AL7AYAH: رُفع الستار

.....أكثر من قول لا حول ولا قوة إلا بالله العلي العظيم,فإنها كنزمن كنوز الجنة..حديث صحيح......,ما أسفل الكعبين من الإزار فهو في النار..رواه البخاري والنسائي..,يا رسول الله أنهلك وفينا الصالحون؟؟..قال نعم ,إذا كثر الخبث (متفق عليه)..,الوالد أوسط أبواب الجنة..فإن شئت فأضع هذا الباب أو احفظه...,لا يدخل الجنة قاطع ..أي قاطع رحم..(متفق عليه)...,الحياء شعبةمن الايمان ..حديث صحيح..آية الإيمان حب الأنصار..وأية النفاق بغض الأنصار..(رواه البخاري)..من أشار إلي أخيه بحديدة فإن الملائكة تلعنه حتي ينتهي (رواه مسلم)...,سباب المسلم فسوق وقتاله كفر ..(متفق عليه)...,بحسب امرئٍ من الشر أن يحقر أخاه المسلم..(رواه البخاري ومسلم وأصحاب السنن)..ما تواضع أحد لله إلا رفعه ,وما زاد الله عبدا بعفوٍ إلا عزاً...,وتجد شر الناس ذا الوجهين..,الذي يأتي هؤلاء بوجه..وهؤلاء بوجه..(رواه البخاري ومسلم ومالك)...,ذمة المسلمين واحدة ,يسعي بها إدناهم.فمن أخفر مسلما فعليه لعنة الله والملائكة والناس أجمعين.لا يقبل الله منه يوم القيامة عدلاً ولا صرفاً..(رواه مسلم وغيره)...لو أنكم تتوكلون علي الله حق التوكل...لرزقكم كما يرزق الطير..تغدو خماصاً وتروح بطاناً..(رواه أحمد وصححه الألباني)....,إن الله تعالي يبسط يده بالليل ليتوب مسئ النهار..,ويبسط يده بالنهار ليتوب مسئ الليل..حتي تطلع الشمس من مغربها ...(رواه مسلم)...يقول الله-عزوجل- أخرجوا من النار من ذكرني يوماً أو خافني في مقام..رواه البيهقي والترمذي..وقال حديث حسن.....اتقوا الله..وصلوا خمسكم,وصوموا شهركم,وأدوا زكاة أموالكم,وأطيعوا أمراءكم..تدخلوا جنة ربكم..رواه الترمذي..وقال حديث حسن صحيح....,« . . . وهل يكب الناس على وجوههم أو على مناخرهم إلا حصائد ألسنتهم » [رواه الترمذي]....,« إن العبد ليتكلم بالكلمة ما يتبين فيها، يزل بها إلى النار أبعد مما بين المشرق والمغرب » [متفق عليه]....,«اللهم إني أسألك فعل الخيرات وترك المنكرات وحب المساكين،وإذا أردت في الناس فتنة فاقبضني إليك غير مفتون» أخرجه مالك والترمذي..,«ما من مسلم يصيبه أذى, من مرض فما سواه إلا حط الله به سيئاته كما تحط الشجرة ورقها» أخرجه البخاري ومسلم..,«لا يموتن أحدكم إلا وهو يحسن الظن بالله» أخرجه البخاري ومسلم...,«أعذر الله إلى امرئ أخر أجله حتى بلغ ستين سنة» أخرجه البخاري. أي لم يبق عذر لمن بلغ الستين من العمر...,«لا تقوم الساعة حتى تخرج نار من أرض الحجاز تضيء أعناق الإبل ببصرى» أخرجه البخاري ومسلم...,«يقبض الله الأرض يوم القيامة, ويطوي السماء بيمينه, ثم يقول: أنا الملك أين ملوك الأرض» أخرجه البخاري ومسلم...,«ما من صباح إلا وملكان يقولان: يا طالب الخير أقبل, ويا طالب الشر أقصر, وملكان موكلان يقولان: اللهم أعط منفقاً خلفاً, وأعط ممسكاً تلفاً» أخرجه البخاري مختصراً وأحمد..,إذا أراد الله بقوم عذاباً أصاب العذاب من كان فيهم, ثم بعثوا على نياتهم» أخرجه البخاري ومسلم..,« أول ما يقضى بين الناس يوم القيامة في الدماء» أخرجه البخاري ومسلم والنسائي والترمذي..,مثل الصلوات الخمس كمثل نهر جار غمر على باب أحدكم يغتسل منه كل يوم خمس مرات> رَوَاهُ مُسلِمٌ...,يتعاقبون فيكم ملائكة بالليل وملائكة بالنهار، ويجتمعون في صلاة الصبح وصلاة العصر، ثم يعرج الذين باتوا فيكم فيسألهم وهو أعلم بهم: كيف تركتم عبادي؟ فيقولون: تركناهم وهم يصلون وأتيناهم وهم يصلون> مُتَّفَقٌ عَلَيهِ...,من غدا إلى...,بشروا المشائين في الظلم إلى المساجد بالنور التام يوم القيامة> رَوَاهُ أبُو دَاوُدَ وَالتِّرمِذِيُّ...,من شهد العشاء في جماعة كان له قيام نصف ليلة، ومن صلى العشاء والفجر في جماعة كان له كقيام ليلة> قال الترمذي حديث حسن صحيح....,إن بين الرجل وبين الشرك والكفر ترك الصلاة> رَوَاهُ مُسلِمٌ...,إن أول ما يحاسب به العبد يوم القيامة من عمله صلاته، فإن صلحت فقد أفلح وأنجح، وإن فسدت فقد خاب وخسر، فإن انتقص من فريضته شيئاً قال الرب عز وجل: انظروا هل لعبدي من تطوع فيكمل بها ما انتقص من الفريضة؟ ثم تكون سائر أعماله على هذا> رَوَاهُ التِّرمِذِيُّ وَقَالَ حَدِيثٌ حَسَنٌ...,خير صفوف الرجال أولها وشرها آخرها. وخير صفوف النساء آخرها وشرها أولها> رَوَاهُ مُسلِمٌ...,أقيموا الصفوف، وحاذوا بين المناكب، وسدوا الخلل، ولينوا بأيدي إخوانكم، ولا تذروا فرجات للشيطان، ومن وصل صفاً وصله اللَّه، ومن قطع صفاً قطعه اللَّه> رَوَاهُ أبُو دَاوُدَ بإسناد صحيح....,عن عائشة رَضِيَ اللَّهُ عَنها أن النبي صَلَّى اللَّهُ عَلَيهِ وَسَلَّم كان لا يدع أربعاً قبل الظهر، وركعتين قبل الغداة. رَوَاهُ البُخَارِيُّ...,عن ابن عمر رَضِيَ اللَّهُ عَنهُما أنهما سمعا رَسُول اللَّهِ صَلَّى اللَّهُ عَلَيهِ وَسَلَّم يقول على أعواد منبره: <لينتهين أقوام عن ودعهم الجمعات أو ليختمن اللَّه على قلوبهم ثم ليكونن من الغافلين> رَوَاهُ مُسلِمٌ...,إذا دخل أهل الجنة الجنة يقول اللَّه تبارك وتعالى: تريدون شيئاً أزيدكم؟ فيقولون: ألم تبيض وجوهنا؟ ألم تدخلنا الجنة، وتنجنا من النار؟ فيكشف الحجاب، فما أعطوا شيئاً أحب إليهم من النظر إلى ربهم> رَوَاهُ مُسْلِمٌ...,إن في الجنة شجرة يسير الراكب الجواد المضمَّر السريع مائة سنة ما يقطعها> مُتَّفَقٌ عَلَيْهِ...,قال اللَّه تعالى: يا ابن آدم إنك ما دعوتني ورجوتني غفرت لك على ما كان منك ولا أبالي، يا ابن آدم لو بلغت ذنوبك عنان السماء ثم استغفرتني غفرت لك ولا أبالي، يا ابن آدم إنك لو أتيتني بقراب الأرض خطايا ثم لقيتني لا تشرك بي شيئاً لأتيتك بقرابها مغفرة> رَوَاهُ الْتِّرْمِذِيُّ وَقَالَ حَدِيْثٌ حَسَنٌ...,لا تخصوا ليلة الجمعة بقيام من بين الليالي، ولا تخصوا يوم الجمعة بصيام من بين الأيام إلا أن يكون في صوم يصومه أحدكم> رَوَاهُ مُسْلِمٌ.....,لا صلاة بحضرة طعام، ولا هو يدافعه الأخبثان> رَوَاهُ مُسْلِمٌ....,: <إذا دعا الرجل امرأته إلى فراشه فأبت فبات غضبان عليها لعنتها الملائكة حتى تصبح> مُتَّفَقٌ عَلَيْهِ....,لا تباشر المرأة المرأة فتصفها لزوجها كأنه ينظر إليها> مُتَّفَقٌ عَلَيْهِ.....,لا تسموا العنب الكرم؛ فإن الكرم المسلم> مُتَّفَقٌ عَلَيْهِ، وهذا لفظ مسلم....,(من أحدث في أمرنا هـذا مـا لـيـس مـنه فهـو رد ). متفق عليه...,عن أبـي رقــيـة تمـيم بن أوس الـداري رضي الله عنه ، أن النبي صلى الله عـليه وسـلم قـال :( الـديـن النصيحة )....,ما نهيتكم عنه فاجتنبوه ، وما أمرتكم به فأتوا منه ما استطعتم ، فإنما أهلك الذين من قبلكم كثرة مسائلهم واختلافهم على انبيائهم ). رواه البخاري ومسلم....,( دع ما يـريـبـك إلى ما لا يـريـبـك ).