AL7AYAH: علاقات ...علاقات

.....أكثر من قول لا حول ولا قوة إلا بالله العلي العظيم,فإنها كنزمن كنوز الجنة..حديث صحيح......,ما أسفل الكعبين من الإزار فهو في النار..رواه البخاري والنسائي..,يا رسول الله أنهلك وفينا الصالحون؟؟..قال نعم ,إذا كثر الخبث (متفق عليه)..,الوالد أوسط أبواب الجنة..فإن شئت فأضع هذا الباب أو احفظه...,لا يدخل الجنة قاطع ..أي قاطع رحم..(متفق عليه)...,الحياء شعبةمن الايمان ..حديث صحيح..آية الإيمان حب الأنصار..وأية النفاق بغض الأنصار..(رواه البخاري)..من أشار إلي أخيه بحديدة فإن الملائكة تلعنه حتي ينتهي (رواه مسلم)...,سباب المسلم فسوق وقتاله كفر ..(متفق عليه)...,بحسب امرئٍ من الشر أن يحقر أخاه المسلم..(رواه البخاري ومسلم وأصحاب السنن)..ما تواضع أحد لله إلا رفعه ,وما زاد الله عبدا بعفوٍ إلا عزاً...,وتجد شر الناس ذا الوجهين..,الذي يأتي هؤلاء بوجه..وهؤلاء بوجه..(رواه البخاري ومسلم ومالك)...,ذمة المسلمين واحدة ,يسعي بها إدناهم.فمن أخفر مسلما فعليه لعنة الله والملائكة والناس أجمعين.لا يقبل الله منه يوم القيامة عدلاً ولا صرفاً..(رواه مسلم وغيره)...لو أنكم تتوكلون علي الله حق التوكل...لرزقكم كما يرزق الطير..تغدو خماصاً وتروح بطاناً..(رواه أحمد وصححه الألباني)....,إن الله تعالي يبسط يده بالليل ليتوب مسئ النهار..,ويبسط يده بالنهار ليتوب مسئ الليل..حتي تطلع الشمس من مغربها ...(رواه مسلم)...يقول الله-عزوجل- أخرجوا من النار من ذكرني يوماً أو خافني في مقام..رواه البيهقي والترمذي..وقال حديث حسن.....اتقوا الله..وصلوا خمسكم,وصوموا شهركم,وأدوا زكاة أموالكم,وأطيعوا أمراءكم..تدخلوا جنة ربكم..رواه الترمذي..وقال حديث حسن صحيح....,« . . . وهل يكب الناس على وجوههم أو على مناخرهم إلا حصائد ألسنتهم » [رواه الترمذي]....,« إن العبد ليتكلم بالكلمة ما يتبين فيها، يزل بها إلى النار أبعد مما بين المشرق والمغرب » [متفق عليه]....,«اللهم إني أسألك فعل الخيرات وترك المنكرات وحب المساكين،وإذا أردت في الناس فتنة فاقبضني إليك غير مفتون» أخرجه مالك والترمذي..,«ما من مسلم يصيبه أذى, من مرض فما سواه إلا حط الله به سيئاته كما تحط الشجرة ورقها» أخرجه البخاري ومسلم..,«لا يموتن أحدكم إلا وهو يحسن الظن بالله» أخرجه البخاري ومسلم...,«أعذر الله إلى امرئ أخر أجله حتى بلغ ستين سنة» أخرجه البخاري. أي لم يبق عذر لمن بلغ الستين من العمر...,«لا تقوم الساعة حتى تخرج نار من أرض الحجاز تضيء أعناق الإبل ببصرى» أخرجه البخاري ومسلم...,«يقبض الله الأرض يوم القيامة, ويطوي السماء بيمينه, ثم يقول: أنا الملك أين ملوك الأرض» أخرجه البخاري ومسلم...,«ما من صباح إلا وملكان يقولان: يا طالب الخير أقبل, ويا طالب الشر أقصر, وملكان موكلان يقولان: اللهم أعط منفقاً خلفاً, وأعط ممسكاً تلفاً» أخرجه البخاري مختصراً وأحمد..,إذا أراد الله بقوم عذاباً أصاب العذاب من كان فيهم, ثم بعثوا على نياتهم» أخرجه البخاري ومسلم..,« أول ما يقضى بين الناس يوم القيامة في الدماء» أخرجه البخاري ومسلم والنسائي والترمذي..,مثل الصلوات الخمس كمثل نهر جار غمر على باب أحدكم يغتسل منه كل يوم خمس مرات> رَوَاهُ مُسلِمٌ...,يتعاقبون فيكم ملائكة بالليل وملائكة بالنهار، ويجتمعون في صلاة الصبح وصلاة العصر، ثم يعرج الذين باتوا فيكم فيسألهم وهو أعلم بهم: كيف تركتم عبادي؟ فيقولون: تركناهم وهم يصلون وأتيناهم وهم يصلون> مُتَّفَقٌ عَلَيهِ...,من غدا إلى...,بشروا المشائين في الظلم إلى المساجد بالنور التام يوم القيامة> رَوَاهُ أبُو دَاوُدَ وَالتِّرمِذِيُّ...,من شهد العشاء في جماعة كان له قيام نصف ليلة، ومن صلى العشاء والفجر في جماعة كان له كقيام ليلة> قال الترمذي حديث حسن صحيح....,إن بين الرجل وبين الشرك والكفر ترك الصلاة> رَوَاهُ مُسلِمٌ...,إن أول ما يحاسب به العبد يوم القيامة من عمله صلاته، فإن صلحت فقد أفلح وأنجح، وإن فسدت فقد خاب وخسر، فإن انتقص من فريضته شيئاً قال الرب عز وجل: انظروا هل لعبدي من تطوع فيكمل بها ما انتقص من الفريضة؟ ثم تكون سائر أعماله على هذا> رَوَاهُ التِّرمِذِيُّ وَقَالَ حَدِيثٌ حَسَنٌ...,خير صفوف الرجال أولها وشرها آخرها. وخير صفوف النساء آخرها وشرها أولها> رَوَاهُ مُسلِمٌ...,أقيموا الصفوف، وحاذوا بين المناكب، وسدوا الخلل، ولينوا بأيدي إخوانكم، ولا تذروا فرجات للشيطان، ومن وصل صفاً وصله اللَّه، ومن قطع صفاً قطعه اللَّه> رَوَاهُ أبُو دَاوُدَ بإسناد صحيح....,عن عائشة رَضِيَ اللَّهُ عَنها أن النبي صَلَّى اللَّهُ عَلَيهِ وَسَلَّم كان لا يدع أربعاً قبل الظهر، وركعتين قبل الغداة. رَوَاهُ البُخَارِيُّ...,عن ابن عمر رَضِيَ اللَّهُ عَنهُما أنهما سمعا رَسُول اللَّهِ صَلَّى اللَّهُ عَلَيهِ وَسَلَّم يقول على أعواد منبره: <لينتهين أقوام عن ودعهم الجمعات أو ليختمن اللَّه على قلوبهم ثم ليكونن من الغافلين> رَوَاهُ مُسلِمٌ...,إذا دخل أهل الجنة الجنة يقول اللَّه تبارك وتعالى: تريدون شيئاً أزيدكم؟ فيقولون: ألم تبيض وجوهنا؟ ألم تدخلنا الجنة، وتنجنا من النار؟ فيكشف الحجاب، فما أعطوا شيئاً أحب إليهم من النظر إلى ربهم> رَوَاهُ مُسْلِمٌ...,إن في الجنة شجرة يسير الراكب الجواد المضمَّر السريع مائة سنة ما يقطعها> مُتَّفَقٌ عَلَيْهِ...,قال اللَّه تعالى: يا ابن آدم إنك ما دعوتني ورجوتني غفرت لك على ما كان منك ولا أبالي، يا ابن آدم لو بلغت ذنوبك عنان السماء ثم استغفرتني غفرت لك ولا أبالي، يا ابن آدم إنك لو أتيتني بقراب الأرض خطايا ثم لقيتني لا تشرك بي شيئاً لأتيتك بقرابها مغفرة> رَوَاهُ الْتِّرْمِذِيُّ وَقَالَ حَدِيْثٌ حَسَنٌ...,لا تخصوا ليلة الجمعة بقيام من بين الليالي، ولا تخصوا يوم الجمعة بصيام من بين الأيام إلا أن يكون في صوم يصومه أحدكم> رَوَاهُ مُسْلِمٌ.....,لا صلاة بحضرة طعام، ولا هو يدافعه الأخبثان> رَوَاهُ مُسْلِمٌ....,: <إذا دعا الرجل امرأته إلى فراشه فأبت فبات غضبان عليها لعنتها الملائكة حتى تصبح> مُتَّفَقٌ عَلَيْهِ....,لا تباشر المرأة المرأة فتصفها لزوجها كأنه ينظر إليها> مُتَّفَقٌ عَلَيْهِ.....,لا تسموا العنب الكرم؛ فإن الكرم المسلم> مُتَّفَقٌ عَلَيْهِ، وهذا لفظ مسلم....,(من أحدث في أمرنا هـذا مـا لـيـس مـنه فهـو رد ). متفق عليه...,عن أبـي رقــيـة تمـيم بن أوس الـداري رضي الله عنه ، أن النبي صلى الله عـليه وسـلم قـال :( الـديـن النصيحة )....,ما نهيتكم عنه فاجتنبوه ، وما أمرتكم به فأتوا منه ما استطعتم ، فإنما أهلك الذين من قبلكم كثرة مسائلهم واختلافهم على انبيائهم ). رواه البخاري ومسلم....,( دع ما يـريـبـك إلى ما لا يـريـبـك ).رواه النسائي والترمذي وقال حديث حسن صحيح...,( من حسن إسلام المرء تركه ما لا يعـنيه ) .حديث حسن ، رواه الترمذي وابن ماجه....,( لا يحل دم امرىء مسلم [ يشهد أن لا إله إلا الله ، وأني رسول الله ] إلا بـإحـدي ثـلاث : الـثـيـب الــزاني ، والـنـفـس بـالنفس ، والـتـارك لـد يـنـه الـمـفـارق للـجـمـاعـة ).متفق عليه..,( اتـق الله حيثما كنت ، وأتبع السيئة الحسنة تمحها ، وخالق الناس بخـلـق حـسـن ).رواه الترمذي وقال : حديث حسن ، وفي بعض النسخ : حسن صحيح ..,عـن أبي العـباس عـبد الله بن عـباس رضي الله عـنهما ، قــال : كـنت خـلـف النبي صلي الله عـليه وسلم يـوما ، فـقـال : ( يـا غـلام ! إني اعـلمك كــلمات : احـفـظ الله يـحـفـظـك ، احـفـظ الله تجده تجاهـك ، إذا سـألت فـاسأل الله ، وإذا اسـتعـنت فـاسـتـعـن بالله ، واعـلم أن الأمـة لـو اجـتمـعـت عـلى أن يـنـفـعـوك بشيء لم يـنـفـعـوك إلا بشيء قـد كـتـبـه الله لك ، وإن اجتمعـوا عـلى أن يـضـروك بشيء لـم يـضـروك إلا بشيء قـد كـتـبـه الله عـلـيـك ؛ رفـعـت الأقــلام ، وجـفـت الـصـحـف ).رواه الترمذي [وقال : حديث حسن صحيح إن مما أدرك الناس من كلام النبوة الأولى : إذا لم تستح فاصنع ما شئت ).رواه البخاري ...,( الطهور شطر الإيمان ، والحمد لله تملأ الميزان ، وسبحان الله والحمد لله تملأن – أو : تملأ – ما بين السماء والأرض ، والصلاة نور ، والصدقة برهان ، والصبر ضياء ، والقرآن حجة لك أو عليك ؛ كل الناس يغدو ، فبائع نفسه فمعتقها ، أو موبقها ..رواه مسلم ...,كل سلامى من الناس عليه صدقة كل يوم تطلع فيه الشمس تعدل بين اثنين صدقة ، وتعين الرجل فى دابته فتحمله عليها أو ترفع له عليها متاعة صدقة ، والكلمة الطيبة صدقة ، وبكل خطوة تمشيها إلي الصلاة صدقة ، وتميط الأذي عن الطريق صدقة ).رواه البخاري ومسلم...,: ( من رأى منكم منكرًا فلغيره بيده ، فإن لم يستطع فبلسانه ، فإن لم يستطع فبقلبه ، وذلك أضعـف الإيمان ).رواه مسلم ...,( لا تحاسدوا ، ولا تناجشوا ، ولا تباغضوا ، ولا تدابروا ، ولا يبع بعضكم على بيع بعض ، وكونوا عباد الله إخوانا ، المسلم خو المسلم ، لا يظلمه ولا يخذله ، ولا يكذبه ، ولا يحقره ، التقوى ها هنا ) ويشير صلى الله عليه وسلم إلى صدره ثلاث مرات – ( بحسب امرىء أن يحقر أخاه المسلم ، كل المسلم على المسلم حرام : دمه وماله وعرضه ).رواه مسلم ...,( إن الله تعالى كتب الحسنات والسيئات ، ثم بين ذلك ، فمن هم بحسنة فلم يعملها كتبها الله عنده حسنة كاملة ، وإن هم بها فعملها كتبها الله تعالى عنده عشر حسنات إلى سبعمائة ضعف إلى أضعاف كثيرة ، وإن هم بسيئة فلم يعملها كتبها الله عنده حسنة كاملة ، وإن هم بها فعملها كتبها الله عنده سيئة واحدة ).رواه البخاري ومسلم...,( كن في الدنيا كـأنـك غـريـب أو عـابـر سبـيـل ).وكـان ابـن عـمـر رضي الله عـنهـما يقول : إذا أمسيت فلا تـنـتـظـر الصباح ، وإذا أصبحت فلا تـنـتـظـر المساء ، وخذ من صحـتـك لـمـرضـك ، ومن حـياتـك لـمـوتـك ...رواه البخاري ...,( لا يؤمن أحدكم حتي يكون هواه تبعا لما جئت به ..حديث حسن صحيح ...,..سبحانك اللهم وبحمدك أشهد أن لا إله إلا أنت ..أستغفرك وأتوب إليك

