AL7AYAH: الحب ... فعل ولا رد فعل؟؟؟

.....أكثر من قول لا حول ولا قوة إلا بالله العلي العظيم,فإنها كنزمن كنوز الجنة..حديث صحيح......,ما أسفل الكعبين من الإزار فهو في النار..رواه البخاري والنسائي..,يا رسول الله أنهلك وفينا الصالحون؟؟..قال نعم ,إذا كثر الخبث (متفق عليه)..,الوالد أوسط أبواب الجنة..فإن شئت فأضع هذا الباب أو احفظه...,لا يدخل الجنة قاطع ..أي قاطع رحم..(متفق عليه)...,الحياء شعبةمن الايمان ..حديث صحيح..آية الإيمان حب الأنصار..وأية النفاق بغض الأنصار..(رواه البخاري)..من أشار إلي أخيه بحديدة فإن الملائكة تلعنه حتي ينتهي (رواه مسلم)...,سباب المسلم فسوق وقتاله كفر ..(متفق عليه)...,بحسب امرئٍ من الشر أن يحقر أخاه المسلم..(رواه البخاري ومسلم وأصحاب السنن)..ما تواضع أحد لله إلا رفعه ,وما زاد الله عبدا بعفوٍ إلا عزاً...,وتجد شر الناس ذا الوجهين..,الذي يأتي هؤلاء بوجه..وهؤلاء بوجه..(رواه البخاري ومسلم ومالك)...,ذمة المسلمين واحدة ,يسعي بها إدناهم.فمن أخفر مسلما فعليه لعنة الله والملائكة والناس أجمعين.لا يقبل الله منه يوم القيامة عدلاً ولا صرفاً..(رواه مسلم وغيره)...لو أنكم تتوكلون علي الله حق التوكل...لرزقكم كما يرزق الطير..تغدو خماصاً وتروح بطاناً..(رواه أحمد وصححه الألباني)....,إن الله تعالي يبسط يده بالليل ليتوب مسئ النهار..,ويبسط يده بالنهار ليتوب مسئ الليل..حتي تطلع الشمس من مغربها ...(رواه مسلم)...يقول الله-عزوجل- أخرجوا من النار من ذكرني يوماً أو خافني في مقام..رواه البيهقي والترمذي..وقال حديث حسن.....اتقوا الله..وصلوا خمسكم,وصوموا شهركم,وأدوا زكاة أموالكم,وأطيعوا أمراءكم..تدخلوا جنة ربكم..رواه الترمذي..وقال حديث حسن صحيح....,« . . . وهل يكب الناس على وجوههم أو على مناخرهم إلا حصائد ألسنتهم » [رواه الترمذي]....,« إن العبد ليتكلم بالكلمة ما يتبين فيها، يزل بها إلى النار أبعد مما بين المشرق والمغرب » [متفق عليه]....,«اللهم إني أسألك فعل الخيرات وترك المنكرات وحب المساكين،وإذا أردت في الناس فتنة فاقبضني إليك غير مفتون» أخرجه مالك والترمذي..,«ما من مسلم يصيبه أذى, من مرض فما سواه إلا حط الله به سيئاته كما تحط الشجرة ورقها» أخرجه البخاري ومسلم..,«لا يموتن أحدكم إلا وهو يحسن الظن بالله» أخرجه البخاري ومسلم...,«أعذر الله إلى امرئ أخر أجله حتى بلغ ستين سنة» أخرجه البخاري. أي لم يبق عذر لمن بلغ الستين من العمر...,«لا تقوم الساعة حتى تخرج نار من أرض الحجاز تضيء أعناق الإبل ببصرى» أخرجه البخاري ومسلم...,«يقبض الله الأرض يوم القيامة, ويطوي السماء بيمينه, ثم يقول: أنا الملك أين ملوك الأرض» أخرجه البخاري ومسلم...,«ما من صباح إلا وملكان يقولان: يا طالب الخير أقبل, ويا طالب الشر أقصر, وملكان موكلان يقولان: اللهم أعط منفقاً خلفاً, وأعط ممسكاً تلفاً» أخرجه البخاري مختصراً وأحمد..,إذا أراد الله بقوم عذاباً أصاب العذاب من كان فيهم, ثم بعثوا على نياتهم» أخرجه البخاري ومسلم..,« أول ما يقضى بين الناس يوم القيامة في الدماء» أخرجه البخاري ومسلم والنسائي والترمذي..,مثل الصلوات الخمس كمثل نهر جار غمر على باب أحدكم يغتسل منه كل يوم خمس مرات> رَوَاهُ مُسلِمٌ...,يتعاقبون فيكم ملائكة بالليل وملائكة بالنهار، ويجتمعون في صلاة الصبح وصلاة العصر، ثم يعرج الذين باتوا فيكم فيسألهم وهو أعلم بهم: كيف تركتم عبادي؟ فيقولون: تركناهم وهم يصلون وأتيناهم وهم يصلون> مُتَّفَقٌ عَلَيهِ...,من غدا إلى...,بشروا المشائين في الظلم إلى المساجد بالنور التام يوم القيامة> رَوَاهُ أبُو دَاوُدَ وَالتِّرمِذِيُّ...,من شهد العشاء في جماعة كان له قيام نصف ليلة، ومن صلى العشاء والفجر في جماعة كان له كقيام ليلة> قال الترمذي حديث حسن صحيح....,إن بين الرجل وبين الشرك والكفر ترك الصلاة> رَوَاهُ مُسلِمٌ...,إن أول ما يحاسب به العبد يوم القيامة من عمله صلاته، فإن صلحت فقد أفلح وأنجح، وإن فسدت فقد خاب وخسر، فإن انتقص من فريضته شيئاً قال الرب عز وجل: انظروا هل لعبدي من تطوع فيكمل بها ما انتقص من الفريضة؟ ثم تكون سائر أعماله على هذا> رَوَاهُ التِّرمِذِيُّ وَقَالَ حَدِيثٌ حَسَنٌ...,خير صفوف الرجال أولها وشرها آخرها. وخير صفوف النساء آخرها وشرها أولها> رَوَاهُ مُسلِمٌ...,أقيموا الصفوف، وحاذوا بين المناكب، وسدوا الخلل، ولينوا بأيدي إخوانكم، ولا تذروا فرجات للشيطان، ومن وصل صفاً وصله اللَّه، ومن قطع صفاً قطعه اللَّه> رَوَاهُ أبُو دَاوُدَ بإسناد صحيح....,عن عائشة رَضِيَ اللَّهُ عَنها أن النبي صَلَّى اللَّهُ عَلَيهِ وَسَلَّم كان لا يدع أربعاً قبل الظهر، وركعتين قبل الغداة. رَوَاهُ البُخَارِيُّ...,عن ابن عمر رَضِيَ اللَّهُ عَنهُما أنهما سمعا رَسُول اللَّهِ صَلَّى اللَّهُ عَلَيهِ وَسَلَّم يقول على أعواد منبره: <لينتهين أقوام عن ودعهم الجمعات أو ليختمن اللَّه على قلوبهم ثم ليكونن من الغافلين> رَوَاهُ مُسلِمٌ...,إذا دخل أهل الجنة الجنة يقول اللَّه تبارك وتعالى: تريدون شيئاً أزيدكم؟ فيقولون: ألم تبيض وجوهنا؟ ألم تدخلنا الجنة، وتنجنا من النار؟ فيكشف الحجاب، فما أعطوا شيئاً أحب إليهم من النظر إلى ربهم> رَوَاهُ مُسْلِمٌ...,إن في الجنة شجرة يسير الراكب الجواد المضمَّر السريع مائة سنة ما يقطعها> مُتَّفَقٌ عَلَيْهِ...,قال اللَّه تعالى: يا ابن آدم إنك ما دعوتني ورجوتني غفرت لك على ما كان منك ولا أبالي، يا ابن آدم لو بلغت ذنوبك عنان السماء ثم استغفرتني غفرت لك ولا أبالي، يا ابن آدم إنك لو أتيتني بقراب الأرض خطايا ثم لقيتني لا تشرك بي شيئاً لأتيتك بقرابها مغفرة> رَوَاهُ الْتِّرْمِذِيُّ وَقَالَ حَدِيْثٌ حَسَنٌ...,لا تخصوا ليلة الجمعة بقيام من بين الليالي، ولا تخصوا يوم الجمعة بصيام من بين الأيام إلا أن يكون في صوم يصومه أحدكم> رَوَاهُ مُسْلِمٌ.....,لا صلاة بحضرة طعام، ولا هو يدافعه الأخبثان> رَوَاهُ مُسْلِمٌ....,: <إذا دعا الرجل امرأته إلى فراشه فأبت فبات غضبان عليها لعنتها الملائكة حتى تصبح> مُتَّفَقٌ عَلَيْهِ....,لا تباشر المرأة المرأة فتصفها لزوجها كأنه ينظر إليها> مُتَّفَقٌ عَلَيْهِ.....,لا تسموا العنب الكرم؛ فإن الكرم المسلم> مُتَّفَقٌ عَلَيْهِ، وهذا لفظ مسلم....,(من أحدث في أمرنا هـذا مـا لـيـس مـنه فهـو رد ). متفق عليه...,عن أبـي رقــيـة تمـيم بن أوس الـداري رضي الله عنه ، أن النبي صلى الله عـليه وسـلم قـال :( الـديـن النصيحة )....,ما نهيتكم عنه فاجتنبوه ، وما أمرتكم به فأتوا منه ما استطعتم ، فإنما أهلك الذين من قبلكم كثرة مسائلهم واختلافهم على انبيائهم ). رواه البخاري ومسلم....,( دع ما يـريـبـك إلى ما لا يـريـبـك ).