رواه النسائي والترمذي وقال حديث حسن صحيح...,( من حسن إسلام المرء تركه ما لا يعـنيه ) .حديث حسن ، رواه الترمذي وابن ماجه....,( لا يحل دم امرىء مسلم [ يشهد أن لا إله إلا الله ، وأني رسول الله ] إلا بـإحـدي ثـلاث : الـثـيـب الــزاني ، والـنـفـس بـالنفس ، والـتـارك لـد يـنـه الـمـفـارق للـجـمـاعـة ).متفق عليه..,( اتـق الله حيثما كنت ، وأتبع السيئة الحسنة تمحها ، وخالق الناس بخـلـق حـسـن ).رواه الترمذي وقال : حديث حسن ، وفي بعض النسخ : حسن صحيح ..,عـن أبي العـباس عـبد الله بن عـباس رضي الله عـنهما ، قــال : كـنت خـلـف النبي صلي الله عـليه وسلم يـوما ، فـقـال : ( يـا غـلام ! إني اعـلمك كــلمات : احـفـظ الله يـحـفـظـك ، احـفـظ الله تجده تجاهـك ، إذا سـألت فـاسأل الله ، وإذا اسـتعـنت فـاسـتـعـن بالله ، واعـلم أن الأمـة لـو اجـتمـعـت عـلى أن يـنـفـعـوك بشيء لم يـنـفـعـوك إلا بشيء قـد كـتـبـه الله لك ، وإن اجتمعـوا عـلى أن يـضـروك بشيء لـم يـضـروك إلا بشيء قـد كـتـبـه الله عـلـيـك ؛ رفـعـت الأقــلام ، وجـفـت الـصـحـف ).رواه الترمذي [وقال : حديث حسن صحيح إن مما أدرك الناس من كلام النبوة الأولى : إذا لم تستح فاصنع ما شئت ).رواه البخاري ...,( الطهور شطر الإيمان ، والحمد لله تملأ الميزان ، وسبحان الله والحمد لله تملأن – أو : تملأ – ما بين السماء والأرض ، والصلاة نور ، والصدقة برهان ، والصبر ضياء ، والقرآن حجة لك أو عليك ؛ كل الناس يغدو ، فبائع نفسه فمعتقها ، أو موبقها ..رواه مسلم ...,كل سلامى من الناس عليه صدقة كل يوم تطلع فيه الشمس تعدل بين اثنين صدقة ، وتعين الرجل فى دابته فتحمله عليها أو ترفع له عليها متاعة صدقة ، والكلمة الطيبة صدقة ، وبكل خطوة تمشيها إلي الصلاة صدقة ، وتميط الأذي عن الطريق صدقة ).رواه البخاري ومسلم...,: ( من رأى منكم منكرًا فلغيره بيده ، فإن لم يستطع فبلسانه ، فإن لم يستطع فبقلبه ، وذلك أضعـف الإيمان ).رواه مسلم ...,( لا تحاسدوا ، ولا تناجشوا ، ولا تباغضوا ، ولا تدابروا ، ولا يبع بعضكم على بيع بعض ، وكونوا عباد الله إخوانا ، المسلم خو المسلم ، لا يظلمه ولا يخذله ، ولا يكذبه ، ولا يحقره ، التقوى ها هنا ) ويشير صلى الله عليه وسلم إلى صدره ثلاث مرات – ( بحسب امرىء أن يحقر أخاه المسلم ، كل المسلم على المسلم حرام : دمه وماله وعرضه ).رواه مسلم ...,( إن الله تعالى كتب الحسنات والسيئات ، ثم بين ذلك ، فمن هم بحسنة فلم يعملها كتبها الله عنده حسنة كاملة ، وإن هم بها فعملها كتبها الله تعالى عنده عشر حسنات إلى سبعمائة ضعف إلى أضعاف كثيرة ، وإن هم بسيئة فلم يعملها كتبها الله عنده حسنة كاملة ، وإن هم بها فعملها كتبها الله عنده سيئة واحدة ).رواه البخاري ومسلم...,( كن في الدنيا كـأنـك غـريـب أو عـابـر سبـيـل ).وكـان ابـن عـمـر رضي الله عـنهـما يقول : إذا أمسيت فلا تـنـتـظـر الصباح ، وإذا أصبحت فلا تـنـتـظـر المساء ، وخذ من صحـتـك لـمـرضـك ، ومن حـياتـك لـمـوتـك ...رواه البخاري ...,( لا يؤمن أحدكم حتي يكون هواه تبعا لما جئت به ..حديث حسن صحيح ...,..سبحانك اللهم وبحمدك أشهد أن لا إله إلا أنت ..أستغفرك وأتوب إليك

