مصر أم الدنيا

عايش نضيف نضيف

وبصيف في الخريف

بعرف أشكال زبالة

مع إني ملاك لطيف

اعرف لو شعبي واطي

ازاي راح أكون شريف

مبحبش الزبالة

ولا يوم دبت فـ عفن

مع إن حلاوة صاحبي

جربها وساق سفن

والواد عاشق قريبي

بيقول حلو الزمن

فأنا قلت لإني طاهر

خلوني البس كفن

يا ريت كنت أمشي حافي

زي الواد حلاوة

واصحى وارقص كتافي

زي الواد حلاوة

أو أقول لحبيبتي ممكن

واستأذنها بدناوة

ممكن ... بعد إذنك ...اسمحيلي أعشقك

لما شفت نوع موبايلك

قلت لازم أسرقك

أنا أصلي صحيت مكسل

فلقيت جنبي المغسل

بيقول لصبيه يا دؤدؤ

شهل هاتلي المعسل

واتغسلت فـ ثواني

علشان فيه جار معزل

ودي آخرة التفاني

يطلعلي خزوق مرزل

آسف كان نفسي أضحك أو أفرفش وابتسم

بعد أما الأهلي فزلك

ومعادش بيتهزم

القلعة الحمرا كبرت

والبيضا يا عيني فقست

واهي خربت وانتهت

تريكة حبيبي جدن

شيكابالا كمان يجنن

لكن اللعب الحقيقي

محتاج لعيب مسنن

متاخدهاش يوم بصدرك

علشان تلحق تزوغ

وإن خبطت يوم في هدك

خدر واعمل نفوخ

واسمع لنشيد بلادك

علشان تعرف تفنن

مصر

أم الدنيا

على أم اللي عايزينها

صلوا ع النبي

قال خير في سلامة ...... وسلامة في شغله ومش فاضي لنا

خير اللهم اجعله خيييير الواد الطاغية المظفر السكايار صحي من النوووم كده بدري لقى نفسه مبووووز مش عارف لييييه ....بدأ يسأل نفسه ... مالك ؟؟؟ ماتقوللي ؟؟؟؟ ايه بس اللي جرالك؟؟؟؟ برضه معرفش

جت في دماغه يطييييير جري على أخته ملكة البنات ممكن يكون عندها جواب على سؤاله
دخل الرسول بتاع سكايار على سكرتير الملكة وقاله: قائدنا المظفر عايز يقابل الملكة في أمر هااااام جدا
وبالفعل استعدت الملكة للقاء الطاغية السكايار وقعدوا يتكلموا كتييييير ونقاش ومداولات وأخيرا
قامت الملكة من عرش مملكة البنااااات وقالت: أيها القائد المظفر لقد عرفت طلبك .... إنك سئمت من حياتك العزبنجية ومحتاج حد يشاركك حياتك وأنا عندي عروستك
وقامت الملكة ونادت في حارساتها .... أعدوا العدة سنخرج للقاء أميرة البطابيييييط
وبعد مداولات أخرى داااامت سنيييين وأياااام .... وسنيييين تروووح وأياااام تييييجي
حصل المراد من رب العبااااد ووافقت أميرة البطابيط أن تشارك الطاغية حياته الطغوية وتكون له سندًا في حياته الجديدة - طبعًا ما هي أطول منه هيتسند على مين أطول من كده - وهكذا تمت خطبة بطوطة هااااانم أميرة البطابيييييط لسكايار أفندي حاكم بلاد السكاياريين
وبس ... مبروك بطوووووط عقبال كل خير جااااي

رسالة

جوه كل كتاب وورقة

بلقى صورتك بتناديني

ويّا شمس الصبح طلّة

بلقى نورك دفّى عيني

ويا أمسي وويّا بكرة

ويا شوق وحنين وذكرى

ويّا أحلام الطفولة

ويّا أيامنا الجميلة

ويّا بسمة يوم لقانا

ويا فرحة عين ملانة

بس خبتها الرموش

ويّا دمعك وانتي ماشية

ضحكة عالية ع الوشوش

ويّا قلبي ونن عيني

خفت قلبك ملقاهوش

واتواعدنا نلاقي بعض

مهما هتطول السنين

لو نعيش في جراح وبُعد

يفضل القلب فـ حنين

وابدأ أفتح كام كتاب

كام رسالة وكام جواب

ألقى فـ كل كتاب وورقة

لسه صورتك ...لمسة عيني

ملناش غير بعض

مـلـناش غير بعض

حبيبي

ملناش غير بعض

تدينا الدنيا ساعات
وتروح
وتسيب جوانا فرح
وجروح
ونروح نتغرب فين منروح

ملناش غير بعض

تنفض الناس ويغيب الضي
وأقول ده خلاص
رايح مش جاي
أتاريك مش زي الناس ولا زي

عايشين الدنيا على عيبها
تجرحنا ونعرف ألاعيبها
وبنمسك فيها ونسيبها
وبنحضن بعض

ملناش غير بعض

كلام عاجبني للشاعر علي سلامة
قلت أحطهولك يا سكايار
شكرا جزيلا ليك
انك جيت كان شئ مهم ليا فعلا
تشكرات يا ملك
حلاوة

الشهر ده

زي الفترة دي م الشهر ده كنت أخدت قرااااار أبدأ احب الحياة

زي الفترة دي م الشهر ده ...شلت كل تكشيرة واستبدلتها بأحلى بسمة وأصفى ضحكة

قبل فترة قليلة من الشهر ده من سنتين فااااتوا كنت معتكف في رمضان ... وخرجت أقول أنا الاسلاااام

وعلشان أكون الاسلام فمش هقعد وأعتزل في المسجد وأديها عبادات وبس

لقيت فيه نووور من بعيييد ... وناااس قلبها أبيض زي المساجد في يوم العيييد

شاب جميييل سميته ايمدجاوي مليان نشاط وحيوية ... ومبيسمعش غير كلام عقله

وخبرته ...مش بيسمع كلام دكاترته حتى هههه

واخ عسل مولود في نفس يوم ميلادي بس اكبر بكتيييير واسمنا نفس الاسم ... بقوله يا هندس ..

