AL7AYAH: نرجو حزم الأربطة ... أيون أنا

.....أكثر من قول لا حول ولا قوة إلا بالله العلي العظيم,فإنها كنزمن كنوز الجنة..حديث صحيح......,ما أسفل الكعبين من الإزار فهو في النار..رواه البخاري والنسائي..,يا رسول الله أنهلك وفينا الصالحون؟؟..قال نعم ,إذا كثر الخبث (متفق عليه)..,الوالد أوسط أبواب الجنة..فإن شئت فأضع هذا الباب أو احفظه...,لا يدخل الجنة قاطع ..أي قاطع رحم..(متفق عليه)...,الحياء شعبةمن الايمان ..حديث صحيح..آية الإيمان حب الأنصار..وأية النفاق بغض الأنصار..(رواه البخاري)..من أشار إلي أخيه بحديدة فإن الملائكة تلعنه حتي ينتهي (رواه مسلم)...,سباب المسلم فسوق وقتاله كفر ..(متفق عليه)...,بحسب امرئٍ من الشر أن يحقر أخاه المسلم..(رواه البخاري ومسلم وأصحاب السنن)..ما تواضع أحد لله إلا رفعه ,وما زاد الله عبدا بعفوٍ إلا عزاً...,وتجد شر الناس ذا الوجهين..,الذي يأتي هؤلاء بوجه..وهؤلاء بوجه..(رواه البخاري ومسلم ومالك)...,ذمة المسلمين واحدة ,يسعي بها إدناهم.فمن أخفر مسلما فعليه لعنة الله والملائكة والناس أجمعين.لا يقبل الله منه يوم القيامة عدلاً ولا صرفاً..(رواه مسلم وغيره)...لو أنكم تتوكلون علي الله حق التوكل...لرزقكم كما يرزق الطير..تغدو خماصاً وتروح بطاناً..(رواه أحمد وصححه الألباني)....,إن الله تعالي يبسط يده بالليل ليتوب مسئ النهار..,ويبسط يده بالنهار ليتوب مسئ الليل..حتي تطلع الشمس من مغربها ...(رواه مسلم)...يقول الله-عزوجل- أخرجوا من النار من ذكرني يوماً أو خافني في مقام..رواه البيهقي والترمذي..وقال حديث حسن.....اتقوا الله..وصلوا خمسكم,وصوموا شهركم,وأدوا زكاة أموالكم,وأطيعوا أمراءكم..تدخلوا جنة ربكم..رواه الترمذي..وقال حديث حسن صحيح....,« . . . وهل يكب الناس على وجوههم أو على مناخرهم إلا حصائد ألسنتهم » [رواه الترمذي]....,« إن العبد ليتكلم بالكلمة ما يتبين فيها، يزل بها إلى النار أبعد مما بين المشرق والمغرب » [متفق عليه]....,«اللهم إني أسألك فعل الخيرات وترك المنكرات وحب المساكين،وإذا أردت في الناس فتنة فاقبضني إليك غير مفتون» أخرجه مالك والترمذي..,«ما من مسلم يصيبه أذى, من مرض فما سواه إلا حط الله به سيئاته كما تحط الشجرة ورقها» أخرجه البخاري ومسلم..,«لا يموتن أحدكم إلا وهو يحسن الظن بالله» أخرجه البخاري ومسلم...,«أعذر الله إلى امرئ أخر أجله حتى بلغ ستين سنة» أخرجه البخاري. أي لم يبق عذر لمن بلغ الستين من العمر...,«لا تقوم الساعة حتى تخرج نار من أرض الحجاز تضيء أعناق الإبل ببصرى» أخرجه البخاري ومسلم...,«يقبض الله الأرض يوم القيامة, ويطوي السماء بيمينه, ثم يقول: أنا الملك أين ملوك الأرض» أخرجه البخاري ومسلم...,«ما من صباح إلا وملكان يقولان: يا طالب الخير أقبل, ويا طالب الشر أقصر, وملكان موكلان يقولان: اللهم أعط منفقاً خلفاً, وأعط ممسكاً تلفاً» أخرجه البخاري مختصراً وأحمد..,إذا أراد الله بقوم عذاباً أصاب العذاب من كان فيهم, ثم بعثوا على نياتهم» أخرجه البخاري ومسلم..,« أول ما يقضى بين الناس يوم القيامة في الدماء» أخرجه البخاري ومسلم والنسائي والترمذي..,مثل الصلوات الخمس كمثل نهر جار غمر على باب أحدكم يغتسل منه كل يوم خمس مرات> رَوَاهُ مُسلِمٌ...,يتعاقبون فيكم ملائكة بالليل وملائكة بالنهار، ويجتمعون في صلاة الصبح وصلاة العصر، ثم يعرج الذين باتوا فيكم فيسألهم وهو أعلم بهم: كيف تركتم عبادي؟ فيقولون: تركناهم وهم يصلون وأتيناهم وهم يصلون> مُتَّفَقٌ عَلَيهِ...,من غدا إلى...,بشروا المشائين في الظلم إلى المساجد بالنور التام يوم القيامة> رَوَاهُ أبُو دَاوُدَ وَالتِّرمِذِيُّ...,من شهد العشاء في جماعة كان له قيام نصف ليلة، ومن صلى العشاء والفجر في جماعة كان له كقيام ليلة> قال الترمذي حديث حسن صحيح....,إن بين الرجل وبين الشرك والكفر ترك الصلاة> رَوَاهُ مُسلِمٌ...,إن أول ما يحاسب به العبد يوم القيامة من عمله صلاته، فإن صلحت فقد أفلح وأنجح، وإن فسدت فقد خاب وخسر، فإن انتقص من فريضته شيئاً قال الرب عز وجل: انظروا هل لعبدي من تطوع فيكمل بها ما انتقص من الفريضة؟ ثم تكون سائر أعماله على هذا> رَوَاهُ التِّرمِذِيُّ وَقَالَ حَدِيثٌ حَسَنٌ...,خير صفوف الرجال أولها وشرها آخرها. وخير صفوف النساء آخرها وشرها أولها> رَوَاهُ مُسلِمٌ...,أقيموا الصفوف، وحاذوا بين المناكب، وسدوا الخلل، ولينوا بأيدي إخوانكم، ولا تذروا فرجات للشيطان، ومن وصل صفاً وصله اللَّه، ومن قطع صفاً قطعه اللَّه> رَوَاهُ أبُو دَاوُدَ بإسناد صحيح....,عن عائشة رَضِيَ اللَّهُ عَنها أن النبي صَلَّى اللَّهُ عَلَيهِ وَسَلَّم كان لا يدع أربعاً قبل الظهر، وركعتين قبل الغداة. رَوَاهُ البُخَارِيُّ...,عن ابن عمر رَضِيَ اللَّهُ عَنهُما أنهما سمعا رَسُول اللَّهِ صَلَّى اللَّهُ عَلَيهِ وَسَلَّم يقول على أعواد منبره: <لينتهين أقوام عن ودعهم الجمعات أو ليختمن اللَّه على قلوبهم ثم ليكونن من الغافلين> رَوَاهُ مُسلِمٌ...,إذا دخل أهل الجنة الجنة يقول اللَّه تبارك وتعالى: تريدون شيئاً أزيدكم؟ فيقولون: ألم تبيض وجوهنا؟ ألم تدخلنا الجنة، وتنجنا من النار؟ فيكشف الحجاب، فما أعطوا شيئاً أحب إليهم من النظر إلى ربهم> رَوَاهُ مُسْلِمٌ...,إن في الجنة شجرة يسير الراكب الجواد المضمَّر السريع مائة سنة ما يقطعها> مُتَّفَقٌ عَلَيْهِ...,قال اللَّه تعالى: يا ابن آدم إنك ما دعوتني ورجوتني غفرت لك على ما كان منك ولا أبالي، يا ابن آدم لو بلغت ذنوبك عنان السماء ثم استغفرتني غفرت لك ولا أبالي، يا ابن آدم إنك لو أتيتني بقراب الأرض خطايا ثم لقيتني لا تشرك بي شيئاً لأتيتك بقرابها مغفرة> رَوَاهُ الْتِّرْمِذِيُّ وَقَالَ حَدِيْثٌ حَسَنٌ...,لا تخصوا ليلة الجمعة بقيام من بين الليالي، ولا تخصوا يوم الجمعة بصيام من بين الأيام إلا أن يكون في صوم يصومه أحدكم> رَوَاهُ مُسْلِمٌ.....,لا صلاة بحضرة طعام، ولا هو يدافعه الأخبثان> رَوَاهُ مُسْلِمٌ....,: <إذا دعا الرجل امرأته إلى فراشه فأبت فبات غضبان عليها لعنتها الملائكة حتى تصبح> مُتَّفَقٌ عَلَيْهِ....,لا تباشر المرأة المرأة فتصفها لزوجها كأنه ينظر إليها> مُتَّفَقٌ عَلَيْهِ.....,لا تسموا العنب الكرم؛ فإن الكرم المسلم> مُتَّفَقٌ عَلَيْهِ، وهذا لفظ مسلم....,(من أحدث في أمرنا هـذا مـا لـيـس مـنه فهـو رد ). متفق عليه...,عن أبـي رقــيـة تمـيم بن أوس الـداري رضي الله عنه ، أن النبي صلى الله عـليه وسـلم قـال :( الـديـن النصيحة )....,ما نهيتكم عنه فاجتنبوه ، وما أمرتكم به فأتوا منه ما استطعتم ، فإنما أهلك الذين من قبلكم كثرة مسائلهم واختلافهم على انبيائهم ). رواه البخاري ومسلم....,( دع ما يـريـبـك إلى ما لا يـريـبـك ).