AL7AYAH: كل سنة وانتي مدونة

.....أكثر من قول لا حول ولا قوة إلا بالله العلي العظيم,فإنها كنزمن كنوز الجنة..حديث صحيح......,ما أسفل الكعبين من الإزار فهو في النار..رواه البخاري والنسائي..,يا رسول الله أنهلك وفينا الصالحون؟؟..قال نعم ,إذا كثر الخبث (متفق عليه)..,الوالد أوسط أبواب الجنة..فإن شئت فأضع هذا الباب أو احفظه...,لا يدخل الجنة قاطع ..أي قاطع رحم..(متفق عليه)...,الحياء شعبةمن الايمان ..حديث صحيح..آية الإيمان حب الأنصار..وأية النفاق بغض الأنصار..(رواه البخاري)..من أشار إلي أخيه بحديدة فإن الملائكة تلعنه حتي ينتهي (رواه مسلم)...,سباب المسلم فسوق وقتاله كفر ..(متفق عليه)...,بحسب امرئٍ من الشر أن يحقر أخاه المسلم..(رواه البخاري ومسلم وأصحاب السنن)..ما تواضع أحد لله إلا رفعه ,وما زاد الله عبدا بعفوٍ إلا عزاً...,وتجد شر الناس ذا الوجهين..,الذي يأتي هؤلاء بوجه..وهؤلاء بوجه..(رواه البخاري ومسلم ومالك)...,ذمة المسلمين واحدة ,يسعي بها إدناهم.فمن أخفر مسلما فعليه لعنة الله والملائكة والناس أجمعين.لا يقبل الله منه يوم القيامة عدلاً ولا صرفاً..(رواه مسلم وغيره)...لو أنكم تتوكلون علي الله حق التوكل...لرزقكم كما يرزق الطير..تغدو خماصاً وتروح بطاناً..(رواه أحمد وصححه الألباني)....,إن الله تعالي يبسط يده بالليل ليتوب مسئ النهار..,ويبسط يده بالنهار ليتوب مسئ الليل..حتي تطلع الشمس من مغربها ...(رواه مسلم)...يقول الله-عزوجل- أخرجوا من النار من ذكرني يوماً أو خافني في مقام..رواه البيهقي والترمذي..وقال حديث حسن.....اتقوا الله..وصلوا خمسكم,وصوموا شهركم,وأدوا زكاة أموالكم,وأطيعوا أمراءكم..تدخلوا جنة ربكم..رواه الترمذي..وقال حديث حسن صحيح....,« . . . وهل يكب الناس على وجوههم أو على مناخرهم إلا حصائد ألسنتهم » [رواه الترمذي]....,« إن العبد ليتكلم بالكلمة ما يتبين فيها، يزل بها إلى النار أبعد مما بين المشرق والمغرب » [متفق عليه]....,«اللهم إني أسألك فعل الخيرات وترك المنكرات وحب المساكين،وإذا أردت في الناس فتنة فاقبضني إليك غير مفتون» أخرجه مالك والترمذي..,«ما من مسلم يصيبه أذى, من مرض فما سواه إلا حط الله به سيئاته كما تحط الشجرة ورقها» أخرجه البخاري ومسلم..,«لا يموتن أحدكم إلا وهو يحسن الظن بالله» أخرجه البخاري ومسلم...,«أعذر الله إلى امرئ أخر أجله حتى بلغ ستين سنة» أخرجه البخاري. أي لم يبق عذر لمن بلغ الستين من العمر...,«لا تقوم الساعة حتى تخرج نار من أرض الحجاز تضيء أعناق الإبل ببصرى» أخرجه البخاري ومسلم...,«يقبض الله الأرض يوم القيامة, ويطوي السماء بيمينه, ثم يقول: أنا الملك أين ملوك الأرض» أخرجه البخاري ومسلم...,«ما من صباح إلا وملكان يقولان: يا طالب الخير أقبل, ويا طالب الشر أقصر, وملكان موكلان يقولان: اللهم أعط منفقاً خلفاً, وأعط ممسكاً تلفاً» أخرجه البخاري مختصراً وأحمد..,إذا أراد الله بقوم عذاباً أصاب العذاب من كان فيهم, ثم بعثوا على نياتهم» أخرجه البخاري ومسلم..,« أول ما يقضى بين الناس يوم القيامة في الدماء» أخرجه البخاري ومسلم والنسائي والترمذي..,مثل الصلوات الخمس كمثل نهر جار غمر على باب أحدكم يغتسل منه كل يوم خمس مرات> رَوَاهُ مُسلِمٌ...,يتعاقبون فيكم ملائكة بالليل وملائكة بالنهار، ويجتمعون في صلاة الصبح وصلاة العصر، ثم يعرج الذين باتوا فيكم فيسألهم وهو أعلم بهم: كيف تركتم عبادي؟ فيقولون: تركناهم وهم يصلون وأتيناهم وهم يصلون> مُتَّفَقٌ عَلَيهِ...,من غدا إلى...,بشروا المشائين في الظلم إلى المساجد بالنور التام يوم القيامة> رَوَاهُ أبُو دَاوُدَ وَالتِّرمِذِيُّ...,من شهد العشاء في جماعة كان له قيام نصف ليلة، ومن صلى العشاء والفجر في جماعة كان له كقيام ليلة> قال الترمذي حديث حسن صحيح....,إن بين الرجل وبين الشرك والكفر ترك الصلاة> رَوَاهُ مُسلِمٌ...,إن أول ما يحاسب به العبد يوم القيامة من عمله صلاته، فإن صلحت فقد أفلح وأنجح، وإن فسدت فقد خاب وخسر، فإن انتقص من فريضته شيئاً قال الرب عز وجل: انظروا هل لعبدي من تطوع فيكمل بها ما انتقص من الفريضة؟ ثم تكون سائر أعماله على هذا> رَوَاهُ التِّرمِذِيُّ وَقَالَ حَدِيثٌ حَسَنٌ...,خير صفوف الرجال أولها وشرها آخرها. وخير صفوف النساء آخرها وشرها أولها> رَوَاهُ مُسلِمٌ...,أقيموا الصفوف، وحاذوا بين المناكب، وسدوا الخلل، ولينوا بأيدي إخوانكم، ولا تذروا فرجات للشيطان، ومن وصل صفاً وصله اللَّه، ومن قطع صفاً قطعه اللَّه> رَوَاهُ أبُو دَاوُدَ بإسناد صحيح....,عن عائشة رَضِيَ اللَّهُ عَنها أن النبي صَلَّى اللَّهُ عَلَيهِ وَسَلَّم كان لا يدع أربعاً قبل الظهر، وركعتين قبل الغداة. رَوَاهُ البُخَارِيُّ...,عن ابن عمر رَضِيَ اللَّهُ عَنهُما أنهما سمعا رَسُول اللَّهِ صَلَّى اللَّهُ عَلَيهِ وَسَلَّم يقول على أعواد منبره: <لينتهين أقوام عن ودعهم الجمعات أو ليختمن اللَّه على قلوبهم ثم ليكونن من الغافلين> رَوَاهُ مُسلِمٌ...,إذا دخل أهل الجنة الجنة يقول اللَّه تبارك وتعالى: تريدون شيئاً أزيدكم؟ فيقولون: ألم تبيض وجوهنا؟ ألم تدخلنا الجنة، وتنجنا من النار؟ فيكشف الحجاب، فما أعطوا شيئاً أحب إليهم من النظر إلى ربهم> رَوَاهُ مُسْلِمٌ...,إن في الجنة شجرة يسير الراكب الجواد المضمَّر السريع مائة سنة ما يقطعها> مُتَّفَقٌ عَلَيْهِ...,قال اللَّه تعالى: يا ابن آدم إنك ما دعوتني ورجوتني غفرت لك على ما كان منك ولا أبالي، يا ابن آدم لو بلغت ذنوبك عنان السماء ثم استغفرتني غفرت لك ولا أبالي، يا ابن آدم إنك لو أتيتني بقراب الأرض خطايا ثم لقيتني لا تشرك بي شيئاً لأتيتك بقرابها مغفرة> رَوَاهُ الْتِّرْمِذِيُّ وَقَالَ حَدِيْثٌ حَسَنٌ...,لا تخصوا ليلة الجمعة بقيام من بين الليالي، ولا تخصوا يوم الجمعة بصيام من بين الأيام إلا أن يكون في صوم يصومه أحدكم> رَوَاهُ مُسْلِمٌ.....,لا صلاة بحضرة طعام، ولا هو يدافعه الأخبثان> رَوَاهُ مُسْلِمٌ....,: <إذا دعا الرجل امرأته إلى فراشه فأبت فبات غضبان عليها لعنتها الملائكة حتى تصبح> مُتَّفَقٌ عَلَيْهِ....,لا تباشر المرأة المرأة فتصفها لزوجها كأنه ينظر إليها> مُتَّفَقٌ عَلَيْهِ.....,لا تسموا العنب الكرم؛ فإن الكرم المسلم> مُتَّفَقٌ عَلَيْهِ، وهذا لفظ مسلم....,(من أحدث في أمرنا هـذا مـا لـيـس مـنه فهـو رد ). متفق عليه...,عن أبـي رقــيـة تمـيم بن أوس الـداري رضي الله عنه ، أن النبي صلى الله عـليه وسـلم قـال :( الـديـن النصيحة )....,ما نهيتكم عنه فاجتنبوه ، وما أمرتكم به فأتوا منه ما استطعتم ، فإنما أهلك الذين من قبلكم كثرة مسائلهم واختلافهم على انبيائهم ). رواه البخاري ومسلم....,( دع ما يـريـبـك إلى ما لا يـريـبـك ).