AL7AYAH

.....أكثر من قول لا حول ولا قوة إلا بالله العلي العظيم,فإنها كنزمن كنوز الجنة..حديث صحيح......,ما أسفل الكعبين من الإزار فهو في النار..رواه البخاري والنسائي..,يا رسول الله أنهلك وفينا الصالحون؟؟..قال نعم ,إذا كثر الخبث (متفق عليه)..,الوالد أوسط أبواب الجنة..فإن شئت فأضع هذا الباب أو احفظه...,لا يدخل الجنة قاطع ..أي قاطع رحم..(متفق عليه)...,الحياء شعبةمن الايمان ..حديث صحيح..آية الإيمان حب الأنصار..وأية النفاق بغض الأنصار..(رواه البخاري)..من أشار إلي أخيه بحديدة فإن الملائكة تلعنه حتي ينتهي (رواه مسلم)...,سباب المسلم فسوق وقتاله كفر ..(متفق عليه)...,بحسب امرئٍ من الشر أن يحقر أخاه المسلم..(رواه البخاري ومسلم وأصحاب السنن)..ما تواضع أحد لله إلا رفعه ,وما زاد الله عبدا بعفوٍ إلا عزاً...,وتجد شر الناس ذا الوجهين..,الذي يأتي هؤلاء بوجه..وهؤلاء بوجه..(رواه البخاري ومسلم ومالك)...,ذمة المسلمين واحدة ,يسعي بها إدناهم.فمن أخفر مسلما فعليه لعنة الله والملائكة والناس أجمعين.لا يقبل الله منه يوم القيامة عدلاً ولا صرفاً..(رواه مسلم وغيره)...لو أنكم تتوكلون علي الله حق التوكل...لرزقكم كما يرزق الطير..تغدو خماصاً وتروح بطاناً..(رواه أحمد وصححه الألباني)....,إن الله تعالي يبسط يده بالليل ليتوب مسئ النهار..,ويبسط يده بالنهار ليتوب مسئ الليل..حتي تطلع الشمس من مغربها ...(رواه مسلم)...يقول الله-عزوجل- أخرجوا من النار من ذكرني يوماً أو خافني في مقام..رواه البيهقي والترمذي..وقال حديث حسن.....اتقوا الله..وصلوا خمسكم,وصوموا شهركم,وأدوا زكاة أموالكم,وأطيعوا أمراءكم..تدخلوا جنة ربكم..رواه الترمذي..وقال حديث حسن صحيح....,« . . . وهل يكب الناس على وجوههم أو على مناخرهم إلا حصائد ألسنتهم » [رواه الترمذي]....,« إن العبد ليتكلم بالكلمة ما يتبين فيها، يزل بها إلى النار أبعد مما بين المشرق والمغرب » [متفق عليه]....,«اللهم إني أسألك فعل الخيرات وترك المنكرات وحب المساكين،وإذا أردت في الناس فتنة فاقبضني إليك غير مفتون» أخرجه مالك والترمذي..,«ما من مسلم يصيبه أذى, من مرض فما سواه إلا حط الله به سيئاته كما تحط الشجرة ورقها» أخرجه البخاري ومسلم..,«لا يموتن أحدكم إلا وهو يحسن الظن بالله» أخرجه البخاري ومسلم...,«أعذر الله إلى امرئ أخر أجله حتى بلغ ستين سنة» أخرجه البخاري. أي لم يبق عذر لمن بلغ الستين من العمر...,«لا تقوم الساعة حتى تخرج نار من أرض الحجاز تضيء أعناق الإبل ببصرى» أخرجه البخاري ومسلم...,«يقبض الله الأرض يوم القيامة, ويطوي السماء بيمينه, ثم يقول: أنا الملك أين ملوك الأرض» أخرجه البخاري ومسلم...,«ما من صباح إلا وملكان يقولان: يا طالب الخير أقبل, ويا طالب الشر أقصر, وملكان موكلان يقولان: اللهم أعط منفقاً خلفاً, وأعط ممسكاً تلفاً» أخرجه البخاري مختصراً وأحمد..,إذا أراد الله بقوم عذاباً أصاب العذاب من كان فيهم, ثم بعثوا على نياتهم» أخرجه البخاري ومسلم..,« أول ما يقضى بين الناس يوم القيامة في الدماء» أخرجه البخاري ومسلم والنسائي والترمذي..,مثل الصلوات الخمس كمثل نهر جار غمر على باب أحدكم يغتسل منه كل يوم خمس مرات> رَوَاهُ مُسلِمٌ...,يتعاقبون فيكم ملائكة بالليل وملائكة بالنهار، ويجتمعون في صلاة الصبح وصلاة العصر، ثم يعرج الذين باتوا فيكم فيسألهم وهو أعلم بهم: كيف تركتم عبادي؟ فيقولون: تركناهم وهم يصلون وأتيناهم وهم يصلون> مُتَّفَقٌ عَلَيهِ...,من غدا إلى...,بشروا المشائين في الظلم إلى المساجد بالنور التام يوم القيامة> رَوَاهُ أبُو دَاوُدَ وَالتِّرمِذِيُّ...,من شهد العشاء في جماعة كان له قيام نصف ليلة، ومن صلى العشاء والفجر في جماعة كان له كقيام ليلة> قال الترمذي حديث حسن صحيح....,إن بين الرجل وبين الشرك والكفر ترك الصلاة> رَوَاهُ مُسلِمٌ...,إن أول ما يحاسب به العبد يوم القيامة من عمله صلاته، فإن صلحت فقد أفلح وأنجح، وإن فسدت فقد خاب وخسر، فإن انتقص من فريضته شيئاً قال الرب عز وجل: انظروا هل لعبدي من تطوع فيكمل بها ما انتقص من الفريضة؟ ثم تكون سائر أعماله على هذا> رَوَاهُ التِّرمِذِيُّ وَقَالَ حَدِيثٌ حَسَنٌ...,خير صفوف الرجال أولها وشرها آخرها. وخير صفوف النساء آخرها وشرها أولها> رَوَاهُ مُسلِمٌ...,أقيموا الصفوف، وحاذوا بين المناكب، وسدوا الخلل، ولينوا بأيدي إخوانكم، ولا تذروا فرجات للشيطان، ومن وصل صفاً وصله اللَّه، ومن قطع صفاً قطعه اللَّه> رَوَاهُ أبُو دَاوُدَ بإسناد صحيح....,عن عائشة رَضِيَ اللَّهُ عَنها أن النبي صَلَّى اللَّهُ عَلَيهِ وَسَلَّم كان لا يدع أربعاً قبل الظهر، وركعتين قبل الغداة. رَوَاهُ البُخَارِيُّ...,عن ابن عمر رَضِيَ اللَّهُ عَنهُما أنهما سمعا رَسُول اللَّهِ صَلَّى اللَّهُ عَلَيهِ وَسَلَّم يقول على أعواد منبره: <لينتهين أقوام عن ودعهم الجمعات أو ليختمن اللَّه على قلوبهم ثم ليكونن من الغافلين> رَوَاهُ مُسلِمٌ...,إذا دخل أهل الجنة الجنة يقول اللَّه تبارك وتعالى: تريدون شيئاً أزيدكم؟ فيقولون: ألم تبيض وجوهنا؟ ألم تدخلنا الجنة، وتنجنا من النار؟ فيكشف الحجاب، فما أعطوا شيئاً أحب إليهم من النظر إلى ربهم> رَوَاهُ مُسْلِمٌ...,إن في الجنة شجرة يسير الراكب الجواد المضمَّر السريع مائة سنة ما يقطعها> مُتَّفَقٌ عَلَيْهِ...,قال اللَّه تعالى: يا ابن آدم إنك ما دعوتني ورجوتني غفرت لك على ما كان منك ولا أبالي، يا ابن آدم لو بلغت ذنوبك عنان السماء ثم استغفرتني غفرت لك ولا أبالي، يا ابن آدم إنك لو أتيتني بقراب الأرض خطايا ثم لقيتني لا تشرك بي شيئاً لأتيتك بقرابها مغفرة> رَوَاهُ الْتِّرْمِذِيُّ وَقَالَ حَدِيْثٌ حَسَنٌ...,لا تخصوا ليلة الجمعة بقيام من بين الليالي، ولا تخصوا يوم الجمعة بصيام من بين الأيام إلا أن يكون في صوم يصومه أحدكم> رَوَاهُ مُسْلِمٌ.....,لا صلاة بحضرة طعام، ولا هو يدافعه الأخبثان> رَوَاهُ مُسْلِمٌ....,: <إذا دعا الرجل امرأته إلى فراشه فأبت فبات غضبان عليها لعنتها الملائكة حتى تصبح> مُتَّفَقٌ عَلَيْهِ....,لا تباشر المرأة المرأة فتصفها لزوجها كأنه ينظر إليها> مُتَّفَقٌ عَلَيْهِ.....,لا تسموا العنب الكرم؛ فإن الكرم المسلم> مُتَّفَقٌ عَلَيْهِ، وهذا لفظ مسلم....,(من أحدث في أمرنا هـذا مـا لـيـس مـنه فهـو رد ). متفق عليه...,عن أبـي رقــيـة تمـيم بن أوس الـداري رضي الله عنه ، أن النبي صلى الله عـليه وسـلم قـال :( الـديـن النصيحة )....,ما نهيتكم عنه فاجتنبوه ، وما أمرتكم به فأتوا منه ما استطعتم ، فإنما أهلك الذين من قبلكم كثرة مسائلهم واختلافهم على انبيائهم ). رواه البخاري ومسلم....,( دع ما يـريـبـك إلى ما لا يـريـبـك ).