رواه النسائي والترمذي وقال حديث حسن صحيح...,( من حسن إسلام المرء تركه ما لا يعـنيه ) .حديث حسن ، رواه الترمذي وابن ماجه....,( لا يحل دم امرىء مسلم [ يشهد أن لا إله إلا الله ، وأني رسول الله ] إلا بـإحـدي ثـلاث : الـثـيـب الــزاني ، والـنـفـس بـالنفس ، والـتـارك لـد يـنـه الـمـفـارق للـجـمـاعـة ).متفق عليه..,( اتـق الله حيثما كنت ، وأتبع السيئة الحسنة تمحها ، وخالق الناس بخـلـق حـسـن ).رواه الترمذي وقال : حديث حسن ، وفي بعض النسخ : حسن صحيح ..,عـن أبي العـباس عـبد الله بن عـباس رضي الله عـنهما ، قــال : كـنت خـلـف النبي صلي الله عـليه وسلم يـوما ، فـقـال : ( يـا غـلام ! إني اعـلمك كــلمات : احـفـظ الله يـحـفـظـك ، احـفـظ الله تجده تجاهـك ، إذا سـألت فـاسأل الله ، وإذا اسـتعـنت فـاسـتـعـن بالله ، واعـلم أن الأمـة لـو اجـتمـعـت عـلى أن يـنـفـعـوك بشيء لم يـنـفـعـوك إلا بشيء قـد كـتـبـه الله لك ، وإن اجتمعـوا عـلى أن يـضـروك بشيء لـم يـضـروك إلا بشيء قـد كـتـبـه الله عـلـيـك ؛ رفـعـت الأقــلام ، وجـفـت الـصـحـف ).رواه الترمذي [وقال : حديث حسن صحيح إن مما أدرك الناس من كلام النبوة الأولى : إذا لم تستح فاصنع ما شئت ).رواه البخاري ...,( الطهور شطر الإيمان ، والحمد لله تملأ الميزان ، وسبحان الله والحمد لله تملأن – أو : تملأ – ما بين السماء والأرض ، والصلاة نور ، والصدقة برهان ، والصبر ضياء ، والقرآن حجة لك أو عليك ؛ كل الناس يغدو ، فبائع نفسه فمعتقها ، أو موبقها ..رواه مسلم ...,كل سلامى من الناس عليه صدقة كل يوم تطلع فيه الشمس تعدل بين اثنين صدقة ، وتعين الرجل فى دابته فتحمله عليها أو ترفع له عليها متاعة صدقة ، والكلمة الطيبة صدقة ، وبكل خطوة تمشيها إلي الصلاة صدقة ، وتميط الأذي عن الطريق صدقة ).رواه البخاري ومسلم...,: ( من رأى منكم منكرًا فلغيره بيده ، فإن لم يستطع فبلسانه ، فإن لم يستطع فبقلبه ، وذلك أضعـف الإيمان ).رواه مسلم ...,( لا تحاسدوا ، ولا تناجشوا ، ولا تباغضوا ، ولا تدابروا ، ولا يبع بعضكم على بيع بعض ، وكونوا عباد الله إخوانا ، المسلم خو المسلم ، لا يظلمه ولا يخذله ، ولا يكذبه ، ولا يحقره ، التقوى ها هنا ) ويشير صلى الله عليه وسلم إلى صدره ثلاث مرات – ( بحسب امرىء أن يحقر أخاه المسلم ، كل المسلم على المسلم حرام : دمه وماله وعرضه ).رواه مسلم ...,( إن الله تعالى كتب الحسنات والسيئات ، ثم بين ذلك ، فمن هم بحسنة فلم يعملها كتبها الله عنده حسنة كاملة ، وإن هم بها فعملها كتبها الله تعالى عنده عشر حسنات إلى سبعمائة ضعف إلى أضعاف كثيرة ، وإن هم بسيئة فلم يعملها كتبها الله عنده حسنة كاملة ، وإن هم بها فعملها كتبها الله عنده سيئة واحدة ).رواه البخاري ومسلم...,( كن في الدنيا كـأنـك غـريـب أو عـابـر سبـيـل ).وكـان ابـن عـمـر رضي الله عـنهـما يقول : إذا أمسيت فلا تـنـتـظـر الصباح ، وإذا أصبحت فلا تـنـتـظـر المساء ، وخذ من صحـتـك لـمـرضـك ، ومن حـياتـك لـمـوتـك ...رواه البخاري ...,( لا يؤمن أحدكم حتي يكون هواه تبعا لما جئت به ..حديث حسن صحيح ...,..سبحانك اللهم وبحمدك أشهد أن لا إله إلا أنت ..أستغفرك وأتوب إليك