رواه النسائي والترمذي وقال حديث حسن صحيح...,( من حسن إسلام المرء تركه ما لا يعـنيه ) .حديث حسن ، رواه الترمذي وابن ماجه....,( لا يحل دم امرىء مسلم [ يشهد أن لا إله إلا الله ، وأني رسول الله ] إلا بـإحـدي ثـلاث : الـثـيـب الــزاني ، والـنـفـس بـالنفس ، والـتـارك لـد يـنـه الـمـفـارق للـجـمـاعـة ).متفق عليه..,( اتـق الله حيثما كنت ، وأتبع السيئة الحسنة تمحها ، وخالق الناس بخـلـق حـسـن ).رواه الترمذي وقال : حديث حسن ، وفي بعض النسخ : حسن صحيح ..,عـن أبي العـباس عـبد الله بن عـباس رضي الله عـنهما ، قــال : كـنت خـلـف النبي صلي الله عـليه وسلم يـوما ، فـقـال : ( يـا غـلام ! إني اعـلمك كــلمات : احـفـظ الله يـحـفـظـك ، احـفـظ الله تجده تجاهـك ، إذا سـألت فـاسأل الله ، وإذا اسـتعـنت فـاسـتـعـن بالله ، واعـلم أن الأمـة لـو اجـتمـعـت عـلى أن يـنـفـعـوك بشيء لم يـنـفـعـوك إلا بشيء قـد كـتـبـه الله لك ، وإن اجتمعـوا عـلى أن يـضـروك بشيء لـم يـضـروك إلا بشيء قـد كـتـبـه الله عـلـيـك ؛ رفـعـت الأقــلام ، وجـفـت الـصـحـف ).رواه الترمذي [وقال : حديث حسن صحيح إن مما أدرك الناس من كلام النبوة الأولى : إذا لم تستح فاصنع ما شئت ).رواه البخاري ...,( الطهور شطر الإيمان ، والحمد لله تملأ الميزان ، وسبحان الله والحمد لله تملأن – أو : تملأ – ما بين السماء والأرض ، والصلاة نور ، والصدقة برهان ، والصبر ضياء ، والقرآن حجة لك أو عليك ؛ كل الناس يغدو ، فبائع نفسه فمعتقها ، أو موبقها ..رواه مسلم ...,كل سلامى من الناس عليه صدقة كل يوم تطلع فيه الشمس تعدل بين اثنين صدقة ، وتعين الرجل فى دابته فتحمله عليها أو ترفع له عليها متاعة صدقة ، والكلمة الطيبة صدقة ، وبكل خطوة تمشيها إلي الصلاة صدقة ، وتميط الأذي عن الطريق صدقة ).رواه البخاري ومسلم...,: ( من رأى منكم منكرًا فلغيره بيده ، فإن لم يستطع فبلسانه ، فإن لم يستطع فبقلبه ، وذلك أضعـف الإيمان ).رواه مسلم ...,( لا تحاسدوا ، ولا تناجشوا ، ولا تباغضوا ، ولا تدابروا ، ولا يبع بعضكم على بيع بعض ، وكونوا عباد الله إخوانا ، المسلم خو المسلم ، لا يظلمه ولا يخذله ، ولا يكذبه ، ولا يحقره ، التقوى ها هنا ) ويشير صلى الله عليه وسلم إلى صدره ثلاث مرات – ( بحسب امرىء أن يحقر أخاه المسلم ، كل المسلم على المسلم حرام : دمه وماله وعرضه ).رواه مسلم ...,( إن الله تعالى كتب الحسنات والسيئات ، ثم بين ذلك ، فمن هم بحسنة فلم يعملها كتبها الله عنده حسنة كاملة ، وإن هم بها فعملها كتبها الله تعالى عنده عشر حسنات إلى سبعمائة ضعف إلى أضعاف كثيرة ، وإن هم بسيئة فلم يعملها كتبها الله عنده حسنة كاملة ، وإن هم بها فعملها كتبها الله عنده سيئة واحدة ).رواه البخاري ومسلم...,( كن في الدنيا كـأنـك غـريـب أو عـابـر سبـيـل ).وكـان ابـن عـمـر رضي الله عـنهـما يقول : إذا أمسيت فلا تـنـتـظـر الصباح ، وإذا أصبحت فلا تـنـتـظـر المساء ، وخذ من صحـتـك لـمـرضـك ، ومن حـياتـك لـمـوتـك ...رواه البخاري ...,( لا يؤمن أحدكم حتي يكون هواه تبعا لما جئت به ..حديث حسن صحيح ...,..سبحانك اللهم وبحمدك أشهد أن لا إله إلا أنت ..أستغفرك وأتوب إليك

