AL7AYAH: June 2007

.....أكثر من قول لا حول ولا قوة إلا بالله العلي العظيم,فإنها كنزمن كنوز الجنة..حديث صحيح......,ما أسفل الكعبين من الإزار فهو في النار..رواه البخاري والنسائي..,يا رسول الله أنهلك وفينا الصالحون؟؟..قال نعم ,إذا كثر الخبث (متفق عليه)..,الوالد أوسط أبواب الجنة..فإن شئت فأضع هذا الباب أو احفظه...,لا يدخل الجنة قاطع ..أي قاطع رحم..(متفق عليه)...,الحياء شعبةمن الايمان ..حديث صحيح..آية الإيمان حب الأنصار..وأية النفاق بغض الأنصار..(رواه البخاري)..من أشار إلي أخيه بحديدة فإن الملائكة تلعنه حتي ينتهي (رواه مسلم)...,سباب المسلم فسوق وقتاله كفر ..(متفق عليه)...,بحسب امرئٍ من الشر أن يحقر أخاه المسلم..(رواه البخاري ومسلم وأصحاب السنن)..ما تواضع أحد لله إلا رفعه ,وما زاد الله عبدا بعفوٍ إلا عزاً...,وتجد شر الناس ذا الوجهين..,الذي يأتي هؤلاء بوجه..وهؤلاء بوجه..(رواه البخاري ومسلم ومالك)...,ذمة المسلمين واحدة ,يسعي بها إدناهم.فمن أخفر مسلما فعليه لعنة الله والملائكة والناس أجمعين.لا يقبل الله منه يوم القيامة عدلاً ولا صرفاً..(رواه مسلم وغيره)...لو أنكم تتوكلون علي الله حق التوكل...لرزقكم كما يرزق الطير..تغدو خماصاً وتروح بطاناً..(رواه أحمد وصححه الألباني)....,إن الله تعالي يبسط يده بالليل ليتوب مسئ النهار..,ويبسط يده بالنهار ليتوب مسئ الليل..حتي تطلع الشمس من مغربها ...(رواه مسلم)...يقول الله-عزوجل- أخرجوا من النار من ذكرني يوماً أو خافني في مقام..رواه البيهقي والترمذي..وقال حديث حسن.....اتقوا الله..وصلوا خمسكم,وصوموا شهركم,وأدوا زكاة أموالكم,وأطيعوا أمراءكم..تدخلوا جنة ربكم..رواه الترمذي..وقال حديث حسن صحيح....,« . . . وهل يكب الناس على وجوههم أو على مناخرهم إلا حصائد ألسنتهم » [رواه الترمذي]....,« إن العبد ليتكلم بالكلمة ما يتبين فيها، يزل بها إلى النار أبعد مما بين المشرق والمغرب » [متفق عليه]....,«اللهم إني أسألك فعل الخيرات وترك المنكرات وحب المساكين،وإذا أردت في الناس فتنة فاقبضني إليك غير مفتون» أخرجه مالك والترمذي..,«ما من مسلم يصيبه أذى, من مرض فما سواه إلا حط الله به سيئاته كما تحط الشجرة ورقها» أخرجه البخاري ومسلم..,«لا يموتن أحدكم إلا وهو يحسن الظن بالله» أخرجه البخاري ومسلم...,«أعذر الله إلى امرئ أخر أجله حتى بلغ ستين سنة» أخرجه البخاري. أي لم يبق عذر لمن بلغ الستين من العمر...,«لا تقوم الساعة حتى تخرج نار من أرض الحجاز تضيء أعناق الإبل ببصرى» أخرجه البخاري ومسلم...,«يقبض الله الأرض يوم القيامة, ويطوي السماء بيمينه, ثم يقول: أنا الملك أين ملوك الأرض» أخرجه البخاري ومسلم...,«ما من صباح إلا وملكان يقولان: يا طالب الخير أقبل, ويا طالب الشر أقصر, وملكان موكلان يقولان: اللهم أعط منفقاً خلفاً, وأعط ممسكاً تلفاً» أخرجه البخاري مختصراً وأحمد..,إذا أراد الله بقوم عذاباً أصاب العذاب من كان فيهم, ثم بعثوا على نياتهم» أخرجه البخاري ومسلم..,« أول ما يقضى بين الناس يوم القيامة في الدماء» أخرجه البخاري ومسلم والنسائي والترمذي..,مثل الصلوات الخمس كمثل نهر جار غمر على باب أحدكم يغتسل منه كل يوم خمس مرات> رَوَاهُ مُسلِمٌ...,يتعاقبون فيكم ملائكة بالليل وملائكة بالنهار، ويجتمعون في صلاة الصبح وصلاة العصر، ثم يعرج الذين باتوا فيكم فيسألهم وهو أعلم بهم: كيف تركتم عبادي؟ فيقولون: تركناهم وهم يصلون وأتيناهم وهم يصلون> مُتَّفَقٌ عَلَيهِ...,من غدا إلى...,بشروا المشائين في الظلم إلى المساجد بالنور التام يوم القيامة> رَوَاهُ أبُو دَاوُدَ وَالتِّرمِذِيُّ...,من شهد العشاء في جماعة كان له قيام نصف ليلة، ومن صلى العشاء والفجر في جماعة كان له كقيام ليلة> قال الترمذي حديث حسن صحيح....,إن بين الرجل وبين الشرك والكفر ترك الصلاة> رَوَاهُ مُسلِمٌ...,إن أول ما يحاسب به العبد يوم القيامة من عمله صلاته، فإن صلحت فقد أفلح وأنجح، وإن فسدت فقد خاب وخسر، فإن انتقص من فريضته شيئاً قال الرب عز وجل: انظروا هل لعبدي من تطوع فيكمل بها ما انتقص من الفريضة؟ ثم تكون سائر أعماله على هذا> رَوَاهُ التِّرمِذِيُّ وَقَالَ حَدِيثٌ حَسَنٌ...,خير صفوف الرجال أولها وشرها آخرها. وخير صفوف النساء آخرها وشرها أولها> رَوَاهُ مُسلِمٌ...,أقيموا الصفوف، وحاذوا بين المناكب، وسدوا الخلل، ولينوا بأيدي إخوانكم، ولا تذروا فرجات للشيطان، ومن وصل صفاً وصله اللَّه، ومن قطع صفاً قطعه اللَّه> رَوَاهُ أبُو دَاوُدَ بإسناد صحيح....,عن عائشة رَضِيَ اللَّهُ عَنها أن النبي صَلَّى اللَّهُ عَلَيهِ وَسَلَّم كان لا يدع أربعاً قبل الظهر، وركعتين قبل الغداة. رَوَاهُ البُخَارِيُّ...,عن ابن عمر رَضِيَ اللَّهُ عَنهُما أنهما سمعا رَسُول اللَّهِ صَلَّى اللَّهُ عَلَيهِ وَسَلَّم يقول على أعواد منبره: <لينتهين أقوام عن ودعهم الجمعات أو ليختمن اللَّه على قلوبهم ثم ليكونن من الغافلين> رَوَاهُ مُسلِمٌ...,إذا دخل أهل الجنة الجنة يقول اللَّه تبارك وتعالى: تريدون شيئاً أزيدكم؟ فيقولون: ألم تبيض وجوهنا؟ ألم تدخلنا الجنة، وتنجنا من النار؟ فيكشف الحجاب، فما أعطوا شيئاً أحب إليهم من النظر إلى ربهم> رَوَاهُ مُسْلِمٌ...,إن في الجنة شجرة يسير الراكب الجواد المضمَّر السريع مائة سنة ما يقطعها> مُتَّفَقٌ عَلَيْهِ...,قال اللَّه تعالى: يا ابن آدم إنك ما دعوتني ورجوتني غفرت لك على ما كان منك ولا أبالي، يا ابن آدم لو بلغت ذنوبك عنان السماء ثم استغفرتني غفرت لك ولا أبالي، يا ابن آدم إنك لو أتيتني بقراب الأرض خطايا ثم لقيتني لا تشرك بي شيئاً لأتيتك بقرابها مغفرة> رَوَاهُ الْتِّرْمِذِيُّ وَقَالَ حَدِيْثٌ حَسَنٌ...,لا تخصوا ليلة الجمعة بقيام من بين الليالي، ولا تخصوا يوم الجمعة بصيام من بين الأيام إلا أن يكون في صوم يصومه أحدكم> رَوَاهُ مُسْلِمٌ.....,لا صلاة بحضرة طعام، ولا هو يدافعه الأخبثان> رَوَاهُ مُسْلِمٌ....,: <إذا دعا الرجل امرأته إلى فراشه فأبت فبات غضبان عليها لعنتها الملائكة حتى تصبح> مُتَّفَقٌ عَلَيْهِ....,لا تباشر المرأة المرأة فتصفها لزوجها كأنه ينظر إليها> مُتَّفَقٌ عَلَيْهِ.....,لا تسموا العنب الكرم؛ فإن الكرم المسلم> مُتَّفَقٌ عَلَيْهِ، وهذا لفظ مسلم....,(من أحدث في أمرنا هـذا مـا لـيـس مـنه فهـو رد ). متفق عليه...,عن أبـي رقــيـة تمـيم بن أوس الـداري رضي الله عنه ، أن النبي صلى الله عـليه وسـلم قـال :( الـديـن النصيحة )....,ما نهيتكم عنه فاجتنبوه ، وما أمرتكم به فأتوا منه ما استطعتم ، فإنما أهلك الذين من قبلكم كثرة مسائلهم واختلافهم على انبيائهم ). رواه البخاري ومسلم....,( دع ما يـريـبـك إلى ما لا يـريـبـك ).رواه النسائي والترمذي وقال حديث حسن صحيح...,( من حسن إسلام المرء تركه ما لا يعـنيه ) .حديث حسن ، رواه الترمذي وابن ماجه....,( لا يحل دم امرىء مسلم [ يشهد أن لا إله إلا الله ، وأني رسول الله ] إلا بـإحـدي ثـلاث : الـثـيـب الــزاني ، والـنـفـس بـالنفس ، والـتـارك لـد يـنـه الـمـفـارق للـجـمـاعـة ).متفق عليه..,( اتـق الله حيثما كنت ، وأتبع السيئة الحسنة تمحها ، وخالق الناس بخـلـق حـسـن ).رواه الترمذي وقال : حديث حسن ، وفي بعض النسخ : حسن صحيح ..,عـن أبي العـباس عـبد الله بن عـباس رضي الله عـنهما ، قــال : كـنت خـلـف النبي صلي الله عـليه وسلم يـوما ، فـقـال : ( يـا غـلام ! إني اعـلمك كــلمات : احـفـظ الله يـحـفـظـك ، احـفـظ الله تجده تجاهـك ، إذا سـألت فـاسأل الله ، وإذا اسـتعـنت فـاسـتـعـن بالله ، واعـلم أن الأمـة لـو اجـتمـعـت عـلى أن يـنـفـعـوك بشيء لم يـنـفـعـوك إلا بشيء قـد كـتـبـه الله لك ، وإن اجتمعـوا عـلى أن يـضـروك بشيء لـم يـضـروك إلا بشيء قـد كـتـبـه الله عـلـيـك ؛ رفـعـت الأقــلام ، وجـفـت الـصـحـف ).رواه الترمذي [وقال : حديث حسن صحيح إن مما أدرك الناس من كلام النبوة الأولى : إذا لم تستح فاصنع ما شئت ).رواه البخاري ...,( الطهور شطر الإيمان ، والحمد لله تملأ الميزان ، وسبحان الله والحمد لله تملأن – أو : تملأ – ما بين السماء والأرض ، والصلاة نور ، والصدقة برهان ، والصبر ضياء ، والقرآن حجة لك أو عليك ؛ كل الناس يغدو ، فبائع نفسه فمعتقها ، أو موبقها ..رواه مسلم ...,كل سلامى من الناس عليه صدقة كل يوم تطلع فيه الشمس تعدل بين اثنين صدقة ، وتعين الرجل فى دابته فتحمله عليها أو ترفع له عليها متاعة صدقة ، والكلمة الطيبة صدقة ، وبكل خطوة تمشيها إلي الصلاة صدقة ، وتميط الأذي عن الطريق صدقة ).رواه البخاري ومسلم...,: ( من رأى منكم منكرًا فلغيره بيده ، فإن لم يستطع فبلسانه ، فإن لم يستطع فبقلبه ، وذلك أضعـف الإيمان ).رواه مسلم ...,( لا تحاسدوا ، ولا تناجشوا ، ولا تباغضوا ، ولا تدابروا ، ولا يبع بعضكم على بيع بعض ، وكونوا عباد الله إخوانا ، المسلم خو المسلم ، لا يظلمه ولا يخذله ، ولا يكذبه ، ولا يحقره ، التقوى ها هنا ) ويشير صلى الله عليه وسلم إلى صدره ثلاث مرات – ( بحسب امرىء أن يحقر أخاه المسلم ، كل المسلم على المسلم حرام : دمه وماله وعرضه ).رواه مسلم ...,( إن الله تعالى كتب الحسنات والسيئات ، ثم بين ذلك ، فمن هم بحسنة فلم يعملها كتبها الله عنده حسنة كاملة ، وإن هم بها فعملها كتبها الله تعالى عنده عشر حسنات إلى سبعمائة ضعف إلى أضعاف كثيرة ، وإن هم بسيئة فلم يعملها كتبها الله عنده حسنة كاملة ، وإن هم بها فعملها كتبها الله عنده سيئة واحدة ).رواه البخاري ومسلم...,( كن في الدنيا كـأنـك غـريـب أو عـابـر سبـيـل ).وكـان ابـن عـمـر رضي الله عـنهـما يقول : إذا أمسيت فلا تـنـتـظـر الصباح ، وإذا أصبحت فلا تـنـتـظـر المساء ، وخذ من صحـتـك لـمـرضـك ، ومن حـياتـك لـمـوتـك ...رواه البخاري ...,( لا يؤمن أحدكم حتي يكون هواه تبعا لما جئت به ..حديث حسن صحيح ...,..سبحانك اللهم وبحمدك أشهد أن لا إله إلا أنت ..أستغفرك وأتوب إليك