Tuesday, May 22, 2007

الحب ... فعل ولا رد فعل؟؟؟

لما تصحى م النوووم فـ يوم من الأيام تلاقي نفسك بتحب الناس ... بتحب وخلااااص ... فـ ده شعور جميييييل أوي ... أيون الراجل كان بيقول كده في الغنيوة بتاعته ... عييييش حب الناس وعيييش

لكن تقريبا الراجل ده كان بيدعو في الأغنية على إنك مش تحب الناس وتنسى نفسك ... لأ ... يعني انت زي ما بتحب الناس وعايش لهم ... المفروض ما تنساش نفسك إنك تعيش لها ... الله الله يا أبونا الشيخ ... إيه الجمال والحلاوة دي ؟؟؟

المشكلة بقى لما ما يبقاش عندك وقت تعيش لنفسك ... يعني ... لما تاخد رست من الناس كده وتقول الساعتين دول مع نفسي ... إذ كده وانت قاعد تلاقي تليفونك رن ... آلو ... أيون تعال بسرعة أنا عايزك ...خير يا عم الأمور؟؟؟ مفيش كنت مخنوق وعايز أرغي مع حد ... ده مثلا يعني مثلا

أحيانًا مش بتبقى كده ... يعني حتى لو قفلت النوباااايل بتاع الإنت .. وقاعد خمسة مع نفسك ... تلاقيك بتفكر ... يا ترى فلان عمل إيه فـ مشكلته ... يا ترى فلانة بتعمل إزاي دلوقتي ؟؟؟ يا ترى يا ترى يا ترررم

عاملة بالظبط زي الراجل اللي متجوز وحياته كلها شغل ... لقطة واحدة وواحد في مطعم بيتعشوا عشا رومانتيكي وإذ قام قايلها ... انتي عارفة الواد محسن لو ماظبطش الحسابات على بكرة أنا هوديه فـ داهية ... إذ تلاقيها قامت واقفة فـ وسط المطعم ومصيحالك ... يعني حتى الساعة اللي جايين نتعشى فيها مع بعض هتكلمني فـ الشغل ... وفيه تيييييت حصلت لصدور لفظ مش لذيذ الرقابة شالته

هي دي البروبليمة اللي بنتكلم فيها ... إن من كتر ما انت بتحب الناس بقيت بتشيل ... وتقول طالما حبيت الشعب يبقى لازم تفني نفسك في فدا الشعب ... والأجر والثواب على الله ... لكن ما تبقاش بتدي حب ... وخد الحتة دي تحت لسانك ... حتة حب يعني ... وتلاقي الشعب ه ناااكر للجميل ... الغريبة أوي إن احنا عمرنا ما استنينا رد فعل من حد ... لإني دايما بقول إن الحب لو كان رد فعل مش فعل يبقى ميلزمنيش ... لكن بتحس إنك معملتش حاجة لما تلاقي رد فعل الناس على حبك ليهم عبارة عن تجريح ... ظن سووووء ... لا مبالاة باللي عملته ... ولإنك م الأول كانت نيتك خالصة مع ربنا متحبش ترد له القلم ده علشان متبوظش الثواب اللي عملته ... لكن المصيبة ... إنك بتستمر في الحب ده

