.....أكثر من قول لا حول ولا قوة إلا بالله العلي العظيم,فإنها كنزمن كنوز الجنة..حديث صحيح......,ما أسفل الكعبين من الإزار فهو في النار..رواه البخاري والنسائي..,يا رسول الله أنهلك وفينا الصالحون؟؟..قال نعم ,إذا كثر الخبث (متفق عليه)..,الوالد أوسط أبواب الجنة..فإن شئت فأضع هذا الباب أو احفظه...,لا يدخل الجنة قاطع ..أي قاطع رحم..(متفق عليه)...,الحياء شعبةمن الايمان ..حديث صحيح..آية الإيمان حب الأنصار..وأية النفاق بغض الأنصار..(رواه البخاري)..من أشار إلي أخيه بحديدة فإن الملائكة تلعنه حتي ينتهي (رواه مسلم)...,سباب المسلم فسوق وقتاله كفر ..(متفق عليه)...,بحسب امرئٍ من الشر أن يحقر أخاه المسلم..(رواه البخاري ومسلم وأصحاب السنن)..ما تواضع أحد لله إلا رفعه ,وما زاد الله عبدا بعفوٍ إلا عزاً...,وتجد شر الناس ذا الوجهين..,الذي يأتي هؤلاء بوجه..وهؤلاء بوجه..(رواه البخاري ومسلم ومالك)...,ذمة المسلمين واحدة ,يسعي بها إدناهم.فمن أخفر مسلما فعليه لعنة الله والملائكة والناس أجمعين.لا يقبل الله منه يوم القيامة عدلاً ولا صرفاً..(رواه مسلم وغيره)...لو أنكم تتوكلون علي الله حق التوكل...لرزقكم كما يرزق الطير..تغدو خماصاً وتروح بطاناً..(رواه أحمد وصححه الألباني)....,إن الله تعالي يبسط يده بالليل ليتوب مسئ النهار..,ويبسط يده بالنهار ليتوب مسئ الليل..حتي تطلع الشمس من مغربها ...(رواه مسلم)...يقول الله-عزوجل- أخرجوا من النار من ذكرني يوماً أو خافني في مقام..رواه البيهقي والترمذي..وقال حديث حسن.....اتقوا الله..وصلوا خمسكم,وصوموا شهركم,وأدوا زكاة أموالكم,وأطيعوا أمراءكم..تدخلوا جنة ربكم..رواه الترمذي..وقال حديث حسن صحيح....,« . . . وهل يكب الناس على وجوههم أو على مناخرهم إلا حصائد ألسنتهم » [رواه الترمذي]....,« إن العبد ليتكلم بالكلمة ما يتبين فيها، يزل بها إلى النار أبعد مما بين المشرق والمغرب » [متفق عليه]....,«اللهم إني أسألك فعل الخيرات وترك المنكرات وحب المساكين،وإذا أردت في الناس فتنة فاقبضني إليك غير مفتون» أخرجه مالك والترمذي..,«ما من مسلم يصيبه أذى, من مرض فما سواه إلا حط الله به سيئاته كما تحط الشجرة ورقها» أخرجه البخاري ومسلم..,«لا يموتن أحدكم إلا وهو يحسن الظن بالله» أخرجه البخاري ومسلم...,«أعذر الله إلى امرئ أخر أجله حتى بلغ ستين سنة» أخرجه البخاري. أي لم يبق عذر لمن بلغ الستين من العمر...,«لا تقوم الساعة حتى تخرج نار من أرض الحجاز تضيء أعناق الإبل ببصرى» أخرجه البخاري ومسلم...,«يقبض الله الأرض يوم القيامة, ويطوي السماء بيمينه, ثم يقول: أنا الملك أين ملوك الأرض» أخرجه البخاري ومسلم...,«ما من صباح إلا وملكان يقولان: يا طالب الخير أقبل, ويا طالب الشر أقصر, وملكان موكلان يقولان: اللهم أعط منفقاً خلفاً, وأعط ممسكاً تلفاً» أخرجه البخاري مختصراً وأحمد..,إذا أراد الله بقوم عذاباً أصاب العذاب من كان فيهم, ثم بعثوا على نياتهم» أخرجه البخاري ومسلم..,« أول ما يقضى بين الناس يوم القيامة في الدماء» أخرجه البخاري ومسلم والنسائي والترمذي..,مثل الصلوات الخمس كمثل نهر جار غمر على باب أحدكم يغتسل منه كل يوم خمس مرات> رَوَاهُ مُسلِمٌ...,يتعاقبون فيكم ملائكة بالليل وملائكة بالنهار، ويجتمعون في صلاة الصبح وصلاة العصر، ثم يعرج الذين باتوا فيكم فيسألهم وهو أعلم بهم: كيف تركتم عبادي؟ فيقولون: تركناهم وهم يصلون وأتيناهم وهم يصلون> مُتَّفَقٌ عَلَيهِ...,من غدا إلى...,بشروا المشائين في الظلم إلى المساجد بالنور التام يوم القيامة> رَوَاهُ أبُو دَاوُدَ وَالتِّرمِذِيُّ...,من شهد العشاء في جماعة كان له قيام نصف ليلة، ومن صلى العشاء والفجر في جماعة كان له كقيام ليلة> قال الترمذي حديث حسن صحيح....,إن بين الرجل وبين الشرك والكفر ترك الصلاة> رَوَاهُ مُسلِمٌ...,إن أول ما يحاسب به العبد يوم القيامة من عمله صلاته، فإن صلحت فقد أفلح وأنجح، وإن فسدت فقد خاب وخسر، فإن انتقص من فريضته شيئاً قال الرب عز وجل: انظروا هل لعبدي من تطوع فيكمل بها ما انتقص من الفريضة؟ ثم تكون سائر أعماله على هذا> رَوَاهُ التِّرمِذِيُّ وَقَالَ حَدِيثٌ حَسَنٌ...,خير صفوف الرجال أولها وشرها آخرها. وخير صفوف النساء آخرها وشرها أولها> رَوَاهُ مُسلِمٌ...,أقيموا الصفوف، وحاذوا بين المناكب، وسدوا الخلل، ولينوا بأيدي إخوانكم، ولا تذروا فرجات للشيطان، ومن وصل صفاً وصله اللَّه، ومن قطع صفاً قطعه اللَّه> رَوَاهُ أبُو دَاوُدَ بإسناد صحيح....,عن عائشة رَضِيَ اللَّهُ عَنها أن النبي صَلَّى اللَّهُ عَلَيهِ وَسَلَّم كان لا يدع أربعاً قبل الظهر، وركعتين قبل الغداة. رَوَاهُ البُخَارِيُّ...,عن ابن عمر رَضِيَ اللَّهُ عَنهُما أنهما سمعا رَسُول اللَّهِ صَلَّى اللَّهُ عَلَيهِ وَسَلَّم يقول على أعواد منبره: <لينتهين أقوام عن ودعهم الجمعات أو ليختمن اللَّه على قلوبهم ثم ليكونن من الغافلين> رَوَاهُ مُسلِمٌ...,إذا دخل أهل الجنة الجنة يقول اللَّه تبارك وتعالى: تريدون شيئاً أزيدكم؟ فيقولون: ألم تبيض وجوهنا؟ ألم تدخلنا الجنة، وتنجنا من النار؟ فيكشف الحجاب، فما أعطوا شيئاً أحب إليهم من النظر إلى ربهم> رَوَاهُ مُسْلِمٌ...,إن في الجنة شجرة يسير الراكب الجواد المضمَّر السريع مائة سنة ما يقطعها> مُتَّفَقٌ عَلَيْهِ...,قال اللَّه تعالى: يا ابن آدم إنك ما دعوتني ورجوتني غفرت لك على ما كان منك ولا أبالي، يا ابن آدم لو بلغت ذنوبك عنان السماء ثم استغفرتني غفرت لك ولا أبالي، يا ابن آدم إنك لو أتيتني بقراب الأرض خطايا ثم لقيتني لا تشرك بي شيئاً لأتيتك بقرابها مغفرة> رَوَاهُ الْتِّرْمِذِيُّ وَقَالَ حَدِيْثٌ حَسَنٌ...,لا تخصوا ليلة الجمعة بقيام من بين الليالي، ولا تخصوا يوم الجمعة بصيام من بين الأيام إلا أن يكون في صوم يصومه أحدكم> رَوَاهُ مُسْلِمٌ.....,لا صلاة بحضرة طعام، ولا هو يدافعه الأخبثان> رَوَاهُ مُسْلِمٌ....,: <إذا دعا الرجل امرأته إلى فراشه فأبت فبات غضبان عليها لعنتها الملائكة حتى تصبح> مُتَّفَقٌ عَلَيْهِ....,لا تباشر المرأة المرأة فتصفها لزوجها كأنه ينظر إليها> مُتَّفَقٌ عَلَيْهِ.....,لا تسموا العنب الكرم؛ فإن الكرم المسلم> مُتَّفَقٌ عَلَيْهِ، وهذا لفظ مسلم....,(من أحدث في أمرنا هـذا مـا لـيـس مـنه فهـو رد ). متفق عليه...,عن أبـي رقــيـة تمـيم بن أوس الـداري رضي الله عنه ، أن النبي صلى الله عـليه وسـلم قـال :( الـديـن النصيحة )....,ما نهيتكم عنه فاجتنبوه ، وما أمرتكم به فأتوا منه ما استطعتم ، فإنما أهلك الذين من قبلكم كثرة مسائلهم واختلافهم على انبيائهم ). رواه البخاري ومسلم....,( دع ما يـريـبـك إلى ما لا يـريـبـك ).