رواه النسائي والترمذي وقال حديث حسن صحيح...,( من حسن إسلام المرء تركه ما لا يعـنيه ) .حديث حسن ، رواه الترمذي وابن ماجه....,( لا يحل دم امرىء مسلم [ يشهد أن لا إله إلا الله ، وأني رسول الله ] إلا بـإحـدي ثـلاث : الـثـيـب الــزاني ، والـنـفـس بـالنفس ، والـتـارك لـد يـنـه الـمـفـارق للـجـمـاعـة ).متفق عليه..,( اتـق الله حيثما كنت ، وأتبع السيئة الحسنة تمحها ، وخالق الناس بخـلـق حـسـن ).رواه الترمذي وقال : حديث حسن ، وفي بعض النسخ : حسن صحيح ..,عـن أبي العـباس عـبد الله بن عـباس رضي الله عـنهما ، قــال : كـنت خـلـف النبي صلي الله عـليه وسلم يـوما ، فـقـال : ( يـا غـلام ! إني اعـلمك كــلمات : احـفـظ الله يـحـفـظـك ، احـفـظ الله تجده تجاهـك ، إذا سـألت فـاسأل الله ، وإذا اسـتعـنت فـاسـتـعـن بالله ، واعـلم أن الأمـة لـو اجـتمـعـت عـلى أن يـنـفـعـوك بشيء لم يـنـفـعـوك إلا بشيء قـد كـتـبـه الله لك ، وإن اجتمعـوا عـلى أن يـضـروك بشيء لـم يـضـروك إلا بشيء قـد كـتـبـه الله عـلـيـك ؛ رفـعـت الأقــلام ، وجـفـت الـصـحـف ).رواه الترمذي [وقال : حديث حسن صحيح إن مما أدرك الناس من كلام النبوة الأولى : إذا لم تستح فاصنع ما شئت ).رواه البخاري ...,( الطهور شطر الإيمان ، والحمد لله تملأ الميزان ، وسبحان الله والحمد لله تملأن – أو : تملأ – ما بين السماء والأرض ، والصلاة نور ، والصدقة برهان ، والصبر ضياء ، والقرآن حجة لك أو عليك ؛ كل الناس يغدو ، فبائع نفسه فمعتقها ، أو موبقها ..رواه مسلم ...,كل سلامى من الناس عليه صدقة كل يوم تطلع فيه الشمس تعدل بين اثنين صدقة ، وتعين الرجل فى دابته فتحمله عليها أو ترفع له عليها متاعة صدقة ، والكلمة الطيبة صدقة ، وبكل خطوة تمشيها إلي الصلاة صدقة ، وتميط الأذي عن الطريق صدقة ).رواه البخاري ومسلم...,: ( من رأى منكم منكرًا فلغيره بيده ، فإن لم يستطع فبلسانه ، فإن لم يستطع فبقلبه ، وذلك أضعـف الإيمان ).رواه مسلم ...,( لا تحاسدوا ، ولا تناجشوا ، ولا تباغضوا ، ولا تدابروا ، ولا يبع بعضكم على بيع بعض ، وكونوا عباد الله إخوانا ، المسلم خو المسلم ، لا يظلمه ولا يخذله ، ولا يكذبه ، ولا يحقره ، التقوى ها هنا ) ويشير صلى الله عليه وسلم إلى صدره ثلاث مرات – ( بحسب امرىء أن يحقر أخاه المسلم ، كل المسلم على المسلم حرام : دمه وماله وعرضه ).رواه مسلم ...,( إن الله تعالى كتب الحسنات والسيئات ، ثم بين ذلك ، فمن هم بحسنة فلم يعملها كتبها الله عنده حسنة كاملة ، وإن هم بها فعملها كتبها الله تعالى عنده عشر حسنات إلى سبعمائة ضعف إلى أضعاف كثيرة ، وإن هم بسيئة فلم يعملها كتبها الله عنده حسنة كاملة ، وإن هم بها فعملها كتبها الله عنده سيئة واحدة ).رواه البخاري ومسلم...,( كن في الدنيا كـأنـك غـريـب أو عـابـر سبـيـل ).وكـان ابـن عـمـر رضي الله عـنهـما يقول : إذا أمسيت فلا تـنـتـظـر الصباح ، وإذا أصبحت فلا تـنـتـظـر المساء ، وخذ من صحـتـك لـمـرضـك ، ومن حـياتـك لـمـوتـك ...رواه البخاري ...,( لا يؤمن أحدكم حتي يكون هواه تبعا لما جئت به ..حديث حسن صحيح ...,..سبحانك اللهم وبحمدك أشهد أن لا إله إلا أنت ..أستغفرك وأتوب إليك