Friday, October 19, 2007

نرجو حزم الأربطة ... أيون أنا

قال خير اللهم اجعله خيييييير ... صحيت من النوووم لقيتني لابس بدلة كده ومتشيك ومتظبط وحاطط برفان وريحتي زبالة وشعري متسرح لأدام ... أصلي بقيت أقرع ... أنا بقيت أقرع يااااامصر ...عااااااااااااا

المهز أنا ارتكبت جيريمة ... آه جيريمة ... أنا دخلت عند عمو عصفور المدينة سرقت منه التاج ده وجييييييت

ورفعت الشعار ... واطي ... واطي ... واطي واطي واطي

هييييييييييييييييييييييييه

أصلي حابب أضحك حبتين فقلت نشوف أي حاجة نضحك بيها لقيته بيهدي التاج لكل اللي يدخل يعلق عنده فقلت أنا لها ....بس هيه توافق

شوف يا سيدي ... طبعًا لإني فقر من يومي دخلت أسرقه لقيت حرامي تاني في المدونة ... رعشتله بالكشاف وقعدنا نحكي بقى وكان ده الحوااااار

إن قالوا لك اختار عصر من عصور مصر علشان تعيش فيه تختار أى عصر وفى عهد أى حاكم .. واشمعنى؟

أكيد مش هختار عصر الليمون ... أصله مر أوي ...فيه عصر يوم الخميس علشان بيبقى بالليل الساعة 5 الصبح كده فيه فسحة بقى وخروج وهتقابل أصحابك وكده يعني ... أما عن الحاكم ...عيب عليك ..هوه أنا مش مالي عينك ... اشمعنا؟؟؟ انت هتخشلي قافية . شوف كده فيه فلوس في الخزنة؟؟؟

أول أولوية فى حياتك عيلتك ولا شغلك ولا اصحابك؟

هوه أنا لما كنت بصحى م النووم ...كنت بلاقي أمي في وشي بتقوللي يلا عشان عندك شغل ... بعد الشغل كنت بروح للعيال اصحابي أو نتقابل ... وأنا مع العيال أصحابي كانت أمي بترن عليا من البيت علشان لو اتأخرت هترفع عليا السلاح ....يعني إيه أو ولية اللي انتو بتتكلموا عليها دي ... والولية دي حلوة يعني ومتجوزة ولا ...عيب يا جماعة دي أعراض ناس برضه

ايه أكتر حاجة بتحبها فى رمضان ؟

مفيهوش بذر ..... يعني بقولك داخل أسرق تقولي هحب رمضان؟؟؟ انت مش عارف ان الرة حرام في رمضان ولا إيه ...بس لما بسرق ركعتين بالليل كده مع 3000 ختمة قرآن بيبقى مزاجي عنب

اوصف أجمل فطار ممكن تفطره ؟

برضه هقول زي عصفور المدينة لو تقصد في الصيام يبقى أجمل إفطار أفطره 99 تمرة مع شوب عصيييير أو لبن كده مع شاورمة فراخ ومتنساش السلطة وممكن أزأز شوية موز كده مع حبة شيش طاوووق ما بين الآذان والاقامة ... تصبيرة يعني

ولو تقصد في الأيام العادية يبقى عندك حالتين ... واحدة لو هفطر مع حلاوة بعد صلاة الفجر ...هيبقى سندوتشات فول الحداد مع مامادو برضه ونروح نشرب النسكافيه أو الشاي بلبن عند صوبر صاحبنا أصل بيته قريب من الجمعية الشرعية .. ولو في الشغل ...كالمعتاد بيبقى عصاير وأكل من بتاع العيال ...مولتو وهوهوووز ...وطبعا مع العصاير فيه كوفي مكس أو نسكافيه 3 في واحد