Saturday, June 30, 2007

الحلقة الأخيرة

اعزائي كل افراد الأسرة الملتفين حول شاشة البلوج – بتتنطق بالفرنساوي البلوجووون - بعد الفقرة الاعلانية في البوست اللي فات يسرنا أن نقدم لكم المسلسل الكوميدي " كل الحبايب ماتوا وسابوا الطفل في اللفة وجه الحصان وداس عليه" ... المسلسل بطولة الممثلة الكوميدية أميرة رزق والمطرب الشهير هاني فاكر وكلمات الأغاني من تأليف مصطفى كارم ... استمتعوا بكل ما نقدمه لكم من فقرات ونتمنى لكم حياة سعيدة كانت معاكم حياة عربون

التتر .... خلفية سودا وفيه أشباح بيضا وصوووت صويت وانفجارات وناس بتضحك

الحلقة الأخيرة

هاني يرتدي روب أسود فوق بنطلون بيجامة كستور ، وأميرة نايمة على السرير لإنها أكيد تعبانة وجنبها علب برشاااام وأدوية بالهبل

هاني: فاكرة يا نينا ؟؟؟ زي النهاردة السنة اللي فاتت صحيت م النووم وطفيت أول شمعة فـ عيد ميلاد جرح أهلنا

أميرة فاكرة يا بني فاكرة وهيه دي حاجة تتنسي وقال كانوا بيقولولنا في الحكم ما مضى فات وما ذهب مات ومتفكروش في اللي مضى فقد ذهب وانقضى ... هأو يا بني وكانوا بيهددونا ويقولولنا لو مسمعتوش النصيحة هيدخل في بيتكم ونش يهده تيجوا خارجين جري يخبطكوا اتوبيس سياحي تلحقكوا عربية الاسعاف أول ما تركبوها تطلع مفخخة زي اللي بتتعمل ما بين فتح وحماس وتنفجر بيكوا

هاني : آآآآآه ... هيه الحياة بقت زفت كده ليه يا نينا ... ملل ملل العيشة واللي عايشينها قرررررررررف

أميرة: على قولك يا بني .... ويطلعلنا واحد بجلبية بيضا من بتوع الدين ولا واحد من أبو كرافتة ده ويقولك جدد حياتك ونوع اساليب معيشتك ... يعني بدل ما بتشرب كانز برتقان اشرب لتر جوافة ... ويقولك متقراش كتب فيها احباط واكتئاب وهيه فيه كتب للنكت يا بني واحنا مقريناش ماهيه الحياة اللي كده