رواه النسائي والترمذي وقال حديث حسن صحيح...,( من حسن إسلام المرء تركه ما لا يعـنيه ) .حديث حسن ، رواه الترمذي وابن ماجه....,( لا يحل دم امرىء مسلم [ يشهد أن لا إله إلا الله ، وأني رسول الله ] إلا بـإحـدي ثـلاث : الـثـيـب الــزاني ، والـنـفـس بـالنفس ، والـتـارك لـد يـنـه الـمـفـارق للـجـمـاعـة ).متفق عليه..,( اتـق الله حيثما كنت ، وأتبع السيئة الحسنة تمحها ، وخالق الناس بخـلـق حـسـن ).رواه الترمذي وقال : حديث حسن ، وفي بعض النسخ : حسن صحيح ..,عـن أبي العـباس عـبد الله بن عـباس رضي الله عـنهما ، قــال : كـنت خـلـف النبي صلي الله عـليه وسلم يـوما ، فـقـال : ( يـا غـلام ! إني اعـلمك كــلمات : احـفـظ الله يـحـفـظـك ، احـفـظ الله تجده تجاهـك ، إذا سـألت فـاسأل الله ، وإذا اسـتعـنت فـاسـتـعـن بالله ، واعـلم أن الأمـة لـو اجـتمـعـت عـلى أن يـنـفـعـوك بشيء لم يـنـفـعـوك إلا بشيء قـد كـتـبـه الله لك ، وإن اجتمعـوا عـلى أن يـضـروك بشيء لـم يـضـروك إلا بشيء قـد كـتـبـه الله عـلـيـك ؛ رفـعـت الأقــلام ، وجـفـت الـصـحـف ).رواه الترمذي [وقال : حديث حسن صحيح إن مما أدرك الناس من كلام النبوة الأولى : إذا لم تستح فاصنع ما شئت ).رواه البخاري ...,( الطهور شطر الإيمان ، والحمد لله تملأ الميزان ، وسبحان الله والحمد لله تملأن – أو : تملأ – ما بين السماء والأرض ، والصلاة نور ، والصدقة برهان ، والصبر ضياء ، والقرآن حجة لك أو عليك ؛ كل الناس يغدو ، فبائع نفسه فمعتقها ، أو موبقها ..رواه مسلم ...,كل سلامى من الناس عليه صدقة كل يوم تطلع فيه الشمس تعدل بين اثنين صدقة ، وتعين الرجل فى دابته فتحمله عليها أو ترفع له عليها متاعة صدقة ، والكلمة الطيبة صدقة ، وبكل خطوة تمشيها إلي الصلاة صدقة ، وتميط الأذي عن الطريق صدقة ).رواه البخاري ومسلم...,: ( من رأى منكم منكرًا فلغيره بيده ، فإن لم يستطع فبلسانه ، فإن لم يستطع فبقلبه ، وذلك أضعـف الإيمان ).رواه مسلم ...,( لا تحاسدوا ، ولا تناجشوا ، ولا تباغضوا ، ولا تدابروا ، ولا يبع بعضكم على بيع بعض ، وكونوا عباد الله إخوانا ، المسلم خو المسلم ، لا يظلمه ولا يخذله ، ولا يكذبه ، ولا يحقره ، التقوى ها هنا ) ويشير صلى الله عليه وسلم إلى صدره ثلاث مرات – ( بحسب امرىء أن يحقر أخاه المسلم ، كل المسلم على المسلم حرام : دمه وماله وعرضه ).رواه مسلم ...,( إن الله تعالى كتب الحسنات والسيئات ، ثم بين ذلك ، فمن هم بحسنة فلم يعملها كتبها الله عنده حسنة كاملة ، وإن هم بها فعملها كتبها الله تعالى عنده عشر حسنات إلى سبعمائة ضعف إلى أضعاف كثيرة ، وإن هم بسيئة فلم يعملها كتبها الله عنده حسنة كاملة ، وإن هم بها فعملها كتبها الله عنده سيئة واحدة ).رواه البخاري ومسلم...,( كن في الدنيا كـأنـك غـريـب أو عـابـر سبـيـل ).وكـان ابـن عـمـر رضي الله عـنهـما يقول : إذا أمسيت فلا تـنـتـظـر الصباح ، وإذا أصبحت فلا تـنـتـظـر المساء ، وخذ من صحـتـك لـمـرضـك ، ومن حـياتـك لـمـوتـك ...رواه البخاري ...,( لا يؤمن أحدكم حتي يكون هواه تبعا لما جئت به ..حديث حسن صحيح ...,..سبحانك اللهم وبحمدك أشهد أن لا إله إلا أنت ..أستغفرك وأتوب إليك

