AL7AYAH: القلم السياسي

.....أكثر من قول لا حول ولا قوة إلا بالله العلي العظيم,فإنها كنزمن كنوز الجنة..حديث صحيح......,ما أسفل الكعبين من الإزار فهو في النار..رواه البخاري والنسائي..,يا رسول الله أنهلك وفينا الصالحون؟؟..قال نعم ,إذا كثر الخبث (متفق عليه)..,الوالد أوسط أبواب الجنة..فإن شئت فأضع هذا الباب أو احفظه...,لا يدخل الجنة قاطع ..أي قاطع رحم..(متفق عليه)...,الحياء شعبةمن الايمان ..حديث صحيح..آية الإيمان حب الأنصار..وأية النفاق بغض الأنصار..(رواه البخاري)..من أشار إلي أخيه بحديدة فإن الملائكة تلعنه حتي ينتهي (رواه مسلم)...,سباب المسلم فسوق وقتاله كفر ..(متفق عليه)...,بحسب امرئٍ من الشر أن يحقر أخاه المسلم..(رواه البخاري ومسلم وأصحاب السنن)..ما تواضع أحد لله إلا رفعه ,وما زاد الله عبدا بعفوٍ إلا عزاً...,وتجد شر الناس ذا الوجهين..,الذي يأتي هؤلاء بوجه..وهؤلاء بوجه..(رواه البخاري ومسلم ومالك)...,ذمة المسلمين واحدة ,يسعي بها إدناهم.فمن أخفر مسلما فعليه لعنة الله والملائكة والناس أجمعين.لا يقبل الله منه يوم القيامة عدلاً ولا صرفاً..(رواه مسلم وغيره)...لو أنكم تتوكلون علي الله حق التوكل...لرزقكم كما يرزق الطير..تغدو خماصاً وتروح بطاناً..(رواه أحمد وصححه الألباني)....,إن الله تعالي يبسط يده بالليل ليتوب مسئ النهار..,ويبسط يده بالنهار ليتوب مسئ الليل..حتي تطلع الشمس من مغربها ...(رواه مسلم)...يقول الله-عزوجل- أخرجوا من النار من ذكرني يوماً أو خافني في مقام..رواه البيهقي والترمذي..وقال حديث حسن.....اتقوا الله..وصلوا خمسكم,وصوموا شهركم,وأدوا زكاة أموالكم,وأطيعوا أمراءكم..تدخلوا جنة ربكم..رواه الترمذي..وقال حديث حسن صحيح....,« . . . وهل يكب الناس على وجوههم أو على مناخرهم إلا حصائد ألسنتهم » [رواه الترمذي]....,« إن العبد ليتكلم بالكلمة ما يتبين فيها، يزل بها إلى النار أبعد مما بين المشرق والمغرب » [متفق عليه]....,«اللهم إني أسألك فعل الخيرات وترك المنكرات وحب المساكين،وإذا أردت في الناس فتنة فاقبضني إليك غير مفتون» أخرجه مالك والترمذي..,«ما من مسلم يصيبه أذى, من مرض فما سواه إلا حط الله به سيئاته كما تحط الشجرة ورقها» أخرجه البخاري ومسلم..,«لا يموتن أحدكم إلا وهو يحسن الظن بالله» أخرجه البخاري ومسلم...,«أعذر الله إلى امرئ أخر أجله حتى بلغ ستين سنة» أخرجه البخاري. أي لم يبق عذر لمن بلغ الستين من العمر...,«لا تقوم الساعة حتى تخرج نار من أرض الحجاز تضيء أعناق الإبل ببصرى» أخرجه البخاري ومسلم...,«يقبض الله الأرض يوم القيامة, ويطوي السماء بيمينه, ثم يقول: أنا الملك أين ملوك الأرض» أخرجه البخاري ومسلم...,«ما من صباح إلا وملكان يقولان: يا طالب الخير أقبل, ويا طالب الشر أقصر, وملكان موكلان يقولان: اللهم أعط منفقاً خلفاً, وأعط ممسكاً تلفاً» أخرجه البخاري مختصراً وأحمد..,إذا أراد الله بقوم عذاباً أصاب العذاب من كان فيهم, ثم بعثوا على نياتهم» أخرجه البخاري ومسلم..,« أول ما يقضى بين الناس يوم القيامة في الدماء» أخرجه البخاري ومسلم والنسائي والترمذي..,مثل الصلوات الخمس كمثل نهر جار غمر على باب أحدكم يغتسل منه كل يوم خمس مرات> رَوَاهُ مُسلِمٌ...,يتعاقبون فيكم ملائكة بالليل وملائكة بالنهار، ويجتمعون في صلاة الصبح وصلاة العصر، ثم يعرج الذين باتوا فيكم فيسألهم وهو أعلم بهم: كيف تركتم عبادي؟ فيقولون: تركناهم وهم يصلون وأتيناهم وهم يصلون> مُتَّفَقٌ عَلَيهِ...,من غدا إلى...,بشروا المشائين في الظلم إلى المساجد بالنور التام يوم القيامة> رَوَاهُ أبُو دَاوُدَ وَالتِّرمِذِيُّ...,من شهد العشاء في جماعة كان له قيام نصف ليلة، ومن صلى العشاء والفجر في جماعة كان له كقيام ليلة> قال الترمذي حديث حسن صحيح....,إن بين الرجل وبين الشرك والكفر ترك الصلاة> رَوَاهُ مُسلِمٌ...,إن أول ما يحاسب به العبد يوم القيامة من عمله صلاته، فإن صلحت فقد أفلح وأنجح، وإن فسدت فقد خاب وخسر، فإن انتقص من فريضته شيئاً قال الرب عز وجل: انظروا هل لعبدي من تطوع فيكمل بها ما انتقص من الفريضة؟ ثم تكون سائر أعماله على هذا> رَوَاهُ التِّرمِذِيُّ وَقَالَ حَدِيثٌ حَسَنٌ...,خير صفوف الرجال أولها وشرها آخرها. وخير صفوف النساء آخرها وشرها أولها> رَوَاهُ مُسلِمٌ...,أقيموا الصفوف، وحاذوا بين المناكب، وسدوا الخلل، ولينوا بأيدي إخوانكم، ولا تذروا فرجات للشيطان، ومن وصل صفاً وصله اللَّه، ومن قطع صفاً قطعه اللَّه> رَوَاهُ أبُو دَاوُدَ بإسناد صحيح....,عن عائشة رَضِيَ اللَّهُ عَنها أن النبي صَلَّى اللَّهُ عَلَيهِ وَسَلَّم كان لا يدع أربعاً قبل الظهر، وركعتين قبل الغداة. رَوَاهُ البُخَارِيُّ...,عن ابن عمر رَضِيَ اللَّهُ عَنهُما أنهما سمعا رَسُول اللَّهِ صَلَّى اللَّهُ عَلَيهِ وَسَلَّم يقول على أعواد منبره: <لينتهين أقوام عن ودعهم الجمعات أو ليختمن اللَّه على قلوبهم ثم ليكونن من الغافلين> رَوَاهُ مُسلِمٌ...,إذا دخل أهل الجنة الجنة يقول اللَّه تبارك وتعالى: تريدون شيئاً أزيدكم؟ فيقولون: ألم تبيض وجوهنا؟ ألم تدخلنا الجنة، وتنجنا من النار؟ فيكشف الحجاب، فما أعطوا شيئاً أحب إليهم من النظر إلى ربهم> رَوَاهُ مُسْلِمٌ...,إن في الجنة شجرة يسير الراكب الجواد المضمَّر السريع مائة سنة ما يقطعها> مُتَّفَقٌ عَلَيْهِ...,قال اللَّه تعالى: يا ابن آدم إنك ما دعوتني ورجوتني غفرت لك على ما كان منك ولا أبالي، يا ابن آدم لو بلغت ذنوبك عنان السماء ثم استغفرتني غفرت لك ولا أبالي، يا ابن آدم إنك لو أتيتني بقراب الأرض خطايا ثم لقيتني لا تشرك بي شيئاً لأتيتك بقرابها مغفرة> رَوَاهُ الْتِّرْمِذِيُّ وَقَالَ حَدِيْثٌ حَسَنٌ...,لا تخصوا ليلة الجمعة بقيام من بين الليالي، ولا تخصوا يوم الجمعة بصيام من بين الأيام إلا أن يكون في صوم يصومه أحدكم> رَوَاهُ مُسْلِمٌ.....,لا صلاة بحضرة طعام، ولا هو يدافعه الأخبثان> رَوَاهُ مُسْلِمٌ....,: <إذا دعا الرجل امرأته إلى فراشه فأبت فبات غضبان عليها لعنتها الملائكة حتى تصبح> مُتَّفَقٌ عَلَيْهِ....,لا تباشر المرأة المرأة فتصفها لزوجها كأنه ينظر إليها> مُتَّفَقٌ عَلَيْهِ.....,لا تسموا العنب الكرم؛ فإن الكرم المسلم> مُتَّفَقٌ عَلَيْهِ، وهذا لفظ مسلم....,(من أحدث في أمرنا هـذا مـا لـيـس مـنه فهـو رد ). متفق عليه...,عن أبـي رقــيـة تمـيم بن أوس الـداري رضي الله عنه ، أن النبي صلى الله عـليه وسـلم قـال :( الـديـن النصيحة )....,ما نهيتكم عنه فاجتنبوه ، وما أمرتكم به فأتوا منه ما استطعتم ، فإنما أهلك الذين من قبلكم كثرة مسائلهم واختلافهم على انبيائهم ). رواه البخاري ومسلم....,( دع ما يـريـبـك إلى ما لا يـريـبـك ).