لو انت حاكم على مجموعة من الأفراد حتكون عادل ؟

طب حتتأكد أزاى انك حاكم عادل؟

لا طبعا مش هكون عادل .. هكون سكايااااار ... وهتأكد من كوني حاكم عااادل لما أجيب أصغر حد في المجموعة وأربطه فـ وسط الميدان وأخلي المجموعة كلها تقف تتفرج عليا وأنا بولع فيه بالبنزين والكبريت لحد ما يطلع سي عاااادل اللي بتتكلم عليه ....هعهعهع أنا شرييييييييير

ايه اللى بيبوظ الحكام .. نفسهم ؟ ولا الشعب ؟ ولا الحاشية المقربة ؟؟

اللي بيبوظ الحكام يا ريس إنهم بيبقوا جايين من غير ضمان ...وقطع غيارهم صعبة تتلاقى فبيضطر الشعب يستحمل أهاليهم علشان غالييين .. وعلى رأي المثل ... على أد خشافك ...قطع التييييين

مين أكتر اعلامى مصرى بتحترمه؟

هيه مصر فيها اعلامي غير أبو خط أحمر وأبيض وأسود ونسر في النص؟؟؟؟

ده البلد اتغيرت كتير لما أنا سافرت ... بص كده الملفات اللي في الشنطة دي ممكن نحتاجها ؟؟؟

قريت ديوان "........." صاحب بلوج ".........." عن دار "......." ولا لسة ؟

هوه انت كمان قريته ... ده انا كنت سارقه من كام سنة وافتكرت انها النسخة الوحيدة ...يحرق يولع

كنت تتمنى تبقى ايه ؟؟

لما اتولدت أبويا قال الواد ده هيطلع يا ظابط شرطة ... يا حرامي ... وأنا مطلعتش ظابط شرطة

ايه تانى بلد تتمنى تعيش فيها بعد مصر؟

مدغشقر ... يا سلااااام ...حاجة كده حلوة لما تقعد تتغشقر وانت مدلدل رجليك في ودن الحوت وأبو الهول في ضهرك ... شعور فظيييع فظيييييع

اوصف ترتيبات اجمل فرح ممكن تحضره؟

العريس داخل .... المعازيم شالوه على كتفهم ... موسيقى تصويرية من مسلسل سر الأرض ...وأرضك بتنده طرااااااخ ... رصاصة ... العريس مات ... الحمدلله ...كان عريس زبالة أصلا أنا عارف ايه اللي لمكوا ع العيلة الواطية دي

بتراعى كلام الناس والقيل والقال ؟؟ ولو اه او لا قول ليه ؟

طبعا براعي كلام الناس بس مش بالليل ..علشان كلام الليل مدهون بسمنة وأنا بدوخ من السمنة ... وأما لأ لييييه فعشان حتى الرسول عليه الصلاة والسلام مش كل الناس كانت راضية عنه ... وحتى ربنا مش كل الناس آمنت بيه ...نسبية يا معلمي

صحيت من النوم ملقتش الموبايل ولا الكمبيوتر ولا الكاميرا الديجيتال ورجعنا لعصر الحمام الزاجل والحصنة هتكون سعيد ؟

أولا السؤال ده ينضم لمدونتي ...علشان كلمة لو صحيت م النوووم دي ... ثانيًا وليه مش هكون سعيد ... أنا كنيتي أبو سعيد هعهع حد طايل صحرا وحر وأحصنة وتيجي البت ليلى والمجنون الأهبل اللي بيحبها ونقعد كده قعدة عرب ونتصافى وتبقى قلوبنا صافيا .. مش حميا ومش خضيا

السعادة هى ..؟

حلاوة الايمان ... احنا صحيح بنسرق بس الحق حبيب الله يا عم الحاج

عندك أمل ؟ اسبابك ؟

مش عارف شوف ف التلاجة كده

هوه أنا معيش أهلي في الدنيا غير أمل ... ده الحلاوة أمل ... ده الجمال أمل .... بت يا أمل الله يخرب بيتك انتي رحتي فييين ... أسبابي؟؟؟

والله أنا لسه متجوزتش وان شاء الله لما ربنا يكرم في اللي هتطلع عيني مش ناوي أسميها أمل ...كفاية نور واسلام وفوزي وسعيد ومصطفى ورفعت و عباس وكريمة وسلمى وحسين

