AL7AYAH: جلاكسي ....... عندما تعشق الشيكولاتة

.....أكثر من قول لا حول ولا قوة إلا بالله العلي العظيم,فإنها كنزمن كنوز الجنة..حديث صحيح......,ما أسفل الكعبين من الإزار فهو في النار..رواه البخاري والنسائي..,يا رسول الله أنهلك وفينا الصالحون؟؟..قال نعم ,إذا كثر الخبث (متفق عليه)..,الوالد أوسط أبواب الجنة..فإن شئت فأضع هذا الباب أو احفظه...,لا يدخل الجنة قاطع ..أي قاطع رحم..(متفق عليه)...,الحياء شعبةمن الايمان ..حديث صحيح..آية الإيمان حب الأنصار..وأية النفاق بغض الأنصار..(رواه البخاري)..من أشار إلي أخيه بحديدة فإن الملائكة تلعنه حتي ينتهي (رواه مسلم)...,سباب المسلم فسوق وقتاله كفر ..(متفق عليه)...,بحسب امرئٍ من الشر أن يحقر أخاه المسلم..(رواه البخاري ومسلم وأصحاب السنن)..ما تواضع أحد لله إلا رفعه ,وما زاد الله عبدا بعفوٍ إلا عزاً...,وتجد شر الناس ذا الوجهين..,الذي يأتي هؤلاء بوجه..وهؤلاء بوجه..(رواه البخاري ومسلم ومالك)...,ذمة المسلمين واحدة ,يسعي بها إدناهم.فمن أخفر مسلما فعليه لعنة الله والملائكة والناس أجمعين.لا يقبل الله منه يوم القيامة عدلاً ولا صرفاً..(رواه مسلم وغيره)...لو أنكم تتوكلون علي الله حق التوكل...لرزقكم كما يرزق الطير..تغدو خماصاً وتروح بطاناً..(رواه أحمد وصححه الألباني)....,إن الله تعالي يبسط يده بالليل ليتوب مسئ النهار..,ويبسط يده بالنهار ليتوب مسئ الليل..حتي تطلع الشمس من مغربها ...(رواه مسلم)...يقول الله-عزوجل- أخرجوا من النار من ذكرني يوماً أو خافني في مقام..رواه البيهقي والترمذي..وقال حديث حسن.....اتقوا الله..وصلوا خمسكم,وصوموا شهركم,وأدوا زكاة أموالكم,وأطيعوا أمراءكم..تدخلوا جنة ربكم..رواه الترمذي..وقال حديث حسن صحيح....,« . . . وهل يكب الناس على وجوههم أو على مناخرهم إلا حصائد ألسنتهم » [رواه الترمذي]....,« إن العبد ليتكلم بالكلمة ما يتبين فيها، يزل بها إلى النار أبعد مما بين المشرق والمغرب » [متفق عليه]....,«اللهم إني أسألك فعل الخيرات وترك المنكرات وحب المساكين،وإذا أردت في الناس فتنة فاقبضني إليك غير مفتون» أخرجه مالك والترمذي..,«ما من مسلم يصيبه أذى, من مرض فما سواه إلا حط الله به سيئاته كما تحط الشجرة ورقها» أخرجه البخاري ومسلم..,«لا يموتن أحدكم إلا وهو يحسن الظن بالله» أخرجه البخاري ومسلم...,«أعذر الله إلى امرئ أخر أجله حتى بلغ ستين سنة» أخرجه البخاري. أي لم يبق عذر لمن بلغ الستين من العمر...,«لا تقوم الساعة حتى تخرج نار من أرض الحجاز تضيء أعناق الإبل ببصرى» أخرجه البخاري ومسلم...,«يقبض الله الأرض يوم القيامة, ويطوي السماء بيمينه, ثم يقول: أنا الملك أين ملوك الأرض» أخرجه البخاري ومسلم...,«ما من صباح إلا وملكان يقولان: يا طالب الخير أقبل, ويا طالب الشر أقصر, وملكان موكلان يقولان: اللهم أعط منفقاً خلفاً, وأعط ممسكاً تلفاً» أخرجه البخاري مختصراً وأحمد..,إذا أراد الله بقوم عذاباً أصاب العذاب من كان فيهم, ثم بعثوا على نياتهم» أخرجه البخاري ومسلم..,« أول ما يقضى بين الناس يوم القيامة في الدماء» أخرجه البخاري ومسلم والنسائي والترمذي..,مثل الصلوات الخمس كمثل نهر جار غمر على باب أحدكم يغتسل منه كل يوم خمس مرات> رَوَاهُ مُسلِمٌ...,يتعاقبون فيكم ملائكة بالليل وملائكة بالنهار، ويجتمعون في صلاة الصبح وصلاة العصر، ثم يعرج الذين باتوا فيكم فيسألهم وهو أعلم بهم: كيف تركتم عبادي؟ فيقولون: تركناهم وهم يصلون وأتيناهم وهم يصلون> مُتَّفَقٌ عَلَيهِ...,من غدا إلى...,بشروا المشائين في الظلم إلى المساجد بالنور التام يوم القيامة> رَوَاهُ أبُو دَاوُدَ وَالتِّرمِذِيُّ...,من شهد العشاء في جماعة كان له قيام نصف ليلة، ومن صلى العشاء والفجر في جماعة كان له كقيام ليلة> قال الترمذي حديث حسن صحيح....,إن بين الرجل وبين الشرك والكفر ترك الصلاة> رَوَاهُ مُسلِمٌ...,إن أول ما يحاسب به العبد يوم القيامة من عمله صلاته، فإن صلحت فقد أفلح وأنجح، وإن فسدت فقد خاب وخسر، فإن انتقص من فريضته شيئاً قال الرب عز وجل: انظروا هل لعبدي من تطوع فيكمل بها ما انتقص من الفريضة؟ ثم تكون سائر أعماله على هذا> رَوَاهُ التِّرمِذِيُّ وَقَالَ حَدِيثٌ حَسَنٌ...,خير صفوف الرجال أولها وشرها آخرها. وخير صفوف النساء آخرها وشرها أولها> رَوَاهُ مُسلِمٌ...,أقيموا الصفوف، وحاذوا بين المناكب، وسدوا الخلل، ولينوا بأيدي إخوانكم، ولا تذروا فرجات للشيطان، ومن وصل صفاً وصله اللَّه، ومن قطع صفاً قطعه اللَّه> رَوَاهُ أبُو دَاوُدَ بإسناد صحيح....,عن عائشة رَضِيَ اللَّهُ عَنها أن النبي صَلَّى اللَّهُ عَلَيهِ وَسَلَّم كان لا يدع أربعاً قبل الظهر، وركعتين قبل الغداة. رَوَاهُ البُخَارِيُّ...,عن ابن عمر رَضِيَ اللَّهُ عَنهُما أنهما سمعا رَسُول اللَّهِ صَلَّى اللَّهُ عَلَيهِ وَسَلَّم يقول على أعواد منبره: <لينتهين أقوام عن ودعهم الجمعات أو ليختمن اللَّه على قلوبهم ثم ليكونن من الغافلين> رَوَاهُ مُسلِمٌ...,إذا دخل أهل الجنة الجنة يقول اللَّه تبارك وتعالى: تريدون شيئاً أزيدكم؟ فيقولون: ألم تبيض وجوهنا؟ ألم تدخلنا الجنة، وتنجنا من النار؟ فيكشف الحجاب، فما أعطوا شيئاً أحب إليهم من النظر إلى ربهم> رَوَاهُ مُسْلِمٌ...,إن في الجنة شجرة يسير الراكب الجواد المضمَّر السريع مائة سنة ما يقطعها> مُتَّفَقٌ عَلَيْهِ...,قال اللَّه تعالى: يا ابن آدم إنك ما دعوتني ورجوتني غفرت لك على ما كان منك ولا أبالي، يا ابن آدم لو بلغت ذنوبك عنان السماء ثم استغفرتني غفرت لك ولا أبالي، يا ابن آدم إنك لو أتيتني بقراب الأرض خطايا ثم لقيتني لا تشرك بي شيئاً لأتيتك بقرابها مغفرة> رَوَاهُ الْتِّرْمِذِيُّ وَقَالَ حَدِيْثٌ حَسَنٌ...,لا تخصوا ليلة الجمعة بقيام من بين الليالي، ولا تخصوا يوم الجمعة بصيام من بين الأيام إلا أن يكون في صوم يصومه أحدكم> رَوَاهُ مُسْلِمٌ.....,لا صلاة بحضرة طعام، ولا هو يدافعه الأخبثان> رَوَاهُ مُسْلِمٌ....,: <إذا دعا الرجل امرأته إلى فراشه فأبت فبات غضبان عليها لعنتها الملائكة حتى تصبح> مُتَّفَقٌ عَلَيْهِ....,لا تباشر المرأة المرأة فتصفها لزوجها كأنه ينظر إليها> مُتَّفَقٌ عَلَيْهِ.....,لا تسموا العنب الكرم؛ فإن الكرم المسلم> مُتَّفَقٌ عَلَيْهِ، وهذا لفظ مسلم....,(من أحدث في أمرنا هـذا مـا لـيـس مـنه فهـو رد ). متفق عليه...,عن أبـي رقــيـة تمـيم بن أوس الـداري رضي الله عنه ، أن النبي صلى الله عـليه وسـلم قـال :( الـديـن النصيحة )....,ما نهيتكم عنه فاجتنبوه ، وما أمرتكم به فأتوا منه ما استطعتم ، فإنما أهلك الذين من قبلكم كثرة مسائلهم واختلافهم على انبيائهم ). رواه البخاري ومسلم....,( دع ما يـريـبـك إلى ما لا يـريـبـك ).رواه النسائي والترمذي وقال حديث حسن صحيح...,( من حسن إسلام المرء تركه ما لا يعـنيه ) .حديث حسن ، رواه الترمذي وابن ماجه....,( لا يحل دم امرىء مسلم [ يشهد أن لا إله إلا الله ، وأني رسول الله ] إلا بـإحـدي ثـلاث : الـثـيـب الــزاني ، والـنـفـس بـالنفس ، والـتـارك لـد يـنـه الـمـفـارق للـجـمـاعـة ).متفق عليه..,( اتـق الله حيثما كنت ، وأتبع السيئة الحسنة تمحها ، وخالق الناس بخـلـق حـسـن ).رواه الترمذي وقال : حديث حسن ، وفي بعض النسخ : حسن صحيح ..,عـن أبي العـباس عـبد الله بن عـباس رضي الله عـنهما ، قــال : كـنت خـلـف النبي صلي الله عـليه وسلم يـوما ، فـقـال : ( يـا غـلام ! إني اعـلمك كــلمات : احـفـظ الله يـحـفـظـك ، احـفـظ الله تجده تجاهـك ، إذا سـألت فـاسأل الله ، وإذا اسـتعـنت فـاسـتـعـن بالله ، واعـلم أن الأمـة لـو اجـتمـعـت عـلى أن يـنـفـعـوك بشيء لم يـنـفـعـوك إلا بشيء قـد كـتـبـه الله لك ، وإن اجتمعـوا عـلى أن يـضـروك بشيء لـم يـضـروك إلا بشيء قـد كـتـبـه الله عـلـيـك ؛ رفـعـت الأقــلام ، وجـفـت الـصـحـف ).رواه الترمذي [وقال : حديث حسن صحيح إن مما أدرك الناس من كلام النبوة الأولى : إذا لم تستح فاصنع ما شئت ).رواه البخاري ...,( الطهور شطر الإيمان ، والحمد لله تملأ الميزان ، وسبحان الله والحمد لله تملأن – أو : تملأ – ما بين السماء والأرض ، والصلاة نور ، والصدقة برهان ، والصبر ضياء ، والقرآن حجة لك أو عليك ؛ كل الناس يغدو ، فبائع نفسه فمعتقها ، أو موبقها ..رواه مسلم ...,كل سلامى من الناس عليه صدقة كل يوم تطلع فيه الشمس تعدل بين اثنين صدقة ، وتعين الرجل فى دابته فتحمله عليها أو ترفع له عليها متاعة صدقة ، والكلمة الطيبة صدقة ، وبكل خطوة تمشيها إلي الصلاة صدقة ، وتميط الأذي عن الطريق صدقة ).رواه البخاري ومسلم...,: ( من رأى منكم منكرًا فلغيره بيده ، فإن لم يستطع فبلسانه ، فإن لم يستطع فبقلبه ، وذلك أضعـف الإيمان ).رواه مسلم ...,( لا تحاسدوا ، ولا تناجشوا ، ولا تباغضوا ، ولا تدابروا ، ولا يبع بعضكم على بيع بعض ، وكونوا عباد الله إخوانا ، المسلم خو المسلم ، لا يظلمه ولا يخذله ، ولا يكذبه ، ولا يحقره ، التقوى ها هنا ) ويشير صلى الله عليه وسلم إلى صدره ثلاث مرات – ( بحسب امرىء أن يحقر أخاه المسلم ، كل المسلم على المسلم حرام : دمه وماله وعرضه ).رواه مسلم ...,( إن الله تعالى كتب الحسنات والسيئات ، ثم بين ذلك ، فمن هم بحسنة فلم يعملها كتبها الله عنده حسنة كاملة ، وإن هم بها فعملها كتبها الله تعالى عنده عشر حسنات إلى سبعمائة ضعف إلى أضعاف كثيرة ، وإن هم بسيئة فلم يعملها كتبها الله عنده حسنة كاملة ، وإن هم بها فعملها كتبها الله عنده سيئة واحدة ).رواه البخاري ومسلم...,( كن في الدنيا كـأنـك غـريـب أو عـابـر سبـيـل ).وكـان ابـن عـمـر رضي الله عـنهـما يقول : إذا أمسيت فلا تـنـتـظـر الصباح ، وإذا أصبحت فلا تـنـتـظـر المساء ، وخذ من صحـتـك لـمـرضـك ، ومن حـياتـك لـمـوتـك ...رواه البخاري ...,( لا يؤمن أحدكم حتي يكون هواه تبعا لما جئت به ..حديث حسن صحيح ...,..سبحانك اللهم وبحمدك أشهد أن لا إله إلا أنت ..أستغفرك وأتوب إليك