رواه النسائي والترمذي وقال حديث حسن صحيح...,( من حسن إسلام المرء تركه ما لا يعـنيه ) .حديث حسن ، رواه الترمذي وابن ماجه....,( لا يحل دم امرىء مسلم [ يشهد أن لا إله إلا الله ، وأني رسول الله ] إلا بـإحـدي ثـلاث : الـثـيـب الــزاني ، والـنـفـس بـالنفس ، والـتـارك لـد يـنـه الـمـفـارق للـجـمـاعـة ).متفق عليه..,( اتـق الله حيثما كنت ، وأتبع السيئة الحسنة تمحها ، وخالق الناس بخـلـق حـسـن ).رواه الترمذي وقال : حديث حسن ، وفي بعض النسخ : حسن صحيح ..,عـن أبي العـباس عـبد الله بن عـباس رضي الله عـنهما ، قــال : كـنت خـلـف النبي صلي الله عـليه وسلم يـوما ، فـقـال : ( يـا غـلام ! إني اعـلمك كــلمات : احـفـظ الله يـحـفـظـك ، احـفـظ الله تجده تجاهـك ، إذا سـألت فـاسأل الله ، وإذا اسـتعـنت فـاسـتـعـن بالله ، واعـلم أن الأمـة لـو اجـتمـعـت عـلى أن يـنـفـعـوك بشيء لم يـنـفـعـوك إلا بشيء قـد كـتـبـه الله لك ، وإن اجتمعـوا عـلى أن يـضـروك بشيء لـم يـضـروك إلا بشيء قـد كـتـبـه الله عـلـيـك ؛ رفـعـت الأقــلام ، وجـفـت الـصـحـف ).رواه الترمذي [وقال : حديث حسن صحيح إن مما أدرك الناس من كلام النبوة الأولى : إذا لم تستح فاصنع ما شئت ).رواه البخاري ...,( الطهور شطر الإيمان ، والحمد لله تملأ الميزان ، وسبحان الله والحمد لله تملأن – أو : تملأ – ما بين السماء والأرض ، والصلاة نور ، والصدقة برهان ، والصبر ضياء ، والقرآن حجة لك أو عليك ؛ كل الناس يغدو ، فبائع نفسه فمعتقها ، أو موبقها ..رواه مسلم ...,كل سلامى من الناس عليه صدقة كل يوم تطلع فيه الشمس تعدل بين اثنين صدقة ، وتعين الرجل فى دابته فتحمله عليها أو ترفع له عليها متاعة صدقة ، والكلمة الطيبة صدقة ، وبكل خطوة تمشيها إلي الصلاة صدقة ، وتميط الأذي عن الطريق صدقة ).رواه البخاري ومسلم...,: ( من رأى منكم منكرًا فلغيره بيده ، فإن لم يستطع فبلسانه ، فإن لم يستطع فبقلبه ، وذلك أضعـف الإيمان ).رواه مسلم ...,( لا تحاسدوا ، ولا تناجشوا ، ولا تباغضوا ، ولا تدابروا ، ولا يبع بعضكم على بيع بعض ، وكونوا عباد الله إخوانا ، المسلم خو المسلم ، لا يظلمه ولا يخذله ، ولا يكذبه ، ولا يحقره ، التقوى ها هنا ) ويشير صلى الله عليه وسلم إلى صدره ثلاث مرات – ( بحسب امرىء أن يحقر أخاه المسلم ، كل المسلم على المسلم حرام : دمه وماله وعرضه ).رواه مسلم ...,( إن الله تعالى كتب الحسنات والسيئات ، ثم بين ذلك ، فمن هم بحسنة فلم يعملها كتبها الله عنده حسنة كاملة ، وإن هم بها فعملها كتبها الله تعالى عنده عشر حسنات إلى سبعمائة ضعف إلى أضعاف كثيرة ، وإن هم بسيئة فلم يعملها كتبها الله عنده حسنة كاملة ، وإن هم بها فعملها كتبها الله عنده سيئة واحدة ).رواه البخاري ومسلم...,( كن في الدنيا كـأنـك غـريـب أو عـابـر سبـيـل ).وكـان ابـن عـمـر رضي الله عـنهـما يقول : إذا أمسيت فلا تـنـتـظـر الصباح ، وإذا أصبحت فلا تـنـتـظـر المساء ، وخذ من صحـتـك لـمـرضـك ، ومن حـياتـك لـمـوتـك ...رواه البخاري ...,( لا يؤمن أحدكم حتي يكون هواه تبعا لما جئت به ..حديث حسن صحيح ...,..سبحانك اللهم وبحمدك أشهد أن لا إله إلا أنت ..أستغفرك وأتوب إليك