24 comments:

عصفور المدينة said...: هو ساعات فعل
وساعات رد فعل ينزل منه موديل رد فعل رد فعل للإحسان رد فعل للأخلاق الحسنة
المهم بخصوص الجزاء ده أصبح شيء عادي اللي أنت قلته وهو الأصل فلو برمجت نفسك عليه بترتاح راحة عجيبة

والآن أحس بمتعة أن تعيش بلا أصدقاء ألا تحتاج إلى أحد ومن يحتاجك يجدك وفيا مخلصا تقوم بالواجب إلى أن تنتهي مهمتك معه وتنسحب بغير جزاء ولا شكور أصبحت
لا أتعجب
إذا اتصل أحدهم لحاجة وفجأة اختفى مشكورا بعد انقضائها. شكرا له أنه لم يمثل عبء الصداقة الدائمة بكافة حقوقها وواجباتها ولم يحرمني من تذكره إياي وقت الحاجة وحسن ظنه بي لا أحزن فعلا من ذلك بل أسعد

الكلام الأسود ده منقول من تدوينة لي; May 22, 2007 at 9:37 PM
Unknown said...: كتير أوى أطلب ناس تانيين زملاء و أصدقاء و أخيرا انضم الاقارب و الاقى أول رد الوه كله تمام أأمر ، ليه كل الناس مش متوقعة انا فيه لسه ناس بتسأل عشان تسأل ، ع فكــرة برجاء مراجعة هذا الامر أحسنتبقى مصيبة لو دهمعايا انا بس ، ساعتها أفهم ان الناس دى كلها شايفينى انا بتاع مصلحة دايما و مش كل الناس كده ، برجاء الرد للافادة، انا زهقـــــــاااااااان; May 23, 2007 at 2:25 AM
3ashe2elro7 said...: عادى جدن
بقالى سنتين عايز اقعد مع نفسى و مش عارف
عادى جدن
ممكن تفضل تدى او يتهيألك انك بتدى و انت فعلا مش محتاج رد فعل او مش محتاج مقابل بس ساعات نفسك تصعب عليك شويه و ترجع تشحن تانى و تعيد الكره
الكوبايه بتحتاج انها تلاقى وارد ليها زى ما فيه صادر منها علشان مش مره واحده تلاقيها فضت ومعتش فيها نقطه ميه تنفعك على الاقل
الطبيعى ان البحر هوه اللى يملا الكوبايه بس لما يحصل العكس يبقى هوه ده الهبل بعينه; May 23, 2007 at 4:25 AM
ثورة said...: أما مقابل ....فلا
أما شكر ... فغير مطلوب
أما تقدير ... مطلوب
أما عدم تقدير ... ميهمش
وأما ســـوء التقدير ... فمحزن

عجبني قوي من كلامك إن الحب لو مكنش فعل فمش عايزه

و لي وجهة نظر ديما
إننا ما بننتظرش مقابل من حد
بس الناس اللى بنحبهم وبنتعشم فيهم بننتظر منهم يقدّروا
ببساطة عشان لما أضيف 1 ويتشاف صفر يعد ظلم

لو متقدرتش يبقى اتظلمت

و بنتظر العطاء من أفراد معينين عشان محتاجاه مش عشان مقابل لأي شيء عملته

يعني مش رد فعل; May 23, 2007 at 5:21 AM
ثورة said...: فيه نقطة كمان
معظمنا أو تقريبا كلنا بنتكلم عن العطاء ده كتير والاستياء من سوء أو عدم التقدير

ساعات كتير بعطي شيء غير مطلوب
طبيعي أما تحط الغدا قدام واحد متغدي انه يقوم ويسيبك
و ممكن جدا يقولك ((لأ)) مش عايز غدا