لما بتحب تهرب من كل شئ بتروح فين؟

متهيألي في الجامع عمرك البوليس ما يوصلك ... بس اوعى تكون بوليييييس ده أنا أغزك يااااض

امتى اول مرة خدت فيها نفس طويل وقلت ياااه انا فعلا كبرت؟

بصراحة كنت رايح أخده وأنا في الطيارة ...لقيت المضيفة اللي مكنش فيهم واحدة عربية بس كانوا حاجة لوز لوز لوز ... احم احم.... بتقول على السادة الركاب حزم الأربطة وشد اللحاف وناموا يا كلاااااب ... بجد رايح آخد نفس عميك .. ببص من الشباك لقيت كل حاجة بتصغر لدجة ان الناس والعربيات بقوا أصغر من النمل ... ساعتها مقدرتش أتكلم قلت سبحان الله اللي شايفنا وسامعنا من فوق سبع سماوات ...علشان كده حسيت إني عمري ما هكبر في السن ... وعمري ما هحزن طول ما الحياة رخيصة وبسيطة أوي كده

أما بتعمل عمل خير بيكون ايه هو دافعك الاول ؟

معرفش بصراحة ...يمكن علشان دايمًا واقف أدام وضهري للناس مش عارف مين اللي بيدفعني كل مرة ... وربنا لو أطوله بس هيشوووووف

بتشرب سجاير ؟؟ وايه شعورك اما ست او راجل بيشرب سجاير ؟ ليه؟

لأ مش بشرب سجاير ... بشرب قانتا برتقان ... على فكرة فيه في أبو ظبي فانتا فراولة لذيذة أوي ...بس أنا بحب البرتقان أكتر

ولو شفت راجل أو ست بيشربوا سجااااير هجيبلهم واد صاحبي مسمينه أبو كرتونة هيقف كده هيقعد كده ع الكرسي بكرشه ويقوله : دك خيييييبة يا خاااااايب

بتعرف ايدك اليمين من الشمال ازاى ؟؟

أول ما بيتحط أدامي أكل ... الايد الطفسة بتتمد لواحدها فبعرف إنها اليمين

ايه اكتر الة موسيقية بتحبها ؟

آلة الزمن .. بتعزف أحلى موسيقى لأجمل ضحكة على الحياة

رأيك ليه الذوق والنخوة اتعدموا ؟

بيقولك الذوق اتهور على واحد جارهم اسمه الندالة فكان له واسطة ... الحمد لله جاب له اعدام ...والنخوة طبعا غارت لإنها من أعداء الأستاذ ندالة ...فشتمت مراته تقريبا بألفاظ بذيئة ... المهم قالوا في التحقيق إن الذوق والنخوة هما اللي حاولوا قتل الندالة والوطينة فلبسوهم اعدام

الحاجة اللى لو حصلت لك حتبقى سعيد اوى ؟

لما أشوف وجه ربنا في الجنة ... وأحقق حلمي اللي في الدنيا

تحب يبقى عندك ارض زراعية ولااجنس عربيات ولاكام عمارة ولافلوس فى البنك؟

هاتهم كلهم أدامي وأنا هقسمهم قسمة العدل .... بحق الله ....بحق الله ... بحق الله

ههههههههههههه

البحر ولا النيل ؟

النيل نهر من أنهار الجنة

مركب ولا طيارة ؟

طيارة علشان أطير وأطير وأطير .... وأتجن ع الطيور

مجنون ولا عاقل ؟

احم ... احم

تقرا كتاب ولا تتفرج على فيلم؟

أتفرج على فيلم بيتكلم عن الكتاب اللي عايز أقراه ... أو اقرا كتاب عن الفيلم اللي عايز أشوفه

أصلا أنا بعرف الأفلام من الكتب والجرايد والحاجات دي ... فمقضيها قراية ... حتى مع الحاج أبو ظبي هنا مقضيها قراية ... تمام تمام

بتمرمط التاج ده لمين ؟

لكل اللي شافوا البوست ورأوه وصلوا ع النبي ... يصلي ربنا عليهم ويرحم والديهم

وأخيرًا وأنا طالع مع صديقي الحرامي من مدونة أبونا عصفور المدينة .... خبطت في الشات بوكس بتاعه وجالي قصر نظر ..... خد بإيدي يا ضنااااايا

احم ...احم

26 comments:

عصفور المدينة said...: خلااااص متنازلك عن التاج ياحضرة الظابط ربنا يسهله العفو عند المقدرة اصله حرامي لبط ويمكن يستناني بره ولا حاجة