Wednesday, August 08, 2007

القلم السياسي

كل التلاجات بيدخل فيها الأكل طازة ... لكن مش كل التلاجات بيخرج منها الأكل طاااازة

يا شماتة طنط ظاظا

كل الناس بتنام في أمان الله ... لكن مش كل الناس بتصحى زي ما انا بصحى

صحيت م النوووم على صوت جهووووري وواحد بيزق فيا وأنا ع السرير ... انت ...فوووق واصحى

ايه ده فيه إيه ؟؟؟ محدش في بيتنا بيعمل كده ... أنا متعملش معايا كده قبل كده

صحييييت م النوووم لقيت ظابط شرطة ... وعساكر واتنين مخبرين من اللي بيلبسوا جلبية وفوقها بالطو وماسكين عصاية

انتو ميييين؟؟؟

رد واحد أقرع كده ... حبيب قلبي والله يا باشا ... وقاللي : احنا بتوع القلم السياسي

يا نهار مش فاااايت ...شوفتوا آخرة الكلام مع همبكاوي؟؟؟

هههه

جابوا جردل ميا ورشوني بيه ... وخدوني سحل ع البوكس لحد المعتقل .... مارشات عسكرية وقرآآآآن ... لمبة حمرا فـ نص أوضة فاضية ... كرسي واحد .... قلت يبقى هنلعب الكراسي الموسيقية ... لكن الكرسي كان مقلوب ورجليه فووووق ... قلت يبقى مش الكراسي الموسيقية

بدأ التحقيق والراجل واقف بيقوووول أنا الباشحكمدار عصفور المدينة

سين اسم مدونتك؟

الحياة يا فندم

طرررراخ ...ده كان أول قلم على قفايا ... الانكار مش هيفيدك

والله يا باشا الحياة ... الله يحرقها ... الله يخرب بيتك يا حااامد

سييييين ؟ لماذا اخترته ..وماهي نيتك من وراء اختياره؟

والله يا باشا هيه جت كده

طرااااخ ... الله بقى ما انا رديت على أد السؤال أهو

اخرس ومتنطقش غير لما أقولك

حاااضر
سيييين هل فكرت في إغلاق مدونتك؟ والسبب؟

يا باشا أنا مقدرش أفكر في حاجة غير لما أرجعلكم ... افرض قفلتها وانتو حبيتو تشتروا حاجة هتشتروها منييين ههههه

طرااااخ ... خفة يا ابن ال
صورتك في المدونة ورمزيتها ؟؟

صورتي فيها أول حرف من سكايار وفيها الواد صاحب بوووه اللي بينام علشان هيه الحياة لما تصحى م النوووم
إيه ده مفيش على قفايا المرة دي

طراااااخ ... أيوة كده كيفني

لماذا دخلت عالم التدوين من الاساس؟

غلطة يا باشا ومش هتتكركر

وفـ عقل بالي بقول حلاوة وعاشق اصحابي برضه ومش هبلغ عنهم إنهم هما اللي أقنعوني أدخل العالم ده

جمله قيلت لك فى وصف مدونتك؟
ايه المدونة اللي تغم النفس دي ... كله ضحك ضحك مفيش هزار

طرااااخ ... يا باشا وربنا ده الكلام اللي اتقال

التعليقات بالنسبه لك ,اهميتها؟

رد فعل الناس اللي بيبين فيه تأثير وحاجة مفيدة ولا نرمي البلوج وأقفله زي مداونتي بتاعة روميو
وأكيد فظيعة ومهمة جدا
احلى بوست كتبته ...ضع اللينك , ثم اذكر لماذا؟

بوستاتي التانية تزعل

طرااااخ

حاضر حاااضر بوست نظرة عين

وفلاشات فلاشات

كان أصدق شعور وصلتله في الكتابة

أفضل بوست قرأته؟ وضع لينكه؟

ممكن أقول كتييير يا باشا

قووول

شفرة هلامية مدونة حلاوة ، رسالة صغيرة مدونة الخيط الرفيع ، شمس المغيب مدونة بقايا انسان ، الحب مدونة ثورة ، وأخيرا دعوة مدونة عصفور المدينة
أفضل مدونة قرأتها؟
أنا مبقرأش مدونات يا فندم ... دي آخر حاجة ممكن تتوقعها مني

حد قل أدبه فى التعليق إيه رد فعلك؟

يقل أدبه يبقى عايز يتربى

طررررررررررررراخ

حسبي الله ونعم الوكيل بصوت هنيدي ربنا يهديه
أسوأ مدونة؟

أي مدونة زبالة فيها الحاد أو هجوم ع المسلمين وأي مدونة هايفة

أسوأ بوست أسوأ مدون؟

اللي في السؤال اللي قابله

هيحصل ايه لإيميلك لما تموت ؟؟

أنا أموت بس ومتشغلش بالك

اديت الباسوورد لحد قبل كده؟

ده أنا مفضوووح

طرررراخ

يعني انت عايز تفهمني يا باشا ان الباسوورد بتاعتي مش معاااك؟؟

كانت إيه طبيعة علاقتك بيه؟
أستغفر الله ... أستغفر الله .. لأ يا باشا كله إلا الشيكولاته
اسمك؟