Saturday, March 10, 2007

رُفع الستار

صبح الصباح فتاح يا عليم ...كوكوككوكووووووك

يا صباح اللي بتصوصو ع الغصون

إيه ده انت نزلت من تحت البطانية وخارج كده؟؟؟

عيب عليك يا رااااجل

بص الأول لنفسك ف المرايا فيه حد يطلع كده يقابل الناس ع الصبح وهوه مكلضم؟؟؟

خلي بالك ... "رُفع الستار" انت طالع الصالة يا حلو

والصالة فيها كمين واقف ...بابا .. ماما .. أختك .. أخوك

وكلهم لو شافوك صاحي الصبح بالوش العكر ده ..هيبقى فيه حاجة م الاتنين

يا إما هيتضايقوا زي ما انت متضايق ... يا إما هيبدأوا يوقفوك

ثواني .. الرخص حضرتك

ويا سلام لو طلعت العربية مش بتاعتك

أيوة كل ده ف الصالة

أصل احنا البيت عندنا واسع

فبخرج بالعربية بتاعتي اللي أنا مجرشها تحت السرير

معرفش انتو بيتكو واسع زي البيت عندي

ولا ساكنين في مدافن العيلة ؟؟

المهم أول ما هتطلع الصالة

وتقابل الشعب اللي عايش معاك ف البيت

وانت بالمنظر الطبيعي لأي مواطن شاب ف سننا ده

هتلاقي الكل بدأ يجري من أدامك

أو هتلاقي حد انحنى عليك وبدأ يسأل

مالك يا حبيبي ؟؟ مالك يا قلبي؟؟؟ هوه فيه حاجة مضايقاك ؟؟

لو كنت ولد : هوه البنت اللي انت كنت بتحبها قابلتك امبارح ولا إيه ؟؟؟

ولو كنت بنت : هوه الواد ابن الــ... قابلك امبارح ولا حصل ما بينكوا حاجة؟؟؟

ويا سلام لو عندك أخت كبيرة أو حتى صغيرة مش كده يا بطوطة؟ :)

تلاقيها جايا داخلة وراك الأوضة ..مالك يالولو؟؟ مش هتقوللي ؟؟

مش أنا أختك حبيبة قلبك ؟؟؟

ساعتها بس بتحس إنك عايز تولع ف العالم باللي فيه

هوه أنا لازم أصحى عامل فيها "سَكِّير نكت"