ومسميه المخترع الفظييييع

كان بالتحديد يوم 13/11/2005 ده أول يوم عمل ...لأ مش عمل من بتوع المشعوذين ... ده عمل من اللي أمر بيه

بتوع الدييين ... الحياة بالدين ... والدين الحياة

في نفس اليوم ... كان ده يوووم الأحد ...لقيت راجل جميييل يبقى أبو ايمدجاوي وهندس .. وبرضه

أصبح بابايا ... كنت دايمًا أقوله ... ياعمو المستشار ....كان ليه كرسي جنب المكتب

اللي بقعد عليه ييجي كل يوم أحد هوه يشرب الشاي اللي بيحبه ... وأنا أضربلي واحد نسكافيه م اللي بحبه .... ويوم

من أيام الاحد دوووول بعد سنة وكام يوم جه عمو بابا المستشار وبسمته جميلة على

وشه ... وكانت أونو معانا يومها... قعدنا نتكلم ....وسألته عن صورته دي

قعد حكالي عنها كتيييير وقاللي كل شيء عن حياته من أول ما بدأ التعليم لغاية ما فات ع الكويت ورجع

منها علشان كان حابب يعيش آخرأيامه في بلده ... ولما قلتله ربنا يطول لنا في عمرك ... رد وقاللي

مالوش لازمة طول العمر بدون رضا ربنا ...قول ربنا يباركلك في عمرك ... البركة فيها خييير

وكان تاني يوم يوم الاتنين 28/11

لقيت تليفون من ايمدجاوي افتكرته بيصحيني للفجر وبيعرفني إنه صاااحي يعني ... لقيته بيتصل

رحت لبابا عمو المستشار ركبت معاه عربية بس كانت مختلفة عن العربيات العادية ... كان ليها

سريييينة رخمة ... وهوه كان لابس لبس أبيض غرقته بدمووووعي ...دخلنا المسجد ... مش عارف

إزاي قدرت أعمل كده ....أكون أنا اللي بصلي علييييه وهو اللي عطالي أجمل بسمة في الحياة

وعلمني أد إيه الحياة متساويش

إزاي أسيبهم يحطوا عليه ترااااب ازاي أسيبهم؟؟؟؟ بس كان لازم أسيبهم مش كان في ايدي حل

تااااني ....هما دفنوه تحت الأرض ... لكن أنا خبيته منهم جوه قلبي ..... آسف يابابا .... آسف

أوي ...

. كان نفسي أشوفك قبل ما أمشي ... لكن بشوفك في المنام ضحكك وأحلامك هنا من قلبنا بنحسها هما وأنا

آسف كتيييير ... من كام سنة شفتك ببسمة بتملى الدنيا نور ...زي النهاردة دخلت قلبي ومش هتطلع

منه أبدًا .... آسف أوي مجروووووح كتييييييير سامحني إني بعيط أوي ... لكن لو مش كتبت

لك .... كنت مش هتحمل الألم ... مش كنت هبقى أوي ..... فاكر يا بابا ... لما كان قرآن الغامدي

شغال وقلتلي الراجل ده بيقرأ من الجنة؟؟؟؟ فاااكر لما كنت بتفسرلي سورة النمل وقصة سليمان