خالد

المشهور بيه وسط اصحابك؟
سكايار

شخصيتك نوعها إيه؟

كوتشي وبرباط

السفر بالنسبة لك؟
صحيت م النوووم لقيت اللي فات كله كان حلم

وقت فراغك بتعمل فيه إيه؟

بركب مراجيح ... وأنط حبال

طرررررراخ

انت فين يا حبيبي مفتقدك بقالي كام سؤال

المود بتاعك؟
دموعي مغرقاني وضحكتي فـ عينيا

بقزقز فول سوداني وألم الناس عليا

الاكلة المفضلة؟
مباكولش أساسًا

الصفات اللي أخدتها من بابا؟

كده هنبدأ نزعل من بعض ..هوه أنا جبت سيرة أبوك؟؟

طررررررررررررررررررررراخ

يا باشا أبويا قاللي جملة أنا عايش بيها من زمان قاللي يا سكايار يابني لو مقدرتش تخلي الناس تحبك ... اوعى تخليهم يكرهوك

الصفات التي أخدتها من ماما ؟

تاني يا باشا تاني ... ده أنا لسه ضاربك من شوية

طرررراخ

حاضر حاضر ... حبي لأهلي ولمصر للأسف

اكتر ست حاجات بكرهها؟

إني أجاوب ع السؤال ده

والكدب اللي منه الخيانة

والفراق

والبكا فـ وسط البشر

والكآبة

وإني اطلع عيل فـ يوم أدام ربنا

اكتر ست حاجات بحبها؟

اصحابي والجروب بتاعنا

اني اشوف الناس متجمعين مبسوطين لو اشاركهم فرحهم ثانية وامشي

اتقطع حتت والناس يحبوا ربنا ويرضوا عنه

والصفات اللي عكس الصفات اللي بكرهها

الشغل بالنسبة لك؟

وسيلة

الانترنت بالنسبه لك؟
ألبس النضارة وأربط الكرافات وأقول ... الانترنت يا أحبائي هو عالمك الخاص نحو العلوم والمعرفة والتواصل ... سان ستيفانو جراند بلازا

مصر فيها ... طلعت مصطفى

امرمطه لمين ؟

ده انتي هتتقطعي النهاردة

ههههههههه

ماماااااااادو ... اللهو الخفي
حلاوة ... رشيدي الميزان

بقايا انسان ... لو بلوجتك مفتوحة الشهر ده يا ريت تجاوبي

وكل مرة لازم أمرمط التاج للملكة

وهمبكاااااااوي كماااان .... أحسن تعيش وتاخد غيرها

طبعا عارفين طالع من التحقيق ده عااامل إزاي؟؟

تصبحو على خير

46 comments:

sa7arkash said...: كالعادة اول حد بيعبرك....ماشى ماشى يعنى تاخد التاج بتاعى ولا تعمل لى اى كمنت ولا يحزنون..ولا عدت بتعبرنا يا عم اللى علىى علىى يا سيدى...ان عنت اعبرك بعد كدة..بس ارجع واقولك حلو اوى الدايالوج دة..وتستاهل اللى يجرى لك; August 8, 2007 at 5:40 PM
the only thing better than love is freedom said...: أحسن حاجة عملتها انك مقلتش للراجل المفترى دة عليا
أمال دة احنا أخوات و الأصول بتقول لو انت راجل متعزبش البنات معاك
بس ما دام وصلولك يبقوا هيوصلولى
حسبى الله و نعم الوكيل معتش هتكلم فى السياسة تانى حرررررررررررررمت
خبونى و النبى
خلى بالك احنا فى مركب واحدة
و لو وصلولى هفضحك يا سكايار و أقولهم إن انت شيوعى
ههههههههههههههههههههه; August 8, 2007 at 7:13 PM
sakayar said...: sa7arkash
وربنا اخويا عصفور المدينة بيكلمني بقاله كتير علشان اجاوب التاج اللي هوه بعتهولي فقلت ارد عليه النهاردة لكن بعد ما كتبته لقيتك يا باشا عندك نفس التاج وباعتهولي
شكرا ع التاج يا باشا وأديك شفت الرد ودخلت كمنت عندك كمان; August 8, 2007 at 7:14 PM
sakayar said...: HaMbAcAWeY

ههههههههه
شيوعي يا بتاعة الامبريالية والليبرالييييين
متخليناش نصيح وربنا أوديكوا فـ داهية متنسوش إني مسنووووود
ههههههه; August 8, 2007 at 7:15 PM
smraa alnil said...: ههههههههههههههههههههههه

ايه يا واد اللماضة دي

بس كويس انك مش اعترفت عليا

اصل انا مش ناقصة

بس بجد تاج تحفه وانت جاوبتو باسلوب حلو اووووووووي; August 8, 2007 at 9:07 PM
عصفور المدينة said...: أنا جيت تاني انت لسة فيك نفس تتكلم
طراااااااااااخ

تاني يا باشا تاني ... ده أنا لسه ضاربك من شوية

هو طلع مين اللي بيضرب مين

جميل بس ظلمته فاكر البوست المظلوم أنا ما خدتش بالي خالص منه عشان اللي جه بعده وسافرت امس

وجيت اليوم صحيت من النوم لقيت نفسي أزور سكايار
أقوله ازاي جاوبته تمام وانت ملان زعل وهموم
أتاري الواد متين وعظيم
يقف ويسد في أي تيجان; August 9, 2007 at 4:46 PM
sakayar said...: سمرااااء النيييل

