AL7AYAH: August 2007

.....أكثر من قول لا حول ولا قوة إلا بالله العلي العظيم,فإنها كنزمن كنوز الجنة..حديث صحيح......,ما أسفل الكعبين من الإزار فهو في النار..رواه البخاري والنسائي..,يا رسول الله أنهلك وفينا الصالحون؟؟..قال نعم ,إذا كثر الخبث (متفق عليه)..,الوالد أوسط أبواب الجنة..فإن شئت فأضع هذا الباب أو احفظه...,لا يدخل الجنة قاطع ..أي قاطع رحم..(متفق عليه)...,الحياء شعبةمن الايمان ..حديث صحيح..آية الإيمان حب الأنصار..وأية النفاق بغض الأنصار..(رواه البخاري)..من أشار إلي أخيه بحديدة فإن الملائكة تلعنه حتي ينتهي (رواه مسلم)...,سباب المسلم فسوق وقتاله كفر ..(متفق عليه)...,بحسب امرئٍ من الشر أن يحقر أخاه المسلم..(رواه البخاري ومسلم وأصحاب السنن)..ما تواضع أحد لله إلا رفعه ,وما زاد الله عبدا بعفوٍ إلا عزاً...,وتجد شر الناس ذا الوجهين..,الذي يأتي هؤلاء بوجه..وهؤلاء بوجه..(رواه البخاري ومسلم ومالك)...,ذمة المسلمين واحدة ,يسعي بها إدناهم.فمن أخفر مسلما فعليه لعنة الله والملائكة والناس أجمعين.لا يقبل الله منه يوم القيامة عدلاً ولا صرفاً..(رواه مسلم وغيره)...لو أنكم تتوكلون علي الله حق التوكل...لرزقكم كما يرزق الطير..تغدو خماصاً وتروح بطاناً..(رواه أحمد وصححه الألباني)....,إن الله تعالي يبسط يده بالليل ليتوب مسئ النهار..,ويبسط يده بالنهار ليتوب مسئ الليل..حتي تطلع الشمس من مغربها ...(رواه مسلم)...يقول الله-عزوجل- أخرجوا من النار من ذكرني يوماً أو خافني في مقام..رواه البيهقي والترمذي..وقال حديث حسن.....اتقوا الله..وصلوا خمسكم,وصوموا شهركم,وأدوا زكاة أموالكم,وأطيعوا أمراءكم..تدخلوا جنة ربكم..رواه الترمذي..وقال حديث حسن صحيح....,« . . . وهل يكب الناس على وجوههم أو على مناخرهم إلا حصائد ألسنتهم » [رواه الترمذي]....,« إن العبد ليتكلم بالكلمة ما يتبين فيها، يزل بها إلى النار أبعد مما بين المشرق والمغرب » [متفق عليه]....,«اللهم إني أسألك فعل الخيرات وترك المنكرات وحب المساكين،وإذا أردت في الناس فتنة فاقبضني إليك غير مفتون» أخرجه مالك والترمذي..,«ما من مسلم يصيبه أذى, من مرض فما سواه إلا حط الله به سيئاته كما تحط الشجرة ورقها» أخرجه البخاري ومسلم..,«لا يموتن أحدكم إلا وهو يحسن الظن بالله» أخرجه البخاري ومسلم...,«أعذر الله إلى امرئ أخر أجله حتى بلغ ستين سنة» أخرجه البخاري. أي لم يبق عذر لمن بلغ الستين من العمر...,«لا تقوم الساعة حتى تخرج نار من أرض الحجاز تضيء أعناق الإبل ببصرى» أخرجه البخاري ومسلم...,«يقبض الله الأرض يوم القيامة, ويطوي السماء بيمينه, ثم يقول: أنا الملك أين ملوك الأرض» أخرجه البخاري ومسلم...,«ما من صباح إلا وملكان يقولان: يا طالب الخير أقبل, ويا طالب الشر أقصر, وملكان موكلان يقولان: اللهم أعط منفقاً خلفاً, وأعط ممسكاً تلفاً» أخرجه البخاري مختصراً وأحمد..,إذا أراد الله بقوم عذاباً أصاب العذاب من كان فيهم, ثم بعثوا على نياتهم» أخرجه البخاري ومسلم..,« أول ما يقضى بين الناس يوم القيامة في الدماء» أخرجه البخاري ومسلم والنسائي والترمذي..,مثل الصلوات الخمس كمثل نهر جار غمر على باب أحدكم يغتسل منه كل يوم خمس مرات> رَوَاهُ مُسلِمٌ...,يتعاقبون فيكم ملائكة بالليل وملائكة بالنهار، ويجتمعون في صلاة الصبح وصلاة العصر، ثم يعرج الذين باتوا فيكم فيسألهم وهو أعلم بهم: كيف تركتم عبادي؟ فيقولون: تركناهم وهم يصلون وأتيناهم وهم يصلون> مُتَّفَقٌ عَلَيهِ...,من غدا إلى...,بشروا المشائين في الظلم إلى المساجد بالنور التام يوم القيامة> رَوَاهُ أبُو دَاوُدَ وَالتِّرمِذِيُّ...,من شهد العشاء في جماعة كان له قيام نصف ليلة، ومن صلى العشاء والفجر في جماعة كان له كقيام ليلة> قال الترمذي حديث حسن صحيح....,إن بين الرجل وبين الشرك والكفر ترك الصلاة> رَوَاهُ مُسلِمٌ...,إن أول ما يحاسب به العبد يوم القيامة من عمله صلاته، فإن صلحت فقد أفلح وأنجح، وإن فسدت فقد خاب وخسر، فإن انتقص من فريضته شيئاً قال الرب عز وجل: انظروا هل لعبدي من تطوع فيكمل بها ما انتقص من الفريضة؟ ثم تكون سائر أعماله على هذا> رَوَاهُ التِّرمِذِيُّ وَقَالَ حَدِيثٌ حَسَنٌ...,خير صفوف الرجال أولها وشرها آخرها. وخير صفوف النساء آخرها وشرها أولها> رَوَاهُ مُسلِمٌ...,أقيموا الصفوف، وحاذوا بين المناكب، وسدوا الخلل، ولينوا بأيدي إخوانكم، ولا تذروا فرجات للشيطان، ومن وصل صفاً وصله اللَّه، ومن قطع صفاً قطعه اللَّه> رَوَاهُ أبُو دَاوُدَ بإسناد صحيح....,عن عائشة رَضِيَ اللَّهُ عَنها أن النبي صَلَّى اللَّهُ عَلَيهِ وَسَلَّم كان لا يدع أربعاً قبل الظهر، وركعتين قبل الغداة. رَوَاهُ البُخَارِيُّ...,عن ابن عمر رَضِيَ اللَّهُ عَنهُما أنهما سمعا رَسُول اللَّهِ صَلَّى اللَّهُ عَلَيهِ وَسَلَّم يقول على أعواد منبره: <لينتهين أقوام عن ودعهم الجمعات أو ليختمن اللَّه على قلوبهم ثم ليكونن من الغافلين> رَوَاهُ مُسلِمٌ...,إذا دخل أهل الجنة الجنة يقول اللَّه تبارك وتعالى: تريدون شيئاً أزيدكم؟ فيقولون: ألم تبيض وجوهنا؟ ألم تدخلنا الجنة، وتنجنا من النار؟ فيكشف الحجاب، فما أعطوا شيئاً أحب إليهم من النظر إلى ربهم> رَوَاهُ مُسْلِمٌ...,إن في الجنة شجرة يسير الراكب الجواد المضمَّر السريع مائة سنة ما يقطعها> مُتَّفَقٌ عَلَيْهِ...,قال اللَّه تعالى: يا ابن آدم إنك ما دعوتني ورجوتني غفرت لك على ما كان منك ولا أبالي، يا ابن آدم لو بلغت ذنوبك عنان السماء ثم استغفرتني غفرت لك ولا أبالي، يا ابن آدم إنك لو أتيتني بقراب الأرض خطايا ثم لقيتني لا تشرك بي شيئاً لأتيتك بقرابها مغفرة> رَوَاهُ الْتِّرْمِذِيُّ وَقَالَ حَدِيْثٌ حَسَنٌ...,لا تخصوا ليلة الجمعة بقيام من بين الليالي، ولا تخصوا يوم الجمعة بصيام من بين الأيام إلا أن يكون في صوم يصومه أحدكم> رَوَاهُ مُسْلِمٌ.....,لا صلاة بحضرة طعام، ولا هو يدافعه الأخبثان> رَوَاهُ مُسْلِمٌ....,: <إذا دعا الرجل امرأته إلى فراشه فأبت فبات غضبان عليها لعنتها الملائكة حتى تصبح> مُتَّفَقٌ عَلَيْهِ....,لا تباشر المرأة المرأة فتصفها لزوجها كأنه ينظر إليها> مُتَّفَقٌ عَلَيْهِ.....,لا تسموا العنب الكرم؛ فإن الكرم المسلم> مُتَّفَقٌ عَلَيْهِ، وهذا لفظ مسلم....,(من أحدث في أمرنا هـذا مـا لـيـس مـنه فهـو رد ). متفق عليه...,عن أبـي رقــيـة تمـيم بن أوس الـداري رضي الله عنه ، أن النبي صلى الله عـليه وسـلم قـال :( الـديـن النصيحة )....,ما نهيتكم عنه فاجتنبوه ، وما أمرتكم به فأتوا منه ما استطعتم ، فإنما أهلك الذين من قبلكم كثرة مسائلهم واختلافهم على انبيائهم ). رواه البخاري ومسلم....,( دع ما يـريـبـك إلى ما لا يـريـبـك ).