Wednesday, June 27, 2007

جلاكسي ....... عندما تعشق الشيكولاتة

عارف لما تصحى م النوووم ....هههههههههه ... استنى استنى .... بجد عارف لما تصحى م النوووم عندك شعور عشق الشيكولاتة .... طيب علشان أوضح اللعبة

كان فيه زمااااان اعلان بييجي من تلات اربع سنين وواحدة بتاكل شيكولاتة كده ومأنتخة خااااالص ومش حاسة بأي مصيبة بتحصل حواليها ....وفـ آخر الاعلان ييجي واحد يقووول ... جلاكسي عندما تعشق الشيكولاتة .... مش عارف هوه الجملة كده ناقصة وكان هيقول جلاكسي عندما تعشق الشيكولاتة أحمد هيزعل ... ولا يقصد عندما تعشق الشيكولاتة فهي جلاكسي ... المهم أهو الشعور ده بقى اللي أنا بسميه عشق الشيكولاتة

بالعامية أو باللغة الدارجة اليومين دووول بيقولوا ده واد فاكك دماغه ... أو مكبر ... أو منفض

المهم بقى هل حسيت بالشعور ده كده إذ صحيت م النووم لقيت نفسك عاشق شيكولاتة وفاكك دماغك من الناس؟؟؟

انت عارف قعدت أتخيلها كده ... تصحى الصبح م النووم تقابل مامتك في ميدان الصالة تقولك جدتك ماتت ... تبص وتقول ... يلا بالشفا ... تنزل الشارع يجيلك تليفون من واحد صاحبك .... يقولك صاحبنا دخل المستشفى فـ حادثة ..... ترد تقول ..لما تروحوله سلمولي عليه وقولوله لما يخلص المستشفى ويطلع يبقى يديني رنة