Thursday, April 02, 2009

كل سنة وانتي مدونة

زي الليلة قابلتها ترلملم
زي الليلة عرفتها
واتولدت جوايا مشاعر
دخلت علقت عندها
:)
بيب بيييييييييييب
انا جه
احم احم
المفروض كان عندنا احتفال بسيط في اول الشهر اللي فات عبارة عن قطعتين جاتوه علشاني انا بس :)

وسندوتشات جبنة بالطماطم لباقي الشعب

وده كان بمناسبة مرور سنتين على النونو الكوانونو القطة البطة حبيبة قلب مدونة الطاغية السكايار ألا وهي مدونة بطووووووط

لكن نظراً للانشغال الكبير والظروف الكثيرة فقد قررنا نحن حاكم البلاد الطغاوية السكايارية ومليكتنا ربة المدونة البطوطية الاحتفال بالعام الثاني للمدونة على صفحات مدونة الطاغية

ليهنأ الشعب العظيم المكافح بقسطاً من الراحة بعد وجع الدماغ اللي سببتهولكم ف الكام بوست اللي بالفصحى اللي ماليش فيها دي

وبعيداً عن كوني مُنحت هذا الشرف العالي الرفيع بارتباط اسم بطوط بسكايار لآخر العمر

وبعيداً عن كوني أي حاجة ف أي مكان ف بجد جديد يعني

زي في القوة شديد والشعب حديد كده يعني

ف بجد جديد أنا فرحان جداً بالمدونة وش الخير دي .... ووش الخير دي لأسباب كتير بس مش هقول الأسباب وخلينا ف الفرحة

من كام يوم فتحت المدونة (مدونة بطوط) وقعدت أقرأ في مواضيعها اللي هي لا تتعدى حياة شخصية بسيطة بمشاعرها وأحلامها بفرحها وحزنها بأحداثها والفرق في أسلوب الكتابة أيام وجود صاحبة المدونة في مصر وبعد سفرها ووجودها إلى الآن في بلاد الحرمين (البترول والمال)