وساعات بنكون احنا الشخص اللى محسش بالعطاء لإنه مكنش محتاجه

الحقيقة دي مهمه قوي

البحر ممكن يحتاج سمك لكن مش هيحتاج مطر

والمطر ساعتها ميقدرش يقول ع البحر جاحد

ولا البحر ينكر إن المطر مهم
إذا مكنش ليه فمهم لغيره

فيه واحد لما يتعب يحب يعد مع نفسه
وواحد لما يتعب يحب يفضفض مع حد يسمعه
وواحد يحب يخرج مع عيلته

ويمكن كل واحد فيهم لما يلاقي حد تعبان بيحاول يديله الاحتياج اللى بيستناه هو ف الحاله دي
بس وارد جدا يكون محتاج شيء تاني

رؤية مقابلة ><; May 23, 2007 at 5:38 AM
نفسنا said...: تم أفتتاح العدد الأول من مجلة نفسنا
نتمنى منكم زيارتنا; May 23, 2007 at 7:02 PM
sakayar said...: عصفوووور المدينة
بجد مش عارف اقولك إيه .. بس ردودك دايما جميلة وبتكيفني ...ههههههه
الجزء اللي انت بتقول كنت كاتبه في بوست عندك ده ...هوه ده اصل المشكلة ..إني بالفعل بتعامل كده ...انت عايز شوكولاته خد شوكولاته .. انت عايز عسلية خد عسلية .. وبعد كده ... كلكو ولاد تييييت
طيب وبعدييييين؟
هيه دي الطريقة اللي الواحد هيفضل عايش بيها ؟؟ المشكلة إن ده بيحصل مع ناس مش بس غريبة عنك .. ده بيحصل مع ناااس اصحابك أو جيرانك أو معارفك أو حتى معاك في بيت واحد ... هتعامل الكل على إنهم ولاد تييييت وانت عم المنقذ؟؟
الغريبة أوي إنك لما بتعيش لحظة لنفسك وتردم ع الكل تلاقي حياة الباقيين خربت فترجع تلوم نفسك ... لإنك مش اتعودت تكره... ومش اتعودت تلعب دوووور الشر
تحياتي; May 24, 2007 at 11:51 AM
sakayar said...: نيو ايميدج
ممكن لإن اللي بيجمعكوا مصالح .. فبتبقى الاتصالات اللي بينكو واخدة اطار المصلحة ... لكن مسألة الأقارب والصحاب والزمايل لإن الباشا مش بيظهر غير في اوقات فراغه ... اللي هيه مفيييش .. أو بمعنى أوضح مبيظهرش غير في عيد مثلا أو اجازة لو عرف يبقى في الاجازة فاضي حتى ... فلما يبقى بيتصل ومعروف إنه مشغووول فبيبقى رد فعل اللي أدامه .. مش معقول بيتصل في وقت شغله علشان يسألني عن أحوالي ... أكيد عايز طلب أو حاجة ... فالطبيعي أكتر يبقى الظن الأول ... هوه عايز إيه؟؟؟
ولو انت حسبتها مع نفسك ... هتلاقيك بتقول كده مع ناس كتير لما تلاقي نمرتهم ع الموبايل ... مفيش انسان ملااااك ... وانا نفسي اللي كاتب البوست ... ضربت ناس كتير بالجزمة ورميتهم من حياتي وكانوا قريبين جدن من... لمجرد إنهم دخلوا ف حياتي أوي وانا مبحبش حد يقرب مني لدرجة معينة
تحياتي; May 24, 2007 at 11:58 AM
sakayar said...: عاشق الروووح