Monday, June 11, 2007

علاقات ...علاقات

علاقات .... علاقات

برنامجنا النهاردة مش متغير علشان الديكور ولا الكاجوال اللي أنا لابسه

برنامجنا النهاردة متغير علشان انتو اللي قررتم فكرته ... وانتم اللي بتشاركوا فيه

اللعبة عاملة زي قاعدة الصراحة ... فاكرينها؟

لعبة غالبًا كنا بنلعبها في الرحلات والمصايف

كل يوم الصبح أقوم من ع السرير وبتبدأ اللعبة مع نفسي

المهم ، صحيت م النوووم وكان السؤال النهاردة عن العلاقات

والكلام عن العلاقات ... متهيألي الجروووب بتاعنا دااااس فيه أوي من مدارات ... لمين فينا الضحية ... لكلام لايف ما بين الجروووب وبعضيه .. لكن يمكن علشان أنا محصلش واتكلمت فيه قبل كده ... ولإن فيه شخص فتح معايا حوار عن العلاقات .. فكان لازم أبدأ أسأل وأفكر وادووووس ي الكلام ... وطييييب

الكلام اللي بيدوووور في دماغي هوه عبارة عن نقطتين ... نجاح وفشل

النجاح في إنك تبني علاقة ... مش بس ده النجاح ... لكن النجاح الأكبر ... إنك تقدر تنهي علاقة بنجاح ... يعني من غير ما تخسر احترام اللي أدامك ... ودي من الحاجات اللي بحبها جدا لإن مش كلنا بنقدر عليها ... مين فينا أنهى علاقة مع صديق أو زميل دراسة ... أو معرفة مصلحة حتى وأنهاها بطريقة تعطيلهم اننا لو اتقابلنا فـ سوبر ماركت .. أو في الشارع ... أو في اشارة مرووور نقف ونسلم على بعض وأخبارك وأهرامك وجمهوريتك؟؟؟

الفشل التاني أكيد معروووف ... وهوه الفشل في بناااء علاقة أساسا ... والفشل في إنهاء علاقة بطريقة محترمة .... فيه ناااس مش بتعرف من الأصل تبني علاقة مع اللي حواليها ..... ممكن نفسية ولا حاجة ... وفيه نااااس مبتعرفش تنهي علاقة أساسا مع حد عملت معاه علاقة ... سواء حب أو صداقة أو ... أو ... وفيه ناااس بتاخد العلاقات ...تيك أوااااي .... أصله خاااايف ليتعمق في العلاقة مع الآخرين وفي الآخر يصدمووووه زي اللي قبليهم ... وده اسمه فشل برضه

وفيه ناااس تالتة ... ودي اللي بسميها قمة الفشل ... إنك تنهي علااااقة مع حد وتفشل من إنك تسيب جسر تواصل ما بينكم يسمحلك انت وهوه إنكم لما تتقابلوا في الشارع او أو تسألوا عن بعض وتسلموا على بعض

فيه ناااس بتعمل علاقة بتطوووول 5 و 6 و 10 سنين ... وفـ يوم وليلة ... خلاص العلاقة دي انتهت ... إيه ده إزاي ... ده كانوا اكتر من اخوااات يا عم الحاج ... تبدأ تسأل ... تلاقي ده بيجييييب من تحت ... وده بيلعن تلاتين ده ... أمال إيه العلاقة اللي حصلت دي ... برجع بفلاااش باااك ويسامحني خوليو ... على حديث للرسول عليه الصلاة والسلام ... آية المنافق ثلاث ... وإذا خاصم فجر ... تلاقيه بيجييييب بقى ... وعملتله وعملتله وفي الآخر طلع وااااطي واداني على قفايا ... معنويا طبعا

