تمر كل فترة على نفس الأماكن .... تجلس قليلاً في مكان ظاهر لكي يراها إذا أتى إلى أي مكان كان يمر فيه ... يأست من قدومه مرة أخرى ... وكأنه حلم ... وانتهى
بعد فترة اختفاء ... يظهر في أحد المولات ... يراها من بعيد ... لا يدري هل يقترب منها ؟؟ هل يهرب خارج هذا المول؟؟ يستجمع قواه ... تقف هي بجوار صديقاتها ... يبدو على وجهها الشحوب وكأن هناك من مات للتو وفقدته
رامز : سارة
سارة : إيه ده ؟؟ انت موجود إزاي ؟؟
رامز : أنا عارف أذيتك .. جرحتك ... دخلت حياتك واختفيت بدون مقدمات .. بدون أسباب
سارة : إيه جابك ؟؟
رامز : بطلب تسامحيني ... تسامحيني وبس ( قاصداً بكلامه عدم العودة
سارة : أنا سامحتك من يومها ... اللي بيحب بيسامح ... لكن عندي سؤال
رامز : اتفضلي
سارة : ليه ؟؟
رامز : مقدرتش أكمل ... مسافة طويلة ... أسيبك دلوقتي أفضل ما نكمل وأسيبك
سارة : رجعت تطلب السماح بس ؟؟
رامز : آسف على كوني صغير أدامك
سارة : لأ ... رامز اللي عرفته كان انسان ... ومش هتتغير نظرتي فيه
رامز : حتى بعد ..
سارة : أنا اللي دخلتك حياتي ... وأنا اللي حصللي كده ... وبحبك
رامز ( سكوووت )
سارة : كمل حياتك ... خلص الكلام ... بس آخر سؤال .... حبتني بجد ؟؟
رامز : حبيتك بجد فعلاً ... وغلطت ف تفكيري لما سبتك
سارة : كفاية كده عندي ... هتفضل جوايا حاجة حلوة حصلتلي ... وهتعلم منها
رامز ( سكووت )
سارة : شكراً إنك جيت ... مع السلامة ... ربنا يوفقك ف حياتك
سارة تنسى أنها كانت بصحبة صديقاتها .... تخرج مسرعة دون أن تنظر للخلف
رامز يقف متسمراً ... بداخله شيء يريد أن يصرخ ليخرجه ويتألم ... ينظر إلى سارة .... يجلس في صمت

Cut
Zoom out
من سلسلة : الحب في العصر الأياووني