تدخل تقرا ع البلوجات اللي جاتلنا على كبر دي تلاقي مصطفى قافل البلوج وبيقول أنا حالتي النفسية هباب ومعدتش كاتب اليومين دوووول ... تطلع من غير ما تسيبله كلمتين في الشات بوكس ولا تعليق ... ماشي في الشارع وواحد بيسرق واحدة او بيضرب عيل صغير وانت معدي من جنبهم ... وفـ كل ده انت ماااااشي ورافع شعار .... جلاكسي عندما تعشق الشيكولاتة

إيه رأيك في الحياة بالطريقة دي ..... طيب نشوف الحياة بطريقة شيبساوي على طوووول

صحيت الصبح وحوار مع الحاجة في البيت .... عمة خالة بنت عمك ماتت فتفتح عينيك بدهشة وبعدين تقفلهم بأسى وتقوووول ياااااااه وولادها واخواتها وجوزها والشعب والناس والمجتمع عاملين إيه والدفنة امتى وهتخش الجنة ولا هتخش النار و يا خرابااااااااي

نزلت الشارع و اتصال معانا من صديق البرنامج ونقول آلو .... يرد صاحبك ويقول كريم صاحبنا ضافره اتكسر وقاعد مكتئب في البيت .... تطلع جررررري علشان تروح لكريم البيت وتطيب خاطره وتحكيله قصة الساحرةالشريرة لما شربت اللبن وغسلت رجليها قبل ما تنام وبقت حلوة وكل الناس حبتها

تدخل ع البلوج تلاقي واحد بيقووول سامحوني يا جماعة مش أنا هكتب بوست كل يومين علشان عندي ماتشات كووورة فتدخل وتملا الشات بوكس والتعليقاااات وتقووول .. لييييه علشان خاطري ابوس رجليك مش هنعرف نعيش من غير بلوجااات ده انت انت الحياة ولا حياة إلا بك يا بلوجر عايزين كل دقيقتين بوست .... وتقعد تعيط وتشغل مارشات عسكريسة وقرآن

وطبعا في موقف السرقة او الطفل الصغير اللي بيضربه ولد كبير مش هتتوصى .... هتقلع الجاكت والقميص وال .... نضارة ... وتدخل تاخدلك مطوتين ع الماشي وتقول الحمد لله ربنا قدرني وضربته لغاية ما طلعت م المستشفى على كرسي

باختصار علشان منرغيش كتير شايفها إزاي أحلى؟؟؟؟عندما تعشق الشيكولاتة ... ولا اااا شيبساوي على طووول بالشطة والليمون ؟؟؟

صبااااح الفولص

31 comments:

Anonymous said...: خير الأمور الوسط!

عارف انا باعشق الشيكولاتة في أغلب وقتي..انما في حاجات انا فيها شيبساوي وببساوي وفيروز آه يامنجة كمان!; June 27, 2007 at 2:13 PM
3ashe2elro7 said...: تا تا خطى العتبه
تا تا واحده واحده
هوه انا هيبقى جلاكسى و سقعان و منفض يا يبقى شطه ملهلبه
و ده كلام برده
يا باشا الامور نسبيه و حتى لو اتعرضت لموقف مرتين ممكن تصرفك فيهم يختلف علشان حاجه ضغيره فى الصوره كلها اتغيرت
طبيعى ان لما امى تقولى ان امها ماتت ازعل و احزن مش مجامله لأ لانى اكيد عشت مع الست دى و هازعل على فراقها انما لما عمة خالة بنت عمك تموت فالامر عادى و لا يتعدى كونه واجب لازم تقوم بيه
جميل انى اعرف اعمل جلاكسى و برده جميل انى قادر اعمل شطه ولمون
لما صاحبك يعمل حادثه لازم عليك تشاركه و تزوره انما لما ضفره يطير و يبقى عنده واوا ابقى بوس الواوا دح
الموازين مختله محتاجه تتعدل; June 27, 2007 at 5:30 PM
sakayar said...: ارحم دماغك

لما تلاقي دماغك ورمت والناس معادتش بتستجيب لحاجة فلازم ترحم دماغك وتعشق الشيكولاتة وتبطل شوية من الشيبساوية
تحياتي; June 27, 2007 at 5:36 PM
sakayar said...: عاشق الروح
الأمور نسبية ... البطيخة مقلية .... رز ومهلبية .... دمااااااااااااااااااغي

طبيعي لما امي تقولي جدتك ماتت وهيه بتعيط وجدتي عندها 9000 سنة هقولها حنطوها .... دماغي ورمت
لما يبقى الشعب عايش وحابب يبقى كئيب وانت تدخله ب5000 طريقة .. دين ودلع وهزار وجد وعثمان يربط الفلاحين والناس تقول اللـــــــــه كلامك جميل مقدرش أقول حاجة عنه ... ومحدش ينفذ يبقى يحرق يولع ... عيشها جلاكسي وخلي اللي يولع يولع
سلالم واتكسرت ومعدش ينفع حد يطلعلي ولا أنا أنزله; June 27, 2007 at 5:40 PM
3ashe2elro7 said...: سلامة دماغك يا جوهرة الف سلامه
اقلك اركن جنب اخواتك على الدكه
اقلك كمان
انك لا تهدى من احببت و لكن الله يهدى من يشاء; June 27, 2007 at 6:15 PM
sakayar said...: عاشق الروووووح

هتموووووتي انتي هتتقطعي النهاردة
شوف يا عم ... لما سيدنا يونس دعا قومه ويأس منهم ومشي ... مشي من غير مايستأذن ربنا فكانت النتيجة ابتلاءه بالحوووووت
سيدنا نوووح ربنا اللي قال له انه لن يؤمن من قومك إلا من قد ءامن ....فبطل يدعيهم