المهم علشان مش بحب أطوووول في الكلام مع إني لوك لوك .... لما تصحى م النووووم اسأل نفسك ... انت تقدر تنجح في إنك تعمل علاقة مع حد ... وتنجح في إنك لو اضطريت لانهاء علاقة تنهيها بنجاااح برضه؟؟؟ ولا انتاااااااااااا؟؟؟

صباح الخير

37 comments:

Halawa said...: بسم الله الرحمن الرحيم

الإجابة الحمد لله لحد دلوقتي أقدر

وبالذات حتة سوبر ماركت
سيب خيط رفيع
على رأي اللي بيقولها
وده يمكن بيزعل الناس مني
ويحكموا عليا اني مليش عزيز
أو مزاجانجي
بس هي كده بشوفها
وادينا بنحاول

حلاوة تلاقيني
مشبك ايديني
هريسة في دنيا
بتنحل يـميني

فولية حياتي
وسـمسم آهاتي
جوزية جنايهة
تبسبس شتاتي

أفندي وباشا
وأدوب في البغاشة
قليط غصب عني
ماليش في الهشاشة

بموت في الكنافة
وأعيش ع القطايف
ألملم زبيبها
و عمري ما خايف

طابـخـها بإيدي
وماشية فـ وريدي
نقاوة الصـواني
دي صبحي وعيدي

أي خدمة وليدة التو
عارفك اذكى اخواتك هتفهم
هههههههههههه
سلاموووووووووون القماش; June 11, 2007 at 8:03 PM
sakayar said...: ماشي يا بتاع السم....سم; June 11, 2007 at 8:20 PM
عصفور المدينة said...: الحمد لله مع الزمن اكتسبت هذه المهارة
بس في معظم الأحيان بفلوس وتنازلات عشان أكون ماشي في الشارع مش أضطر ألف من اي شارع تاني أو حاجة زي كدة
بالعكس ناس دخلت معاهم في مشاكل مش علاقات ويذكرون عني ذكرى طيبة
أؤكد بتنازلات; June 11, 2007 at 10:26 PM
Unknown said...: شوف بقه انت خوفتنى من النوم بسبب خايف أصحى منه ع سؤال من بتوعك دول ، طبعا الموضوع ده مهم جدا و الغريب اننا كلنا حنتفق معاك ان ده بيحصل ف علاقتنا و بصراحة صعب جدا انهاء علاقة بالشكل الجميل اللى انت عاوزه انا معرفتش اكيد لى دور ف ده بس اللى عاوز أقوله انى لم انهى علاقة اصلا من عندى لكن نا أقولكش بقه بطلت ادخل سوبر ماركت لاحسن أقابل حد; June 12, 2007 at 3:04 AM
3ashe2elro7 said...: دى بحر واسع
كل واحد له فلسفته الخاصه فيها
علشان تبقى كويسه حتى لو انتهت لازم يبقى فيها الاحترام المتبادل بين الطرفين
يوم ما الاحترام ده ينتهى يبقى قول ع الدنيا السلام
و على رأى المثل
يا رايح كتر من الفضايح
ساعتها هيقول خربانه خربانه يبقى اتعب نفسى و ابقى على ايه
ده منطق الواطى اللى لا بيحترم نفسه و لا بيحترم غيره
ببساطه اللى قدامى ده هيعمل ايه لو اتبدلت الأدوار ؟؟؟
تصدق اساسا انه مفيش قاعده ثابته
معتش فيه ثوابت يا ريس نتعامل ونتصرف على اساسها
الدنيا بقت الوان فوشية على رمادى
دع الخلق للخالق
اللى تحسبه عبيط يطلع حويط و اللى تحسبه موسى يطلع فرعون
و اللى تمده له ايدك بالخير يعضها و يديك بالجزمة
ومع ده كله لازم تتعايش
بص هيه قلبت دراما و دموع معايا الحق اخلع كفاية كده; June 12, 2007 at 3:42 AM
3ashe2elro7 said...: بس المهم انك مع ده كله تقدر تتعايش; June 12, 2007 at 3:42 AM
دكتور مستكنيص said...: والله ياسكايار أنا شايف إن غالبية الناس من النوع اللي مبيعرفش ينهي علاقة وده مش لازم يكون عيب لأننا شعب علي نياته يابيحب أوي يابيكره أوي لكن المشكلة فعلا مش في ازاي تبني علاقة انما ليه تنهي علاقة لأن ياما علاقات انتهت بمنتهي الهيافة والسطحية ولمجرد ان الاتنين ميتكلموش مع بعض وكل واحد يطلع للتاني اللي جواه تلاقي واحد بسبب حاجة جواه او حاصلاله يفسر تصرف بسيط ليك انه حاجة كبيرة ويعملك فيها شهيد ويبدأ ياخد موقف وطبعا التاني بياخد موقف كرد فعل علي موقف ده وهوب تلاقيث العلاقة بوم لأن مفيش حد بيسمع للتاني ولا فيه حد بيشوف أخطاءه
كل اللي بنشوفه أخطاء اللي قدامنا وده بيبقي في فترات بيبقي الشخص فيها متربص بالشخص اللي قدامه يااما عدم ارتياح يااما لله في لله ويبقي عاوز يطلع مبرر منطقي لاحساسه ده عشان ميتعراش قدام نفسه وهوب مايصدق يمسك في حاجة ماهو علي راي المثل عدوك يتمنالك الغلط; June 12, 2007 at 7:20 PM
dew_bright said...: حلوة الدنيا ؟؟
حــــــلـــــــوة

حلوة بس ؟؟

حلوة و زى الزفت الحمدلله ... على راى الشاعر..الدنيا متفاته

وكله بسبب أم العلاقات دى الله يسهلها

دعوه لكل مواطن أنه يححد علاقاته ويشل ألتزاماته; June 14, 2007 at 1:54 AM
sakayar said...: عصفور المدينة