رواه النسائي والترمذي وقال حديث حسن صحيح...,( من حسن إسلام المرء تركه ما لا يعـنيه ) .حديث حسن ، رواه الترمذي وابن ماجه....,( لا يحل دم امرىء مسلم [ يشهد أن لا إله إلا الله ، وأني رسول الله ] إلا بـإحـدي ثـلاث : الـثـيـب الــزاني ، والـنـفـس بـالنفس ، والـتـارك لـد يـنـه الـمـفـارق للـجـمـاعـة ).متفق عليه..,( اتـق الله حيثما كنت ، وأتبع السيئة الحسنة تمحها ، وخالق الناس بخـلـق حـسـن ).رواه الترمذي وقال : حديث حسن ، وفي بعض النسخ : حسن صحيح ..,عـن أبي العـباس عـبد الله بن عـباس رضي الله عـنهما ، قــال : كـنت خـلـف النبي صلي الله عـليه وسلم يـوما ، فـقـال : ( يـا غـلام ! إني اعـلمك كــلمات : احـفـظ الله يـحـفـظـك ، احـفـظ الله تجده تجاهـك ، إذا سـألت فـاسأل الله ، وإذا اسـتعـنت فـاسـتـعـن بالله ، واعـلم أن الأمـة لـو اجـتمـعـت عـلى أن يـنـفـعـوك بشيء لم يـنـفـعـوك إلا بشيء قـد كـتـبـه الله لك ، وإن اجتمعـوا عـلى أن يـضـروك بشيء لـم يـضـروك إلا بشيء قـد كـتـبـه الله عـلـيـك ؛ رفـعـت الأقــلام ، وجـفـت الـصـحـف ).رواه الترمذي [وقال : حديث حسن صحيح إن مما أدرك الناس من كلام النبوة الأولى : إذا لم تستح فاصنع ما شئت ).رواه البخاري ...,( الطهور شطر الإيمان ، والحمد لله تملأ الميزان ، وسبحان الله والحمد لله تملأن – أو : تملأ – ما بين السماء والأرض ، والصلاة نور ، والصدقة برهان ، والصبر ضياء ، والقرآن حجة لك أو عليك ؛ كل الناس يغدو ، فبائع نفسه فمعتقها ، أو موبقها ..رواه مسلم ...,كل سلامى من الناس عليه صدقة كل يوم تطلع فيه الشمس تعدل بين اثنين صدقة ، وتعين الرجل فى دابته فتحمله عليها أو ترفع له عليها متاعة صدقة ، والكلمة الطيبة صدقة ، وبكل خطوة تمشيها إلي الصلاة صدقة ، وتميط الأذي عن الطريق صدقة ).رواه البخاري ومسلم...,: ( من رأى منكم منكرًا فلغيره بيده ، فإن لم يستطع فبلسانه ، فإن لم يستطع فبقلبه ، وذلك أضعـف الإيمان ).رواه مسلم ...,( لا تحاسدوا ، ولا تناجشوا ، ولا تباغضوا ، ولا تدابروا ، ولا يبع بعضكم على بيع بعض ، وكونوا عباد الله إخوانا ، المسلم خو المسلم ، لا يظلمه ولا يخذله ، ولا يكذبه ، ولا يحقره ، التقوى ها هنا ) ويشير صلى الله عليه وسلم إلى صدره ثلاث مرات – ( بحسب امرىء أن يحقر أخاه المسلم ، كل المسلم على المسلم حرام : دمه وماله وعرضه ).رواه مسلم ...,( إن الله تعالى كتب الحسنات والسيئات ، ثم بين ذلك ، فمن هم بحسنة فلم يعملها كتبها الله عنده حسنة كاملة ، وإن هم بها فعملها كتبها الله تعالى عنده عشر حسنات إلى سبعمائة ضعف إلى أضعاف كثيرة ، وإن هم بسيئة فلم يعملها كتبها الله عنده حسنة كاملة ، وإن هم بها فعملها كتبها الله عنده سيئة واحدة ).رواه البخاري ومسلم...,( كن في الدنيا كـأنـك غـريـب أو عـابـر سبـيـل ).وكـان ابـن عـمـر رضي الله عـنهـما يقول : إذا أمسيت فلا تـنـتـظـر الصباح ، وإذا أصبحت فلا تـنـتـظـر المساء ، وخذ من صحـتـك لـمـرضـك ، ومن حـياتـك لـمـوتـك ...رواه البخاري ...,( لا يؤمن أحدكم حتي يكون هواه تبعا لما جئت به ..حديث حسن صحيح ...,..سبحانك اللهم وبحمدك أشهد أن لا إله إلا أنت ..أستغفرك وأتوب إليك

