ليلة> قال الترمذي حديث حسن صحيح....,إن بين الرجل وبين الشرك والكفر ترك الصلاة> رَوَاهُ مُسلِمٌ...,إن أول ما يحاسب به العبد يوم القيامة من عمله صلاته، فإن صلحت فقد أفلح وأنجح، وإن فسدت فقد خاب وخسر، فإن انتقص من فريضته شيئاً قال الرب عز وجل: انظروا هل لعبدي من تطوع فيكمل بها ما انتقص من الفريضة؟ ثم تكون سائر أعماله على هذا> رَوَاهُ التِّرمِذِيُّ وَقَالَ حَدِيثٌ حَسَنٌ...,خير صفوف الرجال أولها وشرها آخرها. وخير صفوف النساء آخرها وشرها أولها> رَوَاهُ مُسلِمٌ...,أقيموا الصفوف، وحاذوا بين المناكب، وسدوا الخلل، ولينوا بأيدي إخوانكم، ولا تذروا فرجات للشيطان، ومن وصل صفاً وصله اللَّه، ومن قطع صفاً قطعه اللَّه> رَوَاهُ أبُو دَاوُدَ بإسناد صحيح....,عن عائشة رَضِيَ اللَّهُ عَنها أن النبي صَلَّى اللَّهُ عَلَيهِ وَسَلَّم كان لا يدع أربعاً قبل الظهر، وركعتين قبل الغداة. رَوَاهُ البُخَارِيُّ...,عن ابن عمر رَضِيَ اللَّهُ عَنهُما أنهما سمعا رَسُول اللَّهِ صَلَّى اللَّهُ عَلَيهِ وَسَلَّم يقول على أعواد منبره: <لينتهين أقوام عن ودعهم الجمعات أو ليختمن اللَّه على قلوبهم ثم ليكونن من الغافلين> رَوَاهُ مُسلِمٌ...,إذا دخل أهل الجنة الجنة يقول اللَّه تبارك وتعالى: تريدون شيئاً أزيدكم؟ فيقولون: ألم تبيض وجوهنا؟ ألم تدخلنا الجنة، وتنجنا من النار؟ فيكشف الحجاب، فما أعطوا شيئاً أحب إليهم من النظر إلى ربهم> رَوَاهُ مُسْلِمٌ...,إن في الجنة شجرة يسير الراكب الجواد المضمَّر السريع مائة سنة ما يقطعها> مُتَّفَقٌ عَلَيْهِ...,قال اللَّه تعالى: يا ابن آدم إنك ما دعوتني ورجوتني غفرت لك على ما كان منك ولا أبالي، يا ابن آدم لو بلغت ذنوبك عنان السماء ثم استغفرتني غفرت لك ولا أبالي، يا ابن آدم إنك لو أتيتني بقراب الأرض خطايا ثم لقيتني لا تشرك بي شيئاً لأتيتك بقرابها مغفرة> رَوَاهُ الْتِّرْمِذِيُّ وَقَالَ حَدِيْثٌ حَسَنٌ...,لا تخصوا ليلة الجمعة بقيام من بين الليالي، ولا تخصوا يوم الجمعة بصيام من بين الأيام إلا أن يكون في صوم يصومه أحدكم> رَوَاهُ مُسْلِمٌ.....,لا صلاة بحضرة طعام، ولا هو يدافعه الأخبثان> رَوَاهُ مُسْلِمٌ....,: <إذا دعا الرجل امرأته إلى فراشه فأبت فبات غضبان عليها لعنتها الملائكة حتى تصبح> مُتَّفَقٌ عَلَيْهِ....,لا تباشر المرأة المرأة فتصفها لزوجها كأنه ينظر إليها> مُتَّفَقٌ عَلَيْهِ.....,لا تسموا العنب الكرم؛ فإن الكرم المسلم> مُتَّفَقٌ عَلَيْهِ، وهذا لفظ مسلم....,(من أحدث في أمرنا هـذا مـا لـيـس مـنه فهـو رد ). متفق عليه...,عن أبـي رقــيـة تمـيم بن أوس الـداري رضي الله عنه ، أن النبي صلى الله عـليه وسـلم قـال :( الـديـن النصيحة )....,ما نهيتكم عنه فاجتنبوه ، وما أمرتكم به فأتوا منه ما استطعتم ، فإنما أهلك الذين من قبلكم كثرة مسائلهم واختلافهم على انبيائهم ). رواه البخاري ومسلم....,( دع ما يـريـبـك إلى ما لا يـريـبـك ).رواه النسائي والترمذي وقال حديث حسن صحيح...,( من حسن إسلام المرء تركه ما لا يعـنيه ) .حديث حسن ، رواه الترمذي وابن ماجه....,( لا يحل دم امرىء مسلم [ يشهد أن لا إله إلا الله ، وأني رسول الله ] إلا بـإحـدي ثـلاث : الـثـيـب الــزاني ، والـنـفـس بـالنفس ، والـتـارك لـد يـنـه الـمـفـارق للـجـمـاعـة ).متفق عليه..,( اتـق الله حيثما كنت ، وأتبع السيئة الحسنة تمحها ، وخالق الناس بخـلـق حـسـن ).رواه الترمذي وقال : حديث حسن ، وفي بعض النسخ : حسن صحيح ..,عـن أبي العـباس عـبد الله بن عـباس رضي الله عـنهما ، قــال : كـنت خـلـف النبي صلي الله عـليه وسلم يـوما ، فـقـال : ( يـا غـلام ! إني اعـلمك كــلمات : احـفـظ الله يـحـفـظـك ، احـفـظ الله تجده تجاهـك ، إذا سـألت فـاسأل الله ، وإذا اسـتعـنت فـاسـتـعـن بالله ، واعـلم أن الأمـة لـو اجـتمـعـت عـلى أن يـنـفـعـوك بشيء لم يـنـفـعـوك إلا بشيء قـد كـتـبـه الله لك ، وإن اجتمعـوا عـلى أن يـضـروك بشيء لـم يـضـروك إلا بشيء قـد كـتـبـه الله عـلـيـك ؛ رفـعـت الأقــلام ، وجـفـت الـصـحـف ).رواه الترمذي [وقال : حديث حسن صحيح إن مما أدرك الناس من كلام النبوة الأولى : إذا لم تستح فاصنع ما شئت ).رواه البخاري ...,( الطهور شطر الإيمان ، والحمد لله تملأ الميزان ، وسبحان الله والحمد لله تملأن – أو : تملأ – ما بين السماء والأرض ، والصلاة نور ، والصدقة برهان ، والصبر ضياء ، والقرآن حجة لك أو عليك ؛ كل الناس يغدو ، فبائع نفسه فمعتقها ، أو موبقها ..رواه مسلم ...,كل سلامى من الناس عليه صدقة كل يوم تطلع فيه الشمس تعدل بين اثنين صدقة ، وتعين الرجل فى دابته فتحمله عليها أو ترفع له عليها متاعة صدقة ، والكلمة الطيبة صدقة ، وبكل خطوة تمشيها إلي الصلاة صدقة ، وتميط الأذي عن الطريق صدقة ).رواه البخاري ومسلم...,: ( من رأى منكم منكرًا فلغيره بيده ، فإن لم يستطع فبلسانه ، فإن لم يستطع فبقلبه ، وذلك أضعـف الإيمان ).رواه مسلم ...,( لا تحاسدوا ، ولا تناجشوا ، ولا تباغضوا ، ولا تدابروا ، ولا يبع بعضكم على بيع بعض ، وكونوا عباد الله إخوانا ، المسلم خو المسلم ، لا يظلمه ولا يخذله ، ولا يكذبه ، ولا يحقره ، التقوى ها هنا ) ويشير صلى الله عليه وسلم إلى صدره ثلاث مرات – ( بحسب امرىء أن يحقر أخاه المسلم ، كل المسلم على المسلم حرام : دمه وماله وعرضه ).رواه مسلم ...,( إن الله تعالى كتب الحسنات والسيئات ، ثم بين ذلك ، فمن هم بحسنة فلم يعملها كتبها الله عنده حسنة كاملة ، وإن هم بها فعملها كتبها الله تعالى عنده عشر حسنات إلى سبعمائة ضعف إلى أضعاف كثيرة ، وإن هم بسيئة فلم يعملها كتبها الله عنده حسنة كاملة ، وإن هم بها فعملها كتبها الله عنده سيئة واحدة ).رواه البخاري ومسلم...,( كن في الدنيا كـأنـك غـريـب أو عـابـر سبـيـل ).وكـان ابـن عـمـر رضي الله عـنهـما يقول : إذا أمسيت فلا تـنـتـظـر الصباح ، وإذا أصبحت فلا تـنـتـظـر المساء ، وخذ من صحـتـك لـمـرضـك ، ومن حـياتـك لـمـوتـك ...رواه البخاري ...,( لا يؤمن أحدكم حتي يكون هواه تبعا لما جئت به ..حديث حسن صحيح ...,..سبحانك اللهم وبحمدك أشهد أن لا إله إلا أنت ..أستغفرك وأتوب إليك