شفت انت قلت ايييه.... بالفلووووس ...وهوه ده اللي بعاني منه ...بس مش دايما فلوس ... بتبقى نظام فلان عايز يتحط فـ مستوى كذا ... اعطيه اللي هوه عايزه وهوه عندك تحت الجزمة ... وهكذا
يقابلك في الشارع ... باشاااا اخبار اهرام ... بس ده مش النجاح ... انا نفسي في النجاح الحقيقي الاحترام الحقيقي اللي بيستمر بعد انتهاء العلاقات وده نادر جدا; June 14, 2007 at 3:39 PM
sakayar said...: new image
شوف بقه ... متخافش لإني مش بقدم افلام رعب
يعني ايه الغريب انكو كلكوا هتتفقوا معايا ... انتشايفني بشد ف شعري قبل كده ولا بحدف الناس بالطوب ... ماشي يا مستر ماشي
مسألة انك ما انهيتش العلاقة من عندك مع حد ... هل ده لإن مفيش حد استحق انك تنهي علاقتك بيه؟؟؟ ولو كان كده يبقى ليه سمحت بإنهم ينهوا هما علاقتهم بيك .. يمعناها إن الناس دي عندك ناس مش مهمة ... يبقى ليه بدأت معاهم علاقات أساسا؟؟؟ كام سؤال ع الماشي أهم لما تصحى م النووم ابقى رد عليهم ...ههههه
سلالم; June 14, 2007 at 3:43 PM
sakayar said...: عاشق الروح

هيه مش مسألة تعايش يا عاشق ... لو ع التعايش الواحد غصب عنه بيجبر نفسه إنها تتعايش مع أي وضع وإلا هينفجر ... لكن هيه الفكرة الوصول للأفضل ... يعني لو اقدر أنهي علاقة بسلام ليه أنهيها وأنا كاره البشرية؟؟؟
وحتة تبادل الأدوار او الأماكن علشان نشوف هنتصرف ازاي ... دي اكتر حاجة بفكر فيها وانا بنهي علاقة مع حد ... لكن كونك قررت تنهي العلاقة بتبقى بتضرب بالجزمة ... وهي دي نقطة الفشل اللي بتكلم فيها; June 14, 2007 at 3:48 PM
sakayar said...: مستكنيص
واحشني حقيقي واحشني بصحيح
متفق معاك بإن النقطة الأولى في الكلام هيه احنا ليه ننهي علاقة من الأصل ... لكن برضه بيتبعها مسألة ضبط النفس انك تتقبل انهاء العلاقة وكإنك ما انهيتهاش ... انت فاهم حاجة؟؟؟ اصل انا مش فاهم
لما نتقابل نبقى نتفاهم يا عم

سلالم; June 14, 2007 at 3:50 PM
sakayar said...: ديووووووووو برااااااااااااااااايت
ايه يا عم ؟؟؟ انا زعلتك ؟؟؟ انا جيت جنبك ياعم؟؟؟
ليه كيتشه؟؟؟
ما هو طبيعي الواحد ميبقاش فاتحها ع البحري يا ديو وعلشان كده لازم يبقى الاختيار م الأول اختيار برفكت علشان منتصدمش بعد ما تكون العلاقة بيننا وبين الناس وصلت لدرجة منقدرش فيها نتحمل الفراق أو الضرب بالجزمة لبعض .....ههههه
روق انت بس ومتزعلش نفسك .... جمد قلبك; June 14, 2007 at 3:54 PM
Menas said...: سكاياار واسئلته
منك له
بص يا سيدي بقى
حكايه انك تسيب خط رفيع بينكم مش متوقفه على طرف واحد من العلاقه
لا دى بتتطلب ان الطرفين يعملوا كده مع بعض
مش عارفه اوصلهالك ازاي

تعرف المشكله الحقيقه فى ايه انك حتى لما بتنهى العلاقه مبتقدرش تنسى الطرف لاخر مههما كان قال او عمل فيك
اوحتى لما بتحاول تقطع

انا عن نفسي بعرف الى حد ما ابنى علاقات والحمدلله فى منها الناجح وفى اللى فشل

بس برضه حكايه انك تبنى علاقه بتتوقف برضه على الطرف الاخر
الله يولع فى الطرف الاخر
قول امين
بس طبعا مش فى كل الاطرف الاخرى
واخد بالك طبعا
(
انا بضحك معاك كركركركر

لوحبيت ازود كلام فى الموضوع ده هبقى اعدي تانى واتكلم; June 15, 2007 at 1:10 AM
Anonymous said...: انا كان عندي راي وهو
اني ازاي اقدر اقول ان العلاقه دي انتهت يعني في علاقات وناس تعيش معهم سنين تاكلواو حلم واحد ونبض واحد والكلام الحمصني ده بس في الحقيقه العلاقه بينكم خالصانه من زمان لانه مفيش وجه نظر مشتركه مفيش حاجه بينا كل واحد مستعد يجي على نفسه علشان التاني
يعني العلاقه بالنسبلي ممكن تكون انتهت وبالنسبه الطرف التاني لسه وعايش هو في الوهم وبيبني حاجات في عالمه الوهمي ويقولك انا ضحيه الحب ومش عارفه ايه وفي الحقيقه انه ضحية وهمه ونفسه
فكره الخيط الرفيع اويدها وبشده رغم اني حد من الناس ساعات بيشوفهاحاجه صعبه جدا
المهم يعني بصراحه موضوع انك تفهم الناس صعب اوي وان فهمتهم يبقى صعب اوي ترضيهم وان رضتهم تحس انك في نظر نفسك مش كويس لانك بتحس انك بتضحك على اللي قدامك عشان تعدي الليله المهم ان اهم حاجه تحل الموضوع ده فكره اني انا انظف منك العفو عند المقدره واني بعامل ربنا مش الناس بس; June 16, 2007 at 12:26 AM
Anonymous said...: فيه فرق بين إنك عايز تنهي العلاقة مع واحد لأنه معدش منه فايدة
أو عايز تحددها معاه لأنه بيضيع وقتك بس متنهيهاش لأنه ميخلاش من فايدة بعدين
في الحالات دي سهل تنهيها أو تحددها، تنهيها خالص لو عايز، أو تسيب حبل الود موصول شكليا قابل للامتداد بعدين، وممكن يطلع محترم -ناس بتسميه غلبان- ويفهم ومع ذلك تلاقيه لما تعوزه رغم إنه فاهم تماما كل اللي حصل