هاني : بصي يا نينا أنا أحسن حاجة أنزل البار اللي جنبنا وأشرب علشان أنسى

أميرة: تنسى إيه يا بني؟؟؟

هاني : مش فاكر يا نينا مش فاكر

ونزل هاني وطلب واحد سبرتو من الجامد وولع سيجارة ... لكن علشانه محظوظ السبرتو وقع على هدومه والسيجارة ولعت فيه ... ولإنه ابن محظوظة لحقوه وراح المستشفى ... لكن أكييييد كان فيه ناس مركزين معاه لإنه بعد فترة العلاج طالع م المستشفى خبطه تاكسي طار من ع الأرض ونزل تحت عجل الأتوبيس السياحي اللي كان مستني يدوس عليه لو خرج جري من بيتهم

وبالنوسبة للست أميرة ... انتو عارفين أكيد ماتت بعد صراع مع المرض لانها مش معاها فلوس العلاج

انزل بالتتر يابني واقفلنا البوست ده بصوت الريس بقال

ضحكم عليا وقالوا اسمع كلام سكايار

وانا راح اولع بلوجته بالنار

لو يوم جه قال اضحك بلاش تضحك

اصل النكت هيافات والضحك جاااااي بهزار

وان قال تشوف صاحبك ودنيتك

تنزل لصاحبك بيته ويقابلك بالهنا

واول ما تمشي يقوووول أخييييرا غااااااااااااار

Wednesday, June 27, 2007

جلاكسي ....... عندما تعشق الشيكولاتة

عارف لما تصحى م النوووم ....هههههههههه ... استنى استنى .... بجد عارف لما تصحى م النوووم عندك شعور عشق الشيكولاتة .... طيب علشان أوضح اللعبة

كان فيه زمااااان اعلان بييجي من تلات اربع سنين وواحدة بتاكل شيكولاتة كده ومأنتخة خااااالص ومش حاسة بأي مصيبة بتحصل حواليها ....وفـ آخر الاعلان ييجي واحد يقووول ... جلاكسي عندما تعشق الشيكولاتة .... مش عارف هوه الجملة كده ناقصة وكان هيقول جلاكسي عندما تعشق الشيكولاتة أحمد هيزعل ... ولا يقصد عندما تعشق الشيكولاتة فهي جلاكسي ... المهم أهو الشعور ده بقى اللي أنا بسميه عشق الشيكولاتة

بالعامية أو باللغة الدارجة اليومين دووول بيقولوا ده واد فاكك دماغه ... أو مكبر ... أو منفض

المهم بقى هل حسيت بالشعور ده كده إذ صحيت م النووم لقيت نفسك عاشق شيكولاتة وفاكك دماغك من الناس؟؟؟

انت عارف قعدت أتخيلها كده ... تصحى الصبح م النووم تقابل مامتك في ميدان الصالة تقولك جدتك ماتت ... تبص وتقول ... يلا بالشفا ... تنزل الشارع يجيلك تليفون من واحد صاحبك .... يقولك صاحبنا دخل المستشفى فـ حادثة ..... ترد تقول ..لما تروحوله سلمولي عليه وقولوله لما يخلص المستشفى ويطلع يبقى يديني رنة

تدخل تقرا ع البلوجات اللي جاتلنا على كبر دي تلاقي مصطفى قافل البلوج وبيقول أنا حالتي النفسية هباب ومعدتش كاتب اليومين دوووول ... تطلع من غير ما تسيبله كلمتين في الشات بوكس ولا تعليق ... ماشي في الشارع وواحد بيسرق واحدة او بيضرب عيل صغير وانت معدي من جنبهم ... وفـ كل ده انت ماااااشي ورافع شعار .... جلاكسي عندما تعشق الشيكولاتة

إيه رأيك في الحياة بالطريقة دي ..... طيب نشوف الحياة بطريقة شيبساوي على طوووول

صحيت الصبح وحوار مع الحاجة في البيت .... عمة خالة بنت عمك ماتت فتفتح عينيك بدهشة وبعدين تقفلهم بأسى وتقوووول ياااااااه وولادها واخواتها وجوزها والشعب والناس والمجتمع عاملين إيه والدفنة امتى وهتخش الجنة ولا هتخش النار و يا خرابااااااااي

نزلت الشارع و اتصال معانا من صديق البرنامج ونقول آلو .... يرد صاحبك ويقول كريم صاحبنا ضافره اتكسر وقاعد مكتئب في البيت .... تطلع جررررري علشان تروح لكريم البيت وتطيب خاطره وتحكيله قصة الساحرةالشريرة لما شربت اللبن وغسلت رجليها قبل ما تنام وبقت حلوة وكل الناس حبتها

تدخل ع البلوج تلاقي واحد بيقووول سامحوني يا جماعة مش أنا هكتب بوست كل يومين علشان عندي ماتشات كووورة فتدخل وتملا الشات بوكس والتعليقاااات وتقووول .. لييييه علشان خاطري ابوس رجليك مش هنعرف نعيش من غير بلوجااات ده انت انت الحياة ولا حياة إلا بك يا بلوجر عايزين كل دقيقتين بوست .... وتقعد تعيط وتشغل مارشات عسكريسة وقرآن

وطبعا في موقف السرقة او الطفل الصغير اللي بيضربه ولد كبير مش هتتوصى .... هتقلع الجاكت والقميص وال .... نضارة ... وتدخل تاخدلك مطوتين ع الماشي وتقول الحمد لله ربنا قدرني وضربته لغاية ما طلعت م المستشفى على كرسي

باختصار علشان منرغيش كتير شايفها إزاي أحلى؟؟؟؟عندما تعشق الشيكولاتة ... ولا اااا شيبساوي على طووول بالشطة والليمون ؟؟؟