Wednesday, December 31, 2008

صمتاً أصِيخي واسمعي يا أَمّتي

ما عُدت أصبر أن يموتَ بياني

شِعري يُراودُني لأقذفَ جمرةً

مما حوى صدْري منَ النيران

ما عاد يحْوِيني سُكوتي والبُكا

أنا لستُ مَجْبُولاً على الخُذلانِ

أنا في يميني الشَّمسُ تُشْرقُ عزةً

وأنا الثُّريا همَّةً وتفاني

أنامُسْلمٌ والمَجدُ يقْطُرُ كالنَّدى

والعِزُّ كُلّ العزِّ في إيماني

أنا للحياةِ رواؤها ودواؤها

وأنا الشِّهابُ إذا بدى سَتراني

يا أمّتي انتزعوا صباحَكِ عنوةً

فمتى يعود الصُّبْح للشُطْآن

يا أمّتي آن الأوانُ لصحوةٍ

فاستبشِري بالفجر في بُرْكاني

يا أُمّتي انتَزِعي لِواءَ حضارةٍ

فالكون في صَخَب بلا رُبَانِ

ما عاد يعرف للرّشادِ طريقةً

أنت المؤمّل...أنت لي عنواني

حارت عقول النّاس بين مذاهبٍ

لا تهتدي بالنور من قرآني

تجري وراء الغرب في لهثِ وهل

سيحقّقُ الغربًًُُ الغريق كياني

تجري وفي العينين ألفُ تساؤلٍ

عزّ الجوابُ .. فذاك ما أبكاني

عبثت بنا أيدي اليهود وحفنةً

ممن يبيع الدين للشيطانِ

في كل يوم تُستباحُ مدينةٌأين الذين تهزّهم أحزاني ؟ّّ

أين الذين تشدّقوا بعروبةٍ

وجنين تصفعُ وجهَ كل جبانِ

أين الحقوق وقد أُبيدتْ أمةٌ؟

وأنا الملامُ إذا صرختُ: كفاني

سَل مدّعِي حفظ الحقوق لهرَّةٍ

هلْ هرةٌ أولى من الإنسان

كلُّ الحقوقِ مُصانةٌ في عُرْفِهِم

إلا حُقوقَكِ أمّةَ القرآن

إني وإن يكن البكاء نقيصة

أبكي لحالك سائر الأزمان

وآظلُّ أنْسُجُ بالقصيدةِ بَيْرَقا
ً
حتّى يرفرفَ إن بدتْ أكفاني

كلمـات : عبدالرحمن السعدي
آداء صوتي : أحمد بوخاطر

Thursday, December 18, 2008

عفواً لقد نفذ رصيدكم

أستيقظ من نومي في الخامسة والنصف لأصلي صلاة الفجر التي تنتهي في السادسة وبضع دقائق ثم أعود مهرولاً لفراشي كي أستكمل متعتي بالنوم حتى الثامنة صباحاً .. أنهض من الفراش أحصل على هذا الحمام المنعش .. أنظر في المرآة مع خوف بداخلي أن أنظر يوماً لمرآتي فلا أعرفني
أخرج أرتب هذا السرير الذي كنت أصارعه ليلاً إما ضرباً بركبتي وإما بعظام جنبي ... أذهب لعملي مبكراً ... ربما هناك ما ينتظرني من وابل الأعمال ... وربما أقضي الوقت على الانترنت ...لم تعد تستهويني القراءة كسابق عهدي ... أصبحت فكرة أن تمسك في يدك كتاب فكرة مزعجة .... أفكر في شريكة حياتي التي لا تزال نائمة ... هل هي مستمتعة بالنوم؟؟ هل هناك ما يزعجها ؟؟؟ هل ستستيقظ وعلى وجهها ابتسامة تشرق لها الدنيا ؟؟ أم ستستيقظ في حالة مزاجية غير معتدلة ؟؟؟ نعم أراها قد عانت الكثير ... وتراني هي الأمل الجديد ... لا أحب أن أخذل أي شخص ... فما بالك بشريكتك في الحياة ؟؟ أذكر نفسي أن أبعث لها برسالة قبل ذهابي للمنزل أعلمها بأنني ذاهب للنوم وأطمئنها عني وأطمئن عليها
أخرج في الظهيرة في الواحدة والنصف لأحصل على قسط من الراحة حتى أستطيع معاودة العمل مرة أخرى في السادسة مساءً وحتى العاشرة
أصادف في الطريق هؤلاء الهنود الذين لا يكاد شارع ولا طريق أن يخلو منهم ... فلبينيات تشعر بأنهن تماثيل منحوتة ليس فيهن حياة .... مصري يتحدث في هاتفه المتحرك ... يبدو أنه يتحدث مع أهله في مصر ... يتحدث بصوت يكاد يسمع العاصمة بأكملها ... علمت من صوته أنه قد أرسل 500 جنيه ويبدو أنها غير كافية لما أرسله ويبدو أيضاً أنه سيستدين لكي يكمل المبلغ المطلوب .... تسير قليلاً لتسمع لهجة شامية .... يتحدث عن فتاة قابلها ليلة أمس
تمر ببعض الشوارع القليلة إلى المنزل ... المسافة لا تتعدى 10 دقائق تتذكر فيها منزلك الذي لم تكن تعود إليه في الظهيرة مثل الآن في مصر ... منذ بداية الدراسة في الجامعة لم تعد إلى بيتك في الظهيرة ... ولكن عندما تذهب الآن إلى منزلك ... لا تجد أحداً ممن تعرف ... هم مجموعة جنسيات متجمعة ... غرفة بها ثلاث وأخرى بها أربع وأكثر اتساعاً منها تتسع لخمس .... لا يهم المظاهر إنها الحياة
لا أعرف ما هذه الراحة النفسية التي بداخلي ... لماذا عندما يضيق بي الحال أجدني أيضاً مرتاح البال؟؟ ليس برود نفسي ... ولكنها راحة .... أستطيع تمييزها عن هذا البرود ... أعشق حياتي هكذا
حياتي الآن ... رب أدعوه بإصلاح الحال .... فتاة أحبها وأتمنى سرعة اللقاء بها وأن يجمعنا الله سوياً لا تفرق بيننا بلاد ... أهل وأصدقاء حملوا لي حباً كبيراً وذكريات جميلة ولكن تفصل بيننا الآن مسافات واسعة ... عمل أريد انجازه ولا يهم ما ألاقي من متاعب ومشاكل فليس هناك ما يخلو من المصاعب .... عندما يبدأ الألم ... تبدأ الخبرة
سأصل قريباً بعمري إلى محطة الربع قرن .... لا أدري حتى الآن ... هل لي ما يدخلني الجنة؟؟ هل إذا طلبت من الله شيئاً سيحققه لي أم سيخرج هذا الصوت المألوف عفواً لقد نفد رصيدكم؟؟؟

cut

zoom out

Saturday, December 13, 2008

14-12 يوم ميلاد جديـد

عـارف لمـا تصحـى م النـوم الصبـح تلاقـي نفسـك دفيـان ف عـز البـرد؟؟؟؟

بطـــوط وسكــايــــار

عقبــــال 100 سنـة زواج

أجمل حلم .... وأدفى حقيقـة

Monday, December 08, 2008

بسكويت السكايار

فقط ادخل السحب وافتح اي عيد هتكسب تلاتة مجاناً

أولا بنهني كل اللي جونا وزارونا وصلوا ع النبي

وكل عام وخرفانكم بتتوزع وتتشال

الشهر ده السنة دي ماسك كام مناسبة حلوة ف ايديه وجاي فاتح ابواب مملكة الطاغية السكايار بكل فرحة وهنا