Monday, July 16, 2007

وداعًا كأبو

الصلاة على النبي

في رواية لأحمد عنه قال قال رجل يا رسول الله أرأيت إن جعلت صلاتي كلها عليك قال إذا يكفيك الله تبارك وتعالى ما أهمك من دنياك وآخرتك وإسناد هذه جيد

المعوذتين

قال ( قل هو الله أحد ) و( المعوذتين ) حين تصبح وحين تمسي ثلاث مرات تكفيك من كل شيء رواه أبو داود

لا اله إلا أنت سبحانك إني كنت من الظالمين

ألا أخبركم بشيء إذا نزل برجل منكم كرب أو بلاء من أمر الدنيا دعا به ففرج عنه دعاء ذي النون لا إله إلا أنت سبحانك إني كنت من الظالمين . ‌ انظر حديث رقم: 2605 في صحيح الجامع

اللهم إني عبدك

قال صلى الله عليه وسلم : ما أصاب مسلمًا قط هم أو حزن فقال

اللهم إني عبدك وابن عبدك وابن أمتك ناصيتي بيدك ماض فيّ حكمك عدل فيّ قضاؤك أسألك بكل اسم هو لك سميت به نفسك أو أنزلته في كتابك أو علمته أحدًامن خلقك أو استأثرت به في علم الغيب عندك أن تجعل القرآن العظيم ربيع قلوبي ونور صدريوجلاء حزني وذهاب همي

إلا أذهب الله تعالى همه وأبدل مكان حزنه فرحًا

قيل يا رسول الله أفلا نتعلم هذه الكلمات؟ قال بلى ينبغي لمن سمعهن أن يتعلمهن... أخرجه أحمد

همًا واحدًا

من جعل الهم همًا واحدًا هم الآخرة كفاه الله هم دنياه ومن تشعبته الهموم لم يبال الله به في أي أودية الدنيا هلك .. رواه الحاكم والبيهقي من طريقه وغيرها وقال الحاكم صحيح الإسناد

أعاننا الله وإياكم

لا تنسونا بصالح الدعاء

Saturday, July 14, 2007

كان يا ما كان

النهاردة يا مولاي هحكيلك حكاية عجيبة .. حكاية غريبة مبتحصلش غير في عالم النيام

قولي يا شهرزاد واشجيني

في عصر من العصور ولا عصر الليمون .. طلع راجل حكيم.. وقال إياك تكون في عصر الليمون بذرة

