مرض نفسي مش قاصد إن أنااللي تعبان لأ ، هوه الموضوع اللي اسمه كده ....امبارح اتقالت أدامي كلمة ف حبيت آجي بسرعة وأحللها ...بالرغم من إني آداب انجليزي مش علوم كيمياء ....بس حسيت إنها لازم تتناقش قال صاحبنا اللذيذ عاشق الروح إن معظم اللي بيكتبوا بلوجات بيستنوا التعليقات علشان يحسوا إن فيه حد معبرهم أو مهتم بيهم....ف أنا بدوري قعدت ألف وادور ...واركب الحنطور ..وانتو عارفين الباقي.... وقلت هوه الناس اللي بيدخلوا الشات بيدخلوا غرف الشات ليه؟؟؟ ومعظم اللي بيدخلوا منتديات وبيكتبوا ع المنتديات بيدخلوا ع المنتديات ليه .... وبالطبع اللي بيعملوا مواقع ع النت بيعملوها ليه؟؟؟ فبفرض إن كل دول بيعملوا اللي بيعملوه علشان محتاجين يحسوا بإن فيه حد بيعبرهم أو فيه حد مهتم بيهم فالطبيعي إن العالم كله هيبقى مرضى نفسيين ....طبيعي جدًا يا عم العاشق إنك لما تكتب حاجة تبقى حابب إنك تسمع رأي الناس فيها وتعرف الناس برأي غيرهم ... ده زي ما انا شايف ولا انت رأيك إيه ابقى رد على السؤال؟؟؟؟
The best love is the kind that awakens the soul and makes us reach for more, that plants a fire in our hearts and brings peace to our minds. And that's what you've given me.That's what I'd hoped to give to you forever
Sunday, February 25, 2007
مرض نفسي
مرض نفسي مش قاصد إن أنااللي تعبان لأ ، هوه الموضوع اللي اسمه كده ....امبارح اتقالت أدامي كلمة ف حبيت آجي بسرعة وأحللها ...بالرغم من إني آداب انجليزي مش علوم كيمياء ....بس حسيت إنها لازم تتناقش قال صاحبنا اللذيذ عاشق الروح إن معظم اللي بيكتبوا بلوجات بيستنوا التعليقات علشان يحسوا إن فيه حد معبرهم أو مهتم بيهم....ف أنا بدوري قعدت ألف وادور ...واركب الحنطور ..وانتو عارفين الباقي.... وقلت هوه الناس اللي بيدخلوا الشات بيدخلوا غرف الشات ليه؟؟؟ ومعظم اللي بيدخلوا منتديات وبيكتبوا ع المنتديات بيدخلوا ع المنتديات ليه .... وبالطبع اللي بيعملوا مواقع ع النت بيعملوها ليه؟؟؟ فبفرض إن كل دول بيعملوا اللي بيعملوه علشان محتاجين يحسوا بإن فيه حد بيعبرهم أو فيه حد مهتم بيهم فالطبيعي إن العالم كله هيبقى مرضى نفسيين ....طبيعي جدًا يا عم العاشق إنك لما تكتب حاجة تبقى حابب إنك تسمع رأي الناس فيها وتعرف الناس برأي غيرهم ... ده زي ما انا شايف ولا انت رأيك إيه ابقى رد على السؤال؟؟؟؟
Saturday, February 24, 2007
مشهد رقم 1 أول مرة
كان فضولي بيقوللي أطلب امضاء الناس اللي بيكتبولي ... لكن رجعت أقول هي كده أحلى
بداية أنا سألت نفس السؤال بتاع البلوج اللي فات لناس قابلتها .. وعجبني رد لشخص ما .... قال لي : لو صحيت ولقيت اللي فات ده حلم .."خلاص هعيش العلم" ، وعجبني الرد ده شوية لإنه بيحمل اجابة من شخصية تبدو انها مش عايزة تضيع وقت ...دي الشخصية، لكن ف نفس الوقت بتحمل كلمة الشخص اللي قال انا لما بصحى من النوم بنسى اللي أنا حلمت بيه