موسيقى تصويرية عبارة عن واحد فاتح عين وقافل التانية وبيبص وصمت يعلو السكون

ثم

حدث في مثل هذا الشهر ويحدث الآن وهيحدث بقى غصب عن أي عين ملونة ف القااعدة دي

في هذا الشهر المبارك شهر ديسمبر المجيد نحتفل هذه الأيام بعيد الأضحى ويا جمال العيد وعيد مبارك على كل الشعوب والقبائل

وفي هذا الشهر المعظم بما إننا دخلنا وفتحنا العيد وخربشنا فأكيد هنكسب في بسكويت السكايار

المناسبة الجامدة جداً جداً جداً جداً جددددددددددددددددددددددددددددداً وشووووووووووبش واللي ميشتري يتفررررج

في مثل هذا الشهر من العام المفخخ 2007 استطاعت قوات العدو النسائي الفتك بطائرات ودبابات مملكة السكايار وكسرت كل حصونه واستولت على كل ما هو غالي وثمين والله يرحمك يا بو اشررررف

سكاياااااااااااااار خطب بطوووووووووووووط

وبيبو فررررررررررررقع جي جي

وبما ان الليلة جت كده وبسكوتنا ف حليبنا وزيتكو ف دقيقكو هقولكم .... ان ... ان .... ان

سكايار الملك المظفر أسير جزيرة البطابيط لدى الأميرة بطوط بينصح كل عازب وعزبنجية بعدم السرعة في اتخاذ هذا القرار لسبب بسيط جداً جددددددددددددددداً

إنه مش هيلاقي زي بطووووط .... وأكيييد مش هتلاقي زي سكايااااار نياهاهاهاها

أما الخبر التالت والعيد التالت والرابع فهو وصول الكآبة والحزن والسواد وال وال واللللللللل العيال العسل اللي مشرفينا ف كل مناسبة

الواد حلاااااااوة الشااااعر الهمجي والوااااد سكايااااااااااااااار بقى عندهم ربع قرن على وش الارض

أبيه حلاوة في 15 - 12 وهو نفس اليوم اللي سكايار خطب فيه بطوط على فكرة ... احنا متفقين هنحتفل يومين يوم 14 اليوم الطبيعي ويوم 15 برضه علشان خاطر حلاوة و الطاغية المظفر في 20 - 12 علشان يتمو الاتنين سوا 25 سنة على وش هذا الكوكب العجيييييييييييييييب

وإليكم الأنباء بالتفصيل قريباً

كل عام والجميع بألف وخمسمية وخمسين سلامة

أروح ألحق بيقولوا الخروف هرب هييييييييييييه

أراكم يوم 14 - 12 ان شاء الله .... وأحلام حقيقية

Tuesday, November 25, 2008

الحياة .... لما نصحى من النوم

في الحياة لما بنصحى م النوم ... ناس بتصحى تقول يوووه على الأيام اللي شكل بعضيها .... وناس بتقول هووووب يلا علشان أبدأ يوم جديد ..... بس مين بيقول اني اتعلمت حاجة جديدة من الحياة هتخليني ابدأ اليوم زي ما اكون اول يوم أصحى من النوم؟؟؟

لو فكرت ف يوم وانت صاحي ان ده اول يوم ف حياتك ... واللي فات كله كان حلم ... هتتصرف ازاي؟؟؟

حوار جانبي .... بعد تظبيط السيناريو والحوار .... تعاليم أميرة البطابيط للطاغية الملك المظفر سكايار ... نقلته - بعد اذنها طبعاً - ممكن اتعلم منه حاجة او نعرف منه حاجة ... او نفتح صفحة الحياة مع نفسنا ... ونشوف امتى صحينا او هنصحى من النووم ..... واتعلمنا إيه من اللي شفناه ف الحلـم

الصداقه غاليه اوى والناس اللى عرفتهم برضه غاليين على قلبى مع بعض التحفظات

عرفت انى زى ما قابلت الحلو لازم هقابل الوحش واللى بالتالى بيعرفنى قيمه الحلو

عادى الاجتماعيات مطلوبه ومظنش اى حد مش بيفهم ف الاجتماعيات والذوق والواجب والاصول

والمظاهر والتكليف

وحاجات كلها بتاعة الاجتماعيات

عادى مش شرط حد يحس بيك لانك ساكت ولما هتيجى تتكلم اخيرا عشان حد يحس بيك هو اتعود انك مش بتشكى

وبالتالى مش هتلاقى تجاوب او اهتمام او حاجه كنت منتظرها لانك اتعودت وهم ااتعودوا والذنب ذنبك

بس طالما كلامك من الاول مش بيريحك يبقى مش ذنبك ولا حاجه بس عليك تتعود على الوضع الحالى

فى ناس بتتعلم من المواقف

وفى ناس بتنسى الموقف وبتنسى اللى اتعلمته منه ف وقت ما

مفيش حد مش محتاج حد يسمعه .. وفى ناس بيحتاجوا اكتر من حد

مفيش حد مش محتاج حنان وطبطبة

فى ناس لازم تعمل معاهم وقفه عشان يعرفوك بجد ويقفو عند حدهم ايا كان سنهم .. مش لازم يبقى عشمك كبير فى حد ايا كان مكانته عندك.. كل واحد له مشاكله وظروفه وحياته واللى شاغل باله

والحب مش بيكبر الا بالطرفين

يعنى مش طرف يقعد يعطى ووو والتانى بياخد وهيبقى الحب بيكبر او حتى واقف عند حد معين

مش بنسى حااجت اتعملت فيا جرحتنى ولما بفتكرها بتجرحنى تانى بس للاسف بسامح الناس دى بس مش بنساها

كل حاجه ف اولها صعبه اوى لكن بالتعود ممكن تتعود على اسوأ حاجه بس مش هتنسى انها ممكن تحلو تانى او ترجع الامور لطبيعتها ف الاول

مهما عملت لناس .... مكانتى مش هتتغير .... مهما عملت حلو هتفضل ..... ولو عملت اسوأ هتقل مكانتى بس لو رجعت مش هترجع اكتر من الاول

عرفت معنى يكون نفسى ف حاجه عاديه ومش اعملها

عرفت ان الفلوس بتشترى كل حاجه حتى الناس بس مش قلوبهم

وان اللى عملك حاجه وجابلك هديه لازم تردهالو واجب مش حبا فيه

عرفت ان الحياه مش هتبقى حلوه ديما بس هتفتحلك ف يوم

وبرضه لازم ترجع تقفل ف وشك

عرفت ان الصحه نعمه اوى من زمان عارفه كده بس عرفت اكتر لما تعبت انا اكتر

عرفت ان ممكن حد لسه يتكلم عنى حلو ف غيابى ويفتكرلى حاجه حلوه وممكن اكيد العكس

عرفت ان فى حد ممكن يفتقدنى ف غيابى

وحد هيقول احسن ريحتنا وارتاحت

عرفت انى مش غاليه عند كل اللى يعرفونى وانى بهون على ناس كتيير بس مش شرط كلهم

عرفت انى بحب احلم ان الحلو لسه جاى عشان اضحك وافرح وان لسه فى ناس هقابلهم ممكن يحبونى واحبهم