انا لا سيدنا يونس وهمشي غضبان
ولا سيدنا نوووح ومستني وحي من ربنا يقوللي كفاية كده
وإليك الجديد من تااااايد

انا مش ملاك ع الأرض ولا طير في السما
انا مش رسول معصوم ولا اله انما
انا بس واحد من كتير عرفوا الرسول
انا ابويا ادم وامي دي حوا
عايش حياتي ودنيتي بقوة
ولا كانش ذنبي اني بشر عادي
حابب جروحي وضحكتي وراضي
خليني اقول في سلام
عايش معاكو ايام
لا الضحكة وصلت عين
ولا البشر ضايعين
هيا الحياة أزمان
فكك وعيشها يا مان
فيها اللي عايش كوووول
وفيها في التوهاااان
جلاكسي حبينها
والعيشة راضيينها
لو اطس انا فـ تاكسي
وانا برضه مش معصوم
سيبهالي بجلاكسي
وعيشها واحدك توووم
بيدور على جيري
لو يوم صحيت م النوووم
متقولش ليه مهموم
أصل الأمان جري
واهو كله خزعبلي; June 27, 2007 at 6:58 PM
3ashe2elro7 said...: طيب; June 27, 2007 at 7:17 PM
عصفور المدينة said...: This comment has been removed by the author.; June 27, 2007 at 8:11 PM
عصفور المدينة said...: ندور مع إسلامنا حيث دار
احذر أن يفتقدك الله حيث أمرك أو يجدك حيث نهاك
ياكش تعمر; June 27, 2007 at 8:27 PM
sakayar said...: عاشق الروح

دوووووس

عصفور المدينة

حاضر يا فندم ... تعليمات سعادتك أوامر بس التعليق الأولاني اللي مسحته كان جميل أوي حسستني بإنك بتعطيهاني بطريقة كوميك
شكرا لييييك; June 27, 2007 at 8:34 PM
الخيط الرفيع said...: هو في اية بالظبط
الكلام جميل والفكرة خزعبلية

بس وراء الكلام كلام كبير قوي

ممكن مش حقي أسأل؟؟؟؟؟
بس واحدة واحدة
علي بعض

احنا عبارة عن أسباب من ربنا لبعض وكلنا أسباب وساعات صاحب العطاء هو أكثر من يأخد
و جربتها مع شخصية ما كنت اتوهم أني أمد يدي لها ولكن في الحقيقي هي من كونتني وجدانيا بمساندتي لها واحتضاني لجنونها

وانا عن نفسي بكون شبساوي بالشطة بس ساعات بحس اني عيزة ابقي جلاكسي واجري
اشتريها ومع فنجان قهوة أسرح في اللي نفسي أعملي لنفسي في شغلي بكرة وبعدين أقوم انام ولو لسه في وقت بعمل اي مجهود يخطفني من حالة الشطة شوية; June 27, 2007 at 10:43 PM
Anonymous said...: هههههههههههههههههههههه
والله البوست ده اللي دماغه فاكه اووووي
ايووون كده بقالنا كتير ماشفناش بوست بالدماغ دي زي فودافون السكايار
بس بجد جاامد المهم بقه انا مش هاقول الامور نسيبه ومش عارفه ايه زي ناس وربنا يوفقكوا ياولاد واتقطعوا في بعض كمان وكمان انا مبسوط
المهم انا كنت بقول ان الواحد يبقى شيبساوي ومصراوي واهلاوي
على شرط انه يتحمل ضريبة اختياره
بص ياابني كل حاجه في الحياه وليها ضريبه قادر تشيل يبقى شيل مش قادر اقعد في جنب وماتوجعش دماغنا
الحب له ضريبه الصداقه السعاده نفسها ليها ضريبه
يعني لو بيقت جلاكسي هتدفع ضريبه انك لما توقع الناس مش هتسال فيك برده زي ماانت عملت وكمان شكلي ادام نفسي ان اعرف اني في ايدي حاجه لاي انسان بدل هو انسان وانسان بمعنها العادي النوع يعني مش الاخلاق حتى لو كانت قليله زي الابتسامه يبقى اعملها
اما شيبساوي علطول اللي انا باويدها وهي صعبه اوي في الحقيقه بس انا وافقت ادفع ضريبتها يبقى مارجعش اقول في النص مش لاعب انا بحب الانسان اللي ادامي واقدر اعطي يبقى هديله حتى لو طلب عيناي اه هاقبل ناس مش هتقدر وتطلع معفنه عاااادي جدن
بس انا لما كنت بيدي مكنتش عاوز لا جزاء ولا شكورا
بس في الوقت نفسه هزعل لو كان الرد حاجه تزعلني انا مكنتش مستني حاجه خالص بس مش تدي اهانه وتقولي ادي ضريبه شيبساوي علطول لا انا اللي وافقت يبقى الوم نفسي على الاختيار الغلط بس
ملحوظه هي مش تتطفل بس يعني هو يعني ايهلما يبقى الشعب عايش وحابب يبقى كئيب وانت تدخله ب5000 طريقة .. دين ودلع وهزار وجد وعثمان يربط الفلاحين والناس تقول اللـــــــــه كلامك جميل مقدرش أقول حاجة عنه ... ومحدش ينفذ يبقى يحرق يولع اريد تفسير بس براحتك عادي; June 28, 2007 at 2:46 PM
Ma 3lina said...: صباح القشطة