طلع كتير وكتير وبنات ولا الأساطير وكان من وسط البنات دول يا مولاي بنت نفسها تبقى صحفية

يعني إيه صحفية يا شهرزاد

يعني تخدم في بلاط صاحبة الجلالة يا مولاي تسيأ وتكنس أخبار الناس وتعرفها للناس وتصلح المتكسر وتدغدغ المتصلح البنت دي يا مولاي عملت حوار مع واحد من أجدادك كان اسمه الطاغية السكايار وأنا وصلت للحوار ده يا مولاي سرقته من قناة الجزيرة جبته على دي في دي علشان نتفرج عليه سوا

شغليه بسرعة يا شهرزاد

أنت مين ؟
لو انا مين فـ وسط المدونين أنا صاحب مدونة الحياة... صاحب مملكة النوووم

اسمي الحقيقي خالد وبيدلعوني يقولولي يا عمرو أو كريم أو مصطفى... معرفش ليه

واد مالوش لازمة في الحياة قرر يكون له لازمة ومن هنا بقيت أنا من أكون

مين أكتر ست شخصيات بتحبهم؟
أولا ..اخويا الكبير فيه مابيننا ون تو جامد جدن

التاني .. اختي اللي مفتقدها وكبرتني وبقيت خالو لاننا كنا اصحاب اكتر مننا اخوات

التالت ..الشيخ اللي خد بإيدي لطريق الالتزام والشيخ اللي ساعدني فـ كده بحفظي للقرآن

الرابع .. سكايار .... إيه بتقول إيه؟؟ انجليزي ده يا مرسي؟؟

لأ يا فندم سكايار دوول شلتي الانتيم من أيام اعدادي وثانوي .. عيال جدعان أوي وأخص بالذكر في هذه اللحظة المجيدة

هييييه انت بتقول اييييه

لا ولا حاجة نقلب ع الخامس

حبة عيال حلوين جامدين أوي مش هقول هما مين لازم يبقوا عارفين نفسهم

السادس .. طبيعي لازم يبقى واحد م الستة وإلا هبقى عيل معنديش أصل .. صاحبي بتاع حبة حاجات ورئيسي في الشغل

أنت سعيد؟
الحمد لله جدا جدا جدا ... لا تحسسسسسسسسد

لو اجتمعت انت و حسني مبارك في غرفة واحدة ح تقوله ايه؟
متهيألي الكلام ساعتها مش هيبقى أسلوب حضاري .. فيه حاجات تانية ممكن تتعمل .. آخده مثلا بالحضن واعمل حركة براوليه كده من بتوع سيلفستر .. والله اللي ربنا يقدرني عليه ساعتها هعمله ومش هتأخر
لو معاك مليون و نص ح تعمل ايه ؟
لو معايا مليون جنيه وخمسين قرش ولا معايا مليون ونص جنيه؟؟ لو وخمسين قرش يبقى هجيب بالخمسين قرش واحد كوفي مكس واقعد امخمخ هعمل ايه في البلوة اللي اسمها مليون

لكن لو مليون ونص هقعد اعدهم الأول وبالتالي هستهلك يومين .. وبعد كده هفتح سوبر ماركت وأشتري كوفي مكس واقعد اشرب وافكر هعمل ببقيت الفلوس ايه وابقى ارد فـ تاج تاني
بتحب مصر؟
كده هتخلوني أعيط ... ماتقولش ايه ادتنا مصر علشان مصر ادتنا كتير عيب نقوله أدام الناس
بتحب البنات ؟
مين البنات دول؟؟ لو البنات الصغنطوطين فبموووت فيهم .. لو البنات الكوبارطوطين .. فمبنعرفش نعيش من غيرهم
ايه اكتر موقف محرج اتعرضت له ؟
ياااه .. كان من كام سنة كتير أوي مروح البيت ولقيت واحد واقف في الشارع افتكرته واحد صاحبي ضربته على قفاه وطلعت جري .. ولما لقيته مجريش ورايا بصيت ورايا لقيته مش صاحبي وواقف في ذهوووول

ايه اكتر امنية نفسك ربنا يحققها لك؟

هما أمنيتين

واحدة إني أبقى أفضل شهيد في الاسلام .. وده اتذكر في الحديث الشاب اللي الدجال بينشره نصفين