لكن ده فشل مقنع، انت بنيت علاقة ولما معدش صاحبك عالمود بتاعك عملت تقنين للعلاقة عشان تتوافق مع الوضع الجديد، وبالتالي انت نجحت على المدى القصير وفشلت فشل جزئي على المدى الطويل

بس الفشل ده أحيانا بيكون أسوأ من الفشل الكلي، لأن الفشل الكلي في بناء العلاقة مبيزعلش حد -انت مش صاحبه ولا هو صاحبك لسة عشان يحصل تأثر حقيقي- ولكن الفشل الجزئي ده -وإن بيسيب خيط من العلاقة موجود شكليا- ولكنه شيء حصل بينك وبين واحد كان صاحبك وكنت صاحبه وبالتالي لازم يكون له أثر، سواء كان كبير أو صغير وسواء لاحظته أو ملاحظتوش -وفي الغالب مش هيسيبك تلاحظه لأنه مش هيحسسك إنه غرقان من غيرك يعني هو عنده كرامة برده- فالأثر موجود
واللي يفكر إنه ناجح جدا في تحديد العلاقة مع صاحبه من غير تأثير بيكون محدود التفكير، أو محدود الملاحظة، وغالبا محدود الاتنين مع بعض
وسلملي على الحاج محدود زكريا محدود; June 17, 2007 at 3:38 AM
sakayar said...: بهرام المجهووووول
يعني علشان افهم كلامك ده دخلت قريته اربع مرات
يا عم بالراحة علينا شوية ... احنا برضه على أدنا
بس كلامك موزون موزون يعني مفيهوش كلام
حسيت في الأول انك بتهزأني وشايف اني بعيد عن الشلة علشان سبب من الاسباب دي ... لكن في الآخر قلت بلاش تحاليل خليها للأسيوطي هوه بتاع علوم
بجد داخل دماغ التعليق ده أوي ... بس صعب الفهم; June 18, 2007 at 1:42 PM
sakayar said...: ONE TRUE THING
أولا سامحني يا ون إني مرديتش على تعليقك في الأول ...لكن كنت عايز ألحق أرد على بهرام قبل ما اللي فهمته يطير من دماغي
ثانيًا بقى أرد على سعادتك ... احم احم
شعارات الصداقة ... والعواطف ... اللي انتي سميتيها الكلام الحمصاني ده ... للأسف بوافقك عليها .. آه للأسف ... اتعملت من زمان اوي إني أبطل أتعامل برومانسية ساذجة ... العواطف لواحدها مش كفاية ...لو قعدت مرة واتنين وتلاتة وعشرة ادي اللي أدامي باسم الصداقة والحب وجيت في مرة واحدة بس طلبت منه حاجة ومعملهاش هتضايق جدا ويمكن اجيبله دفتر القديم والجديد وعملتلك وعملتك وبره وجوه فرشتلك وانت ترررم ...العاطفة دايمًا بتخلي الانسان حساس زيادة عن اللزوم ... اسألي حلاوة وهوه يقولك انا كنت غبيأد إيه في التعامل مع الناس وهوه برضه كان كده ... كنا من أقل حاجة بنتضايق ..لإننا كنا ممشينها عواطف ... لكن لما تبدأ تتعامل بالعقل مع العاطفة ... هتقدر تقول آه وجودي مع فلان ده صح و هيطلعني لفوق خطوة ... ولا غلط وهينزلني لتحت ... وده جزء من تعليق بهرام ...حتة انضف بقى من أزبل ... طالما انت بتتعامل زي ما بتقول مع ربنا مينفعش تقول أنا أحسن من أو ده أوحش ... لأ اتعامل مع ربنا وماتقولش حاجة علشان تاخد الثواب بجد ...ما انا ياما اتعاملت مع الناس على إنهم تحت جزمتي .. مع العلم بإنهمبالطريقة دي عرفت أخليني قريب منهم ... لكن عمري ما احترمتهم لإنهم في الأول وفي الآخر تحت جزمتي
لكن طالما كبرنا واتعلمنا في الدين وقلنا نتعامل مع ربنا مش مع الناس ... فخلينا بالجملة التانية اللي قلتيها ... العفو عند المقدرة ... وخد شوية عليك بس مش شوية كتير

تحياتي; June 21, 2007 at 12:52 PM
عصفور المدينة said...: This comment has been removed by the author.; June 22, 2007 at 8:08 PM
عصفور المدينة said...: اللي انا قلته يا ساكايار
إني بقليل من التنازلات وأغلبها مادي يترك أثر احترام لدى الناس فعلا ﻷن أصل الصفات الجالبة للاحترام موجودة ولا مش باين علي
:)
بس الناس بيكون عندها أجندات أخرى في أولويات الاحترام فانت بتظبطها بالتنازلات المادية ويتبقى أصل الاحترام على الصفات الحقيقية
تحياتي بس مش عارف ليه باحس انك مصمم اني أخطفك; June 22, 2007 at 9:57 PM
3ashe2elro7 said...: ابووونا الحاج المجهووول
اسمحلى اعلق على ردك
و حتى لو مسمحتش فاقول اللى انا عايزه برده
كلامك زى الفل ولو ده حصل معاك يبقى انت راجل برده زى الفل و الناس دى عيال واطيه بس عندى كام سؤال هارشين دماغى

طول ما انت تعرف الناس دى كنت شامم ريحه الوطينه دى ولا حصلت اذ فجأتن ؟

ليه لما الناس تنشغل يبقى معاهم عذر و لما غيرهم ينشغل تبقى الامور اللى شاغلاهم تافهه و عاملين اعمامنا المهمين ؟