ولا هوه الواحد ما يعرفش يعيش حياته من غير سين وجيم؟؟؟

ولا هوه لازم علشان أنا عايز أعيش شوية جد يبقى فيه حاجة مضايقاني؟؟؟

ممكن أكون زعلان فعلا علشان حد صاحبي واقع ف مشكلة وانا عايزه يخرج منها

ممكن اكون أنا ف مشكلة وعايز أعتمد على نفسي ف إني أحلها

ممكن يكون مفيش حاجة من دي خالص لكن صاحي دماغي مصدعة

أو مانمتش كويس

أو ورايا حاجات كتير وبفكر إزاي هخلص الحاجات دي كلها ومش عايز إزعاج

لكن بعد كل ده بنوصل لحل واحد وهو "احذر .. رفع الستار" وبدأ التمثيل

تبدأ يومك أول ما تشيل الغطا من على وشك بابتسامة عريضة

إن ماكانتش ضحكة رقيعة

علشان الشعب كله يقوول إنك أسعد بني آدم ف الدنيا

وده طبعا له أدواته

زي مثلا إنك تفتكر لقطة من فيلم لـ جيم كاري

أو مشهد من العيال كبرت

وبعدين تطلع الصالة وانت بتغني أحدث أغنية نزلت "السوء"

حتى لو ماكنتش حافظها أو سمعتها

إلا إذا كنت شاب ملتحي ..زيي

فممكن تغنيلك نشيدين من بتوع الواد مشاري طلع البدر دوول أو حاجة من بتوع الأطفال اللي كلنا اتربينا عليهم زي طلع الفجر

وبكده يبقى أخدت لقب ..أسعد إنسان ف العالم

هتقوللي طب ومشاعري .. وأحاسيسي ..أعمل فيها إيه؟؟؟

هقولك كده أحسن ... ولا كل ما حد يقابلك يحس بإنك أنكد واحد ف الحياة

وأكيد هتلاقي هنا اللي يساعدك .. وهنا اللي يساعدك

لكن الأجمل إنك تعيشها مع نفسك

لحد ما تحس إنت بنفسك إنك محتاج لحد يسمعك

ممكن ساعتها تختار إنت الشخص اللي يسمعك

مش تبقى ماشي تحس إن محطة مصر كلها جاية تحلللك مشكلة هي أساسًا مش موجودة

وكل واحد بقى يفتي .. ده كذا اللي مزعله .. لأ ده كذا

ويا سلام ممكن توصل لإن 2 من اصحابك يتشاكلوا ع السبب اللي مزعلك ويتخاصموا...

ما تنساش ... أول ما تصحى من النوووم

الماسك - القناع يعني - جنب المخدة

حطه على وشك قبل ما تطلع الصالة

وافتكر ... رُفع الستار

14 comments:

3ashe2elro7 said...: الله الله يا سيدنا .. أعد كمان و كمان .. ايه الحلاوه دى .. انت اكيد عارف رأيى فى نظريه الماسكات دى و ان الناس ملهاش ذنب تكتئب و تعيش زعلانه علشان الواحد مووده كده ... وانت داخل بيتكم سيب مشاكل الشغل و الشارع بره و انت رايح الشغل سيب مشاكل بيتكم برده بره على الباب و كدكه يعنى ..
مش ضرورى برده لما تقوم م النوم تضحك محدش دماغه هتروح بعيد و يقعد يفكر هوه فيه ايه .... انا عن نفسى لما بقوم م النوم مفرفش بلاقى بقى حاجات من نوعيه خير اللهم اجعله خير .. مزاجك رايق يا سيدى هوه فيه ايه اللهم اجعله خير; March 10, 2007 at 8:01 PM
Anonymous said...: انا عاوزه اسال حاجه هو في حد بيصحى من نوم مبسوط ومزاجه عال اصلا الناس بتبقى صاحيه بضرب الجزم اللي رايح الجامعه وشيل هم المواصلات واللي شيل هم شغله ووضعه وظروفه وهنتغدا ايه النهارده وكده يعني فاالطبيعي ان الناس بتقوم لسه ماادركتش انها صحت وبعدن كل واحد من حقه انه يزعل ويبان عليه ولا ماسكات ولا بتاع وبعدن ان ماكانش اهلي اللي يستحملوني مين يستحملني حتى لو كانت خلقتي عكره ماهم اللي جابوني وبعدن ابقى خد الطريق الدائري يعني من وراء الكنبه كده للحمام عدل وبلاها طريق الصاله اللي هيوفقك فيه ده ورخصك ومالك والحاجات دي ولو الطريق الدائري كان زحامه قولهم انا شكلي كده وانا صاحي من النوم وخالص
ملحوظه بقه البلوج الاول كان احلى بكتييييييير حرام عليكووووووو بدل مايحصلكوا اللي حصل للثوره ها(onetruething); March 11, 2007 at 12:38 AM
Menas said...: انا راي بلا ماسكات بلا وشوش
وبعدين فعلا كلنا تقريبا بنصحى الصبح بالعافيه بنعافر عشان نقوم