ويرجعولى نفسى اللى كنت بحبها من زمان

بس الله اعلم هكون ف نظرهم زى القمر البعيد اللى كل الناس بتحبه ولما بيطعلوله او يقربو منه يلاقوه وحش يقولو ياريتك فضلت بعيد

عرفت انى ممكن اقسى على حد وارجع ازعل منى انى عملتها بس الاقيه عملى أكتر ويستاهل بس انا مكنتش بعامل حد بالمثل .... بس لازم كده عشان محدش بقى بيحس الا لو اتعملت فيه

بس غلط ده انا ممكن اكون عاوز اعمل حاجه ف حد بسبب حاجه واشوفه ارجع فيها بس كفايه انى فكرت اعمل حاجه ف حد ردا على حاجه عملها فيا قاصد بس لو مش قاصد هبقى انا وحش اووووووووى

معرفتش لسه انا صح ولا غلط ولا هعرف ناو

الا لما ابقى مع ناس تانيه واتاكد من الكلام اللى اتقالى .. لو لقيتنى كده معاهم يبقى انا اللى كنت ومازلت غلطان

اه بتكلم بتلقائيه بس مش ديمن التلقائيه صح كتير بقول كلام مش يتقال وغلط او لناس غلط ففعلن سكوتى افضل كتييير

بس سكوتى مش مجرد سكوت برضه

انا هكون بسمع وبسمع ومش بنسى اللى بسمعه ومحدش بينسالك حاجه

عارفة انى عصبية بس مش اتولدت كده ولا كنت كده من مفيش ايا كان عيوبى غير العصبيه

بس لسه جوايا حب وشوق وحنين ولهفه وامل واحلام

لسه بتأثر من اى كلمه حلوه تتقالى زى زمان .. لسه بفرح اوى لما الاقى حد محتاجلى وانه مفتقدنى

لسه بفرح لما بلاقى حد لسه فاكرنى وفاكر تفاصيل حياتنا اللى فاتت سوا وفاكرلى حاجه حلوه عملتهاله

لما بلاقى حد بيتصل بيا ويقولي وحشنى صوتك

او شاحنه عشان اكلمك.. او حياتى وحشه اوى من غيرك..او يتغنالى كل الاغانى اللى اتغنت للحيب ف البعد والغياب:)سواء من حبيب او اصدقاء

CUT

ZOOOOOM OUT

Sunday, November 09, 2008

لماذا طاغية

لماذا طاغية؟؟؟

لإني طاغية
ماشي وسيفي معايا ... مش بيبعد عني لحظة حتى وانا نايم ... مش حاطه تحت المخدة ... لكن فوق المخدة

أقسمت على نفسي أن أكون سعيداً ... فأصبحت أقطع رؤوس الأحزان والآلام والجروح

أقسمت أنني أفضل شخص موجود على هذه الأرض .... فأصبحت أقطع رؤوس اليأس

أقسمت أنني لازال أمامي الوقت لتعلم المزيد في الحياة ... فأصبحت أقطع رأس الكسل والتهاون

أقسمت أن أكون مجاهداً ... فأصبحت أقطع رؤوس الشياطين والأهواء وأخضعت نفسي ذليلة تحت قدمي لتعلم أنني سيدها وليست هي مالكتي

أقسمت أن أكون نحن ... فقطعت رأس الغرور ووضعت بذرة أثمرت شجرة التواضع

أقسمت أن أحيا لغيري ... فقطعت رأس الشهوة ووضعت بذرة أثمرت شجرة الإيثار

أقسمت ألا أنساني وسط اهتمامي بالآخرين ... فجعلت مكافأتي قربي من الله

أقسمت أن أقطع ألسنة الناس إذا أتوا إلي بفتنة

أقسمت أنني عبد لله ... وما كان من خير بي فهو فضل من الله ...وأنني موفق أينما كنت بإذن الله فهو ربي وأنا قاطع رؤس الشرك إليه

Sunday, October 05, 2008

زانزانـــ54ــة فلاشــــات

في ذلك الوقت استعنت ، دون أن أشعر تقريباً ، بالقوة الذاتية التي كونتها في الزنزانة 54 بسجن القاهرة المركزي – وهي قوة تسمى الموهبة أو الأهلية ، للتغيير ، ووجدت بانني أواجه وضعاً شديد التعقيد ، لدرجة أنني لم أكن آمل في تغييرها حتى تمكنت من تسليح نفسي بالقدرات النفسية والفكرية الضرورية ، ولقد علمتني تأملاتي في الحياة وطبيعة الإنسان في ذلك المكان المنعزل أن من لا يستطيع تغيير مقومات تفكيره الأساسية سوف لن يكون أبداً قادراً على تغيير الواقع ، وبالتالي سوف لن يتمكن أبداً من تحقيق أي تقدم

أنور السادات

إذا معرفتش تخلي الناس تحبك ... فحاول متخليهومش يكرهوك... كلمة قالهالي والدي من وانا ف ثانوي ... مش عارف ليه برجعلها ف كل مواقفي

انت عايز تعيش الحياة بالدين ومش عايز الحياة تاخدك من الدين ... وانا اوعدك انك هتلاقي ده معايا ... كلمة سمعتها من رئيسي ف الشغل ف أول يوم عمل ف مصر

أنا على استعداد أنهي علاقة الشغل بيننا حفاظاً على علاقة الصداقة ..... لكن أنا بقى مش على استعداد أخسر واحدة من الاتنين ... احنا لولا الشغل مكناش عرفنا بعض وبقينا اصحاب كلام بيني وبين رئيسي ف الشغل قبل خط النهاية ف العلاقة العملية

انا كنت متأكد إني هقدر اعملها لواحدي ومش محتاج مساعدة حد.... بلاش نتكلم فيها

مشكلتك انك رومانسي واول اصطدام ليك بالواقع هيعملك زلزال وتقع قاعدة صراحة لشلة سكايار أجمع الرأي عن إن دي شخصية سكايار .... هأو أو .... محصلش

لو الناس كلها قررت تقطع علاقتهم بيك علشان الكلام اللي انت قلته انا مش هلومهم كلمة قالها أحد أصدقاء سكايار بعد كلام اتقال بحسن نية ... أو بسوء نية

واحد بعقلية سكايار ميلزمنيش اني اتعامل معاه ..... كلمة ف نفس الموضوع

انا عارف إن عيوبي اكتر من اللي قالوه بكتير لكن انا متفاجئتش باللي قالوه لاني اكتشفته قبلهم وقررت أتغير.... كلام قلته بعد قاعدة الصراحة اياها .... يا خسارة طلعت عارفني اكتر منهم

العربية لو سبتها في الجراج عمرك ما هتعمل بيها حادثة لكن عمرك ما هتتعلم تسوقها وتبقى ماهر فيها ..... كلام رئيسي ف الشغل ف مصر لما كان بيقنعني أشتغل ف التسويق بخلاف الادارة

رسالتك وصلت للناس يا سكايار ... دين من غير تكشيرة .... كلام قاله حلاوة العنتبلي قبل سفري .... يمكن

انت حد ربنا أهداهولنا ف وقت كنا محتاجين فيه الهدية دي بجد .... أهو ربنا ريحكم منها وسافرت

هو انت عمرك كنت تتخيل لما دخلت آداب إنك هتطلع منها شيخ؟؟..... كلام أحمد موتيفيشن لما كنت بعتقد ان سكايار لا يفنى ولا يستحدث من عدم ... اقصد ما يعرفش يأثر على حد

فاكر اول يوم ليك في الشغل؟؟ كنت بتقول مش حاسس انك هتكمل وحاسس انك مش هتبقى مؤثر في اللي حواليك ... إيه رأيك دلوقتي؟؟.... بقيت كلام موتيفيشن أفندي