والهدهد وإزاي دخلت بلقيس الصرح ....أنا بحبك أوي ..... آآآآآآسف أوي

بنفترق كل أما بنشبك ايدينا

ونلقى فـ بكرة عيد

ونفترق كل أما نحضنا بعينينا

وكل قلب سعيد

ونفترق فـ قلوبنا تِقوى

وشوقنا لينا يزيد

فنفترق

مش زعلانين م الفرقة

ماهي مش فارقة

ده لقانا

تاني أكيد

بنفترق كل أما نتجمع بلمة

ولما نلقانا

بنفترق كل أما تنزاح عنا غمة

وقلوبنا حسانا

ونفترق فـ قلوبنا تِقوى

ونبقى في حياتنا

فنفترق مش زعلانين م الفرقة

ماهي مش فارقة

طول ما احنا جوانا

حارس العمارة

أنام ازاي وقلبك عندي وفـ حضني

أنام ازاي وليك أيامي بتاخدني

أنام ازاي وأنا صاحي وبحلم بيك

وأنام ازاي وأنا عيني شاغلها عينيك

وأنام ازاي وحبك صحى لياليا

أنام ازاي وصورتك لسه في عينيا

أنام ازااااي؟؟؟

أنام ازاي وأسيب أجمل ما في هوايا

وأنام ازاي وقلبك ليا مرسايا

وأنام ازاي وأيامي فـ عينيك رجعت

وأنام ازاي وبسمة قلبي بيك ضحكت

أنام ازااااي؟؟؟

خلاص هعرف أنام ازاي

راح أدخل جوه نن عينيك وهتجنن

تدفيني برموشك ليلي واطمن

وتحلم بيا طول الليل

وبرضه هعيش في أحلامك أكيد صاحي

ومش هعرف أنام ازاي

فهضرب حبتين تهييس أو اتخدر

وممكن بعد يوم واتنين أكون أدمنت للمنكر

ويبقى شيطاني ظبطني وهخش النار

فمنك للي أكلت جوزها واتعشت بعين سكايار

المكوجي والشغالة

سهرت الليالي ...أنادي النجوم

لقيت قلب خالي ...كما كل يووم

بيسهر لواحده ... ما يتعب في بعده

بيخلم بغالي ... ويغرق فـ نوم

بدأت إني أصحصح ... عينيا وبفتح

وفجأة التقيتك ...فـ ضحكك تعوم

بتهوى القمر ...ووجهك قمر

بتعطي ابتسامة ...لكل البشر

ولو كنت جنبي ...تزول الغيوم

وأشيلك فـ قلبي ...تروح الهموم

ببسمة اتقابلنا ..وهمس اتشاكلنا

ولو شفت ضحكك ..مبعرفش ألوم

بعيد بس جنبي ...وحضنك في قلبي

ومش راح أكتر .... ومن غير لزووم

تفارق يا فوزي .... وقوم فز قوووم

لا جيب الصعايدة .... وتقلب بشوووم

وفـ الدرب الاحمر ...روح اعمل بلاااغ

ده حبل الغسييييل ...اتسرق بالهدوووووم

يا خراباااااااااااااااااااااااااااي

بسمة حتى الموت

لأ دي مش مرشحة مجلس شعب واسمها بسمة ولا حاجة ... لأ يا خفيف الظل برضه مش مرشحة مجلس شورى ....ودونا في داهية ... بسمة دي مرشحة الرئاسة هعهع ... لأ يعني مش اسم وداخلين بيه نهتف يا ظريف ياللي نايم أدام الجهاز ... .فز يا افندي من أدام الجهاز وانتبه ... ده عبيط ده ولا إيه يا ولاااااا

هيه المرة دي كانت اسم على مسمى .... طبعًا البسمة بتاعتي يعني

والله حاجة مفرحاني جدن جدن هنا ... الناس كلها هنا في بلد اولاد ظبي ... بيقولوا هوه الجدع ده مش زينا في غربة ؟؟؟ أمال ماشي على طول بيضحك وبيهزر وبسمته مش بتفارقه ؟؟؟؟ هيه فيها حاجة دي يا جماعة؟؟؟؟

والله انا أعرف إن طالما ربنا في أي مكان ... يبقى أنا مش في غربة ... وكمان أصحابي مستنين يسمعوا مني أخبار حزينة ... يعني إني متضايق أو زعلان علشان لواحدي ... ويستغربوا لما أقولهم أنا تمام وقشطات؟؟؟؟

خلونا نتفق إن أنا الأول انسان ... ومسلم ... وبحب ربنا ... كده تمام؟؟؟؟ قشطات جدن ... مش هقول كلامي بتاع زمان بتاع ... احم ...احم

بحب أعيش لواحدي علشان أعيش سعيد

مكبر الجماجم لكن انسان عنيد

لو حزن فـ بكرة هاجم

فـ لحظة أقلبها عيد

سيبك م الكلام ده علشان أنا معتش لواحدي خلاص ... ومش ينفع أرجع لواحدي أصلن أصلن ... لإني مدون ليا ناس مشاركاني حياتي وليا ناس مشاركاني سكايار وناس مشاركاني كيكو.... سيبكو م الكلام ده برضه

على فكرة الأول هقول خبر مش لذيذ محدش يتخض عليا ... ومحدش يمسك موبايله ويرن لإني مش برد على حد أصلن أصلن .... أنا عملت حادثة ... محدش يعرف الكلام ده أول مرة أقوله ... محصليش حاجة يا قلق منك له ليها حادثة عربية ... والست اللي سايقة أعصابها فلتت من الخضة ومعرفتش تفرمل شالتني من فوق الأرض ... قابلتها ببسمة لطيفة ونطة شقلباظية من بتوع سكايار وخلص الموضوع ... قعدت تعتذر وتتطمن عليا ... أو على فلوسها لو بلغت عنها وأخدت عويض ... أصل كل حاجة هنا بفلوس ... ابتسمت وقلتها خير إن شاء الله كل اللي حصل خربشة في ايدي من مساحات العربية لما اتخبطت في الازاز بس تمام تمام ... مش مكتوبلي أموت على ايديكي - ربنا يهديك يا مينا - كان بيقوللي ايام الكلية انت هتموت على ايد واحدة ...ههههههه وده سر اسم بسمة حتى الموت .... ربنا يخليكو ليا مش عايز حد يتخض أنا بكتب في بلوجي عاااادي جدن