صبااااح الفولص

Tuesday, June 19, 2007

الطاغية السكايار

قال تاج قال ... تاج ستين نيلـ....تيييييت

صحيت م النوووم لقيت واحد ظريف علاقتي بيه طشاش جه وبعتلي تاج ع العنوان بتاعي وكان فاكرني هغنيله بعتلي تاج ترررم بعتله تررررم

ع العموم إليكم تاجي الذي ابتلاني به الهوا ... أقصد الولا

أحب شخص لقلبك في الدنيا؟

بعد الرسول؟؟ فيه راجل دايمًا بقابله فــ بيتنا بيبقى كتير يقعد مع ست قاعدة عندنا في البيت .... ضروري أحبهم ... بس ده حب بواسطة ... أصل ربنا وصاني بكده ... مجبر أخاك

انسان مستعد تضحى بحياتك – ركز في كلمة حياتك – عشانه؟

طبيعي الأشخاص اللي كانوا سبب في وجودي في الحياة لازم هيبقوانفس الأشخاص اللي واجب عليا أضحي بحياتي علشانهم

لكن ده لو الأمر استدعى تضحية بالحياة ، لكن فيها إيه لما تنقذ حياته ومتضحيش بحياتك انت كمان؟؟؟ متهيألي ده النجاح الأكبر

انسان كرهته لدرجة الجنون وتمنيت لو تمسك سكينة وتنقض عليه وتغرزها في قلبه وتقف تبص على جثته وتشفي غليل قلبك؟

أنا كنت زمان نفسي فـ حاجة زي كده بس بتصور تاني... أجيب جاز مستعمل وبنزين زبالة وأولع في حد وأقف أتفرج عليه وهوه بيتألم لحد ما يتفحم وابتسم وأمشي ... لكن الحمد لله محصلش

لكن علشان نجاوب على السؤال هقول أي واحد غبي بدخل في الشعور ده على طوووول

ما هو اسم أجمل كتاب كتبه بش رقرأته ومحتفظ بيه حتى الآن؟

أنا بموت في كتابات ابن القيم لكن لما بقرأ كتاب وألاقي الكتاب ده هيفيد حد تاني بعطيهوله و ابقى اشتريه بعدين

اسم كتاب كتبه بشر برضه انت متعلق بيه وبتقرأه كل فترة؟

جامع العلوم والحكم .... كتاب أحاديث ... صحيح كالعادة مش بحتفظ بالكتب .. لكن كل فترة بروح أشتري نفس الكتاب لما ببقى متضايق ... فيه أحاديث جميلة جدا عن الحب لله والذكر ومرطبات القلوب واللسان

أهم جهاز منزلي انت متعلق بيه أو بتستخدمه كتير؟

منزلك؟ ده على أساس إني لاجيء عندك في البيت يا سي عاشق ولا إيه؟

أنا تقريبًا مش بقعد في البيت ..استخدامي للبيت عبارة عن أكل وسرير للنوم ... وسجادة ومصحف وكتب ده لو قاعد في البيت

مكان تحس بالراحة النفسية عندما تدخله؟

المعتكف في رمضان ... لا غش لا خداع لا مصالح ... خلية نحل في خلال عشرة أيام بتجمع حسنات واخلاص في العبودية لله ... بتطلع بعد المعتكف ده عايز تنفذ العبادة دي في العمل علشان تبقى صادق في العبادة

شيء تحس بالراحة النفسية عندما تنظر إليه؟

عيون ملياها بسمة ...خصوصًا لو بنوتة صغنونة علشان أنا بعشق البنات الصغنطاتين مش عدواني زي حلاوة مع الأطفال

مكان تحس فيه بالحنين إلى شيء لا تدري ماهو وذكريات جارفة إلى لا شيء؟

البطيخة ههههههه ....شوارع مصر فـ ليلة شتا والناس قاعدين في بيوتهم وانت ماشي مع نفسك ببالطوعبد الحليم حافظ بتاع يا فرخة كانت مالة ايديا واستخسرتها مراتي عليا

أجمل مدينة زرتها داخل مصر؟

بموووووت في اسكندرية وبموت في الحتت الشعبية اللي فيها والناس واللمة تحس بمصر زمان

أجمل مكان طبيعي رأيته داخل مصر؟

هوه كل الأماكن الطبيعية داخل مصر زيها زي الدهايمة بتاعة حلاوة ...مجاري بقى وناس بتنط حواجز وزبالة مرمية في الشارع ... لكن علشان منظلمش بابا الزعيم فهقول أي مكان صحر ان كان أو بستان فيه تييييييت يبقى أمان

شخصية كارتونية بتحبها؟

منقذي وحبيب قلبي اللي كنت بحلم وأنا في ابتدائي فـ حصة مملة إنه هييجي يطلعني م الفصل ويضرب الأبلة .... جونجر

وللي ميعرفش جونجر هوه كان بينزل منه شرايط فيديو وكان تقريبا بيتذاع في السعودية بس لو معلوماتي صحيحة

نوع هاتفك المحمول؟

أهو ده الكلام اللي مالوش فايدة ... ع العموم هوه بيتحط جواه شريحة ويقول آلو تحطه على ضهره ينور على وشه ينور واسمه نوكيا

سرعة بروسيسور جهازك؟

كانت سرعته 2.1

حجم ذاكرة الهارد؟

والله ما حطيتوش في اختبار قبل كده بس كنت لما بحتاج فايل من عنده كنت بلاقيه يعني والحمد لله

المساحة التي تشغلها المواد الاسلامية على جهازك؟

إيه ده هوه التاج ده كان مبعوت لواحد مسلم؟ مش تقولوا طيب ... الله ما انا مسلم برضه

يا سيدي ولا سيدك إلا أنا هوه كان مردوم لعينه مواد اسلامية بتتغير كل شوية .. أصلي غاوي اسلام بس المهم التنفيذ