على فكرة انت استاذ علاقات ناجحة... كلام رئيسي ف الشغل قبل سفري لما أصريت نخرج من علاقة الشغل بصداقة دايمة

انا مبكرهش حد ... لكن بكره صفات.... أهو كلااااام .... بس حقيقي

بص في عيون الناس هتحس أد إيه بقيت سر بسمتهم..... كلاااام تاااني

يارتني اتقطع حتت ولا ذرة تراب تلمس وشك وتضايقك .... كلااامي لحلاوة العنتبلي ولسه عند كلمتي

مش عارفين انت جيتلنا منين بس شكرا بجد على وجودك ف حياتنا .... أنا جيت من المهندسين ورايح العجوزة

انا مثتكنيث اني عرفت حد نضيف زيك .... دكتور مستكنيص قبل سفري إهيء إهيء ليه بس كده ... يمكن علشان مستحمي؟؟

من حقك عليا زي ما وقفت جنبي زمان أقف أنا جنبك بقيت عمري...ولو اصحاب بجد هتفهم كلامي .... آه وربنا

اكتر حاجة بتضايقني لما الاقيني بعطي البسمة لكل اللي حواليا ومش عارف اعطيها للشخص الوحيد اللي بيسعدني ... ياااااه .... بجد بتضايق أووووي

سكايار ده غريب اوي بنتكلم كتير عليه وعارف كل حاجة عننا على الرغم إننا عمرنا ما شوفناه ولا قعدنا معاه ..... ههههههه آه طول عمري ... شكرا ليكم كتيييير

نفسي اسمع منك جملة مفيدة انت كل كلامك كده؟؟؟ بنت قلبي لما كانت تلاقي كل كلامي الجد بيقلب تهريج واشتغالات

خليك عارف اني ممكن اعمل اي شيء وكل شيء في الدنيا علشانك ....برضه بنت قلبي :) شكرا كتيييير

يعني مش عيب عليك بتاكل بالشوكة والسكينة ومفيش في جيبك مناديل؟؟ ههههه عفواً لقد حانت فقرة البكاء

انت يا عم ياللي بتضحك الناس شوفلي حل في الملل والخنقة دي ... قلتلكم مفيش ف ايدي عصايا سحرية اقول يلا نضحك أو يلا نفرفش .... السعادة بتطلع من جوانا احنا

أنا على فكرة مش بحب العياط ومش بعرف اعيط لكن فراقك واجعني اوي ومأثر فيا وشكلي عيطت فعلا ... أثرت فيا اوووي الكلمة لما بقى الوداع أكيد وهسيب أكتر أشخاص حسيت بالمتعة معاهم حتى ف ضغط الشغل

أنا فيه حاجات كتير بكرهها واكترهم الكدب وإن حد يحس انه أذكى من غيره وإن حد يتدخل في حياتي أيا كان موقع الشخص ده ف حياتي .... قلتها كتييير اووووي ومازلت مصر عليها

أنا طاغية ممكن اعطي للشعب وانا بضحك .... لكن بيكون الشعب ده عندي تحت الشوز واحقر مما كان عليه لما اكون بعطيله وانا مركب القناع .... آه ... معلش بقى

دين يعني حب يعني جمال يعني خير يعني سعادة ... أي حاجة تانية معرفهاش انا ... وانا عايش لده وبس ... كلامي ف لقاء الصنانيع الأخير قبل سفري

لو نهر النيل اتملى صلصة مش هيكفي الكوسة اللي في البلد.... الواد مينا واحنا ف كلية آداب

لو حبيت تقطع علاقتك بيه فاعتبرني قطعت علاقتي بيكم من دلوقت... كلام اصحاب بقى

ميقدرش يعيش من غير اقنعة لإنه للأسف محل نظر ... والناس يهمها دايما تشوف عيوب غيرها.. وانا مش دايما بضحك.... اجابة على سؤال اتقال لسكايار ... انت سعيد ولا ده قناع حاطه؟؟

مشكلة لما تبقى ماشي في الشارع والناس عارفاك ويشاوروا عليك .. بيبقى الضحك بحساب والمشية بحساب حتى الكلام والحركة بحساب... أكتر حاجة تحسسك بالسجن لما تتعرف ف وسط الناس بجد ... الحمد لله على سفري

فاكر لما قلتلك مينفعش تمثيل مع اللي انت فيه دلوقت؟؟ ده علشان الناس هتقارن وتقول هو ف إيه كده وف إيه مسرح ورقص..... كلام مني بيحمل نفس المعنى اللي فوقه ويارب من نجاح لنجاح يا أعسل عيال عرفتها

أنا آسف لوجودي ف حياة كل اللي عرفوني لكن ف يوم هيدوروا عليا ومش هيلاقوني ساعتها هيعرفوا كنت عايز اعملهم ايه.... لحظة يأس بعد كتر الكآبة اللي شفتها ف عيون الناس

محدش يعرف عني غير اللي انا عايز اعرفهوله.... انا الذي كتب الاغريق مهيستي وأسمعت ضحكاتي من به نكدو

بحب المكان ده علشان بحسني بقود الناس لطاعة ربنا مش علشان المكان نفسه أو اللقب.... مشتاقله ومستريح وانا بعيد

انالا اثق في البشر لكن بثق ان ربنا بيعمللي الخير دايما.... تعليق على بوست عن الثقة

على فكرة اخوك حسه مرهف بجد ..... كلام مدرس ثانوي وانا ف كورال المدرسة يعني ايه مرهف دي؟؟؟

تخيلت لو مت ع البيانو والأورج هيبقى أحب لربنا ولا وانا بقرأ قرآن .... فسبت الموسيقى..... ربنا يعفينا ويختملنا بالخير

حاول تفهم دايما ان العقول عمرها ما تفكر بنفس الطريقة ومش لازم اللي تقصده يوصل للناس زي ما انت عايزه ...... كلام من صاحب سكايار بعد موقف سوء فهم

الهدوء بيحمل صفتين كافيين اوي يحلوا اي مشكلة ... الحكمة ... والشر.... حكمة سكايارية

لقيته يستاهل اني اتنازل له ... لكن الاولاني مكنش يستحق لا اني اتنازله ولا يستحق اللي هتنازل له عنه.... واهو مات ... كلامي .... ومتهيألي عندي حق ... حتى لو الاتنين كانوا اصحابي

مش هتقدر تكمل كده يا سكايار ...صدقني هتتعب ... المهم نحقق أهدافنـا

الحياة اتفه من إننا نزعل فيها.... آه وربنا بجد

انا جزء من سعادتي هي بسمة الناس..... ومازال

هي الهداية لو نزلت هتروح لمين ولا لمين؟؟ يعني عندك البنت دي مثلا هتشفط الهداية كلها .... هههه كلام بيني وبين واحد صاحبي أوي ف مصر ... مش هفتن عليك اهو

مش معنى انكم خرجتم من بيوتكم لقيتوا ناس نضاف يبقى الناس كلهم كده ... ممكن اكون انا نفسي ممثل موهوب ...واوعوا تحكموا على حد بالمظهر ... خدعوك فقالوا آخر لقاء للصنانيع (صناع الحياة) مع سكايار

العيال دي بينهم اسرار اكتر من كده ومش بيطلعوا غير اللي عايزين يوصلوهولنا... طلع عندي حق ولا لأ؟؟

طيب هنعمل ايه؟؟ كل شوية فراق وحزن وألم وحد يموت وحد يسافر وحد نفتقده؟؟ احنا هنستسلم لكده؟؟؟ معادتش بتفرق معانا

أنا لما بفقد ثقتي ف حد او احس ان حد شاكك فيا ولو تفكيرا بتبقى انتهت علاقتي أصلا بيه .... أصلا أصلا