بس فعلا لما اكون زعلانه مش لازم ابين عالطول حسب الموقف سعتها
مع ان انا احده من الناس بيبان عليها عالطول
وانا بعتذر على ردى عليك بخصوص القفى المعنوى اا كنت بهزر; March 11, 2007 at 2:48 AM
♥ BaToOoT ♥ said...: ههههههههههه

موضوع جامد اوى وكميل سكايار

واسمى كمان جاى فيييه

يادى الهنا والسعاده اللى انا فيها

هههههههههه

انت عارف وانا بقرا موضوعك ضحكت اوى

فكرتنى مره لما صحيت وانا مبسوط وبضحك ومره وانا بكشر

ولا كان ده عاجب ولا ده عاجب

ويوم ماكنت مبسوط ده
نزلت الكليه الصبح وكده وانا وصحباتى بنتكلم وبنهزر سواق التاكسى قالى

هوا نتو كده ديمن بتصحو من النوم بتضحكو

ياساتر ياااااااارب حسدنا بعدها

ماتلاقيش حد فايق يبص قدامه واحنا نازلين الكليه

نيجى بقه على ماماتى

انا اصلن ماما واااااااء

منعانانى انها تشوفنى الا لما اغسل وشى
وااااااااااء

ههههههههه حكم القوى

بس برضه لو انا صاحى مضايق الميه يعنى مش هتغيرنى
بس فعلن عندك حق محدش بقه بيقدر انك صاحى مكشر ليه
وكمان منكن سبب على اسبابك انى بحلم كوابيس وحشه اوووى وده بيأثر على باقى اليوم

خصوصن انى مش بنسااها بسهوله

او صاحى على خضه من احم احم

مامتك عشان اتأخرت على معاد كليه او وراك حاجه تعلمها فى لبيت
طبعن بتصحى مضروب بالدزمه

بس مش بعرف وربنا اركب الماسك ده سكايار

الطبيعى لو حطيته فرته شويه وهيبان على وشى وتصرفات ى اللى جوايا علطووووول
بس
ماهو برضه احنا بنشوف منهم
تصحى تلاقى مامتك بتزعق لخوك لصغيور

ولا فى التليفون

يعنى بقول خلينا زى ماحنا بس مش نحاول نظلم اللى حوالينا بحزننا وتكشرينا

بس ساعت بيقى حزننا اكبر من اننا نخبيه فبيطلع غصبن عننا فى اى شكل بقه

ربنا يكرمك ساكايااااار

انا مهيس وانا برد الرد ده فاسف بقه :(; March 11, 2007 at 3:46 AM
Halawa said...: سيدي أنا
معاك ياملك
ماسكات لازم
بس متوصلش لدرجة التهييس
والغباء في أداء الدور
وبرضه زي بطوطة ماقالت ساعات بيكون الوضع أكبر
وبالذات اني واحد من السهيرة الجامدين لما ببقى زعلان
أو ورايا حاجة فبيبقى صعب عليا اطول في تركيب الماسك
لكني بعرف
ومقتنع
انه صح مش ذنب الدنيا تشوفني عفش
و ببق الزعل كتابة
أو بتمشى لونلي
بيبقى صعب لو انت من الناس اللي بتخش حتة تقلب الدنيا ضحك وهزار وخفة دم
لما الناس دي بتقفل يالهوي مقلكش بقى
اللي حواليهم بيبقى كابوس
انت مالك انت مالك
ززززززززززززززززززززززززززز
لكن كله بيعدي; March 11, 2007 at 5:55 AM
Anonymous said...: اللي بيحصل ف البلوجايه دا كتير
بتجيب ألوان مخدنهاش ف حصص الرسم وقوس قزح بريئ منها
ارحم شوية .. لما تصحي م النوم ابقى صلح الألوان دي
شكلك هتفضل تعك فيها زي واحده أعرفها لحد ما تبوظها خالص
(ابتسامة عريضة)
أنا مش بفول عليك إطلاقا اوعي تفهمني صح
(بلعب لساني)
يوووووووووووووووه عيب البلوجات ان مفيهاش ايموشنز