أهم هدف انت واضعه لحياتك الآن؟

رضا الله – ملاقاة الرسول بالعهد الذي بيننا – تحسين صورة الانسان المسلم دينًا وعملا

وأكيد إني أطلع من التاج ده على خير

مواصفات فتى الأحلام بالنسبة لك؟

فتى الأحلام؟ فتى الأحلام؟

ممكن واحد من ابو حسنة تحت عينيه الشمال مكس مع واحد فيه عرق ضارب في أورطه

لكن لو السؤال بجد عن فتاة الأحلام ...بما إني هحلم يعني ومصحيتش م النووم إليك الآتي

حنونة مثل السيدة خديجة – جميلة وفقيهة مثل السيدة عائشة – حكيمة مثل أمنا أم سلمة – طبيخها جنان زي السيدة زينب ام المؤمنين

لكن لإني مش زي الرسول وبتمنى أكون ماشي على خطاه فأتمنى تكون فتاة الأحلام ماشية على خطى الناس الحلوين اللي قلتهم من شوية

صف ما يأتي؟

شعورك لما بتسمع كلمة مصر؟

لو ماتش كورة بقول هتتغلبوا يا هُطل – لو برنامج سياسي بقول دتكو القرف – لو ذكريات انتصارات بقول هأو – فيه لسه حاجة ... آه لو مسافر وسمعت اسم مصر بقول يارب الناس اللي عرفتهم فيها يكونوا دايمًا بخير

شعورك لما بتسمع كلمة يهود؟

بتوجع أوي عليهم وأقول يا رب اهديهم .... او احرقهم

شعورك لما بتشوف ظابط شرطة؟

بخاف إني أهزر بعشم ليرد بغشم ... وبدعيله يسدد خطاه ويتوب م اللي هوه فيه

شعورك لما بتشوف الكناس العجوز في الطريق؟

بجري أجيب آيس كريم كتير وكل ما يكنس حتة أروح وأقوله يا عم الحاج الواد وقع جيلاتي في الحتة اللي كنستها ارجع اكنسها للوزير جاي الشارع ده النهاردة

بقول هذه يد يحبها الله ورسوله

افكارك تجاه شاب ماشي في الطريق يلبس جلابية بيضا قصيرة وعمامة ولحية وبجيبه سواك وبيده مصحف؟

إيه ده طب اسمه إيه؟ أولا توضيح لغوي بسيط أخنق عليكم بيه الجلبية بتاعة الرجالة اسمها قميص ... مش بتسمعوا بيقولوا قميص بلدي وقميص أفرنجي ؟؟ أما للستات فاسمها صح جلباب أو جلبية زي ما انتو عايزين

اما عن شعوري فبقول يارب الباطن يكون زي الظاهر وبقول الزمان ده عايز نوع من الملتزمين اسمه الشيخ المخربش مش بتاع ربنا يسامحك وعينيه في الأرض والناس تاكل حقه .. مش بقول إني معترض على التسامح لكن مش بعبط

احساس يراودك في اشارة مرور معلقة بسبب مسئول كبير؟

بقول الناس دي هبل لإنها بتفضي الطريق لو واحد واقف على سطح بيت برشاش هيجيب المسئول ده بكل سهولة

والحمد لله جت عليا فترة كانت في نفس ميعاد مرواح مدير الأمن كنت ببقى سعيد أوي إن احنا بنخلص شغلنا سوا وكنت عايز أضرب معاه صحوبية ياخدني فــ عربيته وبلاش ندالة بدل ما انا بقضيها تاكسيات

وأخيرا اختم بأبيات شعر قريتها في مقامات القرني

أمطري لؤلؤًا سماء سرنديب وفيضي آبار تكرور تِبرا

أنا إن عشت لست أعدم خبزًا وإذ مت لست أعدم قبرًا

همتي همة الملوك ونفسي نفس حرٍ ترى المذلة كفرًا

عارف طولت عليكم ... لكن أهو تاج وانتهى زمن الملوك

ملحوظاية بسيطة .... ياريت محدش يزعل إني شايل التعليقات ....الموضوع لا يستحق تعليق هوه مجرد رد على أسئلة والسلام ... ممكن اكون مجاوب بطريقة ناشفة شوية لكن اعتبر نفسك في لقاء تليفزيوني وواحد بيسألك الأسئلة دي؟؟؟ عااااادي جدن ...وبعدين الناس مش ملاحظة إن فيه اتنين بيجاوبوا ع الأسئلة .. روميو وسكايار .. فطبيعي يبقى فيه ردين ع السؤال أعمل إيه يعني؟؟؟؟ من حقك انك تعترض ... ومن حقي إني أنفذ اللي في دماغي.... حقي حريتي كرامتي لالالا يا عم الحاج