أنا حاسس ان ضهري بقى زي القنفد من كتر السهام اللي بتنضرب عليه .... آآآآه اوووووي

هو انت بجد سعيد ولا ده قناع انت حاطه؟؟ ههههههههههههه

على فكرة انا بكبر دماغي اوي وببقى عارف امتى فلان ده كدب وامتى غلط وحس بغلطه ولا لأ ...لكن مش بتكلم وبسيب اللي أدامي يكمل اللي بيعمله ....علشان ساعة الحساب بكون قاسي جدا ... ودي أبشع عيوبي .... احم احم طاغية بقى

لما بشوف صورتكم سوا بفرح أوي ... ربنا يسعدكم سـوا مبرووووك احمد موتيفيشن وون ترو

متعاملوش الناس على انهم عملوا إيه.... عاملوهم على انكم انتم مييين ولو مش قدرتوا اتظاهروا لحد ما تقدروا...إنما العلم بالتعلم والحلم بالتحلم .... وربنا هتستريحوا ...بس مش دايماً

المشكلة اني مش هعرف محبهمش ..... يبقى ورينا الفعل يا معلم

الفرق المرة دي ان الطريق ضلمة وانا هحاول ادور على النور علشان اروحله ... وأديني لقيته

انا ممكن اسكت عن حقي ...لكن حق حد يهمني احرق الدنيا كلها علشانه .... مش أوي يعني

لو ربنا جعل جايزتي في الآخرة وجودك معايا بدل الجنة فأنا موافق وهزود في اعمالي ... آه والله

أنا لما باجي أصلي قيام الليل وافتكر ان الجدع ده اللي عرفني على القيام بزود في الصلاة علشان يزيد ثوابه هو كمان.... كلام قلته عن أحد الدعاة ... ياريته فضل زي ما كان

جواكم بذرة خير اوعوا تقتلوها ..... هي البذرة وصلت لفين؟؟؟

اللي عايز يقول رأيه يقول .... أنا عارف انا مين .... حكمة سكايارية انبعاجه من الشفلطح

ياااااه لو الواحد يصحى م النوم يلاقيه ناسي كل اللي حصله قبل كده .... ماكانش الواحد غُلُب يا أونو

ما ينفعش تخبطني على دماغي افقد الذاكرة ؟؟؟ بس من غير متعورني .... ما ينفعش لأ

"ومن المؤمنين رجال صدقوا ما عاهدوا الله عليه.... مفيهاش "و" الآية من المؤمنين على طول ...وابوس ايديكم بلاش الكلام اللي يودي في داهية ده " هههههههه ربنا يسعدكم

على فكرة عينيك ضحكتها حلوة أوي ... هههههههه طب اقول ايه انا؟؟؟ يمكن علشان خضرا؟؟

صباح الخير يا مولانا ربنا يكرمني بكشك جنبك في الجنة" ...... ليه بس يا عم انا فاتح سوبر ماركت وهتبيع جنبي سجاير؟؟؟

الواحد مهما بيعمل بيحس انه مقصر مع ربنا اوي .... ومازاااااااال

من أكتر الحاجات اللي تضايقني إني أحس إني حمار مربوطة عينيه وماشي في ساقية مش عارف امتى هيقف ........ او تتربط عينيه ومش عارف رايح على فيييين

هو انسان دنيء بيفكر في ماديات وبس ارميله فلوس ع الأرض هيوطي يجيبها ... ودوس عليه بالجزمة .... ربنا يغفرلنا وله ... برضه دي أخلاق الطاغية السكايار

يابني دي الست المصرية سيب حاجتك معاها ومتخافش ... البحر حلو يلا بقى ... كلام حلاوة على شط اسكندرية ... وآخرتها أنسى البنطلون ع المركب

لو أنك أنت عاشق التيه ... فاعلم أنني "عايش التيه" .. أو اعتبرني التيه نفسه.... لم أعد كذلك

كلمة السر اللي بتحركني في حياتي اسمها " وبعدين؟" ..... قرر تعمل أي حاجة بس اسأل السؤال ده لحد ما هيبقى مفيش اجابة وشوف آخرة الطريق كان إيه ... وقرر هتعملها ولا لأ

نفسي اقف بضهري ع الكوبري وانط في البحر وانا بزعق بالفرنساوي جو سوي ساكاياااااااااااااااااار ...... على كوبري استانلي .... جنون العظمـة

انت مجنون .... طوووول عمرررري

شكرا على الثقة دي

أقسمت على نفسي ان اكون سعيدا

انا بشوف الحياة جنة علشان عيوني خضرا فبشوف كل حاجة خير

لما بصحى م النوم ببص لنفسي في المراية وابتسم لاني بلاقيني سكايار.... فيه غيري هيبص لنفسه ف المراية ويقول ... يوووووه انت تااااااااااني

هذا الحـوار تم اعداده من الذاكرة السكايارية ولا أعرف ما الهدف من وراءه .... أهو كلااااااااام

Tuesday, September 09, 2008

رمضان مبارك

تحس إن ربنا بعتلك ملاك ينضفك من جوه

تيجي على بالك وفي ذلك فليتنافس المتنافسون

أبوبكر رضي الله عنه وفدائه ف كل مواقفه لصديقه ورسول الختام

عمر رضي الله عنه وقوته في الدفاع عن الحق

عثمان رضي الله عنه وبذله للمال لمساعدة المسلمين واسعادهم وحيائه

حتى علي ابن أبي طالب الطفل الصغير 6 سنين ويبذل روحه وينام بجسده الضعيف في فراش الرسول ليكون أحد بذور أقوى رسالة على الأرض

ابن عباس في حفظه وفقهه

ابن عمر ف اتباعه وتأسيه حتى مشيته كمثل الرسول صلى الله عليه وسلم

هذا الاسلام ... وهذا رمضان ..وهذا الوحي .... وفي ذلك فليتنافس المتنافسـون

رمضـان مبارك لكل المسلمين

اللهم تقبل منا الصيام والقيام وصالح الأعمال ووفقنا لكل خير ورضى وصلاح وقربى منك

جوزيتم خيراً

أخوكم / سكـايـار

نلتقـي بعد العيـد

Monday, August 18, 2008

تاج ترارارم تم تم

قاعدين في الفصل 3 / 2 (بلوجر) خير اللهم اجعله خير ولقيت أبلة هوندا داخلة علينا ف حصة ( اديني تاج على مهلك يا أستاذ) وطلعنا الكشاكييييل والاقلام وقالت كل واحد يضرب اللي جنبه بالقلم على قفاه .... ليه بس يا أبلة؟؟؟ طب مين عمل إيه علشان نعمل كده؟؟

قالك هو كده وخلاص

ماااعلينا

عطاتنا واجب نحله ف البيت وكل واحد يكتب تحت إشراف الأستاذ بتاعه

وآآآآآدي الواااااجب

قوانين الواجب:

أذكر اسم من طلب منك حل هذا الواجب

أبلة هوندا محمد هوندا المدونة عنوان شارع للرغي فنون ص. ب: صوتك ده تمللي ف ودني صدعت دماغي ارحمني

س : أذكر 6 أسرار قد لا يكتشفها من يقابلك أول مرة

6 أسرار؟؟؟

طب لو قلتهم هيبقوا سر إزاي؟؟؟

طب ممكن اقول 6 أسرار اللي يقابلني اول مرة هيلاقيهم ف تاني مرة؟؟؟

طب ينفع اقول 6 اسرار اللي يقابلني ف أي مرة ممكن يلاقيهم مرة؟؟؟

طب هو كام مرة ف 6 مرات يعطوا سر واحد ؟؟؟

طب لو ال6 ف 9 ب 54 يبقى ال8 أسرار ييجوا على كام واحد وف كام مرة؟؟؟

طب هو ال 6 أسرار دول أنا عارفهم؟؟ ولا هو اللي عارفهم ؟؟ ولا انتو اللي عارفينهم ومخبيين وبتضحكوا وايديكم على بقكم ؟؟؟