Sunday, August 26, 2007

أتراني أراك؟؟

بدأت أتحسس الطريق فصادفتني نسمات خفيفة تحمل رائحة عطرك الزاكي ... فعلمت أنك حولي .... حولي هنا أو هناك ... أو في أي مكان بالقرب ... وبدأت دقات القلب تعلو في صيحاتها وقطرات دمي تتشابك الأيدي لتتمايل على نغمات قلبي الخافق بالحب ... وقفت قليلا ثم قلت ... يالك من سعيدة الحظ أن فزتي بدقات ذلك القلب العنيد

أتراك تراني؟؟ أم تراني أراك؟؟
أتراك في عيني كالملاك؟
أم ترى نفسك قيسي وأنا ليلاك؟
أتراني حائرة في عشقك وهواك ؟
أتراني أذكرك ولا أنساك ؟
أتراني لا أحيا بسواك؟
أتراني أتشوق للقاك؟
بل إني في بعض الأحيان أراك
أراك تسبح في بحر من الهلاك
وأراك تنادي طيفي في رؤياك
آه ..يا مسكين
لا تحلم أني أذكرك ليوم
بل إني لا أعرف عيناك
لا تحلم أنك مجنوني
ف أنا قد ضقت بليلاك
لا تحلم أني لا أحيا دونك
بل إني الوهم بدنياك
إن كنت تراني يا مسكين
فاعلم أني إن جبت العالم لست أراك