رواه النسائي والترمذي وقال حديث حسن صحيح...,( من حسن إسلام المرء تركه ما لا يعـنيه ) .حديث حسن ، رواه الترمذي وابن ماجه....,( لا يحل دم امرىء مسلم [ يشهد أن لا إله إلا الله ، وأني رسول الله ] إلا بـإحـدي ثـلاث : الـثـيـب الــزاني ، والـنـفـس بـالنفس ، والـتـارك لـد يـنـه الـمـفـارق للـجـمـاعـة ).متفق عليه..,( اتـق الله حيثما كنت ، وأتبع السيئة الحسنة تمحها ، وخالق الناس بخـلـق حـسـن ).رواه الترمذي وقال : حديث حسن ، وفي بعض النسخ : حسن صحيح ..,عـن أبي العـباس عـبد الله بن عـباس رضي الله عـنهما ، قــال : كـنت خـلـف النبي صلي الله عـليه وسلم يـوما ، فـقـال : ( يـا غـلام ! إني اعـلمك كــلمات : احـفـظ الله يـحـفـظـك ، احـفـظ الله تجده تجاهـك ، إذا سـألت فـاسأل الله ، وإذا اسـتعـنت فـاسـتـعـن بالله ، واعـلم أن الأمـة لـو اجـتمـعـت عـلى أن يـنـفـعـوك بشيء لم يـنـفـعـوك إلا بشيء قـد كـتـبـه الله لك ، وإن اجتمعـوا عـلى أن يـضـروك بشيء لـم يـضـروك إلا بشيء قـد كـتـبـه الله عـلـيـك ؛ رفـعـت الأقــلام ، وجـفـت الـصـحـف ).رواه الترمذي [وقال : حديث حسن صحيح إن مما أدرك الناس من كلام النبوة الأولى : إذا لم تستح فاصنع ما شئت ).رواه البخاري ...,( الطهور شطر الإيمان ، والحمد لله تملأ الميزان ، وسبحان الله والحمد لله تملأن – أو : تملأ – ما بين السماء والأرض ، والصلاة نور ، والصدقة برهان ، والصبر ضياء ، والقرآن حجة لك أو عليك ؛ كل الناس يغدو ، فبائع نفسه فمعتقها ، أو موبقها ..رواه مسلم ...,كل سلامى من الناس عليه صدقة كل يوم تطلع فيه الشمس تعدل بين اثنين صدقة ، وتعين الرجل فى دابته فتحمله عليها أو ترفع له عليها متاعة صدقة ، والكلمة الطيبة صدقة ، وبكل خطوة تمشيها إلي الصلاة صدقة ، وتميط الأذي عن الطريق صدقة ).رواه البخاري ومسلم...,: ( من رأى منكم منكرًا فلغيره بيده ، فإن لم يستطع فبلسانه ، فإن لم يستطع فبقلبه ، وذلك أضعـف الإيمان ).رواه مسلم ...,( لا تحاسدوا ، ولا تناجشوا ، ولا تباغضوا ، ولا تدابروا ، ولا يبع بعضكم على بيع بعض ، وكونوا عباد الله إخوانا ، المسلم خو المسلم ، لا يظلمه ولا يخذله ، ولا يكذبه ، ولا يحقره ، التقوى ها هنا ) ويشير صلى الله عليه وسلم إلى صدره ثلاث مرات – ( بحسب امرىء أن يحقر أخاه المسلم ، كل المسلم على المسلم حرام : دمه وماله وعرضه ).رواه مسلم ...,( إن الله تعالى كتب الحسنات والسيئات ، ثم بين ذلك ، فمن هم بحسنة فلم يعملها كتبها الله عنده حسنة كاملة ، وإن هم بها فعملها كتبها الله تعالى عنده عشر حسنات إلى سبعمائة ضعف إلى أضعاف كثيرة ، وإن هم بسيئة فلم يعملها كتبها الله عنده حسنة كاملة ، وإن هم بها فعملها كتبها الله عنده سيئة واحدة ).رواه البخاري ومسلم...,( كن في الدنيا كـأنـك غـريـب أو عـابـر سبـيـل ).وكـان ابـن عـمـر رضي الله عـنهـما يقول : إذا أمسيت فلا تـنـتـظـر الصباح ، وإذا أصبحت فلا تـنـتـظـر المساء ، وخذ من صحـتـك لـمـرضـك ، ومن حـياتـك لـمـوتـك ...رواه البخاري ...,( لا يؤمن أحدكم حتي يكون هواه تبعا لما جئت به ..حديث حسن صحيح ...,..سبحانك اللهم وبحمدك أشهد أن لا إله إلا أنت ..أستغفرك وأتوب إليك