الأمنية التانية الناس كلها تدخل الجنة

أما عن التاج ده ... أمرره لمييين؟؟؟

الملكة طبعا أول حد

الاستاذ بتاع حبة حاجات

الواد الدكتور مستكنيص حبيب قلبي

مممياااااا

كملي يا شهرزاد

كفاية كده يا مولاي الديك صاااح

يا مسرووووور

سيبني للبوست الجاي الله يخليك

Wednesday, July 11, 2007

خبوني ولا أكلوني... ولا حد يوديني لعمتي

طب أنا أعمل إيه طيب ... والله هيه بقت بتيجي كده ... ومعرفش اشمعنا فـ صلاة الفجر بقى بيحصلي الهبل ده

الطبيعي بتاعي إني بنام بعد الفجر وأصحى الساعة 8 ... واللي بيضايق بابا وماما إني حاطط الموبايل تحت راسي وأنا نايم ... لما بصحى م النوووم ألاقي رجلي بتتكلم في الموبايل معرفش إزاي ... أحيانا بروح أجيب الموبايل من الأوضة التانية ... وكتييير جدا بلاقيه في الحمام ... بس مش ببقى قلقااان يعني طالما لسه مترماش في الشارع فأكيد هلاقيه

النهاردة الفجر بقى حصل موقف محرج جدا جدا جدا

أنا نمت حوالي الساعة 1على غير العادة وهما هماهم الساعتين اللي بنامهم في اليوم وصحيت قبل الفجر وزي ما احنا متفقين أنا وبعض اصحابي إن اللي يصحى فينا الأول يرن على التاني علشان نصحى للفجر أو نلحق ركعتين قبله ... وأنا غالبا ببقى عامل الموبايل صامت ومش برن على الناس قبل نص ساعة م الآدان

النهاردة بقى نمت وسحبت جامد في الساعتين دووول وصحيت مسكت الموبايل وبدات أبحث في الأسماء علشان أرن على الشيخ صاحبي والمشكلة إني مسجل نمرة رئيس جمعية أنصار السنة وكاتب شيخنا فبتلقائية من عقلي الباطن صورلي إن هوه ده الراجل اللي المفروض هرن عليه وتك ورن الموبايل رنة والتانية ولقيت اللي فتح .. قلت مش عوايده يفتح عليا الفجر

الشيخ: السلام عليكم

أنا : وعليكم السلام كيف حالك يا شيخنا

الشيخ: ربنا يبارك فيك ويعزك

أنا بيني وبين نفسي ... الصوت ده أنا عارفه ... ده مش الشيخ إياه ... يا نهار امسك ... ده أبونا الرئيس

أووووبس هتصرف إزااااي؟؟؟

الشيخ: آلو ... آلو

أنا : احم ... احم ... لا مؤاخذة يا شيخنا أنا كنت بتصل على حد تاني بصحيه للفجر معلش جت فيك انت المرة دي هه

بضحك وأنا عارف إنه مرح وهيتقبلها بس منظري مبلوووول جدا

الشيخ : ماشي يا سيدي جزاك الله خير

أنا : ربنا يكرمك يا شيخنا ..طيب مش عايز مني حاجة؟

الشيخ: ربنا يحفظك يا حبيبي... سلامو عليكم

أنا : وعليكم السلام .... ونفخة كده بعد الموقف المحرج ده

وبصيت في الموبايل ... نرن بقى على الراجل اللي كنا هنرن عليه

افتكرت موقف والدي فـ يوم من كام سنة لما أخدت موبايله وقعدت ألعب في السبيد ديال – الاتصال السريع – وحطيت نمر أصحابي عليه ..رخامة يعني

وللأسف النمرة اللي حطيتها بدل بيتنا كانت نمرة عاااشق واتصل هوه ورد عااااشق وكان والدي يومها مسافر فـ مكان وراجع فعلشان يعرفنا إنه وصل بيتصل وقال ... حضر السلطة يا بني على أما آآآآجي