لا مؤاخذه يا عم الحاج الناس بتختلف فى تحديد الأولاويات بتاعتهم وكمان الظروف و الدنيا بتحكم

بشوفها اجابة على سؤال واحد بس سهل وبسيط لو انا احتجت الناس دى و من غير مقابل و مفيش من ورايا فايده وهم فى ايديهم يساعدونى هيساعدونى ولا ينفضوا

لو الصحوبيه كانت علشان الموود ماشى مع بعضه يبقى كانت تقضيه وقت مش صحوبيه

لو شايف ان الناس دى عايزه تبقى على الصحوبيه علشان لو المصلحه حكمت يبقى اقطع انت الخيط و معلكش ملام; June 23, 2007 at 10:26 AM
•«ρяoιd»•™ said...: صديقاً لي سوف اهجره
لسببِ لست اذكره

و صحيت الصبح في يوم م النوم
لقيت الدنيا هموم و غيوم
قررت اسيب حالي لحالي
و البعد قرار و علينا مقسوم

تحياتي; June 23, 2007 at 4:46 PM
sakayar said...: عصفور المدينة
تحياتي للمرة التانية ... واخطفني بس متحطش أمل على الفدية لإن فيه ناس كتير ما هتصدق تخلص مني; June 23, 2007 at 7:13 PM
sakayar said...: عاشق الروح
اللي المفروض يرد عليك هوه المجهول مش أنا
ووجهة نظرك أنا احترمها ... بس زي ما انا كنت بقولك ... هوه الموقف الواحد يخليني أبدأ أصدر أحكام ع الناس ... ولا يخليني أبدأ أحط الموقف ده في الاعتبار لما آجي أحكم على الناس ... ولا أعتبره غلط ومش هيتكرر; June 23, 2007 at 7:15 PM
sakayar said...: PRoid

إيه ده يا عم ده ... لأ أنا مقدرش على كده
صحيت الصبح فـ يوم م النوم
لقيت سي برويد كاتب تعليق
فقلت صباحو حلو اليوم
ولا أعرف أرد رد يليق

تحياتي; June 23, 2007 at 7:18 PM
عصفور المدينة said...: ليكن معلوما لدى كل من اﻷخ سكايار وروميو
إن الناس اللي أنا باخطفهم مش باحط لهم أكل ولا شرب إذا كنت منظر على حاجة; June 23, 2007 at 11:48 PM
نقطة مية said...: مممممم
بس مفيش علاقة بتنتهي بطريقة كويسة الا لو الطرفين متفاهمين..و اذا كانوا متفاهمين يبقى تنتهي ليه اصلا...
موضوعك بحر بصراحة
تحياتي; June 25, 2007 at 5:18 AM
Anonymous said...: والله عايزة أقولك كلامك دوبنى يا سى رشيد على رأى سفاجا ف فيلم خالتى فرنسا..
انا فعلا دماغى شغالة من ساعة ما خلصت قراية ف موضوعك..المهم..
دلوقتى ياما علاقات بتنجح و ياما غيرها كتيير بيفشل بس زى مانت قلت انك تنهيها صح عشان تفضل على علاقة كويسة بالناس كلها لأطول فترة ممكنة حتى لو فى بيننا خلاف,و ده اللى بيتعلمه الناصح اللى بيبص لقدام من الدنيا..
حاكم الدنيا دى طول ماحنا عايشين فيها بتعلمنا والناصح المفتح هوه بس اللى بيستفيد و يتعلم و مبيبصش تحت رجليه و ينهى علاقة مدى الحياة و بعد كده لما يحب يغير رأيه أو يحتاج للشخص ده ياخد على قفاه زى مانت قلت..
مش معنى كلامى ان جميع العلاقات تكون مبنيه أساسا على المصلحه لكن تكون مبنيه على صفات مشتركة عشان ينفع تستمر لأطول وقت.بس كده و يارب ماكونش نسيت أقول حاجه.سلام; June 26, 2007 at 9:29 AM
Bhram said...: طول ما انت تعرف الناس دى كنت شامم ريحه الوطينه دى ولا حصلت اذ فجأتن ؟
الوطنية دي اللي فيها ألف مد بعد الطاء؟ لأ، ولو من غير ألف المد برده لأ

ليه لما الناس تنشغل يبقى معاهم عذر و لما غيرهم ينشغل تبقى الامور اللى شاغلاهم تافهه و عاملين اعمامنا المهمين ؟
وهو انت مفكر إني مبهزأش غيرك، مانا ياما طحنت ناس عشان مبتجيش قدامك ومن وراك، واللي تلاقيني مبطحنوش يبقى علاقتي بيه مش زيك
مش عايزة واحد نبيه زيك يسأل

لا مؤاخذه يا عم الحاج الناس بتختلف فى تحديد الأولاويات بتاعتهم وكمان الظروف و الدنيا بتحكم
عموما، بعدين هتعرف مين اللي بيطحنك في وشك وممكن يكون الوحيد اللي بيعذرك من ورا ضهرك ويمكن لما تتعامل مع ناس اكتر من كده تقابل ناس تعذرك في وشك والله أعلم هيعملوا إيه من ورا ضهرك

لو الصحوبيه كانت علشان الموود ماشى مع بعضه يبقى كانت تقضيه وقت مش صحوبيه
نبقى متفقين

لو شايف ان الناس دى عايزه تبقى على الصحوبيه علشان لو المصلحه حكمت يبقى اقطع انت الخيط و معلكش ملام
أنا مش واطي، وعلى فكرة معرفش أكون واطي، بس ياريت متفتنش عليا في الموضوع ده عشان محدش يستغلني

بس السؤال اللي هرشني انا ومفهمتوش، ليه انت وسكايار خدتم الموضوع على إنه عليكم انتم؟
يمكن تفكرني بستعبط لو قلتلك مفهمتوش، بس فيه بعد معين محطيتوش في السؤال ولو مظهرش لوحده فمش هبينه أنا; June 27, 2007 at 2:43 AM
3ashe2elro7 said...: بهرام