أنا فرحان لإن المدونة دي أنا عشت فيها فترة من اجمل فترات حياتي فترة ما يقرب من عام

حملت فيها ذكريات

حملت فيها الصحبة والأخوة الصادقة

حملت فيها مشاركة ف البسمة والدمعة

حملت فيها مشاركة من مستكنيص ف عمل شات بوكس للمدونة :)

وتأسيس من عاشق وحلاوة للتمبليت ... طبعاً اللي كان هيمسح المدونة خالص :))))

ولن أنسى أبداً يوم ما فتحت مدونتك يا بطوط وأنا ف الشغل والسماعات شغالة ولسه بفتح لقيت طبل وزمر وكل العملا اللي كانوا واقفين بطلوا كلام ووقفوا يبحلقوا فيا كدهو وانا بدقن ويقولوا الشيخ اتهبل

ومرة تانية أبقى قاعد وقور كدهو ومحترم وافتحها وانا فاكرني قافل الصوت يرجع الرزع والاقي حلاوة داخل عليا بيرقص ويتنطط على الموسيقى

ماااااااشي يا بطوط

من حق الطويل يتدلع

ما زلت أذكر يوم نزول بوست جديد في المدونة وبعدين نقعد انا واصحابي المدونين ننم ف حق بطوط شوية .... كان بيحصل مع الكل النم ده مش مع بطوط لواحدها

لكن بمناسبة إن دي احتفالية بطوط بقى

لسه فاكر اشتغالة الحب من اللمسة الأولى واللي طلعت ف الآخر بتحب كتكوووت

أكيد كل واحد بيكتب بيبقى فيه أحداث أو شعور معين عنده وقت الكتابة

الجميل بقى إن اللي بيقرأ نفسه تبقى القراءة بتتعلق معاه بأحداث أو مشاعر معينة زي ما تكون حزين من حدث ما وتدخل لتدوينة تلاقي حاجة بتمسح حزنك ده ... او تكون فرحان فتفتكر البوست بيوم ما كنت فرحان بسبب كذا او تفتكر الفرحة بسبب بوست كذا

فحملني كل بوست لمشاعر وذكريات لكل وقت كنت بقرأ فيه التدوينة

لسه فاكر ميلاد المدونة ووقوف عاشق الروح وحلاوة أمام شاشة الكمبيوتر وفجأة لقيتهم واقعين من الضحك وانا معرفش دي مدونة مين

ولسه فاكر أول لقاء بيني وبين صاحبة المدونة واللي كان ف أول ابريل نياهاهاها... برضه ذاكرتي لسه عايشة .... ودخول 4 مدونات زي العسل عليا وانا قاعد ف مكان شغلي

كلمة زي العسل دي هتعلق بسببها من رجلي على حبل غسيل انا عارف

قلبك أبيض يا بطووط :)

صحيح كانوا جايين يقضوا مصلحة بس كان شرف كبير ليا اني عرفتهم وقابلتهم

وكان شرف طوييييييل ليا لقاءي بصاحبة مدونة بطوط

محدش يسأل برضه يعني إيه شرف طويل

وأخيراً نصدر المرسوم الطغوي

من مدونتنا الغالية لجارتنا الأغلى مدونة بطوط (سيريندبتي) فقد قررنا نحن الجدع اللي بيكتب الكلام ده فرض زيادة ف الضرائب على كل الشعب ابتهاجاً منا بمرور العام الثاني على المدونة سالفة الذكر ربيبة الحاج بلوجر رضي الله عنا وجزاه ما يستحق :)

بطوووط كل سنة ومدونتك ف حياة المدونات مشرقة

محدش ياكل الجاتوه ده بتااااااااااعي

عااااااااااااااااااا

22 comments:

Empress appy said...: كل سنه وانت وبطوط بخير
بس انا عندى تخمين اخمن يعنى وتدينى جاتوة منكن
هى الطويل يمكن بطوط طويل شويه
عموما بطوط ده اسم غالى عندى انا شخصيا كمان لان عربيتى اسمها بطوط ودى البكريه بتاعتى بقى والحيله واللى جبتها بطلوع الروح ومسح سلالم بيتنا علشان بابا يساعدنى وفى الاخر مرضيش والمهم يعنى برضه جبتها
وعلشان حد غالى عندى كمان بيقولى يا بطوط
علشان كده انا بحب الاسم ده
ربنا يخليكوا لبعض يا رب على طول
وترجعوا بالسلامه يا رب
وبطل طغيان يا حج بدل ما نعمل زى الليدى غولفيا
عارف قصتها
كل سنه وانتم سعداء يا رب; April 2, 2009 at 11:36 AM
sakayar said...: Appy
كل سنة وانتي ف أجمل وأسعد ومصطفى وعبد الرحمن ... لكن عبد الله مش عارف راح فين
بقى انا اقول بطوط على خطيبتي تقوليلي عربيتك .... ماشي يا ملكة آبي
بس أنا عارف فعلاً ان عربيتك اسمها بطوط ... بس هو حد غالي عندك اللي بيقولك يا بطوط؟؟ ولا حد غالي عندك اسمه بطوط؟ كنت فاكر بوست عيد الام اللي كاتباه كان فيه اسم بطوط
:)
ربنا ميحرمك من بطوطك أبداً يا آبي ويكرمك كده وتخاويها بتلات اربع بطابيط يملوا عليكي الشارع
:)
عااااا مين الليدي غولفيا دي؟؟
انا اعرف غولفيا خانافييفا واحدة روسية بتلعب لعبة اسمها رمي المطرقة
عااااااااااا
خلاص خلاص مش هفرض ضرايب
يالهوووي
كل سنة وانتي ف أسعد حال يا ملكة; April 2, 2009 at 11:47 AM
sakayar said...: Appy
سوري نسيت
صح تخمينك ف محله
بس سيبيلي اللي بالفانيليا بقى
:); April 2, 2009 at 11:49 AM
زهرة الجنة said...: كل سنة والمدونة جميلة ورائعه
وععقبال 100 سنة تدوين

كل سنة وانتم طيبين
ربنا يسعدكم يارب; April 2, 2009 at 1:48 PM
mohamed ghalia said...: كل سنة ومدونتك بخير
والى طاعة الله أقرب; April 2, 2009 at 7:17 PM
قلب ينبض لله said...: كل سنة وبطوط ومدونتها بخير
وكل سنة وانت وبطوط بتحبوا بعض
وربنا يبعد عنكوا الناس اللي عينيها وحشة

مش لائيه كلام أقوله بجد غير ربنا يارب يهنيكوا بعض
:)

مستنية نصيبي من الجاتوه وساندوتش الجبنه:); April 2, 2009 at 9:55 PM
Unknown said...: ياسلام ياسلام
ايه الجمال ده ياخلود
كل سنة وانتم يكل الخير و الجمال و الود
بجد ياخلود متتخيلش البوست ده جايلى فى وقته أد ايه
تخيل بقى لما تقرى بوست زى كده فى معمعة ايميلات الشغل و من السايبر كمان
كل سنة و انتم أجمل من اللى قبلها وأقرب لربنا و أقدر على إسعاد الشعب الساكايارى
بجد ياخلود بنتعلم منك الجمال
دمتَ جميلاً; April 3, 2009 at 12:20 AM
Wish I were a Butterfly ... said...: كل سنة و مدونة بطوط طيبة
بس هي تنورها شوية عشان من غيرها المدونةبتزعل أوي

كل سنة و بطوط جميلة وسعيدة و بعيدة جداجداعن هموم الدنيا

يارب يفرحكوا انتو الاتنين :)...ونفرح بيكوا قريب أوي

شكرا على البوست يا سكايار; April 3, 2009 at 3:51 AM
Soul.o0o.Whisper said...: بجد البوست رائع بجد

و ربنا يخليكوا لبعض

بس حتتين جاتوه ليك بس
طب فين مناب بطوط؟؟؟

تعالى يا بطوط شوفى

هههههههههههههههه
طبعا بأهدى النفوس

كل سنة و انتوا طيبين
و السنة الجاية نهنيكم بمناسبة أحلى كتيييييييييييير

;)