متهيألي ممكن دي أول مرة سكايار يتكلم بشخصه ع المدونة ... أقصد في حياته الشخصية يعني ...لكن الفكرة إن الحياة ما هي إلا تعاليم واختبارات ... زي ما كان بيقول أحمد رفعت قبل كده ... مدرسة الحياة أو كانت المدرسة والحياة وقلتله يومها إن فيه برضه حصة ألعاب في المدرسة دي اسمها لعبة الحياة ... وإزاي إنك تقدر تكسب في اللعبة دي ... لإن اللعبة شوط واحد ... يا تكسبه يا تطلع بره البطولة ... بس الطلوع بيبقى قاسي أوي ... يبقى لازم تكسب ومتلتفتش لسفاسف الأمور ... غربة ... وفيها إيه ... على فكرة أنا حاسس إني في اسكندرية ... وفيه مناطق بحس إنها شعبية على الرغم من الفرق الكبير طبعا بين أبو ظبي ومصر ... بس اللي ممكن يضايقني هنا إن الدين عبارة عن تمثيلية بايخة ... مسألة توحيد الآذان ... يتك ع الزرار ده المؤذن - تلاقي المرحوم محمد رفعت بيأذن - لا حول ولا قوة إلا بالله - الراجل بيأذن من تربته ؟؟؟ ده مثلا ... هما مش عندهم محمد رفعت أصلا ولا يطولوا يكون عندهم ... بخلاف الامام اللي بيطلع 10 دقايق بورقة يقول اللي فيها وينزل حاجة تقرف ... بس نعمل إيه ... ربنا يغفر لنا وليهم أكيد غصب عنهم

مش عارف حبيت أكتب بس الشوية دول ... بس اللعبة مفهومة ... وعلى رأي أحمد رفعت برضه لما رد عليا في انه فيه ناس مش بتتعلم: لو امتحان مكرر ومتعلمتش منه تبقى مغفل

عادي يعني ... احنا وصلنا من فراق الناس بإن ناس بنحبها وماتت وناس سافرت وناس فارقتنا وداست علينا ... مفيش مشاكل المهم بنتعلم من كل ده ... مش هنقف على نقطة الفراق على رأي صاحبي عاشق الروح برضه .... كفاية كده أنا لكيت كتير أوي النهاردة .... آسف على التطويل ... وآسف لغتي مش كانت سكايارية البوست ده ... لكن أوعدكم بكل ضحك وهزار وفرح قريبًا ... يا ريت الناس اللي بتتصل بيا أو بترن عليا وأنا مش برد عليها يسامحوني مش مكبر دماغي وربنا بس يسامحوني وخلاص

سلالم ..... لما أصحى م النووووم هبقى أعلق على كومنتتكم اللي فاتت

ربنا يجمعنا مع بعض على كل خير

ودعواتكم لهدى الله يرحمها صاحبة مدونة بهلولة

سبحانك اللهم وبحمدك أشهد أن لا إله إلا أنت أستغفرك وأتوب إليك

نرجو حزم الأربطة ... أيون أنا

قال خير اللهم اجعله خيييييير ... صحيت من النوووم لقيتني لابس بدلة كده ومتشيك ومتظبط وحاطط برفان وريحتي زبالة وشعري متسرح لأدام ... أصلي بقيت أقرع ... أنا بقيت أقرع يااااامصر ...عااااااااااااا

المهز أنا ارتكبت جيريمة ... آه جيريمة ... أنا دخلت عند عمو عصفور المدينة سرقت منه التاج ده وجييييييت

ورفعت الشعار ... واطي ... واطي ... واطي واطي واطي

هييييييييييييييييييييييييه

أصلي حابب أضحك حبتين فقلت نشوف أي حاجة نضحك بيها لقيته بيهدي التاج لكل اللي يدخل يعلق عنده فقلت أنا لها ....بس هيه توافق

شوف يا سيدي ... طبعًا لإني فقر من يومي دخلت أسرقه لقيت حرامي تاني في المدونة ... رعشتله بالكشاف وقعدنا نحكي بقى وكان ده الحوااااار

إن قالوا لك اختار عصر من عصور مصر علشان تعيش فيه تختار أى عصر وفى عهد أى حاكم .. واشمعنى؟

أكيد مش هختار عصر الليمون ... أصله مر أوي ...فيه عصر يوم الخميس علشان بيبقى بالليل الساعة 5 الصبح كده فيه فسحة بقى وخروج وهتقابل أصحابك وكده يعني ... أما عن الحاكم ...عيب عليك ..هوه أنا مش مالي عينك ... اشمعنا؟؟؟ انت هتخشلي قافية . شوف كده فيه فلوس في الخزنة؟؟؟

أول أولوية فى حياتك عيلتك ولا شغلك ولا اصحابك؟

هوه أنا لما كنت بصحى م النووم ...كنت بلاقي أمي في وشي بتقوللي يلا عشان عندك شغل ... بعد الشغل كنت بروح للعيال اصحابي أو نتقابل ... وأنا مع العيال أصحابي كانت أمي بترن عليا من البيت علشان لو اتأخرت هترفع عليا السلاح ....يعني إيه أو ولية اللي انتو بتتكلموا عليها دي ... والولية دي حلوة يعني ومتجوزة ولا ...عيب يا جماعة دي أعراض ناس برضه

ايه أكتر حاجة بتحبها فى رمضان ؟

مفيهوش بذر ..... يعني بقولك داخل أسرق تقولي هحب رمضان؟؟؟ انت مش عارف ان الرة حرام في رمضان ولا إيه ...بس لما بسرق ركعتين بالليل كده مع 3000 ختمة قرآن بيبقى مزاجي عنب