Thursday, August 23, 2007

عيشة... دنيا ... حياااااة

فاكرين لما كنا بنتشاقى كده؟؟؟

نفسي الحياة ترجع زي الأول

نفسي الحياة ترجع كده

هي قصة كل يوم

نفسي أطلع م الهدوم

نفسي أعيش من غير هموم

نفسي أعيط نفسي أزيط نفسي ألم الناس عليا

نفسي أحلق شعري أقرع يندلق على راسي ميا

لسه برضه بتجرحيني

وابتسامتي مالية عيني

والقى قمري مع النجوم

نفسي أخبط ع النفوخ

اترمي بعيد جوه كوخ

اصحى يوم م النوم لواحدي

ألقى نفسي بقيت لواحدي

ليه يا دنيا بتوهمينا

نلقى صاحب جاي علينا

تخديه منا وتصدمينا

نفسي أغمض يوم وافتح

ألقى تاني القلب يفرح

أفتكر أيامنا وأسرح

فـ السما وشكل النجوم

توعديني يا دنيا ترجع ابتسامتي وفرحي ليا؟

توعديني نعيش آمالنا بعد كل العتمة ديا؟

اوعديني وهوعدك عمري ما تضيع ابتسامتي من عينيا

Thursday, August 16, 2007

شباك حياة

راكب جناح بلياتشو واقف ع السلوك

برقص هنا واضرب هناك كام شقلباظ

مبخفش هزة تهدني ولا جرح شوك

والعب وأضحك للشتا فوق الازاز

مع إني حد ضعيف أوي من غير صحاب

لكني أقدر أكون قوي وسط الصعاب

ابدأ ضفاير شعر واغزلها فـ كتاب

سهران لغاية الفجر عايش ع السحاب

والقاني داخل ورقي اكتب ع اللي سابني وغاب

وافتح بلوج حياتي يناديني الضباب

جوه كل ألم ودمعة

بلقى بسمة بتناديني

عارف إن السكة ضلمة

بس نور زغلل فـ عيني

اقعد أسرح

بكرة هفرح

بس حاسس شيء بيجرح

أرجع أسرح من جديد

بكرة لازم اكون سعيد

وافتكر أيام زمان

اللي باعنا واللي خان

واللي كان بيبوس ترابنا

واللي سافر واللي سابنا

واللي أُجبر ع السكوت

واللي عزل م البيوت

بس شباك الحياة

لسه بالبسمة يناديني

القلوب مليانة آه

وابتسامتي مالية عيني

افتكر يوم لما كنّا

نعزف بالألحان آلامنا

والزمن دار تاني بينا

والحياة واقفة تنادينا

هيه مركب سايرة سايرة

لو هتركب نملى دايرة

لو ما كنتش جاي هتغرق

هيه ثانية بس تفرق

لسه شايف قلبي نور

جوه كل ألم ودمعة

لسه حاسس بالحياة

ويا شمس الصبح طالعة

Wednesday, August 08, 2007

القلم السياسي

كل التلاجات بيدخل فيها الأكل طازة ... لكن مش كل التلاجات بيخرج منها الأكل طاااازة

يا شماتة طنط ظاظا

كل الناس بتنام في أمان الله ... لكن مش كل الناس بتصحى زي ما انا بصحى

صحيت م النوووم على صوت جهووووري وواحد بيزق فيا وأنا ع السرير ... انت ...فوووق واصحى

ايه ده فيه إيه ؟؟؟ محدش في بيتنا بيعمل كده ... أنا متعملش معايا كده قبل كده

صحييييت م النوووم لقيت ظابط شرطة ... وعساكر واتنين مخبرين من اللي بيلبسوا جلبية وفوقها بالطو وماسكين عصاية

انتو ميييين؟؟؟

رد واحد أقرع كده ... حبيب قلبي والله يا باشا ... وقاللي : احنا بتوع القلم السياسي

يا نهار مش فاااايت ...شوفتوا آخرة الكلام مع همبكاوي؟؟؟

هههه

جابوا جردل ميا ورشوني بيه ... وخدوني سحل ع البوكس لحد المعتقل .... مارشات عسكرية وقرآآآآن ... لمبة حمرا فـ نص أوضة فاضية ... كرسي واحد .... قلت يبقى هنلعب الكراسي الموسيقية ... لكن الكرسي كان مقلوب ورجليه فووووق ... قلت يبقى مش الكراسي الموسيقية

بدأ التحقيق والراجل واقف بيقوووول أنا الباشحكمدار عصفور المدينة

سين اسم مدونتك؟

الحياة يا فندم

طرررراخ ...ده كان أول قلم على قفايا ... الانكار مش هيفيدك

والله يا باشا الحياة ... الله يحرقها ... الله يخرب بيتك يا حااامد

سييييين ؟ لماذا اخترته ..وماهي نيتك من وراء اختياره؟

والله يا باشا هيه جت كده

طرااااخ ... الله بقى ما انا رديت على أد السؤال أهو

اخرس ومتنطقش غير لما أقولك

حاااضر
سيييين هل فكرت في إغلاق مدونتك؟ والسبب؟

يا باشا أنا مقدرش أفكر في حاجة غير لما أرجعلكم ... افرض قفلتها وانتو حبيتو تشتروا حاجة هتشتروها منييين ههههه

طرااااخ ... خفة يا ابن ال
صورتك في المدونة ورمزيتها ؟؟

صورتي فيها أول حرف من سكايار وفيها الواد صاحب بوووه اللي بينام علشان هيه الحياة لما تصحى م النوووم
إيه ده مفيش على قفايا المرة دي

طراااااخ ... أيوة كده كيفني

لماذا دخلت عالم التدوين من الاساس؟

غلطة يا باشا ومش هتتكركر

وفـ عقل بالي بقول حلاوة وعاشق اصحابي برضه ومش هبلغ عنهم إنهم هما اللي أقنعوني أدخل العالم ده