ليه الغل دا بس معكش تمن شكيولاتة جالكسى و لا كادبرى قووول و نجبلك

لكن تحرق فى دمك كدا لا حراااااااام

معلش هيا الحياة حبة مجاملات على حبة تمثيل

وخير الامور الوسط بس توسطنها ازاى معرفش و الله; June 28, 2007 at 4:58 PM
sakayar said...: أنا جييييييييت ... آه يا عيني

معلش امبارح بعد مناقشة عاشق ع البلوج جه أخدني من بيتنا ورحنا فـ مكان ضلمة ونزلني م العربية وضرب فـ ايدي رصاصتين علشان أبطل كتابة لكن مهما مهما ولولا لولا ومحدش يعني يعني
نرجع بقى نرد ع النااااااس; June 28, 2007 at 5:40 PM
sakayar said...: الخيط الرفيع

لأ طبعا يعني ايه من حقك تسأل؟؟؟ ده انت من حقك ونص وتلات اربع وتدوس على دماغنا وتعدي ولا يهمك يا فندم ... ومعانا اتصال ونقول ... آلو

الكلام جميل والفكرة خزعبلية
بس وراء الكلام كلام كبير قوي

كلام ابن عم حديث حضرتك وفكرة لما تقعد تروي بذرة حلوة عارف إنها هتتطلع محصول جميييل لكن بتروي والبذرة متقبلة الري ده لكن مش باااااين أي تقدم ... لا المحصول طلع ولا حتى بيعطيك أمل إنه بيحاول يطلع ... هيه لحظات صدمة ... بتخليك ترجع تفكر من تاني لو كلامي له فايدة أكمل طريقي اللي اخترته وأصبر .. لكن لو الناس عاجبها تووون الكلام وبيسقفوا ومفيش ردفعل يبقى ده دليل إنك فشلت في مهمتك
ومن هنا كانت فكرة أعيشها جلاكسي؟؟؟ ولا أفضل شطة وليمون بس بالعقل؟؟؟
إيه ده ؟؟؟ ده الرد أطول م البوست ... هوه انت فهمت حاجة ياعمنا خيييط؟؟؟
يا رب تكون وصلت أو توصل في الرد الجاي; June 28, 2007 at 5:47 PM
sakayar said...: الخيط الرفيع تاني
وانا عن نفسي بكون شبساوي بالشطة بس ساعات بحس اني عيزة ابقي جلاكسي واجري
اشتريها ومع فنجان قهوة أسرح في اللي نفسي أعملي لنفسي في شغلي بكرة وبعدين أقوم انام ولو لسه في وقت بعمل اي مجهود يخطفني من حالة الشطة شوية
في مناقشة لعاشق أفندي مع سعادتي كان الحوار إنه عايزني أفصل يوم اتنين علشان أكمل وانا قلتله فكرة إني أفصل معدتش قادر عليها لإنك اتعودت على حاجة اسمها العطاء فلو فصلت من الناس دي والشعب ده واللي حواليك هتقعد تدور على حد تاني أو تقعد وانت فاصل تسأل فلان عامل إيه وفلان حل مشكلته ولا لأ ... حتى لو انت نفسك عندك مشاكل الدنيا هتلاقيك رايح تطبطب على حد ضافره يا عيني اتكسر لإن بقى من مصادر قوتك أدام الصدمات إنك بتلاقيك بتدخل البسمة على الناس فصعب إنك تفصل
لكن فجأة شفت منظر جميييل أوي مش هحكيه قلت الاتنين دووول محتاجين يتقطع رقبتهم لما كلامي هما أول ناس بيقولوا عليه قشطة وحلو وصح وماشيين كأبو في الشارع يبقى كلامك مش ليه فايدة وسيب الناس براحتها انت لا تمثل لهم فردة جزمة معفنة مرمي فيها شراب مقطوع ... لا مؤاخذة اوعى تزعل مني يا خيط ع الطريقة دي ... ربنا يهدينا ويغفر لنا ...ويجمعنا كلنا في الجنة ومتخافش مش هستندل والله بس اوعوا تستندلوا انتو; June 28, 2007 at 5:54 PM
sakayar said...: ONE TRUE THING
يا رب يكون اسم على مسمى
ونبدأ استقبال المكالمات ونقول .... آلو
يااااه فودافون السكايار فكرتنا بأيم حلوة زي الأيام دي برضه ... يلا نبدأ كلام

أولا ... أنا مبطلتش ضحك من ساعة ما قرأت تعليقك ... لسبب بسيط ... إن كده كتيييير أوي يعني الجرووووب ده بقى شاااارب أوي من بعضه ... الكلام ده بالنص كنت بقوله فـ يوم لواحد صاحبي ولولا اني عارف ان الحوار ده متفتحش معاك كنت قلت انه وصلك الكلام ده وانت بتفكرني بيه
وانا معاك لازم اتحمل نتيجة اختياري ... بس نوع من انواع العطاء انك تمنع ... يقول احد العلماء عن التربية ... التربية بالمنع فالنفس ان رأت كل ما تطلب مجاب تحكمت واستعلت ثم ضاعت في احلام السفهاء
ومعانا اتصال تاني من نفس الشخص اللي معانا بس من نمرة تانية ونقووووول آلو