اوصف أجمل فطار ممكن تفطره ؟

برضه هقول زي عصفور المدينة لو تقصد في الصيام يبقى أجمل إفطار أفطره 99 تمرة مع شوب عصيييير أو لبن كده مع شاورمة فراخ ومتنساش السلطة وممكن أزأز شوية موز كده مع حبة شيش طاوووق ما بين الآذان والاقامة ... تصبيرة يعني

ولو تقصد في الأيام العادية يبقى عندك حالتين ... واحدة لو هفطر مع حلاوة بعد صلاة الفجر ...هيبقى سندوتشات فول الحداد مع مامادو برضه ونروح نشرب النسكافيه أو الشاي بلبن عند صوبر صاحبنا أصل بيته قريب من الجمعية الشرعية .. ولو في الشغل ...كالمعتاد بيبقى عصاير وأكل من بتاع العيال ...مولتو وهوهوووز ...وطبعا مع العصاير فيه كوفي مكس أو نسكافيه 3 في واحد

لو انت حاكم على مجموعة من الأفراد حتكون عادل ؟

طب حتتأكد أزاى انك حاكم عادل؟

لا طبعا مش هكون عادل .. هكون سكايااااار ... وهتأكد من كوني حاكم عااادل لما أجيب أصغر حد في المجموعة وأربطه فـ وسط الميدان وأخلي المجموعة كلها تقف تتفرج عليا وأنا بولع فيه بالبنزين والكبريت لحد ما يطلع سي عاااادل اللي بتتكلم عليه ....هعهعهع أنا شرييييييييير

ايه اللى بيبوظ الحكام .. نفسهم ؟ ولا الشعب ؟ ولا الحاشية المقربة ؟؟

اللي بيبوظ الحكام يا ريس إنهم بيبقوا جايين من غير ضمان ...وقطع غيارهم صعبة تتلاقى فبيضطر الشعب يستحمل أهاليهم علشان غالييين .. وعلى رأي المثل ... على أد خشافك ...قطع التييييين

مين أكتر اعلامى مصرى بتحترمه؟

هيه مصر فيها اعلامي غير أبو خط أحمر وأبيض وأسود ونسر في النص؟؟؟؟

ده البلد اتغيرت كتير لما أنا سافرت ... بص كده الملفات اللي في الشنطة دي ممكن نحتاجها ؟؟؟

قريت ديوان "........." صاحب بلوج ".........." عن دار "......." ولا لسة ؟

هوه انت كمان قريته ... ده انا كنت سارقه من كام سنة وافتكرت انها النسخة الوحيدة ...يحرق يولع

كنت تتمنى تبقى ايه ؟؟

لما اتولدت أبويا قال الواد ده هيطلع يا ظابط شرطة ... يا حرامي ... وأنا مطلعتش ظابط شرطة

ايه تانى بلد تتمنى تعيش فيها بعد مصر؟

مدغشقر ... يا سلااااام ...حاجة كده حلوة لما تقعد تتغشقر وانت مدلدل رجليك في ودن الحوت وأبو الهول في ضهرك ... شعور فظيييع فظيييييع

اوصف ترتيبات اجمل فرح ممكن تحضره؟

العريس داخل .... المعازيم شالوه على كتفهم ... موسيقى تصويرية من مسلسل سر الأرض ...وأرضك بتنده طرااااااخ ... رصاصة ... العريس مات ... الحمدلله ...كان عريس زبالة أصلا أنا عارف ايه اللي لمكوا ع العيلة الواطية دي

بتراعى كلام الناس والقيل والقال ؟؟ ولو اه او لا قول ليه ؟

طبعا براعي كلام الناس بس مش بالليل ..علشان كلام الليل مدهون بسمنة وأنا بدوخ من السمنة ... وأما لأ لييييه فعشان حتى الرسول عليه الصلاة والسلام مش كل الناس كانت راضية عنه ... وحتى ربنا مش كل الناس آمنت بيه ...نسبية يا معلمي

صحيت من النوم ملقتش الموبايل ولا الكمبيوتر ولا الكاميرا الديجيتال ورجعنا لعصر الحمام الزاجل والحصنة هتكون سعيد ؟

أولا السؤال ده ينضم لمدونتي ...علشان كلمة لو صحيت م النوووم دي ... ثانيًا وليه مش هكون سعيد ... أنا كنيتي أبو سعيد هعهع حد طايل صحرا وحر وأحصنة وتيجي البت ليلى والمجنون الأهبل اللي بيحبها ونقعد كده قعدة عرب ونتصافى وتبقى قلوبنا صافيا .. مش حميا ومش خضيا

السعادة هى ..؟

حلاوة الايمان ... احنا صحيح بنسرق بس الحق حبيب الله يا عم الحاج

عندك أمل ؟ اسبابك ؟

مش عارف شوف ف التلاجة كده

هوه أنا معيش أهلي في الدنيا غير أمل ... ده الحلاوة أمل ... ده الجمال أمل .... بت يا أمل الله يخرب بيتك انتي رحتي فييين ... أسبابي؟؟؟

والله أنا لسه متجوزتش وان شاء الله لما ربنا يكرم في اللي هتطلع عيني مش ناوي أسميها أمل ...كفاية نور واسلام وفوزي وسعيد ومصطفى ورفعت و عباس وكريمة وسلمى وحسين

لما بتحب تهرب من كل شئ بتروح فين؟

متهيألي في الجامع عمرك البوليس ما يوصلك ... بس اوعى تكون بوليييييس ده أنا أغزك يااااض