Sunday, February 21, 2010

وأحياناً تبدأ الحياة بالموت




هل جربت أن تموت يوماً ؟

والله بجد ؟ طب وكان احساسك ايه ؟

حلو احساس البنكرياس بدون دقيق ده فعلاً

تخيلوا معايا كده

انت ف السبعين من عمرك على سريرك ... في أنفاسك الأخيرة

فلاش باك على السبعين سنة اللي فاتوا .... بتفتكر كل حاجة وأدق تفاصيلك ... بتبتسم على شقاوة عملتها

أصحاب كنت معاهم

بتفتكر أحلام حققتها ووصلتلها

بتفتكر أحلام موصلتلهاش أو اتمنعت من تحقيقها

سبعين سنة كاملة

هتموت دلوقتي

انت ... أيوة انت ... هتموت دلوقتي

نفسك ترجع ؟

فيه حاجة نسيتها عاوز ترجعلها ؟

فيه سنة من السبعين سنة نفسك تغير فيها حاجة ؟

لو رجعت هترجع لحياتك اللي فاتت ؟

ولا هتحب تعيش حياتك بشكل مختلف ؟

ضحيت كتير في حياتك ؟

مستمتعتش بيها زي ما كان نفسك ؟

ضيعت أحلام كتير علشان ناس غيرك ؟

شكلك افتكرت حاجة عملتها وبتقول نفسي أرجع أعمل الحاجة دي بس وأرجع تاني أموت ... صح ؟

لم ورق الكوتشينة ده يابني ... لم لم ..... هات الواد م الأرض ... قصدي يعني ورقة الكوتشينة اللي فيها الواد