طبعا الصوت اللي رد عليه نفس الصوت الناعم الصغنون بتاع سكايار

لكن مااااعلينا .... عااااادي جدن ... اظاهر إن العيلة دي كلها كده

تعمل ايه لو صحيت م النووم لقيت نفسك اتصلت بحد متعرفوووش وانت نايم بتحلم وفضفضت معاه واكتشفت ده بعد ما صحيت

Saturday, July 07, 2007

أنا أخاف م الكلب... يطلع لي أسد؟؟

امبارح كنت كالعادة مطبق لحد الفجر ، قاعد أراجع حفظي وأذاكر والروايات بتاعة كل يوم دي وببص في الساعة لقيتها 3.30 وكان عندي حل من اتنين يا إما أنام وانت ونصيبك بقى لو صحيت للفجر أو تقعد التلات أربع ساعة دي وأهو انتظار الصلاة كإنك في صلاة بقى وحاجات من كده
المهز قلت خليك صاحي يا واد ... وانزل صلي في الجمعية الشرعية بقالي كتير مصليتش هناك والناس اللي هناك وحشوني
وطبعا بما إني نازل الجمعية الشرعية فمش طالبة كجولة وروايات من دي فتحت الدولاب طلعت العدة اللي هيه عبارة عن جلبية وسروال ولبست ونزلت
طبعا رحت سلالم سلالم وانت فين يا طفاش ... خلصنا صلاة وخرجت م المسجد قلت اعمل شورت كت وأدخل من شوارع جانبية
يا سلاااام ع الشوارع الجانبية ... اكيد كلنا شفنا الغزال في التليفزيون قبل كده أو في الحديقة ...صح؟
أيوة هوه جسمه واخد نص متر من راسه لغاية الديل ورجليه كمان واخدالها نص متر وودانه طويلة كده وتحس إنه أهبل
لكن للأسف ده مكانش غزال .... ده كان كلب .... عاااااااااااااااااااا
أنا شفت المنظر من هنا وأنا خلاص في نص الشارع يعني مينفعش أرجع ... يا نهار امسك طب اتصرف ازاي دلوقتي؟؟؟
الكلمة الوحيدة اللي فضلت ماسكها أعوذ بكلمات الله التامات من شر ما خلق ... هوه اللي بيقولها تلات مرات مش بيصيبه حاجة لكن أنا تقريبا قلتها عشروميت مرة من فيلم الرعب اللي انا فيه ... المهم عديت المخلوق الغريب ده وماشي وخياله متابعني خطوة بخطوة
طب اتهبب على عيني أعمل إيه ؟؟؟ يا دي النيلة عليا وعلى أعدائي؟؟؟ يعني كان لازم تنزل الجامع البعيد ده ؟؟؟ ما كان جنبك جامع ورا بيتكم وجنبك الكنيسة كمان ... كان هيجرى إيه لو خطفت ركعتين الفجر مع أبونا ...طب أجري؟؟؟ ما أكيد هيجري ورايا المتخلف ده
عايز أعيييييط أنا بخاف من الحيوانات أصلا قعدت أتخيل ساعتها بقى على موسيقى تصويرية لفيلم أجنبي أهل البلدة خارجين بأخشاب مشتعلة نار في ظلام الليل الدامس - حلوة الدامس دي- يبحثون عن المخلوق الغريب في البلدة الذي التهم ابنهم السكايار ... عااااا بقى آخرتي تبقى كده؟؟
واخيرا المخلوق المتخلف ده فهم أخيرا الاستعاذة اللي أنا قلتها فدخل في شارع تاني ... وتنفست الصعداء - برضه حلوة الصعداء دي - وقلت ألحق أنا وأدخل في شارع تاني أحسن يرجعلي ... لكن اظاهر عليا أنا اللي فقر
الشارع فيه قطة وتلات قطط ولادها وقاعدين يفطروا ع الصبح ... وعارفين القطط بقى لما تلمح حد وعيالها بيلعبوا في الشارع أو بياكلوا.... هوه أنا لقيتها فتحت بقها وسنانها بانت بطريقة غريبة وعملت صوت تعبان كده ححححححح ... أنا قلت اليوم ده مش هيعدي على خير
لكن الاستعاذة كانت لسه سارية المفعول والقطة بصت لولادها وقالتلهم كلوا كلوا ده باين عليه عبيط
بصراحة انا قلت عبيط عبيط لكن ميلمسنيش حيوان
وروحت البيت وقررت إني أمشي عدل تحتار حيوانات السكك فيا
الجميل بقى ... لو صحيت م النووم لقيتك في الموقف ده ؟؟؟هتعمل إيه يا جميييل؟؟