جمله قيلت لك فى وصف مدونتك؟
ايه المدونة اللي تغم النفس دي ... كله ضحك ضحك مفيش هزار

طرااااخ ... يا باشا وربنا ده الكلام اللي اتقال

التعليقات بالنسبه لك ,اهميتها؟

رد فعل الناس اللي بيبين فيه تأثير وحاجة مفيدة ولا نرمي البلوج وأقفله زي مداونتي بتاعة روميو
وأكيد فظيعة ومهمة جدا
احلى بوست كتبته ...ضع اللينك , ثم اذكر لماذا؟

بوستاتي التانية تزعل

طرااااخ

حاضر حاااضر بوست نظرة عين

وفلاشات فلاشات

كان أصدق شعور وصلتله في الكتابة

أفضل بوست قرأته؟ وضع لينكه؟

ممكن أقول كتييير يا باشا

قووول

شفرة هلامية مدونة حلاوة ، رسالة صغيرة مدونة الخيط الرفيع ، شمس المغيب مدونة بقايا انسان ، الحب مدونة ثورة ، وأخيرا دعوة مدونة عصفور المدينة
أفضل مدونة قرأتها؟
أنا مبقرأش مدونات يا فندم ... دي آخر حاجة ممكن تتوقعها مني

حد قل أدبه فى التعليق إيه رد فعلك؟

يقل أدبه يبقى عايز يتربى

طررررررررررررراخ

حسبي الله ونعم الوكيل بصوت هنيدي ربنا يهديه
أسوأ مدونة؟

أي مدونة زبالة فيها الحاد أو هجوم ع المسلمين وأي مدونة هايفة

أسوأ بوست أسوأ مدون؟

اللي في السؤال اللي قابله

هيحصل ايه لإيميلك لما تموت ؟؟

أنا أموت بس ومتشغلش بالك

اديت الباسوورد لحد قبل كده؟

ده أنا مفضوووح

طرررراخ

يعني انت عايز تفهمني يا باشا ان الباسوورد بتاعتي مش معاااك؟؟

كانت إيه طبيعة علاقتك بيه؟
أستغفر الله ... أستغفر الله .. لأ يا باشا كله إلا الشيكولاته
اسمك؟

خالد

المشهور بيه وسط اصحابك؟
سكايار

شخصيتك نوعها إيه؟

كوتشي وبرباط

السفر بالنسبة لك؟
صحيت م النوووم لقيت اللي فات كله كان حلم

وقت فراغك بتعمل فيه إيه؟

بركب مراجيح ... وأنط حبال

طرررررراخ

انت فين يا حبيبي مفتقدك بقالي كام سؤال

المود بتاعك؟
دموعي مغرقاني وضحكتي فـ عينيا

بقزقز فول سوداني وألم الناس عليا

الاكلة المفضلة؟
مباكولش أساسًا

الصفات اللي أخدتها من بابا؟

كده هنبدأ نزعل من بعض ..هوه أنا جبت سيرة أبوك؟؟

طررررررررررررررررررررراخ

يا باشا أبويا قاللي جملة أنا عايش بيها من زمان قاللي يا سكايار يابني لو مقدرتش تخلي الناس تحبك ... اوعى تخليهم يكرهوك

الصفات التي أخدتها من ماما ؟

تاني يا باشا تاني ... ده أنا لسه ضاربك من شوية

طرررراخ

حاضر حاضر ... حبي لأهلي ولمصر للأسف

اكتر ست حاجات بكرهها؟

إني أجاوب ع السؤال ده

والكدب اللي منه الخيانة

والفراق

والبكا فـ وسط البشر

والكآبة

وإني اطلع عيل فـ يوم أدام ربنا

اكتر ست حاجات بحبها؟

اصحابي والجروب بتاعنا

اني اشوف الناس متجمعين مبسوطين لو اشاركهم فرحهم ثانية وامشي

اتقطع حتت والناس يحبوا ربنا ويرضوا عنه

والصفات اللي عكس الصفات اللي بكرهها

الشغل بالنسبة لك؟

وسيلة

الانترنت بالنسبه لك؟
ألبس النضارة وأربط الكرافات وأقول ... الانترنت يا أحبائي هو عالمك الخاص نحو العلوم والمعرفة والتواصل ... سان ستيفانو جراند بلازا