يا أهلا وسهلا يا مراحب يا مراحب
شوفتي إزاي مطلعتش واااطي; August 9, 2007 at 6:16 PM
sakayar said...: ومعنانا اتصال خارجي .... آلوووووو
عصفوووور المدينة
غريبة اوي والله مش فاهم نفسي لحظة أعيط لحظة أضحك
بس كله من عند ربنا ... الحمدلله دايما لولاه مكنتش زماني عرفت حاجة اسمها حياة
قول الحمد لله يا عم عصفوووور
درووووس ولازم نتعلمها; August 9, 2007 at 6:19 PM
اسكندراني اوي said...: ههههههههههههههههههههههههههههه
بجد بجد احلى اجابه لتاج شفتها لحد دلوقتي
الله ينور عسسسسسسسسسسسسسسسسسسل

بس بجد والله الفكره جهنميه الله ينور
تحياتي ليك
ملحوسه: اشكرك لزياره مدونتي وهو حصل بس سوء فهم وانا لغيت البيت الاول اللي خلاك فهمت الحكايه غلط; August 9, 2007 at 7:29 PM
sakayar said...: واتصال جديد من اسكندرية
آآآآلو
اسكندراني اوي
شكرا جدا جدا بجد ده كله من ذوقك
وبالنوسبة للفهم الغط كويس اني فهمت غلط
والحمد لله
ههههه; August 9, 2007 at 7:32 PM
Anonymous said...: ايه ده لا بجد هو كله ضحك ضحك مفيش هزار
تحفة اوى الاسلوب ده وايه كرسى المعاقين اللى انت حطه فى الاخر هو كرسى الاعتراف قلبوه ههههههههههه
وسلملى على البهاوات اللى جانبك وقولهم فيه كام سؤال عدوا من غير طرااااخ; August 9, 2007 at 10:25 PM
one true thing said...: هههههههههههههههههههه
هههههههههههههههههههههه
بجد والله بوست جامد جاي في وقته بعد يوم عصيب قعدت اضحك لغاية مالناس اتلمت حواليا
يعني ايه مدونتي فاتحه هو أسامه جالك قلك هيقفلها هي كمان ولا ايه
شكرا ع التاج
شرف لينا يافندم ان احد بوستاتنا تبقى من احلى بوستات
طبعا نظرة عين احلى بوست عندك كنت تقدر تقول غير كده
انتي ردت بايه على مدونه الجحيم ماشفوفتش الشات بوكس السحري
بس بجد تاج جامد ههههههه
مين اللي كان الكومنت بتاعه ضحك ضحك ثوره ولا مين
دعواتكم اليومين دول; August 10, 2007 at 4:47 AM
admelmasry said...: شخصية كوميدة اول مرة اشوفها فيك
تحياتي الي كل قلم ساخر; August 10, 2007 at 7:04 AM
Anonymous said...: ضحكتنى مووووووووووووووووت
التاج فكرته حلوة أوى و مش بيقول انه تاج خالص بس الحمد لله المخبر كان مسرب الأسئلة قبل كده ف عرفت انه تاج..
دمك خفيف والله يا سكايار.. و اجاباتك مضحكة بالرغم ن أنها موضحتش شخصيتك كما يجب بس مقبولة منك.; August 10, 2007 at 2:07 PM
فى القلب said...: حقيقى طريقه جديده فى الرض على تاج
وضحكتنى كتير حقيقى انت محصلتش; August 10, 2007 at 2:45 PM
Anonymous said...: hend
هههههه
ده الكرسي اللي خرجت بيه بعد التحقيق ... أقصد التاج
والطرررراخ ونسيانها مقصود
تحياتي وشرفتي المدونة; August 10, 2007 at 5:37 PM
Anonymous said...: onetruething
الحمد لله اني قدرت أضحككم بعد اليوم الصعب ده
والله بدعيلكم من يوم ما عرفت
أما عن الجحيم
فقلت إنه تايه بعد كل اللي شافه وده اللي ظهر في البوست اللي بعده بتاع الفراغات أو الدواير اللي بتوسع دي
لكن في المجمل بندعيله بالهداية لإن يشهد بالله ربا وبمحمد نبيا
لكن فكرة مساعدة الناس من أجل الانسانية داخلة فـ قول ربنا
وقدمنا إلى ما عملوا من عمل فجعلناه هباءًا منثورا ... لإن النية ناس مش ربنا
تحياتي والموضوع أكبر من كده
مفيش أسامة .. أنا كنت خايف صدمة الخبر تخليكي تقفلي البلوج; August 10, 2007 at 5:44 PM
Anonymous said...: آدم المصري
شكرا ليك ولمرورك
تحياتي; August 10, 2007 at 5:46 PM
Anonymous said...: queen eraser

ياااه انتي فين من زمان
شكرا لذوقك كتير
شرفتينا; August 10, 2007 at 5:48 PM
Anonymous said...: في القلب