انا مش قادر انت فزيع يا بني; October 19, 2007 at 6:56 PM
خمسة فضفضة said...: السلام عليكم ورحمة الله وبركاته

رهيب والله رهيب

ههههههههههههههههه; October 19, 2007 at 7:15 PM
عصفور المدينة said...: وبعدين حد يسأل الطاغية سكايار
انت حتبقى عادل ولا لأ
أكيد عادل طبعا; October 19, 2007 at 7:19 PM
Anonymous said...: عاد عهد الطاغية الساكايار
سيحكم بالحديد والنار
ورقاب العباد ستكون أرخص من الخيار
مرحبا بوافد جديد
سيحتل رأس قائمة الأشرار; October 20, 2007 at 7:53 PM
MarwaAshraf said...: أيها الطاغية .. إنه لتاج جامد جدا .. ولك مني كل التحيه; October 20, 2007 at 8:27 PM
sa7arkash said...: وبعدين يا ابنى فى اديك الطويلة دى...يا ابنى توب بقة توبة نصوحة وكل من عرق جبينك

ولا اللى فية داء.....؟
يالا مسيرالغربة هتعلمك
بس المرة الجاية مش هنسيبك وهنحط السيخ المحمى فى صرصور ودنك لو لو لو

لو ما قسمتش معانا; October 20, 2007 at 11:51 PM
Anonymous said...: سلام عليكم
ايه يا عم الكلام ده اللي انت بتقوله ، دايما ملخبط كل حاجة كده و محدش فاهم منك حاجة بس طبعا انا فاهم!!!!!!!! ، دي عشرة عمر يا معلم
بس هو ده حالك ملخبط من يومك بدليل العينين الملونة و الشعرة البيضة وسط الأصفر و البنكرياس و الدقيق و سكايار و..............كفاية كده هاهاهاهاهاهاهاهاهاها; October 22, 2007 at 5:56 PM
Anonymous said...: عجبتنى أجابتك على امتى تاخد نفس و تقول انك كبرت.. فعلا الدنيا باللى فيها ميسووش حاجة.

و عجبتنى أوى على قد خشافك قطع التين دى أول مرة اسمعها.

نايس تاج يا ساكايار.. لولا انى عندى منه واحد بس لسه مجاوبتوش كنت سرقته من عندك يا كبير. سلام بقى و سلملى على الحاج أبو ظبى; October 22, 2007 at 8:58 PM
WhItE HeArT said...: السلام عليكم

حلو اوي البوست ده وعجبتني اوي

بتعرف ايدك اليمين من الشمال ازاى ؟؟

أول ما بيتحط أدامي أكل ... الايد الطفسة بتتمد لواحدها فبعرف إنها
اليمين; October 23, 2007 at 1:05 AM
Ahmed EIssa said...: صباح التهييييييييييس يامعلم; October 23, 2007 at 11:49 PM
قـلـب فـاضي said...: السلام عليكم
حقيقي التاج ده تحفة وعجباني اوي الحتة بتاعة مدغشقر دي هههههه وبعدين دلوقتي أنت عندك مصر وأبو ظبي حد يسيب حاجتين زي دول ويروح مدغشقر وبعدين هي مدغشقر دي فين أصلا عشان تعد فيها وأبو الهول يبقي في ضهرك.

دعواتي ليك بالتوفيق.; October 24, 2007 at 11:51 AM
الحلم العربي said...: ايه ياعم سكاير التاج الجامد و التعليقات الجامدة دي

و اخيرا عرفنا انت رايح تعمل ايه في ابو ظبي
....أكيد مش رايح تدور على عادل و لا أمل

اعقل و ارجع ...قبل ما يبلغوا عنك و الانتربول ييجي يجيبك من قفاك و سلومة الاقرع ما يعرفش ابوه
على العموم انا بقى همرمط التاج لنفسي بس حين ميسرة ...ده لو تنفع الغنيمة تتقسم على تلاتة يعني ...اسألى شريكك في العملية و رد عليه

و كلمة السر " كتكوووت" سلامات يا اجدع سكاير; October 28, 2007 at 1:04 AM
•«ρяoιd»•™ said...: لا يا عم انا ماليش فيه