انا اقصد بالناس اللى شايفه ان انشغال الناس بحاجه و شايفه الحاجه دى تفاهه مش انت مقصدكش انت

ويمكن طول عمرى مش بزعل من حد لما يعتب انى بغيب او كده لانى لو مش حاجه عنده هينفضنى واكيد الراجل ده لما يعتب على الناس يبقى بيعز الناس دى برده و مفهومه و الله يا باشا

لمست يمكن علشان الموضوع كان مفتوح من كذا حد و بطريقه انت عارفها كويس فعادى ممكن اعتقاد انك داخل تقول بطريقه نتيه بحته; June 27, 2007 at 3:33 AM
sakayar said...: rodrigo

danke
Höflichkeit verdünnen; June 27, 2007 at 12:39 PM
sakayar said...: Queen eraser
حاكم الدنيا دى طول ماحنا عايشين فيها بتعلمنا والناصح المفتح هوه بس اللى بيستفيد و يتعلم و مبيبصش تحت رجليه و ينهى علاقة مدى الحياة و بعد كده لما يحب يغير رأيه أو يحتاج للشخص ده ياخد على قفاه زى مانت قلت
اذن .... التصويت بيقووول موافقة
تحياتي وشرفتيني بوجودك; June 27, 2007 at 12:42 PM
sakayar said...: bhram
بس السؤال اللي هرشني انا ومفهمتوش، ليه انت وسكايار خدتم الموضوع على إنه عليكم انتم؟
ببساطة وانا عندك سألتك هوه انت قصدت بالكلام بتاعك ده تعليق ولا كنت بتهزأنا فقلنت لأ هوه منه تعليق ومنه كنت بلأح بالكلام
فأنت اللي قلت انك بتلأح بالكلام مش انا
أما باقي الموضوع فدي تعليقات بينك وبين عاشق; June 27, 2007 at 12:45 PM
sakayar said...: عاشق الروووح
مش بزعل من حد لما يعتب انى بغيب او كده لانى لو مش حاجه عنده هينفضنى واكيد الراجل ده لما يعتب على الناس يبقى بيعز الناس دى برده و مفهومه و الله يا باشا
موافقة; June 27, 2007 at 12:50 PM
Bhram said...: انا اقصد بالناس اللى شايفه ان انشغال الناس بحاجه و شايفه الحاجه دى تفاهه مش انت مقصدكش انت

أنا مكنتش بتكلم عن نفسي، أنا بقولك عموما خلي نظرتك أعمق يمكن الموضوع مش زي مانت شايفه، عموما.

ببساطة وانا عندك سألتك هوه انت قصدت بالكلام بتاعك ده تعليق ولا كنت بتهزأنا فقلنت لأ هوه منه تعليق ومنه كنت بلأح بالكلام
أنا بسأل انت ليه جيت تسأل أساسا؟ إيه اللي حسسك إن الموضوع ممكن يكون عليك، لأن أنا متهيألي عارف إنك سألتني مش عايزة نباهة يعني; June 30, 2007 at 1:32 AM
sakayar said...: بهرام تاني وتالت ورابع
ماشي يا ابو النباهة
انتهت المناقشة; July 2, 2007 at 1:56 PM
Anonymous said...: وأخيرا
أحب أنهي كلامي عن العلاقات ومسألة نجاح أو فشل العلاقة بالتالي
هوه رأي مشابه لرأي بهرام شوية في حتة إن فشل العلاقة بيبدأ من كونك بدأت تفكر تنفصل عن الآخر أو بدأت فكرة الانفصال يعني
وكلامي على النجاح كنت أقصد بيه إن فيه فشل بالفعل لكن مش عايزينه يبقى فشل ذريع ... لأ ممكن نقفل الفشل ده بنجاح ... إنه يبقى فيه فرصة أخيرة موجودة دايمًا للطرفين إنهم ممكن فـ يوم يرجعوا لبعض كأصدقاء أو زوجين أو ... أو فمتبقاش النهاية ملعوبة بدورالشر ... دي نقطة
النقطة التانية إن الموقف نفسه هوه اللي بيحدد والمسألة بتبقى مسألة موقف يعني الموقف هو اللي هيخليني أتعامل إزاي في قفلة النهاية ... لو الشخص يستاهل إني أبقي على علاقته أو أديله فرصة تانية بعد فترة من الزمن أو إني أقبل أتعامل معاه بعد كده ... فليه لأ؟؟؟
وإن كان الشخص يستاهل إني أحطه تحت جزمتي وأدوس عليه وأقول ده آخره معايا ... فـ ليه لأ؟؟؟
المهم في الحكمين أكون واثق بإن القرار ده سليم وأقدر أتحمل عواقبه بعد كده
تحياتي ليكم كلكم
سلالم; July 2, 2007 at 2:04 PM

واصبر نفسك

اللهم يا صاحبي عند شدتي
يا مؤنسي في وحدتي
يا حافظي في غربتي
ياوليي في نعمتي
يا كاشف كربتي
يا سامع دعوتي
يا راحم عبرتي
يا مقيل عثرتي
يا إلهي الحقيق
ويا ركني الوثيق
يا جاري اللصيق
ومولاي الشفيق
يارب البيت العتيق
أخرجني والمسلمين ومن سألنا الدعاء وسألناه الدعاء من حِلق الضيق إلى سعة الطريق
بفرج من عندك قريب وثيق
واكشف عنا كل شدة وضيق
واكفنا من السوء والأذى ما نطيق وما لا نطيق
اللهم إن لي أحبة في كل درب وصحبة
فاغفر لهم وأعنهم ويسر لهم أمر رشدٍ
يعبدوك لا يغفلون عن عبادتك ويرضون بما قسمته ويفرحون بقضاءك
اللهم لم تخذلني في نفسي فلا تخذلني فيهم أبداً
وصلى اللهم على نبينا محمد وعلى آله وصحبه وسلم