امتى اول مرة خدت فيها نفس طويل وقلت ياااه انا فعلا كبرت؟

بصراحة كنت رايح أخده وأنا في الطيارة ...لقيت المضيفة اللي مكنش فيهم واحدة عربية بس كانوا حاجة لوز لوز لوز ... احم احم.... بتقول على السادة الركاب حزم الأربطة وشد اللحاف وناموا يا كلاااااب ... بجد رايح آخد نفس عميك .. ببص من الشباك لقيت كل حاجة بتصغر لدجة ان الناس والعربيات بقوا أصغر من النمل ... ساعتها مقدرتش أتكلم قلت سبحان الله اللي شايفنا وسامعنا من فوق سبع سماوات ...علشان كده حسيت إني عمري ما هكبر في السن ... وعمري ما هحزن طول ما الحياة رخيصة وبسيطة أوي كده

أما بتعمل عمل خير بيكون ايه هو دافعك الاول ؟

معرفش بصراحة ...يمكن علشان دايمًا واقف أدام وضهري للناس مش عارف مين اللي بيدفعني كل مرة ... وربنا لو أطوله بس هيشوووووف

بتشرب سجاير ؟؟ وايه شعورك اما ست او راجل بيشرب سجاير ؟ ليه؟

لأ مش بشرب سجاير ... بشرب قانتا برتقان ... على فكرة فيه في أبو ظبي فانتا فراولة لذيذة أوي ...بس أنا بحب البرتقان أكتر

ولو شفت راجل أو ست بيشربوا سجااااير هجيبلهم واد صاحبي مسمينه أبو كرتونة هيقف كده هيقعد كده ع الكرسي بكرشه ويقوله : دك خيييييبة يا خاااااايب

بتعرف ايدك اليمين من الشمال ازاى ؟؟

أول ما بيتحط أدامي أكل ... الايد الطفسة بتتمد لواحدها فبعرف إنها اليمين

ايه اكتر الة موسيقية بتحبها ؟

آلة الزمن .. بتعزف أحلى موسيقى لأجمل ضحكة على الحياة

رأيك ليه الذوق والنخوة اتعدموا ؟

بيقولك الذوق اتهور على واحد جارهم اسمه الندالة فكان له واسطة ... الحمد لله جاب له اعدام ...والنخوة طبعا غارت لإنها من أعداء الأستاذ ندالة ...فشتمت مراته تقريبا بألفاظ بذيئة ... المهم قالوا في التحقيق إن الذوق والنخوة هما اللي حاولوا قتل الندالة والوطينة فلبسوهم اعدام

الحاجة اللى لو حصلت لك حتبقى سعيد اوى ؟

لما أشوف وجه ربنا في الجنة ... وأحقق حلمي اللي في الدنيا

تحب يبقى عندك ارض زراعية ولااجنس عربيات ولاكام عمارة ولافلوس فى البنك؟

هاتهم كلهم أدامي وأنا هقسمهم قسمة العدل .... بحق الله ....بحق الله ... بحق الله

ههههههههههههه

البحر ولا النيل ؟

النيل نهر من أنهار الجنة

مركب ولا طيارة ؟

طيارة علشان أطير وأطير وأطير .... وأتجن ع الطيور

مجنون ولا عاقل ؟

احم ... احم

تقرا كتاب ولا تتفرج على فيلم؟

أتفرج على فيلم بيتكلم عن الكتاب اللي عايز أقراه ... أو اقرا كتاب عن الفيلم اللي عايز أشوفه

أصلا أنا بعرف الأفلام من الكتب والجرايد والحاجات دي ... فمقضيها قراية ... حتى مع الحاج أبو ظبي هنا مقضيها قراية ... تمام تمام

بتمرمط التاج ده لمين ؟

لكل اللي شافوا البوست ورأوه وصلوا ع النبي ... يصلي ربنا عليهم ويرحم والديهم

وأخيرًا وأنا طالع مع صديقي الحرامي من مدونة أبونا عصفور المدينة .... خبطت في الشات بوكس بتاعه وجالي قصر نظر ..... خد بإيدي يا ضنااااايا

احم ...احم

here i am

Here I am
This is me
There's nowhere else on earth I'd rather be
Here I am
It's just me and you
Tonight we make our dreams come true

It's a new world
It's a new start
It's alive with the beating of young hearts
It's a new day
It's a new plan
I've been waiting for you
Here I am

Here we are
We've just begun
And after all this time
Our time has come
Yeah here we are
Still goin' strong
Right here in the place where we belong

Oh it's a new world
It's a new start
It's alive with the beating of young hearts
It's a new day
And a new plan
I've been waiting for you
Here I am

Here I am
Yeah

Here I am
This is me
There's nowhere else on earth I'd rather be
Here I am
It's just me and you
Tonight we make our dreams come true

Oh it's a new world
It's a new start
It's alive with the beating of young hearts
It's a new day
It's a new plan
I've been waiting for you

Oh it's a new world
It's a new start
It's alive with the beating of young hearts
It's a new day
It's a new plan
I've been waiting for you
(Waiting, waiting waiting)
Here I am

Here I am
Right next to you
Suddenly the world is all brand new
Here I am
Here I am
Where I'm gonna stay
Now there's nothin' standing in our way
Here I am
This is me