طب يعني اجاوب؟؟؟

بسم الله الله المستعاااان

السر الأول
وضرب مسرور النااااقوس وزي مسرحية تخاريف ..... الغضب
الغضب يا حورية بيخلي ابن ال... اللي بره اللي عمال يضرب في الكلاكس ده لو مبطلش انا هطلع ا .... تيييييييييييت
أنا سريع الغضب .... لكن مش بيبان على وشي أو معادش بيبان عليا يعني بمعنى أوضح ..... لكن ساعة الغلط ... نطرطش ظلط

السر التاني .... اضرب يا مسرووووووور .... رومانسي عاااااا
أنا رومانسي جدا بخلاف ما بيبان على مظهري ... ممكن أعيط من كلمة مؤثرة أو أضحك لغاية ما عيوني تدمع ممكن مشهد أو قصة بقرأها أو أشوف حد بحبه .... بس برضه بعيط بعدين يعني مش وانا ف وسط الناس علشان محدش يتصدم
السر التالت ..... رد فعلي غير متوقع لأي حد
يعني ممكن تقوللي صاحبك فلان مات تلاقيني ابتسمت وقلت طب وإيه النظام معنى كده إننا مش هنطلع الرحلة؟؟؟
ومش معنى كده إني مش بتفاعل مع الحدث ... بس كوني غيرت الموضوع كده فده معناها إني مش قادر أتحمل الخبر فبعمل رد فعل بعيد تماماً عن الحدث علشان مش بعرف أفكر ولا أحس بالحاجة غير وانا جوه حضني انا ... معلش مجنون حبتين

السر الرابـع ..... لو سلمت عليك بإيدي ف أول مقابلة يبقى انا معجب بيك وبشخصيتك

السر الخامس ... أنا مش بعرف أبص لحد وانا بكلمه ... وده مش سر ... لكن السر إني لو بصيت لحد وانا بكلمه ف ده معناها انه جوايا اوي أو عجبني أوي او عايز اشبع منه اوووي حتى لو أول لقاء بيننا

السر السادس .... أنا واقع ف عشـق السعادة
لما بصحى م النوم الصبح أدخل آخد شاور أشيل البخار من ع المراية أبصلي في المراية وأصبح عليا وأقول صباح الخير يا سكايار ربنا يسعد بيك الناس ... آه والله بقول كده .... وابتسم لنفسي وأطلع أبدأ يومي
لو فيه سؤال زيادة اختياري عن الاسرار علشان حبيت أحطه ف الختام

السر السابـع .... أنا بحب الموت بقدر ما بحب الحياة
أي حاجة فيهم ربنا يكون راضي بيها عني فأنا أحبها .... أحب إني أشوف جسمي أدامي متقطع لو ده يخليني أشوف الناس بتقرب من ربنا .... بحب ربنا أوي ... بشوف كوني إنسان ف دي نعمة من ربنا .... وأي حد بشوفه ولو لمرة مش بنساه لإني بعتبره اتكتب في صحيفتي يا إما ف الحسنات يا إما في السيئات ... وغالباً بدعي لكل حد بشوفه ... حتى لو شفت حد ماشي في الشارع ومالناش علاقة ببعض ولا كلمنا بعض .... بس بحب أدعي أوي للناس

وأخيراً

مرر التاج لـ6 أشخاص مدونين

خد ياض انت وهو التاج ده بس محدش يغش من كشكولي أصل الأبلة صعبة عاااااا

ملكة البنات طبعاً

Wednesday, August 06, 2008

a stranger inside you

It's astonishing
No mean to define that
Inside you a stranger
One who has your ….arms
Your legs
Your eyes
Sleepless or restless stranger
And he keeps walking
Keeps eating
Keeps …. Living

I walk in the streets night now
I find places and things I never knew it's existence
But am I finding them? Or they finding me?

Jodie Foster, The Brave One Movie

إن شاء الله سأعود قريباً .... مع تاج أختنا هوندا

Saturday, August 02, 2008

سكوووووووووووووووت

رجعت نفس البسمة المقلب
بتقول سلامات
على وش موارب وبيقلب
ضحك وقفشات
بيقول عادي ما كله بيوجع
خلينا ندوق
طعم الترانيم المتلية
ف برميل محروق
أقسمت ف يوم أضحك جدا
علشان يوم جاي
الحزن هيكبر وهيدن
ويزيد وهـ die
أهي حالة بتيجي وتتقسم
على خلق الله
يمكن تفضل أو تتلتم
أو تيجي بآه
كل الفلاشات جاية بتضحك
وفلاشته ظلام
قلبت بكآبة بتتحرك
مفيهاش أحلام
على ايدي الحلم اللي ولدته
قتلوه ليه جنين؟؟
ليه كل ما يفرح يتيتم
عايزينه حزين ؟؟
وحياة أبو أم اللي اتجوز
خالة من خلاني مبوز
لأضحك وأعيش
وهخليه يشوفني سعيد قلبي
فرحان لا بداري ولا بخبي
وهفتح له الشيش
ويموت مع ظلمه ومع خوفه
ويخلي القسوة مع كسوفه
تشبع تلطيش

Tuesday, July 15, 2008

عودة سكايار

دخلت مبارزة شعرية مع واحد معرفوش ...ده ف خيالي يعني ...وبعدين اتحداني ... وانا مبحبش حد يتحداني ... ممكن حد يستفزني وانا هو الفعل من مستفز إيه؟؟؟ المهم حصل لي حالة الاستفزاز دي ... وكانت مباراة شرسة إزاي تطوع الشعر القديم بطريقة مخزية عاااا أيون يعني تبقى بتقول شعر واللي أدامك مش عارف يجيب حاجة مفيدة ... لكن المهم تكون النهاية مختلفة .... فجبت تشكيلة شعر كتييير مع نفسي وقعدت قعدة عربي زي ما انتو شايفين في الصورة وركنت الفيل مع الهندي اللي على أول الشارع ومشيت بالجمل ... وده لا يدل أبداً على إني مرشح حزب وطني ولا حاجة ... وبدأت أغزل في بنايات شعر هزلية طعمية جمعية معاً من أجل ضياع اللغة ... اتفضلوا معانا

انا الذي كتب الاغريق مهيستي
واسمعت ضحكاتي من به نكدو
فالخيل والليل دول قاعدين يجيبوا سيرتي
والسيف والرمح ألعابون ف ايد بنتي
لو كنت ماشي ف حر من غير مروحة
فالهيهدوب الكيكدوب تمرجحالبرد بالليل يقرسني فلم أنمِ
والحر في الصبح يهلكني وما العمل
والنت بتحايل عليهم علشان يشتغل
فيقولوا بكرة تفوت علينا مفيش أملوالجمعة فاضي انزل مولات فيها اتهبل
والسبت دوماً أبقى "ليت" عن ها العمل
تفضل حماتي ترنلي قال هصحى قال
وانا ببقى قافل صوت موبايلي وعيشتي عالإقدام عمرو في سماحة حاتمٍ
سكايار ضحكٍ ... للكنافة واكلٍ
وان قالوا بيت شعر ف سيادتي قليل اوي
راح اقولكم هيقولوا ايه ما انا فهلوي
فإنك شمس والملوك كواكب
وان حد رن عليك فضيلتك تقلبهبانت سعاد ومالك يا سكايارو مبلول
بس انت صورتك وانت نونو بجد .... عسولووبلاش نكمل لبخ علشان ننتهي
ريحة فراخ ف وداني مع بوفتيك شهي
وكفاية كده مع بيت منيش عارف انا
مين ألفه أو مين زمان قال يكتبهولقد نصحت ولي تجارب جمة
ولقِيت كل معلم مأمـون
فإذا النعيم وكل ماجد زائل
يفنى ويبقى سعيكم للدين