قصره
لو نظمنا الأمور بشكل مثالي
نقول من حق أي مواطن إنه يبقى ف أوقات مووده وحش بتفاوت درجات الوحاشة سواء كبيرة قوي أو بسيطة من بتاعة أول ما يصحى من النوم دي

ومن حقه برضو إنه يحصل على عزلة في الوقت دا لو عايز

ومش من حقه كل ما مزاجه يبقى وحش إنه يشوط ف أي حد بيتعامل معاه
فبيكون الحل ف الحالة دي إنه يطلب بأدب إن محدش يكلمه

و المفروض إن اللى حواليه ساعتها يحترموا طلبه وينفذوه

أما اللى بيحصل
انت عارف بقى التطفل والرخامة لما تعد انت تدن وتكاكي يا عالم محدش يكلمني دلوقي وتلاقي مفيش فايدة
وكمان أما تكون مضايق من حاجه تقوم تطلع دا على حد ملوش ذنب ومعملكش حاجه -- وأنا بكره السلوك دا جدا

وتعد تفهم وتشد ف شعرك وبعض الناس برضو مفيش فايدة

بس على رأي حلاوة كله بيعدي
طنش تعش وتنتعش
بمجرد ما الموود يرجع طبيعي مفيش داعي نتكلم ف اللى فات
اللى فيه طبع صعب يغيره; March 11, 2007 at 1:18 PM
Anonymous said...: وطبعا مش مستحيل; March 11, 2007 at 1:20 PM
sakayar said...: عاشق الروح
والله فاهمك لكن المشكلة الحقيقية مشكلة إنك تقدر تفصل ما بين اللي بره واللي جوه ...ف الأسهل عندي إني أركب الماسك طول النهار ...لحد ما أقدر أقعد لوحدي
مجهول افندي أو مجهولة هانم
المشكلة مش ف إن ذنبهم إنهم خلفوني ...المشكلة ف إنهم غالبا بيبدأوا التحقيق وكل واحد بيدلو دلوه ف مسألة التكشيرة ..إيه السبب وليه؟ ده بخلاف الناس اللي بره البيت اللي بيشوفوكي كده ... ومش دايما هيسألوا بس ممكن يزعلوا لزعلك أما تغيير البلوج لإني شفت بلوج مماثل له تماما وأنا زي الفريك

ميناس
إذا مركبتيش الماسك يبقى هتضايقي ناس كتير حواليكي ...و هتبقي مضطرة لأمرين ...يا تتكلمي مع كل حد يقابلك ويسألك عن سبب زعلك ...يا إما ما تخرجيش من أوضتك ... أما عن القفا فكلنا خدنا على قفانا .. وبعدين أنا مش بحب أسمع كلمة آسف دي ..أنا مش حاطط حدود بيني وبين حد من البشر حتى لو كان مين ...طالما أبوه آدم ..يبقى خلصت

بطوطة
أهلا بيكون ع البلوج بتاع حضرتنا
ويبدو إننا متفقين ف الرأي

حلاوة
حبيب قلبي بالبندق... شوف يوم ما كنت عندي وروحنا للشلة ولعبنا كورة ... انت كنت ف قمة التهييس ..بتحاول تحبس الحزن لأقصى درجة لحد ما تحس إنك اندمجت ف الدور ..أو عشته كمان ..وبرضه متفقين ف الرأي

ثورة
كلامك مظبوط ...بس أكيد لما تلاقي حد صاحبك مووده مش حلو وقاعد معاكي ...هتتضايقي لكده..وممكن تزعلي لزعله ويتقلب اليوم كله نكد من غير سبب