وسط الطريق

البتاعة اللي تحت دي كنت ناوي أكتبها من فترة ... بس يالا بقى قلت أغير جو وأنزلها دلوقتي ... هي صحيح مش شغالة مع رمضان ... بس شغالة مع مصطفى و مدحت وعباس

وسط الطريق

موتوسيكل عدّى

والتاكسي هدّى

ملاكي زمّر

عاكس بنات

وسط الطريق

الشمس سخنة

والكانز سخنة

وقميصي اشمّر

والحر زاد

وسط الطريق

كان ليّا لمّة

بنشم شمّة

ودماغي اعمّر

والكيف يبات

وسط الطريق

فيه عم عبده

تعبان بكبده

بيبيع يبدّر

غزل البنات

وسط الطريق

فيه برفانات ... فيه تليفونات

فيه بصبصات

فيه تيييت ... وتااااات

وسط الطريق

فيه لمّة جامدة

وناس وصامدة

وشعب يجري

ع السيرفيزات

وسط الطريق

شايل فطير

ودليفري أطير

يوصل له طلبه

يدفع شيكات

وسط الطريق

شعري فـ دماغي

وقلت ألاغي

طلعت لباختي

خالتي اعتماد

وسط الطريق

طأطوءة حلوة

وناس وغنوة

أجدع حكاوي

للذكريات

وسط الطريق

قابلت عمّي

وعلى مشمّى

أخدني بيتهم

لجلن أبات

بعد الطريق

فتحت شاشتي

ومسكت ريشتي

أرسم في ضحكة

في بوكس الشات

بعد الطريق

افتح بلوج

للنت أرج

وحياتي تصحى

فـ سكاياراتات

وأنزل أصلي

أفطر وأحلي

واضربلي قهوة

وأقعد ثبات

والاقي نفسي

بقول لنفسي

نفسي أما أكبر

ألقالي ذات

وعيشة فُلة

أصحاب وشلة

وبدري أروح

لأم البنات

ودنيا تحلى

وبلدي تحلى

واشوفها وردي

قبل الممات

وتيجي بنتي

تقرأ فـ سيرتي

هذا المواطن

عرف الحياة

انطقها باللبناني يا عم الحاج

هذا ربي ..و..حضن يضمنا

دائمًا يمنحني الله القوة وأنا في غاية الضعف

ويمنحني البسمة وأنا في غاية الحزن

ويمنحني الأمل وأنا على مشارف اليأس

فأجد الحياة أفضل ما تكون ... وهم يرونها أسوء من أن تكوووون

فترىفي موت رفيق ... حقيقة الدنيا

وترى في وداع صديق ... حقيقى الأنس

وترى في بعاد حبيب ... حقيقة الحب

وتجد في ضياع حلم .... حقيقة الغفلة

وتجد في دوام الألم .... حقيقة الصبر

فتزداد في الحياة علمًا .... بحقيقة جهلك

مشاكل كتير في الحياة

...هموم أكتر من المشاكل
...ناس نفسها تترمى فـ حضن أي حد وتعيط
...ورجعت أدور على حد أبكي فـ حضن عينيه وأعيط ... لكن ما لقيتش
مالقيتش غير ربنا
جوايا شعووور متناقض ... جوايا آلام .. وأحلام ... جوايا حب ... وجوايا خوووف ... جوايا كتير
ومش قادر أتكلم مع حد نفسي أصرخ الدنيا كلها تسمعني نفسي أملى الكون بدموعي
يارب.......ياااااااااارب
كلمة طلعت من جوه روحي... لأ دي من ضلوعي ...قبل ما تطلع من لساني ...كلمة زلزلت كياني
عينيا أول مرة بتبكي من سنيييين بصدق ... أد كده كنت بعييييييد .... أد كده كنت وحيييييد ؟؟؟
بس وحيد إزاي وأنا الناس كلهم حواليا ؟؟؟ وحيد إزاي وكل اللي بحبهم أدام عينيا ؟؟؟
أسئلة كتير .... مفيش حد يجاوبني عليها .... رجعت افتكرت واحد سألني سؤال زمان قاللي
انت فاكر إن المسألة سايبة ؟؟؟ انت فاكر الجنة دي سهلة؟؟
هو أي حد يبقى مع الرسول وأبو بكروعمر؟
أي واحده تبقى مع مريم وخديجة وعائشة أمهات المومنين؟
نصحني صاحبي إني كل ما أحس بشي يحزنني ... افتح المصحف ... أي صفحة ... اقرأ أي آية
هتلاقي الكلام كله
بيقول ... هيه مش سايبةفيه حب فـ الدنيا ؟؟؟ لو فتحت المصحف ممكن ألاقي حب؟؟
لو فتحت المصحف ممكن ألاقي أصحاب؟؟؟ لو فتحت المصحف هلاقي حاجة تخليني أحقق كل اللي بحلم بيه؟؟زي ما يكون ربنا باعتهولي علشان ياخدني من إيديا ويمسح دمعة عيني فتحت المصحف لقيت ربنا بيقول "وَإِذَا سَأَلَكَ عِبَادِي عَنِّي فَإِنِّي قَرِيبٌ أُجِيبُ دَعْوَةَ الدَّاعِ إِذَا دَعَانِ فَلْيَسْتَجِيبُواْ لِي وَلْيُؤْمِنُواْ بِي لَعَلَّهُمْ يَرْشُدُونَ" كانت سورة البقرة
حاستها أوي حاسس القرييييييييييييييب جميل إزاي تحس إنه ربنا بيحضني بعينيه
سألت نفسي إيه ده ربنا عارف باللي جوايا؟؟ ربنا اللي أنا محتاجله؟؟؟
بقالي كتير محتاج لحد وربنا معايا ومش واخد بالي؟؟ طيب أعمل إيه أو اشكيله إزااااي؟؟؟
..فرد وقاللي ... قووول كل اللي انت عايز تقوله ... قول واشكي الجروح ... تلاقي ارتاحت الروح قول كل اللي انت عايز تقوله .. ده دايما بابه مفتوح .... وافتكر .. إن الحياة من غيره ماتساويش
اشكيله وجرب مش هتخسر أكيد انت الكسبان
وحتى في الاوقات التانيه كل ماتحس انك ضعيف مالكش حد روح وقوله
ياصاحبي عند شدتي يامؤنسي في وحدتي ياحافظي في غربتي ياكاشف كربتي
هتلاقيه بيديك من غير ماتعرف ...تشوف حد بتحبه... يحصلك حاجه كنت مستنيها