عندك كام سنة دلوقتي ؟ 20 ؟ 30 ؟

عارف ان الزمن بتاعنا ده هو زمن موت الفجأة وموت الشباب والاطفال اللي سنهم صغير ؟

طيب ما تيجوا نلحق اللي باقي ... قبل ما يضيع زي اللي راح ؟

معندكش حاجة ضاعت ؟

تمااااام تمام اوووي كمل زي ما انت حلو مش وحش .... واوعى تضيع في اللي جاي

الحياة لما بتصحى م النوم عمرك ما هتلاقي اللي فات كان حلم ... ولا هتلاقي اللي جاي برضه حلم

كلها حقايق احنا اللي بنرسمها بإيدينا

احنا اللي بنخلق ظروفنا ... واحنا اللي بنعيش فيها

واحنا اللي بنخلق احلامنا وواقعنا .... احنا وبس أنا وانت وهي

الشخص الوحيد اللي ربنا عطاله حق الاختيار والعقل والقلب اللي يعينوه على اختياراته دي

تحب ترجع دلوقتي وتقول حاجة لشخص معين ؟

تحب تيجي دلوقتي وتحقق حاجة بقالك كتير بتقول هعملها ولسه معملتهاش لغاية دلوقتي وبتأجلها ؟

طب آخر مرة قعدت فيها مع نفسك بعيد عن الناس تفكر في نفسك ولنفسك وف احوالك مع ربنا ومع نفسك ومع الناس وتفكر ف حياتك ... كانت امتى اخر مرة ؟

ممكن تقفل البلوج ده لو سمحت ؟

أيوة زي ما بقولك كده

اقفل البلوج

حاول تخرج بره جسمك كله

بص على نفسك كإنك بتتفرج على فيلم أو فيديو أدامك

حاول تعمل تقييم لبطل القصة ... وشوف ايه اللي ناقصه

ايه اللي كان نفسه يحققه محققهوش

ايه الحاجات اللي هتسببله السعادة وايه الحاجات اللي المفروض يتعلم منها

واقفل البلوج اللطيف اللي انت بتقراه دلوقتي

وبص على حياتك


sometimes, life can only really begin with the knowledge of your death


اعتبر نفسك صحيت من النوم وابدأ من جديد حياة كل مقاومتها وكل نجاحاتها واقفة عليك انت وحدك

وتوكل على ربنا

تفـاءل ... ابتسم

السعادة والخير موجودين في دنيتنا

بس منتظرين احنا اللي نكتشفهم

مش هما اللي يجولنا لغاية عندنا



----------------------------------------------


أتمنالكم كل الخير

هروح أنا كمان أصحى م النوم وافكر في حياتي من جديد

دمتم بكـل الخيـر

مرسلة بواسطة في

20 comments:

موناليزا said...

موضوع مميز طالما فكرت فيه وتكلمت عنه
اللهم ارزقنا قبل الموت توبة وعند الموت شهادة وبعد الموت رحمة ومغفرة
---
كل سنة وانت ومدونتك بخير
ومش فاهمة يعنى نعتبر ده بوست الاعتزال ولا ايه؟
وليه طيب؟

February 21, 2010 at 6:13 PM
Unknown said...

فكرة جميلة ياخلود
بيلخبطها بس ان الواحد مينفعش يبقى مخرج و ممثل فى نفس المشهد إلا لو قدر يوقف و يعيد تقييم اللى فات و يعدل فى خططه اللى جايه
أعتقد إن الحياة مش أكتر من المتحان إدارة فى مستوى متقدم جداً ،،، و كل واحد و شطارته و أولوياته و إصراره على انه يعيش الحياة اللى هو عاوزها

طبعاً تقصد ان ده آخر بوست فى الـ3ـ سنوات اللى فاتو و إن شاء الله علطول نبدأ أول بوست فى سنة رابعة ،،،

ربنا يديك و يدى مدونتك طولة العمر و حسن العمل و دايماً كده تفكرنا بالوقفات اللى تخض دى ،،،

لو قدرنا نتشبع أوى بإحساس اننا هنموت بجد حياتنا ممكن تتغير تماماً


تسلم الأيادى ياجميل


:)

February 21, 2010 at 6:13 PM
Anonymous said...