Thursday, July 03, 2008

تعالوا زورونـا

من أهدى مكان في العالم بننقل ليكم أخبار حية وميتة عن القائد الطاغية المظفر الوزير المحافظ ... آه والله لسه محافظ يااااارب يا تهديهم .... يا تولع في أهاليييييهم

وعلى رأي المقطع اللي بييجي كل شوية في إذاعة القرآن الكريم من أبوظبي ما بيقول " إذاعة القرآآآن الكريم من أبوظبي .. . الله الله ...إذاعة القرآآآن الكريم من أبوظبي ... ياحلاوة يا ولااااد " لأ المقطع التاني ده من عندي ههههههه بس على نفس النغمة

وهكلمكم على يوم من عمري ...عمر الحريري ... حرير وقميص ... قميص وجمعة ... جم على سهوة ... سهوة وشااااي ... بس بقى وخلينا ندخل في اللييييييييلة

قال خير اللهم اجعله خير كل يوم الصبح أصحى مفزووووع واقووول ... الساعة كااااام ... وامسك الموبايل ألاقي 695874565 مسد كووول و 1 مسدج ادخل آخد شاور ع السريع ... آه نضفنا وبقينا بناخد شاور يا خفة ... يا لطاااافة ... وادخل والتكييف شغال آخد برد ع الصبح ...واقفل التكييف اللي هوه العلاقة الوحيدة بيني وبين الراجل السوداني اللي في الغرفة اللي جنب باب الشقة وألاقيه يقول بعلو صووووته " حرام علييييكم بقاااااا شغلوا التكييييف هفطسسسسسس" طبعا ربنا ما يوريكو الراجل ده

صاحي ف يوم وانا لسه عيوني مقفلة بعد ما اخدت شاور ونازل الشغل وبفتح الباب لقيت باب تاني وراه واسماااااار انا قلبي حصل له حتة تشوك وقلت بسم الله لقيته بيقول ما تخافش "بزعيق" وقال سلامو عليكم ودخل

انزل انا بقى للشغل ... والحمد لله متأخرتش غير 4 أو 5 مرات واروح الشغل على الساعة 10.30أو 11 وانا اصلا الشغل بيبقى 9 ... ده انا مكنتش بعملها وانا ف مصر ... يا لهوووووي

أنا بيتي هناجنب المركز ده

وجنبه بشوية الفندق ده ... علشان خاطري بلاش تقفوا أدامه هيقولوا انكو بتصطادو ومحدش يسألني بنصطاد إيه

بعديه بشوية شارع حمدان اللي فيه كلية الامارات للتكنولوجيا وشركة الضمان الصحي برضه بمشي من أدامهم أحياناً وانا راجع

وبوصل للشغل بقى

الاقي اوفيس بوي بنجلادييييشي .... كان ماله الهندي وربنا كنا بنقول احلى كلام ... أكلمه عربي اكلمه انجليزي اكلمه روسي بيقووول عمره ما قال لأ .... لكن بنجلاديييشي؟؟؟

عم البنجلاديييشي ده بقى اقول له كيفك ميردش ... اقول له يا عمي ... ميردش .. اعمل له ايييه؟؟؟

اكلمه بالانجلش ... يضحك ويكلمني عربي بس عربي بالبنجلاديشي ... وكما قال الشاعر

بيفكر بالصييييييني

وهكذا تمر الايام

على فكرة نسيت اقول لكم

فيه كلمة شكر بس لأخونا الجميل اللي اتقابلنا سوا ... أول مقابلة لينا بمدون صاحب مدونة

اكتب بالرصاص

وشكرا على العشا اللذيذ وعلى دماغك اللي صدعت مني .... بس اعمل ايه لكاااااك انا اووووي

Saturday, June 14, 2008

حلم اتحقق

بمناسبة ان النهاردة بقى 14 يبقى مر على خطوبتنا 6 شهور بحالهم

الطاغية السكايار بقاله فترة عينه مني من يوم ما اتخطبت انا وهوه هههههه فيبعتلي ف رسايل وجوابات

وانا أقول لأ لأه انت خطيبي عيييب فقال يبعتلي حاجة ممكن..ممكن احن عليه :)..بطوط

...

علو في الحياة وفي الممات

بحقٍ أنت خير السكاياراتي

وبضحك كل ما القاني ف مراية

غدايا WITH وبحلم القى شوكة

بحب الغربة علشان ببقى واحدي

وبعرف اني اقرا الناس ف بُعدي

ولما ابرد والاقي الدنيا ضلمة

تدفيني ف عينيكي ... يا أم سلمه

سؤال كان يوم ف تاج باعتينه ليا

جاوبته كإنه حلم كبير عليا

قالولي انطق و قول اوصاف بنية

تكون يوم ليك شريكة وجنة تانية

فقلت احب واحدة تكون جميلة

ويبقى الطبخ ليلة ف ألف ليلة

ولما احتاج لحل تقوللي فكرة

تكون من غيرها عيشتي مستحيلة

واحب يكون لي قلب يدفي قلبي

ف عز حنين وذكرى القاها جنبي

حنونة وطيبة تغفرلي ذنبي

ولو زعلتها ... يا خي دتني نيلة

ولما صحيت لقيتها بقت معايا

لا عادت حلم ولا قصة ورواية

فقلت لنفسي اقسم باللي خلقك

تراعي الـ"حتة" وافتكر اللي سبقك

إذا جـار الوزيـر وكاتبـاه

وقاضي الأرض أجحف في القضاءِ

فويـل ثم ويـل ثـم ويـل

لقاضي الأرض ...... من قاضي السماءِ

يَا بُنَيَّ إِنَّهَا إِنْ تَكُ
مِثْقَالَ حَبَّةٍمِنْ خَرْدَلٍ
فَتَكُنْ فِي صَخْرَةٍ
أَوْ فِي السَّمَاوَاتِ أَوْ فِي الْأَرْضِ
يَأْتِ بِهَا اللَّهُ
إِنَّ اللَّهَ لَطِيفٌ خَبِيرٌ
يَا بُنَيَّ أَقِمِ الصَّلَاةَ
وَأْمُرْ بِالْمَعْرُوفِ
وَانْهَ عَنِ الْمُنْكَرِ
وَاصْبِرْ عَلَى مَا أَصَابَكَ
إِنَّ ذَلِكَ مِنْ عَزْمِ الْأُمُورِ
وَلَا تُصَعِّرْ خَدَّكَ لِلنَّاسِ
وَلَا تَمْشِ فِي الْأَرْضِ مَرَحًا
إِنَّ اللَّهَ
لَا يُحِبُّ كُلَّ مُخْتَالٍ فَخُورٍ
وَاقْصِدْ فِي مَشْيِكَ
وَاغْضُضْ مِنْ صَوْتِكَ
إِنَّ أَنْكَرَ الْأَصْوَاتِ
لَصَوْتُ الْحَمِيرِ

واصبر نفسك

اللهم يا صاحبي عند شدتي
يا مؤنسي في وحدتي
يا حافظي في غربتي
ياوليي في نعمتي
يا كاشف كربتي
يا سامع دعوتي
يا راحم عبرتي
يا مقيل عثرتي
يا إلهي الحقيق
ويا ركني الوثيق
يا جاري اللصيق
ومولاي الشفيق
يارب البيت العتيق
أخرجني والمسلمين ومن سألنا الدعاء وسألناه الدعاء من حِلق الضيق إلى سعة الطريق
بفرج من عندك قريب وثيق
واكشف عنا كل شدة وضيق
واكفنا من السوء والأذى ما نطيق وما لا نطيق
اللهم إن لي أحبة في كل درب وصحبة
فاغفر لهم وأعنهم ويسر لهم أمر رشدٍ
يعبدوك لا يغفلون عن عبادتك ويرضون بما قسمته ويفرحون بقضاءك
اللهم لم تخذلني في نفسي فلا تخذلني فيهم أبداً
وصلى اللهم على نبينا محمد وعلى آله وصحبه وسلم