متخليك في الروح يا عم عااااشق وحضر عفاريت ... هتبقى خزعبلي أوي

جامدة جدن وعجباني أوي كلمة أو بيتهيألك إنك بتدي ... والله برااافو عليك ... هوه فعلا كده ..ممكن الواحد يكون شايف إنه بيدي .. ويا عيني ده مقطع نفسه للناس .. وهوه في الآخر الناس بتقول هوه احنا أساسا نعرف نعمل ده من غيره هوه ليه مقطع نفسه وعامل كإنه بيعمل معجزة
فكرة الكوباية والملو والحاجات دي برضه ... يعني أنا مثلا إيه اللي هيخليني أستمر في العطاااء إذا كان العطاااء ده مبيقلبش بإيجابية ... يعني لما أقعد مع عاشق وأظبطه مرة واتنين علشان يعمل هوه التالتة وألاقيه في التالتة بيرجع لنقطة البداية يبقى مالوش لازمة بقى ... ده بدل ما يبقى فعل ... أو رد فعل إيجابي أصبح صنم ... لا فعل ولا رد فعل
تحيااااتي; May 24, 2007 at 12:19 PM
sakayar said...: هدى
يعني ثورة
يعني الانقلابات ... إزي حضرتك مشرفانا دايمن وذلانا بردودك وتعليقاتك
أما عن الرد الأول فبقووول ... أنا كل ده مبيهمنيش أنا المهم عندي ميبقاش فيه سوء تقدير .. لا عايز شكر ولا رد للجميل ولا أي حاجة ... لكن متضربنيش في ضهري ظنا منك إني هاجي ف يوم واعدلك جمايلي عليك ... ومتفق معاكي جدن في نقطة الناس القريبين والناس الغريبين عننا .. لإن رد الفعل بيبقى مختلف ...الغريب مش هنتظر منه حاجة ... أخدت الشوكولاته ... روح لمامتك يا أموووور
أما القريب ... ودايما الكارثة بتيجي منهم ... صحاب زمايل قرااايب ... فالمشكلة إنك بتربطك بيهم عشرة أو علاقة طويلة ... أو حتى ذكرى ولو ساعة ... فبيبقى الحل إنك تعطيه بالجزمة وتشوطه بره دماغك ... بس ده لو قدرت تعمل كده
تحياتي; May 24, 2007 at 12:25 PM
sakayar said...: هدى تاني

دي برضه فكرة زي نقطة قالها عاشق ... ممكن بيتهيألك إنك بتدي ... النقطة دي برضه مهمة ... إني لما آجيي أعطي حد أكون عااارف هوه محتاج العطاااء ده ولا لأ ... مش بعطي علشان أريح ضميري فـ إني عطيت وخلاااص
تحياتي تاني; May 24, 2007 at 12:31 PM
sakayar said...: مجلة نفسنا

مبررروك صدور العدد الأول ... شدوا حيلكم عايزين حاجة جميلة زيكم كده
تحياتي; May 24, 2007 at 12:32 PM
صاحب البوابــة said...: ... لكن المصيبة ... إنك بتستمر في الحب ده

-----------

لكن الأجمل انك تستمر في هذا الحب ...

تحياتي لهذا المقال الجميل; May 29, 2007 at 7:36 AM
Eman Eltaher said...: يا روميو
دايما الطيبين بياخدوا على دماغهم

اعمل الخير و ارميه ف البحر

لا بقولك تردلها القلم و لا أى حاجة بس انت تقدر تحسسهم قد ايه غلطهم ده

تحياتى ليك; May 29, 2007 at 3:32 PM
MeDo said...: ازيك يا سكاير انا ناجى

عامل ايه البلوجه بتاعتك جميله جدا وبتناقش موضوع يمكن فى الأغلب بيحصل بس انا مع الكومنت بتاع ايمان لانه انت فعلا تعمل الخير ومتستناش مقابل لان فعلا الايام دى معتش حد بيدى مقابل لحد والطيبين بقوا قليلين جدااا واحتمال ينقرضوا مع الديناصورات كمان

وربنا يستر

ابفى طمنى عنك; May 29, 2007 at 4:43 PM
sakayar said...: صاحب البوابة

احم ... احم ... بنفسك سعادتك داخل تعلق؟؟؟
طيب كنت ابعت عم عبده ... شرفتنا; May 29, 2007 at 7:07 PM
sakayar said...: ايمان الطاهر

إيه ده ؟؟؟ عسولة البلوجات عندي؟؟
هيه المشكلة لو رميته البحر ممكن يتبل ومحدش ياخده... لو جيت احسسهم غلطهم يبقى كده ضميري يا عيني هيوجعني إني بمن عليهم ... يلا بقى ربنا يكرمنا ويكرمهم زي ما كرم جابر