بلا تيجان بلا وجع دماغ

تحياتي; November 1, 2007 at 6:17 AM
sakayar said...: عصفور المدينة
شوكرن شوكرن يا سعادة البيه ربنا يخليلك أهلك وناسك وفلوسك ومداسك
ههههههههه
تكرم عمو محمد; November 7, 2007 at 3:13 PM
sakayar said...: خمسة فضفضة
وعليكم السلام ورحمة الله وبركاته
إزي حضرتك يا دكتورة يارب تمام
شوووووووكرن جدننننن
شرفتينا
ههههههه; November 7, 2007 at 3:14 PM
sakayar said...: عصفور المدينة مرة تانية
مش عارف والله .... إزاي طاغية وإزاي مش هيبقى عادل؟؟؟; November 7, 2007 at 3:15 PM
sakayar said...: بهروز المفقوس
إيه يا عم اللغة السوقية دي؟؟؟ خيار وناقص تقول كوسة...وقائمة أشرار ناقصها أسعار
ماشي ماااااشي ماهوه ده اللي علموهولكم في المدارس يابن ال .... مدارس; November 7, 2007 at 3:17 PM
sakayar said...: rama
أهلا أهلا بنيتي ... دعوها يا حراااس فإنها جاءت تبغي سلاااام
ههههههههههه
شكرا لتشريف حضرتك ياريت تتفضليه هدية من عندي التاج ده
هههههههه; November 7, 2007 at 3:18 PM
sakayar said...: sa7arkash
نعمل ايه بس يا موداااام ماهو يموت السكايار وايده بتنشل
هههههههههه
شوكررررن جدن لتشريفكم يارب تكونوا تمام ليكم واحشة جامدة وربنا; November 7, 2007 at 3:20 PM
sakayar said...: واحد من الناس
ازيك يا شيرازي
واحشني مووووت
طبعن لازم أفضل علامة استفهام ...بس مش عليكم طبعا طبعا هعهع
وحشيننني يا زبالة هتيجي هنا إمتى بقى عايز حد أعرفه ... كل اللي أعرفهم هنا معرفة طرف تاني
هههههههه
يارب تخلص بقى وتيجي
هستناك مش نازل قبل ما تيجي
هعهع; November 7, 2007 at 3:22 PM
sakayar said...: Queen eraser
شوكرن جدن جدن لتشريفك مع إني مقصر والله في حقكم بس الوقت مش بقدر أدخل على البلوجات كتير
شوكرن بجد منوراني دايمن; November 7, 2007 at 3:24 PM
sakayar said...: WhItE HeArT
بخاف أنا من الناس اللي مركزة معايا في كل حاجة كده
هههههههه
نورتوني وشكرا ليكم يا هندس; November 7, 2007 at 3:25 PM
sakayar said...: أحمد عيسي
صباحو قشطة يا ريس
ههههههه
نورتني; November 7, 2007 at 3:26 PM
sakayar said...: قـلـب فـاضي
أصلك مجربتيش الشعور ده ... انتي بس تعالي مدغشقر وانتي هتحسيها من غير ما تبذلي مجهوووود
ههههههه
شرفتينا يا ابو قلب زي الماس
هههههه; November 7, 2007 at 3:27 PM
sakayar said...: الحلم العربي
لا متخافوش انا عندي خفة يد وخفة وزن وخفة كل حاجة أقدر أتنطط وأهرب بسرعة ... مش تقلقوا
ههههههههههه
اتفضليه يا فندم هدية التاج لو حبيتي تاخديه دليفري اطلبي 1919
هههههه
نورتونا; November 7, 2007 at 3:28 PM
sakayar said...: •«ρяoιd»•™
بقى كده يا برويد؟؟؟
وانا اللي فاكرك فاكرك
أتاريك أتاريك
هههههه
نورتنا
تحياتي; November 7, 2007 at 3:29 PM

واصبر نفسك

اللهم يا صاحبي عند شدتي
يا مؤنسي في وحدتي
يا حافظي في غربتي
ياوليي في نعمتي
يا كاشف كربتي
يا سامع دعوتي
يا راحم عبرتي
يا مقيل عثرتي
يا إلهي الحقيق
ويا ركني الوثيق
يا جاري اللصيق
ومولاي الشفيق
يارب البيت العتيق
أخرجني والمسلمين ومن سألنا الدعاء وسألناه الدعاء من حِلق الضيق إلى سعة الطريق
بفرج من عندك قريب وثيق
واكشف عنا كل شدة وضيق
واكفنا من السوء والأذى ما نطيق وما لا نطيق
اللهم إن لي أحبة في كل درب وصحبة
فاغفر لهم وأعنهم ويسر لهم أمر رشدٍ
يعبدوك لا يغفلون عن عبادتك ويرضون بما قسمته ويفرحون بقضاءك
اللهم لم تخذلني في نفسي فلا تخذلني فيهم أبداً
وصلى اللهم على نبينا محمد وعلى آله وصحبه وسلم