سلالم

Wednesday, June 13, 2007

فلاشاااااات .....فلاشاااااات

هيه الحياة دايما فلاشات

يوم بعد يوم بتضيع اوقات

وحنين وذكرى ليوم واهو فات

او حد سابنا فارقنا ومات

او حلم حققناه فـ ثبات

وجه الحرامي وسرقه وزاد

أو ناس عينيهم فيها دموع

وكل شيء عندها موجوع

وذكريات ويا الفلاشات

تلاقي دمع عيون بيزيد

وناس بتدعي ياريتني حديد

خليني زي ما كنت وحيد

انسان عنيد

عايش سعيد

وكل يوم يطلع بجديد

وفـ لحظة تلقى اتولد النور

من جوه قلب كتاب مهجور

خليك صبور ربك غفور

وللحياة قوم هد السور

عدي الجسور

عوم في البحور

فـ يوم هتلقاك جوه قصور

فـ وسط الضلمة تلقى ايدين

بتاخدك فـ حضنها تدفيك

فـ ليه هنخاف من الضلمة؟

ووسط الخلق تلقى الناس

يبات مظلوم يقوم محتاس

لكن فيه رب كل الناس

فـ ليه بنخاف من الكلمة ؟

ووسط الحزن والدمعة

تلاقي فـ قلبك الشمعة

وناس من فرحهم تنسى

منين كانت جت الدمعة

ونرجع تاني للفلاشات

نلاقي العمر عدى وفات

وكان كام يوم فـ شوق وحنين

ما نعرف مين واخدنا لفين

لحد ما بانت الرؤيا

وقالت جنة العارفين

حياتنا متاع

وخليها تجيب سكاكين

مفيش اوجاع

ما دمنا لحلمنا عايزين

وسيبك والعن الدنيا

وعيشها وطنش الفلاشات

Monday, June 11, 2007

علاقات ...علاقات

علاقات .... علاقات

برنامجنا النهاردة مش متغير علشان الديكور ولا الكاجوال اللي أنا لابسه

برنامجنا النهاردة متغير علشان انتو اللي قررتم فكرته ... وانتم اللي بتشاركوا فيه

اللعبة عاملة زي قاعدة الصراحة ... فاكرينها؟

لعبة غالبًا كنا بنلعبها في الرحلات والمصايف

كل يوم الصبح أقوم من ع السرير وبتبدأ اللعبة مع نفسي

المهم ، صحيت م النوووم وكان السؤال النهاردة عن العلاقات

والكلام عن العلاقات ... متهيألي الجروووب بتاعنا دااااس فيه أوي من مدارات ... لمين فينا الضحية ... لكلام لايف ما بين الجروووب وبعضيه .. لكن يمكن علشان أنا محصلش واتكلمت فيه قبل كده ... ولإن فيه شخص فتح معايا حوار عن العلاقات .. فكان لازم أبدأ أسأل وأفكر وادووووس ي الكلام ... وطييييب

الكلام اللي بيدوووور في دماغي هوه عبارة عن نقطتين ... نجاح وفشل

النجاح في إنك تبني علاقة ... مش بس ده النجاح ... لكن النجاح الأكبر ... إنك تقدر تنهي علاقة بنجاح ... يعني من غير ما تخسر احترام اللي أدامك ... ودي من الحاجات اللي بحبها جدا لإن مش كلنا بنقدر عليها ... مين فينا أنهى علاقة مع صديق أو زميل دراسة ... أو معرفة مصلحة حتى وأنهاها بطريقة تعطيلهم اننا لو اتقابلنا فـ سوبر ماركت .. أو في الشارع ... أو في اشارة مرووور نقف ونسلم على بعض وأخبارك وأهرامك وجمهوريتك؟؟؟

الفشل التاني أكيد معروووف ... وهوه الفشل في بناااء علاقة أساسا ... والفشل في إنهاء علاقة بطريقة محترمة .... فيه ناااس مش بتعرف من الأصل تبني علاقة مع اللي حواليها ..... ممكن نفسية ولا حاجة ... وفيه نااااس مبتعرفش تنهي علاقة أساسا مع حد عملت معاه علاقة ... سواء حب أو صداقة أو ... أو ... وفيه ناااس بتاخد العلاقات ...تيك أوااااي .... أصله خاااايف ليتعمق في العلاقة مع الآخرين وفي الآخر يصدمووووه زي اللي قبليهم ... وده اسمه فشل برضه

وفيه ناااس تالتة ... ودي اللي بسميها قمة الفشل ... إنك تنهي علااااقة مع حد وتفشل من إنك تسيب جسر تواصل ما بينكم يسمحلك انت وهوه إنكم لما تتقابلوا في الشارع او أو تسألوا عن بعض وتسلموا على بعض

فيه ناااس بتعمل علاقة بتطوووول 5 و 6 و 10 سنين ... وفـ يوم وليلة ... خلاص العلاقة دي انتهت ... إيه ده إزاي ... ده كانوا اكتر من اخوااات يا عم الحاج ... تبدأ تسأل ... تلاقي ده بيجييييب من تحت ... وده بيلعن تلاتين ده ... أمال إيه العلاقة اللي حصلت دي ... برجع بفلاااش باااك ويسامحني خوليو ... على حديث للرسول عليه الصلاة والسلام ... آية المنافق ثلاث ... وإذا خاصم فجر ... تلاقيه بيجييييب بقى ... وعملتله وعملتله وفي الآخر طلع وااااطي واداني على قفايا ... معنويا طبعا

المهم علشان مش بحب أطوووول في الكلام مع إني لوك لوك .... لما تصحى م النووووم اسأل نفسك ... انت تقدر تنجح في إنك تعمل علاقة مع حد ... وتنجح في إنك لو اضطريت لانهاء علاقة تنهيها بنجاااح برضه؟؟؟ ولا انتاااااااااااا؟؟؟

صباح الخير

Saturday, June 09, 2007

حبيبة صاااااحبي

حبيت حبيبة صاحبي مرضيتش أقفله

قلت إن بكرة تروقلي واقدر اشنكله

لأ لأ مش هيه دي القصيدة ... ده باين الأمور دخلت في بعضها ... ثواني ثواني أجيب القصيدة وارجع لكم