فكرة البوست مميزة
فكرة بطريقة السهل الممتنع
الحياه فعلا اصبحت مش مستحمله اي تراجع أو تردد لاننا هنتحاسب علي كل الوقت اللي ضاع مننا فاللاشيء
بدون ما نقدم فيه اي عمل

يَا أَيُّهَا الَّذِينَ آمَنُوا اتَّقُوا اللَّهَ وَلْتَنظُرْ نَفْسٌ مَّا قَدَّمَتْ لِغَدٍ وَاتَّقُوا اللَّهَ إِنَّ اللَّهَ خَبِيرٌ بِمَا تَعْمَلُونَ
صدق الله العظيم

**********
كل سنة وأنت طيب ومدونتك طيبة وبخير
عقبال مليون سنة في الخير
وربنا ينفع بيها وبيك الناس
وأعتقد ان مدونه زي مدونتك مش المفروض تتقفل
ممكن مدونتك تكون سبب في هداية انسان
قفلها او عدم الكتابه فيها مواضيع مميزة زي دي هتكون سبب ان الانسان هتخسر مواضيع مهمه ومميزة
ربنا يبارك فيك ويكرمك ويرزقك بالخير

تحياتي لأستاذي العزيز

February 21, 2010 at 8:17 PM
قلب ينبض لله said...

كل سنة ومدونتك جميلة كدا وموجودة في عالم التدوين

فكرة جديدة للأحتفال بالمدونة :)

اول ماقريت البوست افتكرت كنت بكلم صحابي مرة وبوصفلهم شكل حياتي لما اعجز يعني يبئي عندي بتاع 88 سنة كدا
اشمعني 88 سنة اهو بئي :)مش هاتفرء كتيير

ربنا يتمها علينا بخير ويتوفانا واحنا مسلمين والناس تفتكرنا وتترحم علينا

ادام الله عليك كل نعمه :)

February 21, 2010 at 10:04 PM
عصفور المدينة said...

أخي الحبيب الطاغية
بارك الله فيك ونفع بكلماتك
جزاكم الله خيرا
على التذكرة

February 21, 2010 at 10:24 PM
نـــــور said...

كل سنه وانت ومدونتك بخير ياطاغيه
والدرس ده يعلمك ايه بقى؟
انك تبطل طغيان وتعرف ان الله حق :)

3سنين عدوا ويجى بعدها 30فى الخير ان شاء الله
ياما تصورت شكلى وموقفى ده ومش عايزة اقولك اد ايه مجرد التفكير فيه بيتعبنى لدرجه انى حلمت بموقف مشابه :(

اللهم امتنا مسلمين مؤمنين يارب
وسلام بقى :)

February 21, 2010 at 11:12 PM
ثورة said...

تحب تيجي دلوقتي وتحقق حاجة بقالك كتير بتقول هعملها ولسه معملتهاش لغاية دلوقتي وبتأجلها ؟


أحب جدا آخدني قلمين و أقول لي بطلي تأجيل بقى نقطتيني
:D

بوست في الصميم
:)

February 22, 2010 at 11:29 AM
Wish I were a Butterfly ... said...

جميل أوي الموضوع وطريقة سرده. ربنا يتقبل منك يا سكايار

ربنا يتقبل منك بجد... :) كتير ساعدتنا فأتمنى ربنا يجعلك دايما سبب في هداية الناس وقربها منه

أكيد فيه حاجة هابقى نفسي أغيرها أوي أكتر من أي حاجة تانية. بس الحمـدلله على كل حال
حتى لو حد عايز يرجع يغير حاجة فباب التوبة مفتوح لسة مش اتقفل

بقالي كتيـــر مش دخلت على أي مدونة وسبحان الله كانت مدونتك هي الوحيـدة اللي دخلتها النهاردة دلوقتي!! مكنتش أعرف إني هاجي على آخر بوست كدة :(. ربنا يقدرلك الخير عموما

افتكرنا في دعاءك يافندم

February 23, 2010 at 3:26 AM
sakayar said...