شرفتيني; May 29, 2007 at 7:10 PM
sakayar said...: محمد كلااااااااااي

مبرووووووك بلوجتك ...جامدة جامدة جامدة
شكرا لتشريفك ... ده من ذوقك بس

بالنسبة للديناصورات ... ننقرض احسن يا عم معندناش مشاكل; May 29, 2007 at 7:28 PM
الخيط الرفيع said...: دا مش بوست دي تجارب في دنيا الناس
عجب العجاب هنشوفة كلنا مع الناس
بس عشان ترتاح قول اكيد كل واحد عندة وجهه نظر
وحاول تعرفها عشان يستمر التواصل
لان زي ما قلت في اخركلامك مش عارف احنا بنصر علي البني ادمين مهما سببوا لينا لية
واكتر حاجة عرفت شكل نفسيتك فيها وانت بتتكلم
موضوع الظن السوء دا بتبقي حاجة تجنن وبتخليني عن نفسي مذهولة جدا ان اللي اقدمي وبحاول اسعدة بكل طاقتي ماشي في طريق مصر اسكندريه واحنا ريحين أسيوط علي رأي زدني; June 4, 2007 at 5:32 AM
sakayar said...: الخيط الرفيع
لأ مسألة ظن السوووووء دي جانب من الجوانب اللي الواحد بيقابلها في اللي زي ما انتي سميتيها التجارب ... وهيه دي احد رؤى الحياة لما تصحى م النووووم إنك هتفوووق على واقع غير اللي انت متخيله تماما ... ربنا يعزك ويكرمك
تحياتي; June 5, 2007 at 4:03 PM
Anonymous said...: الفكرة الرئبسة في الموضوع هي إنك تفرق بين صنفين من الناس
صنف بيعطي لأن العطاء في حد ذاته هدف وبالتالي هو مش منتظر منك المقابل بأي صورة ولو في صورة التقدير أو التفهم، وأشرف صور الناس دي تجلت في الرسل والنبيين وطبعا دخول أي إنسان في جماعة يتصدرها الناس دول = شرف عظيم

صنف بيعطي لأنه منتظر مقابل ودول بينقسموا لأقسام كتير بحسب المقابل فممكن المقابل يكون فلوس وده إنسان مادي وممكن المقابل يكون الحب فده إنسان باحث عن حب مقدرش يكتسبه إلا بمقابل وتقدر تعد أصناف تانية كتير لكن بالمثال يتضح المقال.

لكن لو عطاءك لإنسان هو لمجرد إنك بتحب الإنسان ده بدون انتظار لمقابل، فده معناه إنك بتحبه، ولو رجعنا للصنف الأول هتلاقي الرسل بتعطي حياتها للناس بدون مقابل، لأنهم بيحبوا كل الناس.
مش كده وبس، ده العطاء بدون شيء وبدون مقابل ولوجه الله فقط دلالة على كمال الإيمان "من أحب لله وأبغض لله وأعطى لله ومنع لله فقد استكمل الإيمان".; June 8, 2007 at 2:44 AM
sakayar said...: ابوووونا المجهوووول

تحياااااتي; June 9, 2007 at 6:18 PM
Anonymous said...: yaaaaaaaaaaaaaaaaah
ll asf an da wak3 bn3esh
lakn f nas at5l2t 3ashan tafrg krob nas mahma kan fehom mashakl

bgd el mdawana de gamela awy

w mmt3 el nakash feha

ro2a; May 30, 2010 at 7:52 PM
sakayar said...: Anonymous

lakn f nas at5l2t 3ashan tafrg krob nas mahma kan fehom mashakl

متفق مع حضرتك جداً
:)
شكراً لمتابعة حضرتك حقيقي وسعيد بالمشاركة
:); June 6, 2010 at 8:08 PM

واصبر نفسك

اللهم يا صاحبي عند شدتي
يا مؤنسي في وحدتي
يا حافظي في غربتي
ياوليي في نعمتي
يا كاشف كربتي
يا سامع دعوتي
يا راحم عبرتي
يا مقيل عثرتي
يا إلهي الحقيق
ويا ركني الوثيق
يا جاري اللصيق
ومولاي الشفيق
يارب البيت العتيق
أخرجني والمسلمين ومن سألنا الدعاء وسألناه الدعاء من حِلق الضيق إلى سعة الطريق
بفرج من عندك قريب وثيق
واكشف عنا كل شدة وضيق
واكفنا من السوء والأذى ما نطيق وما لا نطيق
اللهم إن لي أحبة في كل درب وصحبة
فاغفر لهم وأعنهم ويسر لهم أمر رشدٍ
يعبدوك لا يغفلون عن عبادتك ويرضون بما قسمته ويفرحون بقضاءك
اللهم لم تخذلني في نفسي فلا تخذلني فيهم أبداً
وصلى اللهم على نبينا محمد وعلى آله وصحبه وسلم