مصر فيها ... طلعت مصطفى

امرمطه لمين ؟

ده انتي هتتقطعي النهاردة

ههههههههه

ماماااااااادو ... اللهو الخفي
حلاوة ... رشيدي الميزان

بقايا انسان ... لو بلوجتك مفتوحة الشهر ده يا ريت تجاوبي

وكل مرة لازم أمرمط التاج للملكة

وهمبكاااااااوي كماااان .... أحسن تعيش وتاخد غيرها

طبعا عارفين طالع من التحقيق ده عااامل إزاي؟؟

تصبحو على خير

Monday, August 06, 2007

مدونين وناجحين

بلغني أيها الملك السعيد ذو الرأي الرشيد
هيييييييييه .... ما تقصري يا شهرزاااااد
انت يا سيااااف
خلاص يا مولاي هقول هقول والله
من بابا وماما بالاسماعيلية وطنطي و أختي بالكويت
وبنت عمة صاحبتنا اللي جوزها تعبان في عقله
بنحب نهني الولاد اللي جايين ذكرهم في السكة دوووول
ثورة
بطوط
كلماتي
ديو برايت
فتاة الجنة برضه علشان عرفت على مدونتها إنها كمان نجحت
وسبقتهم هوندا الرغاية ... لكن لسه متخرجتش
وبرضه ون ترو ثينج
ويضاف إلى القائمة ... الصحفية اللامعة " جميلة بو حريد" لأ مش اسمها ده اسم بلوجتها

اللي زعلان يتلم ويفرح بدل ما أشلفطله وشه

وربنا ... وربنا ... طب وربنا كمان مرة .....مااااااشي

ولازم مننساش برضه الواد مامادو حبيب قلبي يعني ... باينها بقت بلوجة اعلانات

مبروك لولادنا يا جماعة ... يا ريتني ما كنت معاهم
وعقبال الناس اللي مستنيين أخبار حلوة تجيلهم أخبارهم الحلوة ... مش عارف إيه ده ... هيه الحياة بقت حلوة كده ليييه؟؟؟
يلا الحمد لله
تحديث
أيوة خلي الضحكة تطلع
لسه بسمة قلبي صافية
لسه عايش
لسه بسمع
لسه فيه نور من قصادي
مين ينادي؟؟
قول يا هادي
أيوة جاية شمس بُكرة
هصحى كل يوم صباحًا
ألقى بسمة وبتناديني
ابتسم ... وافتح فـ عيني
ما احنا ملناش الا بعض

Saturday, August 04, 2007

Mission Impossible

أبا عمرو فلا تعجل علينا *** وأمهلنا نخبرك اليقينا

فإنا ما علمنا الطبخ يومًا *** وما جربنا سمن النخلتينا

أنا قلت الكنافة ناقصها حاجة *** فجبت آيس كريم دولسيكا لينا

وحطيت محشي كوسة في الجوافة *** عشان الأكل يقابلني إن حيينا

فـ يوم الجمعة يوم ماتش الترجي *** أبويا خد أمي وراحوا عند نينا

سابوني لوحدي فـ البيت كنت نايم *** صحيت فـ لقيتني تايه فـ المدينة

وكان مفروض عليا أجيب حليبًا *** ويا جماله بجاموسة خالتي زينا

المهز ... إيه ؟؟؟ آه نزلت جبت اللبن كما هوه المطلوب ... وقلت أعيش حياتي بقى في البيت ماتش الترجي شغال ... بس السؤال اللي كان محيرني ..أحط اللبن فيييين؟؟

يعني أحيانًا بسمع إن اللبن بيحصله حاجة كده اسمها يروب ... فهل ده يبقى لما بيتساب بره التلاجة ولا لما يتحط جواها ؟؟؟ أنا مكدبتش خبر وقلت يا واد خدمة للحاجة كده واعملها فجأة واغلي اللبن

دخلت المطبخ اللي مبدخلوش غير علشان أجيب الشوكة والسكينة اللي دايمن بيتعمدوا ينسوها علشان أروح أجيبها بنفسي ... فتحت الضلف أو الضرف على حسب اللهجة اللي بتتقال بيها ... لقيت حلل تيفال لذيذة وزي العسل أخدت حلة منهم ورميت كل اللبن فيها ... آه أصل أنا بجيب لبن كتييير علشان ما أقعدش كل يوم أروح أجيب

الماتش شغال وأنا معلي الصوت علشان أسمعه في المطبخ ... وفي غفلة من أمري سمعت زي ما يكون الماتش اتقلب فرح وواحدة بتغني الدنيا حلوة فكرتني بالواد عاشق