ازيكم عاملين ايه
شكرا لذوقك
يا ريت بس متكونوش فرجتوا الناس عليكم زي المرة اللي فاتت; August 10, 2007 at 5:49 PM
Halawa said...: مجنون مصر الاول

ايه رأيك بجملة الهبل
والدقيق اللي في الودان
نكتب دويتو في اللي انت قلته ده شعر

علشان نبقى زنزانة 54 55
جنب بعض فكر كده وشوف
هتبقى حاجة

انت مصيح جامد قوي للبوست بتاعي
مهوش للدرجة دي ياجدع

أهم حاجة التواضع
اللي انت عارفه
هههههههههههه; August 11, 2007 at 4:18 AM
Hadota ... حدوتة said...: ههههههههههههه
يخرب عقلك يا سكايار

انا اول ما قريت قولت قلم سياسى وهنتجر على القسم كلنا
وساعتها ولااعرفك

بس بجد دمك خفيف جدا حلوة اوى النصيحة اللى خدتها من باباك دى

وبعدين يعنى لازم اللماضة والردود المستفزة وتستفز الباشا؟؟؟؟؟؟؟
نقول ايه مليتوا البلد
:P

تحياتى ليك
التاج حلو
وانت موهوب

ويعدين خد هنا

انت مش يجى من خمس تلاف سنة كده قولت انا هغيب وابقىارجع
اجى الاقيك لا غبت ولا حاجة وكتب 15 الف بوست؟؟؟؟؟؟؟؟؟

ومن ورايا ؟؟؟
خدت اذنى؟؟؟
انا هبلغ عنك; August 11, 2007 at 4:21 AM
sakayar said...: Halawa
روحي روحي روحي
فيه افتكاسة جديدة زي رصيف نمرة خمسة عايز ألعبها
نفسك معايا
وطبعا التواضع مطلوب
علشان نكسر بيها رصيف نمرة خمسة; August 11, 2007 at 12:49 PM
sakayar said...: hadota حدوتة
الله يكرمك
عقلي مخروب جاهز

انا قلت اعملها مفاجأة وانزل 20 أو 40 بوست كده على أما ترجعي تدخلي تتسلي فيهم
شكرا على ذوقك
نورتينا; August 11, 2007 at 12:51 PM
MaMaDo said...: بلغت عنى يا سكايار
بلغت عنى يا سكايار
و انا الى حارم نفسى من الغطا عشان نستغطى
و حارم نفسى من العشا عشان تستعشا

انت الى زيك مش لازم يعيش ليوم التلات ولا الاربع

كلمه واحد بس هرد بيه على الى انت عملته فيا

بروروروروم تيرارارررا; August 12, 2007 at 8:05 AM
MarwaAshraf said...: هههههههههههه

لا بجد

لا حقيقي الكلام ده

لا مش ممكن

لا مش قادرة أصدق

لا يا راجل.. كل ده

بجد بجد بجد ... البوست تحفة والمدونة أتحف .. ودماغك حلوة على فكرة ..

أكيد حتصل قصدي حزور المدونة تاني

تحياتي; August 13, 2007 at 7:07 PM
Anonymous said...: ماماااااااااادو
يا باشا انا قلت معارفك كتييير اتلذق فيك يخرجونا سوا
هههههه
ماشي وانا هقيم عليك الحد والاتنين; August 14, 2007 at 4:09 PM
Anonymous said...: rama
منوراني لأول مرة
وعلى فكرة كنت لسه بتكلم مع واحد صاحبي عن كارتون سالي ده أنا بحبه جدننننن
وده من ذوقك بس
شكرا لتشريفك ... ومنتظرين مكالمتكم
قصدييييي زيارتكم; August 14, 2007 at 4:12 PM
BinO said...: عسل جداً يا واد مكنتش أعرف أن دمك خفييييييييف
:)
طريقة حلوة
وكوتشي وبرباط
لأ لأ لأ
:); August 15, 2007 at 12:24 AM
Romantica said...: فكرة جامدة للتاج يامبدع بس انت جربت القلم السياسي بس في ناس داقت الشلوت السياسي وال....... السياسي بس ربنا يجعل كلامنا خفيف عليهم; August 15, 2007 at 12:45 AM
Romantica said...: ومعلش ممكن آخد التاج بتاعك ايه بتقول ايه موافق ربنا يخليك ياباشا; August 15, 2007 at 12:45 AM
Ma 3lina said...: ههههههههههههههههههههه

مش ممكن اللى حصل ده ايه يا بنى ده

فيلم رعب فى الاول انا قلت انت اتمسكت فعلا بعدين خدت بالى انه تاااج

احسن اجابات شفتها

طراااااااااخ; August 15, 2007 at 12:28 PM
sakayar said...: ومرة تانية اعزائي المشاهدين بنعود لحضراتكم ونعلق على مباراة أهلي مع القلم السياسي