Thursday, July 05, 2007

بخـــــــــــــــاف..... ولكن

بخاف م الضحكة لو تطلع تكتف شمسها أحزان

وخاف من عيني لو تلمح دموع حضنة عيون انسان

وخاف م البسمة لو ترحل

وخاف م الجرح جاي ينحل

ولو مرت عليا سنين

أخاف لتكون حياتي أنين

وبرجع جوه قلبي أمان

لا خاف من بسمة فارقتني

ولا أيام وعدتني

ما يمكن بسمتي سكنت عيون تانية

وايامى يجوز ترجعلي بالدنيا

فخاف من إيه؟

وخاف على إيه؟

أخاف من رب كل الكون لكون فـ مكان مهوش ليا

وخاف من بنت بتسبل عيونها جميلة عسلية

وخاف ليكم وخاف ليا

واحلام طفل وردية

بترسم ضحكة فـ عينيا

وتنزل شارع الدنيا

تلاقي عيال مرمية

وأب و حالته مش هيه

وأم فـ رغي ملهية

وجد وجدة مش ع البال

وناس جبارة مؤذية

ملانة كراهة وأذية

وناس ع القرش مرزية

وناس بالكبر معمية

أقولكوا حاجة يا خوانّا؟

بحب الشعب بالنية

وبعشق مصر لو هيه

كانت مليانة حرامية

وبسأل تاني خاف من إيه؟

أخاف لو يوم صحيت م النوم

ألاقي الحب مش فيا

يَا بُنَيَّ إِنَّهَا إِنْ تَكُ
مِثْقَالَ حَبَّةٍمِنْ خَرْدَلٍ
فَتَكُنْ فِي صَخْرَةٍ
أَوْ فِي السَّمَاوَاتِ أَوْ فِي الْأَرْضِ
يَأْتِ بِهَا اللَّهُ
إِنَّ اللَّهَ لَطِيفٌ خَبِيرٌ
يَا بُنَيَّ أَقِمِ الصَّلَاةَ
وَأْمُرْ بِالْمَعْرُوفِ
وَانْهَ عَنِ الْمُنْكَرِ
وَاصْبِرْ عَلَى مَا أَصَابَكَ
إِنَّ ذَلِكَ مِنْ عَزْمِ الْأُمُورِ
وَلَا تُصَعِّرْ خَدَّكَ لِلنَّاسِ
وَلَا تَمْشِ فِي الْأَرْضِ مَرَحًا
إِنَّ اللَّهَ
لَا يُحِبُّ كُلَّ مُخْتَالٍ فَخُورٍ
وَاقْصِدْ فِي مَشْيِكَ
وَاغْضُضْ مِنْ صَوْتِكَ
إِنَّ أَنْكَرَ الْأَصْوَاتِ
لَصَوْتُ الْحَمِيرِ

واصبر نفسك

اللهم يا صاحبي عند شدتي
يا مؤنسي في وحدتي
يا حافظي في غربتي
ياوليي في نعمتي
يا كاشف كربتي
يا سامع دعوتي
يا راحم عبرتي
يا مقيل عثرتي
يا إلهي الحقيق
ويا ركني الوثيق
يا جاري اللصيق
ومولاي الشفيق
يارب البيت العتيق
أخرجني والمسلمين ومن سألنا الدعاء وسألناه الدعاء من حِلق الضيق إلى سعة الطريق
بفرج من عندك قريب وثيق
واكشف عنا كل شدة وضيق
واكفنا من السوء والأذى ما نطيق وما لا نطيق
اللهم إن لي أحبة في كل درب وصحبة
فاغفر لهم وأعنهم ويسر لهم أمر رشدٍ
يعبدوك لا يغفلون عن عبادتك ويرضون بما قسمته ويفرحون بقضاءك
اللهم لم تخذلني في نفسي فلا تخذلني فيهم أبداً
وصلى اللهم على نبينا محمد وعلى آله وصحبه وسلم