تحياتى ليكم; April 3, 2009 at 6:07 AM
Unknown said...: كل سنة واحلى و ارق قلبين لاتنين مدونين ف سعادة و هنا يا رب ، يا سكايار عمرك سمعت عن طاغية منشور و بيرفرف ؟; April 3, 2009 at 8:38 PM
مجداوية said...: السلام عليكم

والله تشرفنا
وتقريبا المعرفة جات في مناسبة كويسة
ومش حسأل عن معنى ساكايار

احتمال آجي أدور على معناها في التدوينات القديمة

ربنا يهنيك ويفرحك ويجمع بينك وبين بطوطتك في أقرب وقت

أضحكتني بالفرمان بزيادة الضرائب احتفالا بينا وبمدونتك ,, فكرتني بتدوينة كتبتها اسمها مش عايزين المنحة ياريس

فأرجوك بلاش احتفال من النوع ده وخليها شوب عصير قصب احتفالا بعام جديد طوييييييييييل
:)

ملحوظة هامة :
لا تعارض بين اللحية والإلتزام وبين خفة الدم والتمتع بالحياة في حدود ما حلله الله

والدليل بطوط

:)
أضحك الله سنك; April 4, 2009 at 5:20 AM
sakayar said...: زهرة الجنة
كل سنة وحضرتك في خير وسعادة وعقبال مدونة حضرتك ونجيبلها "بسكلتة" وتلعب مع مدوناتنا
شكرا لتواصل حضرتك كتير
وجزاكم الله خير على الدعاء
دمتي بكل الخير والود; April 4, 2009 at 9:51 AM
sakayar said...: mohamed ghalia
وكل سنة وحضرتك جميل
بس احنا بنحتفل بمدونة بطوط يا قمر
شكرا كتير لمرورك
دمت سعيداً; April 4, 2009 at 9:52 AM
sakayar said...: قلب ينبض لله
جزاكم الله خير يا قلب لمرورك ورب اختفاءكم كان خير ويسعدكم دايماً ويبعد عنكم كل سوء
شكرا كتيييير للدعاء
ويكفي مروركم وتشريفكم
بس كده ؟
علشان خاطر بطوط انزل اجيب دستتين جاتوه ... وانا عندي أغلى منها نحتفل بيه
:)
بس كده بقى مفيش سندوتش جبنة ... يا اما جاتوه يا اما جبنة
ربنا يعزكم ويسعدكم دايماً ويبارك فيكم; April 4, 2009 at 9:55 AM
sakayar said...: ـ-ـ- أحمد عبد العدل-ـ-ـ
ومعانا اتصال ونقوووول آلو
دكتورنا الجميل
ربنا يعزك ويكرمك دايماً يا قمر
الجمال ده من عيونك وابتسامتك حبيب قلبي
تسلم يا جميل يارب دايماً نكون عارفين نسعد الناس الجميلة اللي زيك ... آه عارف احساس السيبر ده ياما اتعرضتله بجد ربنا يقويك ويعينك حبيبي
كل سنة وانت اجمل بسمة يا دكتور
يا بويا انا تلميذ نونو ف مدرسة السعادة والجمال هنيجي جنبك ايه بس
ربنا يعزك يا قمر
دمت بكل الود والسعادة; April 4, 2009 at 9:59 AM
sakayar said...: Wish I were a Butterfly ...
يارب وحضرتك طيبة دايماً وف سعادة وخير يا فراشة
اكيد كلامك واصل بطوط ... بس ايه رأيك فيه مدونة كمان عاوزين صاحبتها تنورها شوية عشان غايبة بقالها فترة؟؟ اسمها لوست ان سبيس ويسبر
:)
ياااااااارب يبارك فيكم على الدعاء الجميل ده ويجزيكم خير
ويارب دايما في فرحة وحياتكم من جميل لأجمل ومن سعادة لأسعد
شكرا لتشريفكم انتم لينا
:); April 4, 2009 at 10:02 AM
sakayar said...: Soul.o0o.Whisper
يارب ويبارك فيكم
بس تفتكري لما انا اجيبلي قطعتين جاتوه مش هكون جايب لبطوط تورتة كاملة؟
لأ خدي بالك بطوط تعرف تاخد حقها اوووي
:)))
هدي النفوس براحتك ... ربنا يبارك فيكم
وياااااارب قريب تهنونا بمناسبة أحلى ونهنييييكم برضه بمناسبات أجمل
كل سنة وحضرتك بكل خير
دمتي في سعادة; April 4, 2009 at 10:05 AM
sakayar said...: New Image
ياااااه
ده سموك مشرفتناش بحصانك ده بقالك حوالي سنة تخيل؟؟؟
كل سنة وانت اجمل وليد ف الدنيا ودايماً ناجح ومتميز يارب
آه سمعت عن طاغية منشور وبيرفرف .. لما مراته تبقى طغوية زيه
:)); April 4, 2009 at 10:07 AM
sakayar said...: مجداوية
وعليكم السلام ورحمة الله وبركاته
بجد زيارة حضرتك شرف كبير لينا وللمدونة
أعزكم الله وجزاكم خير على التشريف والدعاء الجميل ده بجد
هو انا فعلاً عملت الفرمان على غرار الحدث اللي حضرتك بتتكلمي عليه بتاع المنحة
:)
بس ملقيتش ف الامارات عصير قصب
:(
بس هنحاول نظبط المشروبات وسندوتشات كمان علشان كده المدونة بتتشرف بناس جميلة بجد في التدوين
وعام طوييييييل علينا وعليكم
:)
شكرا كتييير على ملحوظة حضرتك ويارب نكون عند ربنا أجمل واحسن
أسعدكم الله وجعل حياتكم جنة وسعادة في الدنيا والآخرة; April 4, 2009 at 10:12 AM
هوندا said...: كل سنة وبطوط بخيير ومدونتها بخير