وبينووووو

معاه الكومنت ... الكومنت مع بينو
وضربة وفاول
اديك عرفت يا باشا علشان متطلبش مني اتبرع بالدم ... مش هيكفي
هههههه
آآآآه ومقاس 40 وعندنا جميع المقاساااات
انت تشرفنا بس بتعليقاتك; August 15, 2007 at 2:05 PM
sakayar said...: ورومانتيك

رومانتيك .. وترقيصه وعدى واحد والتاني وتعلييييييق
برافو برافو برافو

يا باشا الشلوت السياسي وال ... السياسي دوووول مش لأمثالي ... دول للعبيد وبس ... زي الجيش كده
ههههههه
وبعدين اتفضل التاج لو حبيت نبعته دليفري نبعته ... المشكلة إني كده هقعد من غير تاج وراسي تستهوى
ههههههه
هشوف ردك عليه عامل ازاي
سلالم; August 15, 2007 at 2:07 PM
sakayar said...: دكتورة ما علينا
ومعاها ازازرة دوا ... طلع فاتح للشهية ... شربته كله .... وكتبت التعليييق
ههههههه
ليه يا جدعاااان هوه أنا وش ذلك ولا ضهر هذا؟؟؟ أنا ميتعملش معايا كده .... وبعدين أنا معدتش بخاف زي الأول ... أنا بقيت بخاف أكترررر
هههههه
شكرا ده بس من ذوقك; August 15, 2007 at 2:09 PM
عصفور المدينة said...: السلام عليكم

تم رسميا بدء دروس المدونة الجديدة للعلم الشرعي

مدرسة العلوم الشرعية المبسطة

ندعوكم للتواصل معنا بالنصح والمتابعة; August 15, 2007 at 5:10 PM
MestKA said...: فكره جامد جدااا
اول مره ادخل عندك بس عجبني اسلوبك جدا
تحياتي
:); August 15, 2007 at 6:53 PM
رفقة عمر said...: اولا شكرا انك ضحكتنى
ثانيا لو عملوا مسايقه احلى اجابه على تاج
انت تاخد الميدليه الذهبيه
بجد اجاباتك جديدة وجميله وطريقه الاجابه جديدة خالص
انا اول مرة ادخل مدونتك; August 15, 2007 at 11:03 PM
klmat said...: التاج ده
اجابته جديده
تم تراللم بك بك
عجبنى اوى تخيلك
مع المفترى اللى نازل عليك طراخ
واللهى انا خايفه يجننونا
ده اخف دم تاج
معلش التاجات ساعات بتكون ممله
بس التاج ده ضحكنى من قلبى
ده انت مشروع كاتب كوميدى عظيم
تحياتى وسلامى; August 16, 2007 at 12:34 PM
david santos said...: I passed to congratulate it with its work and to desire a good August to it in vacation.; August 16, 2007 at 1:04 PM
sakayar said...: عصفور المدينة
مبروك المدونة حلوة وان شاء الله تكون على خير دايما وينفع بيكم المسلمين; August 16, 2007 at 1:37 PM
sakayar said...: MestKA

شكرا لتشريفك حضرتك ولذوقك .. ان شاء الله متكونش آخر مرة; August 16, 2007 at 1:38 PM
sakayar said...: رفقه عمر
يا خبرررررر
ده كتير عليا كده اوي
شكرا جدا لحضرتك وشرفتينا
الاولى ونرجو متكونش الاخيرة; August 16, 2007 at 1:40 PM
sakayar said...: klmat

هههههههه
انا مشروع؟؟
شكرا بجد لحضرتك ويارب منكونش مملين زي التاجات اللي بتقولي عليها
شرفتينا وتحياتي; August 16, 2007 at 1:46 PM
Anonymous said...: david santos
thanx; August 16, 2007 at 3:16 PM
Ahmed Essawy said...: الاسئله حلوه....
الاجابات موفقه....
تاج جميل قوي ...
بعد كدا لما يجيلك تاج حلو كدا ابقي مررو عليا لو تتكرم يا بشمهندس.
:); August 24, 2007 at 5:24 AM

واصبر نفسك

اللهم يا صاحبي عند شدتي
يا مؤنسي في وحدتي
يا حافظي في غربتي
ياوليي في نعمتي
يا كاشف كربتي
يا سامع دعوتي
يا راحم عبرتي
يا مقيل عثرتي
يا إلهي الحقيق
ويا ركني الوثيق
يا جاري اللصيق
ومولاي الشفيق
يارب البيت العتيق
أخرجني والمسلمين ومن سألنا الدعاء وسألناه الدعاء من حِلق الضيق إلى سعة الطريق
بفرج من عندك قريب وثيق
واكشف عنا كل شدة وضيق
واكفنا من السوء والأذى ما نطيق وما لا نطيق
اللهم إن لي أحبة في كل درب وصحبة
فاغفر لهم وأعنهم ويسر لهم أمر رشدٍ
يعبدوك لا يغفلون عن عبادتك ويرضون بما قسمته ويفرحون بقضاءك
اللهم لم تخذلني في نفسي فلا تخذلني فيهم أبداً
وصلى اللهم على نبينا محمد وعلى آله وصحبه وسلم