طلعت جري ع التليفزيون لقيت خالتي نانسي ماشية في الشوارع توزع أزايز كولا وقفت قلتلها هاتي واحدة لقيتها معبرتنيش قمت قافل التليفزيون ورحت المطبخ

اللبن بدأ يطلع لفوق ... قلت يبقى كده غلي ..أطفي عليه بقى

طفيت البوتاجاز لقيته لسه بيطلع لفوق ... يا لهوي ... انت غبي ياااض؟؟؟ انا طفيت خلاااااص ... لسه بيطلع ... طب أعمل إيه في ابن العبيطة ده؟؟؟

وقفت طبعا زي أي حد عاقل في مكاني وغنيتله ... انزل يا لورد ... بالطول والعرض ... برضه مفيش فايدة ... اللبن طالع وكإنه هيشوف دنيا جديدة ... وفجأة ....تششششششش

أيون البوتاجاز غرق باللبن ... والله مش عارف ليه ... بس لما سألت مامتي قالتلي انت كنت معلي النار أكتر من اللازم

المهز ... البوتاجاز غرق ... امسح آثار الجريمة دي بإيه؟؟؟ الفوطة بتاعة المطبخ ملونة واللبن أبيض ... رحت على أوضتي فتحت درج الشرابات .... محدش يشتم بقى تخيلوا نفسكو مكاني ...جبت شراب أبيض ومسحت اللبن

وأخيرا زيست ... كل اللي فاكره إن بابا فضل طول الليل يضحك عليا ... يعني أنا متهيألي إنه صحى م النوووم كذا مرة علشان يضحك عليا وينام تاني

أما ماما ... فكل اللي عملته إنها بصتلي في ذهوووول ومش قادرة تتكلم

تعمل إيه سيادتك بقى لو صحيت م النوووم لقيت نفسك مكاني؟؟؟

يَا بُنَيَّ إِنَّهَا إِنْ تَكُ
مِثْقَالَ حَبَّةٍمِنْ خَرْدَلٍ
فَتَكُنْ فِي صَخْرَةٍ
أَوْ فِي السَّمَاوَاتِ أَوْ فِي الْأَرْضِ
يَأْتِ بِهَا اللَّهُ
إِنَّ اللَّهَ لَطِيفٌ خَبِيرٌ
يَا بُنَيَّ أَقِمِ الصَّلَاةَ
وَأْمُرْ بِالْمَعْرُوفِ
وَانْهَ عَنِ الْمُنْكَرِ
وَاصْبِرْ عَلَى مَا أَصَابَكَ
إِنَّ ذَلِكَ مِنْ عَزْمِ الْأُمُورِ
وَلَا تُصَعِّرْ خَدَّكَ لِلنَّاسِ
وَلَا تَمْشِ فِي الْأَرْضِ مَرَحًا
إِنَّ اللَّهَ
لَا يُحِبُّ كُلَّ مُخْتَالٍ فَخُورٍ
وَاقْصِدْ فِي مَشْيِكَ
وَاغْضُضْ مِنْ صَوْتِكَ
إِنَّ أَنْكَرَ الْأَصْوَاتِ
لَصَوْتُ الْحَمِيرِ

واصبر نفسك

اللهم يا صاحبي عند شدتي
يا مؤنسي في وحدتي
يا حافظي في غربتي
ياوليي في نعمتي
يا كاشف كربتي
يا سامع دعوتي
يا راحم عبرتي
يا مقيل عثرتي
يا إلهي الحقيق
ويا ركني الوثيق
يا جاري اللصيق
ومولاي الشفيق
يارب البيت العتيق
أخرجني والمسلمين ومن سألنا الدعاء وسألناه الدعاء من حِلق الضيق إلى سعة الطريق
بفرج من عندك قريب وثيق
واكشف عنا كل شدة وضيق
واكفنا من السوء والأذى ما نطيق وما لا نطيق
اللهم إن لي أحبة في كل درب وصحبة
فاغفر لهم وأعنهم ويسر لهم أمر رشدٍ
يعبدوك لا يغفلون عن عبادتك ويرضون بما قسمته ويفرحون بقضاءك
اللهم لم تخذلني في نفسي فلا تخذلني فيهم أبداً
وصلى اللهم على نبينا محمد وعلى آله وصحبه وسلم