انا كنت سمعت عن الزرارة دى
:D

ربنا يجمعكم على خير
بطوط مفيش منها كتير ولها مهزة خاصة فى قلبى وقضيت معاها احلى اوقات فى احلى مراحل فى حياتى :); April 5, 2009 at 10:46 PM
sakayar said...: هوندا
وكل سنة وانتم كلكم بخير يا هوندا وف سعادة ومتجمعين في رضى وحب دايماً
سمعتي عن الزيارة؟؟
قالولك ايه ؟؟
عاااااااا
طولوا لسانهم؟؟ قووولي قووولي
اكيد بطوط قالت عليا اوزعة عااا

بطوط مفيش منها كتير ولها مهزة خاصة فى قلبى وقضيت معاها احلى اوقات فى احلى مراحل فى حياتى :)

يارب يجمعكم ف خير وسعادة ويديم ودكم وحبكم يا هوندا
تسلمي للمرور ورب يكون الأمير كريم في سعادة ورضى ويجمعكم سوا ف خير دايماً; April 6, 2009 at 9:36 AM
Mohamed said...: كل سنة وانت طيب يا باشا

فكــــــــــــــرنى!!!; April 25, 2009 at 9:12 AM

واصبر نفسك

اللهم يا صاحبي عند شدتي
يا مؤنسي في وحدتي
يا حافظي في غربتي
ياوليي في نعمتي
يا كاشف كربتي
يا سامع دعوتي
يا راحم عبرتي
يا مقيل عثرتي
يا إلهي الحقيق
ويا ركني الوثيق
يا جاري اللصيق
ومولاي الشفيق
يارب البيت العتيق
أخرجني والمسلمين ومن سألنا الدعاء وسألناه الدعاء من حِلق الضيق إلى سعة الطريق
بفرج من عندك قريب وثيق
واكشف عنا كل شدة وضيق
واكفنا من السوء والأذى ما نطيق وما لا نطيق
اللهم إن لي أحبة في كل درب وصحبة
فاغفر لهم وأعنهم ويسر لهم أمر رشدٍ
يعبدوك لا يغفلون عن عبادتك ويرضون بما قسمته ويفرحون بقضاءك
اللهم لم تخذلني في نفسي فلا تخذلني فيهم أبداً
وصلى اللهم على نبينا محمد وعلى آله وصحبه وسلم