ملحوظه هي مش تتطفل بس يعني هو يعني ايهلما يبقى الشعب عايش وحابب يبقى كئيب وانت تدخله ب5000 طريقة .. دين ودلع وهزار وجد وعثمان يربط الفلاحين والناس تقول اللـــــــــه كلامك جميل مقدرش أقول حاجة عنه ... ومحدش ينفذ يبقى يحرق يولع اريد تفسير بس براحتك عادي

طبعًا براحتي ومحدش عنده ليا حاجة ومتخلونيش أديهالكم نيللي نيللي وشريهان شريهان
يا عم الحاج ... صوت موسيقى هادية وواحد واقف بالكمان على أول الصالة وواحد دخل قاااال بعلو صوته ... الموسيقى حرااااام يا عم الشيخ
احم احم طيب
شوف يا عم الحاج ... لما تقوللي كلامك قشطة ولذيذ وخصوصًا بالكاتشب وأقولك أخجلتم تواضعنا ... يبقى انت مقتنع بكلامي ... يبقى انت حابب تنفذه وبتحاول ... يبقى من حقي اني أشوف التقدم ده والتغير ده ... لكن واحد منزل بوست قرف ومش مغيرة وماشي هو والتاني في الشارع وبوزهم 5 متر ومش عاملين 11 بس دول عاملين 1456987 يبقى لأ يا جماعة ... يبقى انا كلامي مالوش فايدة وهوه زي ما قلت توووون بيفكرنا بحاجة حلوة وخلاص ... أنا مش من حقي اتكلم بالطريقة دي ... لكن كشخص غريب وكإنسان مسلم بقوووول أقل حاجة ممكن تشكر بيها ربنا على نعمه إن الناس تشوفك ماشي في الشارع مبتسم لكن ذنبي إيه وانا واحد ماشي في الشارع ألاقي اتنين ماشيين زي ما يكونوا خارجين من دفنة ... يبقى أسال نفسي حب تقضيها جلاكسي؟؟؟ ولا شيبساوي؟؟؟ وأراجع حساباتي ... أنا مقلتش إني اخترت أفك دماغي بس رأيكم لو حصل نصيب ومشيت م البلد العسل دي وأنا بره هبقى بفكر فيكم إزاي؟؟
آسف وبلاش أتغابى أكتر من كده; June 28, 2007 at 6:12 PM
sakayar said...: ma-3lina
غل إيه بس ربنا ميجيبش غل ...ما ااااعلينا
وهي الحياة زي ما بتقولي حبة ناس اسمهم عثمان يلموا حبة فلاحين في حبة شجر وحبة أفلام أبيض واسود وحبة كفار وكام كرباج والأمور تبقى قشطة إن شاء الله
تحياتي; June 28, 2007 at 6:17 PM
basma saghir said...: لالا لاشيبسي ولا شيكولاتة
صدقني الخلاص في شعار الحياة احلى مع كوكاكولا
وكله بيروح في المية والصابون ومحدش بيبقى على حاله
لا بتاع جالاكسي بيفضل مكبر ولا بتاع الشيبسي بيفضل مهيبر..
اقلك..خليك مع كوكاكولا..وحب الحياة وخليك وسط; June 28, 2007 at 6:44 PM
sakayar said...: ONE TRUE THING
أيوة ولسه معانا في الكنترول ون ترو ثينج ... آسفين يا فندم فيه جزء وقع مني في المكالمة الأولانية والتانية وبنرد على سعادتك معانا

انا وافقت ادفع ضريبتها يبقى مارجعش اقول في النص مش لاعب انا بحب الانسان اللي ادامي واقدر اعطي يبقى هديله حتى لو طلب عيناي اه هاقبل
على فكرة ... انت بتعرف تستفزني ازاي وانا مبجيش بالتحدي انا باااجي بالنرفزة وانت نرفزتني ومااااشي يا ون أيوة الناس دي بحبها وايوة أنا لو أطول أديلهم عينيا ولو انها خضرا وقليلة في السوق اليومين دول لكن هعطيهالهم لكن برضه هيه نفس الفكرة ... انت راضي تسمع مني وتاخد مني ليييه علشان حاسس انك بتتغير مع وجودي وبالكلام ده ؟؟؟ ولا علشان الكلام جمييييل وخلاص؟؟؟
ما هي العلاقة طرفين مش طرف واحد فيه فعل ورد فعل لازم يتشاف ويتحس ... فكرة الزفت السفر دي هيه اللي مخلياني عايز اشوف نتيجة قبل ما اتنيل افارق لو حصل والزفتة الطيارة ما انفجرتش يااااارب كده وأنا راكبها والواحد يعيييش شهيد
بس مش تنفجر ومموتش وانزل من لطيارة محروق واعيش مشوه
ههههههههه
ماشي يا مستفز ... انا ورااااكم ومش بقعد في جنب ولا ع الدكة; June 28, 2007 at 8:23 PM
sakayar said...: بيسوووووو

اهلا اهلا اهلا كمان مرة ... ازيكم عاملين ازااااي؟
احنا كده هنبدأ ناخد فلوس من الشركات دي ع الاعلانات اللي بنعملهالهم على بلوجاتنا ... عيش حياتك واروي عطشك ... التطور الطبيعي للحاجة الساقعة يا فندم ... وخلينا يا ستي ف خط الوسط لا دفاع ولا هجوووم; June 28, 2007 at 8:26 PM
جميله بو حريد said...: ليه تبقى جلاكسى وليه تبقى شيبسى بالطعم الطبيعى حتى