فكرة وتجميع : بقايا انسان

كتابة وأسلوب : الطاغية السكايار

تم نشره بمجلة جوانا 30-4-2007

تحياتي للجمييييييع

الحـلـزونة

كنت سرقت الباسورد بتاع الواد سكايار علشان أعرف أبعت البوست ده

يمكن هي تجربة تعدي عشر سنين صحوبية أثمرت قوي في السنتين تلاتة الأواخر

من ثانوي وهو الشاب الهادي اللي بيجي يقعد مع أي جروب ساكت رخم هادي

مبيضحكش على اي حاجة ولا مع أي حد وفجأة يجيله هاتف ويقوم يمشي

لما حس اننا ممكن أغلب شلتنا يتمطوح برة وجوة

طل علينا أيام تنسيق الثانوية سنة ألفين بقنبلة

بكشكول كامل مليان مشاهد وتحاليل وذكريات لكل شخص على مدى سنين

بالتاريخ والصوت والكلام والشخصيات

بقينا نلطم طب ليه يابني مبتتكلمش ولا بتتحرك معانا

وقد إيه بيحب الناس دي

طريقة عجيبة مفتكسة وياريتها كانت مريحاه

لأنه مبيوصلش اللي جواه لحد فالقيمة بتساوي صفرررررررر

وقفت مذهووووووووول واتولد من هنا اسم سكايار علنا للدنيا

اللي ليا فيه خامس حرف في عين العدو وبدأت تنور بس مش قوي

لازال ضارب الوكمان في ودانه وماشي مع نفسه في كلية آداب

لحد ما أنهى دراسته دون ايجابيات عالية سوى الالتزام دينيا آخر سنة

ودي معجزة لكل سكان وقاطني كليات الآدااااااااب ..ماعلينا

ياريتني كنت هنااااااااااااااااك

وبدأ ينزل شارع العمل والسوق ويخرج عن هدؤه غصب عنه

كنت متخيل انه هيبقى حاد وهيكفرنا زي أفلام عادل إمام

إلى أن حدث العكس وبدأ ينسجم في المجتمع بأعجوبة

ونشأ مثلث عاشق الروح .. سكايار .. حلاوة

الطيب .. الشرس .. القبيح .. زي مابيقولوا

كل واحد بيكمل التاني في اسلوب الحياة وبنعلم بعض

وازاي نقلب ونغير في الشخصيات من بعض

لو واحد اتحط في موقف مش عارف يتصرف فيه

أو مش عارف يآخد قرار يتوقع من حفظه لشخصية التاني

كان ممكن يعمل هنا إيه؟ والغريب انها تنجح فعلا

المهم لعبة الحلزونة بدأت تدوخنا وفتحي ياوردة قفلي ياوردة

دي لعبة فلسطيني كنا بنلعبها في الخليج

بنشبك ايدينا وندوخ ونفك بعد عدات معينة

واللي مايقعش هو الفايز اللي قدر يحافظ على اتزانه

ناس تقرب وناس تبعد وناس تجري ورا بعض وتلحق

وناس تجري وما تلحقش

شبه الدنيا كده رغم انها كانت بسيطة

جاء بعدها المرحلة اللي احنا فيها دلوقتي

انضمام الشاب السكايار للبلوجرز خاصة المقربين في المكان أو المكانة

يعرفوا إنه عيل لبط ولمض بس للأسف ع الكيبورد بس

بيحلم يعيش في مجتمع متدين روش بس ميغضبش ربنا

انما هو لينا قدام عينينا بنكرياسه عايز دقيق وبيتكسف من هدومه

مش عايز أطول لأن في مشاهد لينا سوى كتير

آخرها كسرنا ازاز محل كان عاجبنا

وكل لما نشوف عيل صغير لطيف يعيط

أو بلوجاية حلو خير اللهم اجعله خير تتمسح أو صاحبها يبطل كتابة

فكان لازم حفاظا على الجنس البشري وداع مؤقت

المايسترو سافر الإمارات للعمل وقد ينقطع شوية

هحاول أبعت حاجات من الدرافت بتاعه إلى أن يعود

عارف ان البوست قتم جدا بس كان لازم يكون جد حبتين على غير العادة

بالتوفيق ياجميل يارب رسالتك تكون وصلت

ودايما ياسكايااااار ... انت في القلب

حـلاوة