موناليزا
جزاكم الله خير يا أستاذة على الاطراء والمجاملة دي
اللهم آمين
كل سنة وحضرتك والمدونين بألف خير
لأ إن شاء الله مش بوست الاعتزال ولا حاجة
هو آخر بوست في السنة التالتة بس
:)

March 1, 2010 at 10:02 AM
sakayar said...

ـ-ـ- أحمد عبد العدل-ـ-ـ
بسيطة يا أحمد
نتعلم الاخراج
:)
مش بنشوف ممثلين كتير بيخرجوا؟ ومخرجين بيمثلوا ف أفلامهم؟؟
:)
هي أكيد امتحان بس على حسب شطارة كل واحد بيكون الامتحان على قدر مستواه ... يعني فيه أسئلة للمتفوقين وفيه أسئلة للناس العادية وفيه أسئلة لأصحاب المستوى المتوسط
:)
أكيد آخر بوست في ال3 سنين ... دايماً فاهمني كدهو يا احمد
هههه
وقفات تخض؟؟
بخخخخخخ
هههه
الاحساس التاني اللي بحاول أعيشه اليومين دول ... احساس النظر لليوم إنه اليوم اللي احنا عايشين فيه ده هيعدي ... شوف احساس حاجة بتروح منك ... اليوم ده هيروح منك ... يا ترى هيروح ازاي؟؟
:)
تسلم ايجابيتك دايماً يا جميل ويسلملي تعليقك
:)

March 1, 2010 at 10:06 AM
sakayar said...

Anonymous

يَا أَيُّهَا الَّذِينَ آمَنُوا اتَّقُوا اللَّهَ وَلْتَنظُرْ نَفْسٌ مَّا قَدَّمَتْ لِغَدٍ وَاتَّقُوا اللَّهَ إِنَّ اللَّهَ خَبِيرٌ بِمَا تَعْمَلُونَ
صدق الله العظيم

يكفي من التعليق هذه الآية يا أستاذة
:)
كل عام وكلكم بإذن الله طيبين وبخير
----------------

وأعتقد ان مدونه زي مدونتك مش المفروض تتقفل
ممكن مدونتك تكون سبب في هداية انسان
قفلها او عدم الكتابه فيها مواضيع مميزة زي دي هتكون سبب ان الانسان هتخسر مواضيع مهمه ومميزة

الله المستعان
:)
جزاكم الله خير يا أستاذة

March 1, 2010 at 10:09 AM
sakayar said...

قلب ينبض لله
كل سنة وحضرتك بكل خير يا بشمهندسة وكل المدونين في ايجابية وصلاح حال وصفاء نفس
:)
88 سنة بحالهم
ربنا يبارك في عمر حضرتك يا قلب ويكتبلك كل خير وصلاح في الدنيا ورؤية وجه ربنا في الآخرة
:)
جزاكم الله كل خير

March 1, 2010 at 10:10 AM
sakayar said...

عصفور المدينة
البشمهندس الجميل اللي واحشني وواحشني التواصل معاه أخويا الكبير
:)
ربنا يبارك في عمرك وأعمالك ويباركلنا ف حضرتك كتير
جزاكم الله خيراً مثله ويارب أحوال الأسرة جميعاً بكل خير
:)

March 1, 2010 at 10:11 AM
sakayar said...

نـــــــــــــور
كل سنة وحضرتك بكل خير يا بشمهندسة
أكيد بطلت طغيان خلاص
:)
يارب اللهم آمين ربنا يبارك في حضرتك ويجعل كل أعمالك في الخير يا نور
مش لازم نتعب من التفكير في الحاجات دي ... الصح إننا لما نفكر في الحاجات دي نسترجع نشاطنا من جديد ونبدأ من تاني الحياة كإنها لسه بادئة دلوقتي حالاً
:)
اللهم آمين
سلمك الله يا بشمهندسة
:)

March 1, 2010 at 10:13 AM
sakayar said...