احم احم

أيون ... معاك يا ريس

و عشق الروح نضيف خالص

لكن عشق الجسد دايييس

لو انت نسيت تقول حبيت

هيبقى الجمع بالناقص

عيونها تقول كلام مجروح

بقلب بيصفى كالمدبوح

وتعشق فيها في جروحها

نسايم بسمة من روحها

بقالي سنين بشوف نظرات

واعيش نظرات

وادوب نظرات

لكن من بين عيون الناااس

ماشوفتش لمسة بالنظرات

وايوة عيونها لمستني

وخافت لما حبتني

وعاشت ثانيتين ف سكون

ورجعت تاني ضحكتلي

وحست اننا ف دنيا

بنحيا بقلبنا لينا

ولو بعدت ف يوم ثانية

بتلقى حنين يبان فينا

لكن مقدرتش اتحمل

أخون صاحبي مع حبيبته

ولما لقيتني مش هعرف و راح اكمل

حلقت لصاحبي ولطيبته

وعشت سعيد مع حبيبته

روميوووووووووووووووو.... عاااادي جدن

Tuesday, June 05, 2007

مصر فيها ترررم

مين قال إن مصر دولة فقيرة؟؟

مين قال إن بياع البطيخ راجل مسكين؟؟

مين قال إن الراجل اللي بيصلح – عذرا – الأحذية مش لاقي يااااكل؟؟

ومين قال إن مصر مش فيها فلووووس؟

اللي قال كده يتفضل يصحى م النووووم

مصر فيها نجيب ساويرس

مصر فيها طلعت مصطفى

مصر فيها طلعت يا محلى نورها

مصر فيها بياع البطيخ ...شاااايل موبايل 7610... وإن كان بقى قدييييم بس شايله... لامؤاخذة يا عااااشق

مصر فيها سواق الميكروباااص ...لأ ده الكمسري شايل موبايل 6630 معلش يا حلاوة

مصر فيها الولد اللي شغال في البنزينة معاه "إن 70 " راحة عليكي يا كلماتي
و راحة عليكي كمان يا ماهي

وأخيرا مصر فيها اللي مكفيها

سييين سؤال؟؟؟؟ هل دول مش من حقهم يشيلوا الموبايلات دي زي ما احنا شايلينها؟؟؟ مش من حقهم يتفسحوا في دريييم باااارك ويطلعوا شرم زي ما احنا من حقنا؟؟؟

جييييم جواااب ... من حقهم ... لكن مش من حقهم يشتكوا من غلااااء العيشة .... مش من حقهم يقولوا احنا مش لاقيين نااااكل ... لإنهم لاقييين الفلوس اللي بيبعزقوها على الهبل

وعلى فكرة النماذج اللي بتكلم عليها أنا شفتها بعيني

سيييين سؤال تاني ... فيه حقد طبقي في مصر؟؟؟؟

جيييم جوااااب ....بص لعين أي واحد من الأصنااااف اللي أنا اتكلمت عنها - إلا من رحم الله – وانت بتتعامل معاه هتلاقي عينيه بتقول بصرخة شرسة " لييييييه ابن ال.... ده ماكانش مكاني وأنا مكانه" ويسأل نفسه كإنه ضحية مؤامرة

بيبقى نفسي كتير لما بلاقي نظرة من النظرات دي أطلع الفلوس اللي ف جيبي أو أجيب فلوووس كتير وأديها لواحد من الناس دي واقعد اتفرج عليه هيتعامل إزاي ويتصرف فيهم إزااااي ... على الرغم من إني بسيييط جدا مش ريتشي ريتش يعني ولا حاجة

عزيزي العميل .... عفوًا لقد انتهت صلاحية البطاقة... ولابد أن تصحى م النوووووم...

يَا بُنَيَّ إِنَّهَا إِنْ تَكُ
مِثْقَالَ حَبَّةٍمِنْ خَرْدَلٍ
فَتَكُنْ فِي صَخْرَةٍ
أَوْ فِي السَّمَاوَاتِ أَوْ فِي الْأَرْضِ
يَأْتِ بِهَا اللَّهُ
إِنَّ اللَّهَ لَطِيفٌ خَبِيرٌ
يَا بُنَيَّ أَقِمِ الصَّلَاةَ
وَأْمُرْ بِالْمَعْرُوفِ
وَانْهَ عَنِ الْمُنْكَرِ
وَاصْبِرْ عَلَى مَا أَصَابَكَ
إِنَّ ذَلِكَ مِنْ عَزْمِ الْأُمُورِ
وَلَا تُصَعِّرْ خَدَّكَ لِلنَّاسِ
وَلَا تَمْشِ فِي الْأَرْضِ مَرَحًا
إِنَّ اللَّهَ
لَا يُحِبُّ كُلَّ مُخْتَالٍ فَخُورٍ
وَاقْصِدْ فِي مَشْيِكَ
وَاغْضُضْ مِنْ صَوْتِكَ
إِنَّ أَنْكَرَ الْأَصْوَاتِ
لَصَوْتُ الْحَمِيرِ

واصبر نفسك

اللهم يا صاحبي عند شدتي
يا مؤنسي في وحدتي
يا حافظي في غربتي
ياوليي في نعمتي
يا كاشف كربتي
يا سامع دعوتي
يا راحم عبرتي
يا مقيل عثرتي
يا إلهي الحقيق
ويا ركني الوثيق
يا جاري اللصيق
ومولاي الشفيق
يارب البيت العتيق
أخرجني والمسلمين ومن سألنا الدعاء وسألناه الدعاء من حِلق الضيق إلى سعة الطريق
بفرج من عندك قريب وثيق
واكشف عنا كل شدة وضيق
واكفنا من السوء والأذى ما نطيق وما لا نطيق
اللهم إن لي أحبة في كل درب وصحبة
فاغفر لهم وأعنهم ويسر لهم أمر رشدٍ
يعبدوك لا يغفلون عن عبادتك ويرضون بما قسمته ويفرحون بقضاءك
اللهم لم تخذلني في نفسي فلا تخذلني فيهم أبداً
وصلى اللهم على نبينا محمد وعلى آله وصحبه وسلم