حاسه شويه ان مشكله البشر فى اعتقادهم ان الناس عارفه الصح من الغلط ولازم تعمله طبيعى وبنتضايق ونهرى ونقطع فى نفسنا ونقول هما مش بيفهمو ليه مش بيعملوا الصح ليه بيتهيالى لو اتأقلمنا مع الوضع بالعكس يعنى انك تقنع اتنين من عشره انت تعرفهم بحاجه كويسه هاتعتبر ده انجاز وتحس ساعتها بسعاده مش طبيعيه

ياريت نحاول نكلم الناس شويه بلغتهم نسيبنا شويه من النظريا ت و الفلسفات نخليها جاوانا ونعيش بيها بطريقه يفهمها اللى حو الين; June 28, 2007 at 10:10 PM
خمسة فضفضة said...: السلام عليكم ورحمة الله وبركاته

انا بقي آكل شيبسي واحلي بجلاكسي
ومافيش مانع من شوية بيبيسي وفي الاخر نديها صابونه لوكس علشان نحس باحساس الجمال; June 29, 2007 at 1:44 AM
Ana keda said...: هههههههههه
بوست حلو اوى وكومنتس بتاعتك تحفة
بس الشيكولاتة ليها وقتها اكيد والشيبسى بس خليه دوريتوس يعنى او
دانى الحبيبات جاية
لا بجد حلو موت وحلوة حتة صاحبك ضفره اتكسر والساحرة الشريرة دى
ههههههههههه
تحياتى عالمدونة الجامدةة
دى; June 29, 2007 at 2:53 PM
sakayar said...: جميلة بو حريد
ياريت نحاول نكلم الناس شويه بلغتهم نسيبنا شويه من النظريا ت و الفلسفات نخليها جاوانا ونعيش بيها بطريقه يفهمها اللى حو الينا

حاضر يا فندم بس أعرف لغاتهم إيه بس وأنا هتكلم على طوووول
شرفتينا; June 30, 2007 at 11:55 AM
sakayar said...: خمسة فضفضة
وعليكم السلام ورحمة الله وبركاته
ايه ده انتي بتاكلي صابون لوكس؟؟؟؟
مش قلت احنا هنقلبها فقرة اعلانية في انتظار المسلسل العربي الكئيب كل الحبايب ماتوا وسابوا الطفل في اللفة وجه الحصان وداس ع الواد
آه ده اسم المسلسل
ههههههههههه
شرفتينا; June 30, 2007 at 11:58 AM
sakayar said...: أنا كده
ماشي ماشي لو عاجبك كده فأنا كده بقى
شكرا بجد ده من زوقك بس
شرفتينابس كنتي استني كان فيه واحد هيعدي ع المعازيم بجلاكسي وكانزات
يلا بقى نصيبك

شرفتينا
سلالم; June 30, 2007 at 12:00 PM
اسكندراني اوي said...: احلى حاجه في الدنيا انك تكون موضوعي
لا مع هؤلاء ولا مع هؤلاء

ماينفعش تفضل حارق دمك على طول

وماينفعش تطريها على طول
دا رايي
واختلاف الراي لا يفسد للود بهيه; July 3, 2007 at 3:59 PM
sakayar said...: اسكندراني اوي
بموووووت في اسكندرية
ابقى موضوعك ازاي؟؟؟ هتكتب سيرتي الذاتية؟؟؟انا موافق بس هتدفع كااااام؟؟؟
شكرا ليك
تحياتي; July 3, 2007 at 4:15 PM
ftataljanna said...: ولا كده ولا كده

ومش هاقول لك خير الامور الوسط

بصراحة اللى يعيش راجل يموت راجل

والرجولة فى الللغة للذكر والانثى

فى المواقف الاولى لو كنت جالاكسي بصراحة تنتفى عنى اى صفة للرجولة ولو

شيبساوي في التانية فهابقى على راى عمود كده فى جريدة نسيت اسمها فشلنكى والمؤنث فشلنكية

انا مش عارفه بيجيبوا الالفاظ دى منين :)

هو فى المواقف الاولى تبقى شيبساوى وفى التانية تبقى جالاكسي بس

معادلة سهلة ومش محتاجة تظبيط

اصل انا كنت كيمياء :); July 12, 2007 at 5:05 AM
sakayar said...: فتاة الجنة
اذن نتيجة التصويت
موافقة
هههه
نسبية يعني ... اتفق معاكي
نورتينا وشكرا لمرورك; July 12, 2007 at 1:00 PM

واصبر نفسك

اللهم يا صاحبي عند شدتي
يا مؤنسي في وحدتي
يا حافظي في غربتي
ياوليي في نعمتي
يا كاشف كربتي
يا سامع دعوتي
يا راحم عبرتي
يا مقيل عثرتي
يا إلهي الحقيق
ويا ركني الوثيق
يا جاري اللصيق
ومولاي الشفيق
يارب البيت العتيق
أخرجني والمسلمين ومن سألنا الدعاء وسألناه الدعاء من حِلق الضيق إلى سعة الطريق
بفرج من عندك قريب وثيق
واكشف عنا كل شدة وضيق
واكفنا من السوء والأذى ما نطيق وما لا نطيق
اللهم إن لي أحبة في كل درب وصحبة
فاغفر لهم وأعنهم ويسر لهم أمر رشدٍ
يعبدوك لا يغفلون عن عبادتك ويرضون بما قسمته ويفرحون بقضاءك
اللهم لم تخذلني في نفسي فلا تخذلني فيهم أبداً
وصلى اللهم على نبينا محمد وعلى آله وصحبه وسلم