لكن الكلام النهاردة عن إنك صحيت من النوم .... ف نفس العمر اللي انت فيه دلوقتي ...لكن مش عارف أول ما تفتح عينيك مين اللي هتقابله ف بيتكم ...مش عارف حتى هوه بيتكم هوه البيت ده هوه اللي انت شفته ف الحلم ولا هتلاقي نفسك عايش ف كوخ...مش عارف كمان انت هتلاقي نفسك انت اللي كنت ف الحلم ولا هتلاقي شكلك متغير ... كده الموضوع كبر عن مجرد هصحى من النوم وأنا هوه أنا ....لكن التغير فقط بالشكل مش بالأفكار أو النوع - أقصد ولد ولا بنت - وهكذا
مين أول شخص تحب تشوفه ف أول يوم جديد وعلى فكرة ..انت ماتعرفش مين اللي مات ومين اللي عايش من أول آدم لحد قبل ما تنام ... مين هيه الشخصية اللي تحب تقابلها أول ما تصحى من النوم ؟؟؟
مين أول شخص تحب تشوفه ف أول يوم جديد وعلى فكرة ..انت ماتعرفش مين اللي مات ومين اللي عايش من أول آدم لحد قبل ما تنام ... مين هيه الشخصية اللي تحب تقابلها أول ما تصحى من النوم ؟؟؟
ويا ترى تحب تقول إيه للشخصية دي؟؟؟
Thursday, February 22, 2007
الحياة بداية وبداية
بسم الله الرحمن الرحيم
في الأول أحب أرحب بكل ضيف هيدخل لمداونتي سواء بمزاجه أو غصب عن عننننننن عننننننننننننننننننن .....احم احم ...عنه ، معلش الموتوسيكل علّق .... وعارفين احنا طبعًا كشعب مصري عريق .... - بلاش عريق دي مش حلوة - فكلنا بنحب نعلق .... أنا مثلا كنت بحب أعلق زمان .... بس زمان بس والله .... دلوقتي خلاص ماعدتش فاضي أعلق.... دلوقتي بقيت "ع الـــ لأ"
ومن ضمن تع لأاتي بقول
هوه ايه اللي هيحصل لو صحينا من النوم الصبح لقينا إن ده كان
هزار؟؟؟؟؟؟؟ اللي هوه إيه؟؟؟؟ اللي هوه أنا مثلا عندي 23 سنة .... إيه
يحصل يعني لو أنا صحيت من النوم بكرة أو النهاردة العصر ...احم .. احم
معلش زوري مبحوح ... وافتكرت إني صليت العصر من ساعتين
كمان.....يووووه ... خلينا ف موضوعنا ......ايه اللي هيحصل لوصحيت م النوم ... أو حتى كنت صاحي وجالك الخبر ده!!!!!
الحق ..... اللي فات كله كان هزار .... احنا كنا بنضحك عليك .... اللي فات كله من حياتك كان حلم .... اصحى بقى علشان تعيش حياتك من دلوقتي...... هه ...... إيه اللي ممكن تعمله لو لقيت حاجة زي كده .... أو حصلك الموقف اللذيذ ده.....
بصراحة أنا اتسألت السؤال ده النهاردة الصبح ....لذلك كان رد فعلي الطبيعي إني أشرك الناس معايا ونحاول نجاوب كلنا على السؤل ده؟؟؟!!
لأ لأ لألألألأ محدش يقول كده يا جماعة .... إيه يا مصطفى أعوذ بالله يا أخي فيه حد برضه يقول كده؟؟؟!!!
هنهبل أهوه .... واحد قام وساب البلد وهج أول ما عرف كده.... واحد تاني قام يرقص ... أخيرًأ مفيش مذاكرة ..... واحد تالت نام وقال أنا داخل أكمل بقيت الحلم ...... ده تصوري للموقف .....بس يا ترى لو الكلام ده بجد ممكن نبدأ حياتنا من تاني إزاي ؟؟؟؟ تخيلكم للموقف عامل إزاي؟؟؟؟؟
يا ريت حد يجاوبني ع السؤال ده ..... مستني تعليقاتكم