ثورة
قلمين جف ولا قلمين رصاص هدى هانم؟
:)
ربنا يسدد خطاكي على الخير دايماً ويكتبلك النجاح في كل أعمالك وحياتك انتي وبطوط
:)
تسلمي على التعليق كتير
:)

March 1, 2010 at 10:14 AM
sakayar said...

Wish I were a Butterfly ...
ربنا يتقبل منا ومنكم يا فراشة وشكراً كتيير على التعليقات
:)
مش البوست الأخير على المدونة لكن البوست الأخير في سنتها الثالثة بس
:)
ربنا يعزك يا بشمهندسة ويكتبلك كل الخير ويقر عينيكي بكل الرضى
:)

March 1, 2010 at 10:16 AM
MarwaAshraf said...

إزيك

عارفة اني بقالي كتيييييييييييييير اوي مش جيت هنا .. القهوة بتاعتك لسة زي ما هي وشربت كوباية كابتشينو إنما ايه عجب .. حلوة أوي

بالصدفة قبل ما أدخل عندك كنت بقرأ عن عمرو صلاح أصحابة كاتبين كلام مؤثر أوي أوي .. من ناحية زعلت علشانة وعلشان أهلة وأصحابة والناس اللي بتحبه فأيوه أنا زعلت بس في نفس الوقت هو أرتاح الدور والباقي على الموجودين فيها لسة

أنا عندي مبدأ أنا مش حزعل على حاجة فاتت واتمنى إن مستقبلي يكون أحسن بقول أستغفر الله وبحاول أخرجها من قلبي وفي نفس الوقت بحب الدعاء أوي بتاع اللهم أمتنا على شهادة أن لا إله إلا الله وأن محمد رسول الله .. عندي ثقة في ربنا انه ان شاء الله حيحسن خاتمتي

وأفتكر كلمة لعمرو قال فيها :والله يا رب أنا بحبك، ومتأكد أنك مش هتعذبنى فى قبرى، أنا أحسن الظن بك يا رب .. أحسنوا الظن بالله بس من غير تواكل

وأخيرا بقى أنت وخطيبتك الحلوة فين .. مش بسمع عنكم وصل السلام الله يخليك وقولها راما بتقولك وحشتيني

سلامات

March 2, 2010 at 4:50 PM
MarwaAshraf said...

نسيت أقولك هابي مدونة متألقة على طول

March 2, 2010 at 4:50 PM
sakayar said...

RAMA
لأ حضرتك واضح مجيتيش السنة التدوينية التالتة خالص
:)
أنا قرأت تعليقات أصحابه فعلاً والكلام فعلاً مؤثر وكلام عمرو نفسه ..ربنا يرحمه ويكتب له الجنة وموتى المسلمين

والله يا رب أنا بحبك، ومتأكد أنك مش هتعذبنى فى قبرى، أنا أحسن الظن بك يا رب .. أحسنوا الظن بالله بس من غير تواكل

حسن الظن في الله دي من أفضل مراتب اليقين ... والأفضل العمل لها ... يعني أفتكر عن الحسن البصري إنه قال عن الناس اللي مش بتعمل ... لكن تقول انا عندي حسن بالله
قال : كذبوا فلو أحسنوا الظن لأحسنوا العمل
يارب يحسن ختامنا ويجعلنا من الصالحين
:)
أما عن " خطيبتي الحلوة " زي ما بتقولي
:)
فأتمنى من ربنا تكون بكل خير وسعادة
:)
اقري اللينك ده يا اعلامية يا متأخرة عن المدونة سنة كاملة
:)
http://sakayar.blogspot.com/2009/11/blog-post_22.html
وهابي تعليق على مدونتي
:)

March 2, 2010 at 8:25 PM
MarwaAshraf said...

هي فترة طويلة بس بجد كان عندي ظروف طحن ودي أقل كلمة ممكن تتقال

أنا زعلت بس بردوا ماحدش عارف الخير فين

انا مش عارفة أتكلم بس حمد الله على السلامة في مصر وان شاء الله تجيها تاني قريب

يلا سلام بقى

March 3, 2010 at 10:59 PM

Post a Comment