إضافة بسيطة
أنا عندي نظرية بتقول .. ياتتكلم دلوقتي..يا تسكت على طول
وبرضه ده ف الضحك والزعل ...لما تلاقي حد مكشر ف وشك ومش بيتكلم ... ياإما تتكلم دلوقتي ... يا إما تغير الوش اللي مالوش لازمة ده; March 11, 2007 at 1:45 PM
دكتور مستكنيص said...: وإن سكتوا ومسألوش نقول محدش معبرنا ومنفضينلنا دي حاجة تجن علي العيال اللي مبيعجبهومش حاجة دول
يابني ياحبيبي ...ياحبيبي يابني
ساعات كتير بنحتاج سؤال عشان نكر ونرص اللي تاعبنا وفي الحالات دي الواحد بيتضايق لو الناس سابته في حاله وفي أحيان تانية زي مانت بتقول لكن زي مابيجولوا حدانا في الصعيد لجل الورد ينسجي العليج وعشان تشرب العسل لازم يبقي فيه لسع نحل وهلا هلا عالجد والجد هلا هالله عليه وخير في سلامة وسلامة في خير وابقي اتوصي ياخويا بالأوان شويه ياجميل واقفل عليك مدونتك عشان انا مش طايق حد يكلمني; March 11, 2007 at 5:10 PM
sakayar said...: قشطات يا مستكنيص هيه بقت كده؟؟؟انت بتدخل تشتم وتجري ؟؟؟ يبقى انت مش عماد حمدي... ماشي يا مستكنيص ...البلوج ده هيولع باللي فيه ...اللي بيخاااااف يبعد; March 11, 2007 at 7:02 PM
Menas said...: انا لما قلت بلا ماسكات كنت اقصد

قدام ناس معينه وبرضه مش طول الوقت
لان اكيد كل واحد فين بيلبس المسك او ما يخرج من باب البيت لان اللى بره ملوش اى ذنب انه يشفنى زعلانه
وبصراحه انا فى الرد الاول كنت بكتب اى رد كده وخلاص لانى اصل كنت دخله اعتذر
وصلت كده المعلومة; March 12, 2007 at 2:26 AM
sakayar said...: تقبلته...بس برضه ابقي ركبي الماسك ف ميدان الصالة ...لو موودك الطبيعي الضحك ...لكن لو مووودك الطبيعي التكشير ..وده لا أظنه أنا ...ف ما تبقيش تضحكي ..ابقي ركبي الوش الخشب; March 12, 2007 at 1:38 PM
sakayar said...: أما بالنسبة لمستكنيص أفندي ...ف طبيعي محدش يعبرك ويسألك مالك ...لإنك من يوم ما اتولدت وانت مكشر ...حتى لو طلعت البلكونة ورميت نفسك ..هما عارفين أساسا إنك خبلانة ..لكن ممكن يعبروك ويسألوك مالك ف حالة واحدة ...لما تدخل البيت وانت بتغني أو مبتسم ...هيقولولك خير يابني اللهم اجعله خير انت ايه اللي حصل لعقلك ...وقليل إن ما ودوك لواحد شيخ يرقيك; March 12, 2007 at 1:50 PM
Anonymous said...: قال إبراهيم الحربي "الرجل الذي يدخل غمه على نفسه ولا يغم عياله"، كانت بي شقيقة خمسا وأربعين سنة ما أخبرت بها أحدا قط"
هو ده رأيي باختصار في المسألة
ولكن فيه حاجة أكيد الناس جربتها
جربت مرة تزعل و تسوق في الزعل قوي، و بعدين العملية تفك معاك بس تلاقي الموضوع صعب عليك إنك تقلب على مود المبسوط فجأة كده فتسوق في مود الزعل، ولما نكتة تتقال قدامك تمسك نفسك لحسن تضحك قدامهم وانت زعلان وتبقى فضيحتك بجلاجيل، شفتوا العبيط اللي ببضحك وهو زعلان
حد عمل كده قبل كده؟; March 16, 2007 at 5:33 PM

واصبر نفسك

اللهم يا صاحبي عند شدتي
يا مؤنسي في وحدتي
يا حافظي في غربتي
ياوليي في نعمتي
يا كاشف كربتي
يا سامع دعوتي
يا راحم عبرتي
يا مقيل عثرتي
يا إلهي الحقيق
ويا ركني الوثيق
يا جاري اللصيق
ومولاي الشفيق
يارب البيت العتيق
أخرجني والمسلمين ومن سألنا الدعاء وسألناه الدعاء من حِلق الضيق إلى سعة الطريق
بفرج من عندك قريب وثيق
واكشف عنا كل شدة وضيق
واكفنا من السوء والأذى ما نطيق وما لا نطيق
اللهم إن لي أحبة في كل درب وصحبة
فاغفر لهم وأعنهم ويسر لهم أمر رشدٍ
يعبدوك لا يغفلون عن عبادتك ويرضون بما قسمته ويفرحون بقضاءك
اللهم لم تخذلني في نفسي فلا تخذلني فيهم أبداً
وصلى اللهم على نبينا محمد وعلى آله وصحبه وسلم